Ekonomi

BE: Taksa ndaj SHBA-ve, mbrojmë interesat tona

Komisioneria për Tregtinë në Bashkimi Europian, ka njoftuar vendosjen e masave reciproke ndaj tarifave amerikane duke filluar nga korriku

Cecilia Malmstrom ka njoftuar vendosjen e masave reciproke ndaj tarifave amerikane duke filluar nga korriku, raporton TCH.

“Mund të marrim masa paraprake që në korrik. Kjo është në fokus të diskutimeve. Ne duam të shohim më parë rezultatet e këtyre masave”, ka thënë Malmstrom për agjencinë e lajmeve “Reuters”.

Në bazë të rregullave të Organizatës Botërore të Tregtisë, BE mund të vendosë tarifa mbrojtëse të përkohshme deri në 200 ditë, nëse nga kontrollet paraprake rezulton se importet e rritura kanë shkaktuar ose kërcënojnë të shkaktojnë dëme serioze ndaj industrive europiane të çelikut dhe aluminit.

Komisioni Europian, që mbikëqyr politikat tregtare ndërkombëtare për 28 vendet anëtare, kreu një studim në fund të Marsit për të verifikuar nëse tarifat e paralajmëruara amerikane për të frenuar prodhuesit kinez do të përmbytnin Europën me çelik.

Previous ArticleNext Article

Leave a Reply

Your email address will not be published. Required fields are marked *