Presidenti serb ka thënë në TV ‘Pink’ se “ajo që ka ofruar ai nuk ka mundur të kalojë për shkak të presionit të madh të disa shteteve dhe shërbimeve të tyre të inteligjencës, të cilat kanë aktivizuar agjenturat e tyre politike e mediale në vende të ndryshme”.
Ai më tej tha se ata që e kritikojnë fillimisht kanë thënë se nuk kishin dëgjuar asnjë zgjidhje dhe propozim prej tij, por sërish e sulmuan.
“Ju e shihni se çfarë hipokrizie e përgjithshme. Thoni se nuk e keni dëgjuar se çfarë përmban ai propozim [për Kosovën]. Pajtohem, që nuk keni dëgjuar. Pse atëherë e keni sulmuar [propozimin]. Shkaku i kësaj ma keni hequr kokën në mënyrë metaforike, por nuk keni dëgjuar as çfarë është. Tash kur them se dështoi, thoni se nuk e keni dëgjuar [propozimin]. Pse atëherë sulmuat dhe shkatërruat çdo gjë, pa dashur as të dëgjoni”, pyeti Vuçiq, përcjell Telegrafi.
Ai shtoi se u organizua dialogu i brendshëm, por një pjesë e opozitës nuk ka paraqitur propozimin e saj për zgjidhjen e çështjes së Kosovës.
“Tash ju pyes juve cila është zgjidhje tani, përveç që Kosova në të ardhmen, jo me vullnetin tim, sepse unë nuk do ta pranoj, do ta fitojë pavarësinë dhe sovranitetin në tërë territorin e saj. Pastaj unë do të pyes shumë nga ata që protestuan dhe thanë shumë gjëra – pse e keni bërë këtë dhe si është e mundur që nuk keni qenë në gjendje të shikoni realitetin dhe keni penguar që Serbia të fitojë diçka për popullin dhe vendin e saj”, tha Vuçiq.
Por Vuçiq nuk ka harruar të mburret me fuqinë ushtarake që ka sot Serbia. Më 10 maj në qytetin e Nishit do të mbahet një paradë ushtarake. Me këtë rast presidenti serb Aleskandar Vuçiq e ka ftuar popullatën këtij qyteti për ta shikuar këtë parakalim, transmeton Koha.net.
“Ejani për të parë shumë gjëra të reja në ajër. Do të mundë t’i shihni për herë të parë gjërat ushtarake me të cilat jemi pajisur sivjet, keni për të para si ka përparuar Ushtria serbe, keni për të parë se sa e fuqishme është ajo”, citon gazeta ”blic” të ketë thënë Vuçiq i cili ka shtuar se kjo ushtri do të bëhet edhe më e fuqishme.
