Po çfarë ka ndodhur realisht, pse gjithë ky sulm me municion të rëndë ndaj Albin Kurtit, kur realisht as nuk ka zhvillime, dhe as ndonjë mundësi për tu rrëzuar qeveria. Po sulmohet Albin Kurti e Vjosa Osmani, që ndodhen në SHBA, duke i akuzuar se nuk po arrijnë të sigurojnë ndonjë takim të hajrit në Shtëpinë e Bardhë. Në fakt, e vërteta është krejt ndryshe. Në Uashington, me qartësisht në Kongresin e SHBA po zhvillohet një aktivitet shumë i gjerë për të përkujtuar luftën e SHBA-ve për çlirimin e Kosovës, dhe për të treguar sa më qartë të vërtetën e krimeve serbe.
Detyrimisht në këtë seri aktivitetesh që janë koordinuar edhe nga kongresmenët apo diaspora jonë në SHBA, ka shumë përfaqësues të Kosovës. Janë Presidentja Vjosa Osmani, Kryeministri Albin Kurti, Ramush Haradinaj, si politikan i opozitës, por edhe si një nga udhëheqësit e Luftës Çlirimtare. Atje është Besarta Jashari, vajza e Hamzës, një prej heronjve kombëtarë të shqiptarëve, e cila ka prekur kongresin me dëshminë e saj të mbijetesës si e vetmja nga 23 anëtarët e familjes që ka mbetur e gjallë. Kohët kanë ndryshuar, kongresmenët e 1999-s ose kanë vdekur, ose janë shumë të vjetër a në presion, ngjarjet kanë rrjedhur e shumë në SHBA nuk arrijnë me mendje nga Prishtina. Besarta vetë, nga një fëmijë 11 vjeçare është grua e nënë, e ndaj rrëfimi i saj merr vlerë shumë më të madhe për të treguar holokaustin e shqiptarëve. Bashkë me Besartën janë edhe përfaqësues të familjeve të të zhdukurve dhe të grave të dhunuara.
E në këtë atmosferë, pra në një kohë kur dihet qartë përse po zhvillohen gjithë këto aktivitete, në Prishtinë është ndezur një zjarr, ndërkohë që temperaturat kanë arritur mbi 20 gradë.
Po përse vallë? Sepse të gjitha mediat që influencohen nga bizneset më të fuqishme në fushën e infrastrukturës dhe ambientit, e që kontrollojnë realisht gjysmën e ekonomisë, kanë zbuluar se Albin Kurti shumë shpejt do të shkarkojë ministrin Liburn Aliu, e kjo mund të shkaktojë një tronditje të madhe në treg.
Pakënaqësitë e qytetarëve janë rritur nga rritja e çmimeve në tregun kosovar, rritja e çmimeve të karburanteve në mënyrë të njëanshme dhe mos marrja e masave nga Qeveria e Kosovës, mësohet se ka marrë përgjigje nga Kryeministri se nuk do të luhet pa nxjerrë përgjegjësit.
Prej ditësh është ngritur një ekip special, i cili përveç masave administrative, ka propozuar edhe masa strukturore. Si masa administrative pritet largimi i Liburn Aliut, të cilit i është kërkuar dorëheqja prej një muaji, ndryshe i është bërë e ditur se do të shkarkohet sipas ligjit. Nga ana tjetër, pritet që së shpejti Qeveria e Kosovës të marr masa në tregun e derivative në lidhje me çmimet e rritura, duke ndëshkuar sipas ligjeve të gjithë ato operatorë që kanë fryre çmimet në këtë kohë krize.
Tashmë mbahet mend që pas çlirimit, tregu i karburanteve u vu në duart të elitës së vjetër politike. Mbahet mend anekdota e kryeadministratorit të parë të Kosovës, Bernard Kushner, në intervistën me Adem Milullocin. Kur aktori i njohur, në rolin e drejtuesit të një show-u shumë popullor e pyet me shaka Kushnerin se përse nuk hap ndonjë ordinancë private (ai ishte mjek) e shefi i UNMIK ju përgjigj po me shpoti: “S’fiton me ordinanca, ma mirë me hap një pomp benzine”.
E pikërisht kjo situate krizë ekonomike dhe në situatën kur Kosova është në presion të bashkësisë ndërkombëtare për bisedimet me Serbinë, Liburn Aliu, shfrytëzoj situatën në favor të xhepave të tij, i cili preferoi të ruajë lidhjet me oligarkët, duke mos prerë asnjë lidhje me mafian e ndërtimit dhe të infrastrukturës.
Liburn Aliu, është ministri që u hetua dhe u kërkua të shpallet i pandehur nga prokuroria themelore për korrupsion, por që e mbylli çështjen me procedurë. Gjykata nuk lejoi hapjen e hetimeve jo në themel me alibi administrative.
Lemeria e skandaleve që mbajnë emrin e Liburn Aliut nuk kanë të sosur. Që nga 33 tenderët e firmosur në një muaj pa zhvilluar asnjë garë, por duke ja dhënë të drejtën ekskluzive subjekteve të paracaktuara, tek konfliktet e tmerrshme të interesit, ku janë vlerësuar subjekte ekonomike që paguajnë ministrin, e deri tek arrestimi i një familjari të afërt të tij, siç ishte dhëndri Berat Lahu, për skandalin e ndërtimit në Brezovicë.
Ministri i Infrastrukturës, Liburn Aliu, me datë 20.04.2022 firmosi një marrëveshje bashkëpunimi me Kolegjin Ndërkombëtar për Biznes dhe Teknologji, në të cilin ai ka ushtruar funksionin e profesorit.
Për këtë mori kritika të ashpra te cilat ngritën dyshime për konflikt interesi në rastin e nënshkrimit të marrëveshjes. Megjithatë ministri Aliu nuk e ka thënë asnjë fjalë për konfliktin e mundshëm të interesit, në të cilin mund të gjendet ai. Kjo mësohet të jetë arsye përfundimtare qe Kryeministri Kurti ka ftohur marrëdhëniet me Ministrin Aliu.
Qeveria e Kosovës ka kohë qe kritikat me të mëdha i merr pikërisht nga skandalet e Ministrit Liburn Aliu, që nga mediat në Kosovë quhet “Adem Grabovci” i Vetëvendosjes apo “Adem Grabovci 2.0”
E pikërisht largimi i Ministrit të Infrastrukturës është bërë thuajse fakt nga ngritja e grupit të punës që ka hartuar të plotë raportin, i cili tashmë është në tryezën e kryeministrit Albin Kurti. Ndaj dhe është ndezur furra e tmerrshme e të gjithë gjobaxhinjve mediatikë të Prishtinës. Por ata nuk e njohin fare Albin Kurtin, të cilin e kanë sulmuar egërsisht prej një viti dhe ngaqë nuk i kanë gjetur gjë, e kanë marrë për dobësi. Ishin mësuar me Hashimin, i cili tërhiqej nga çdo presion e ofronte pazar. Natyrisht dikush i ka thënë që Albini “nuk është Hashimi”, po nuk se kanë rrugë tjetër, veçse të lehin…/Pamfleti
