Ekonomi, Lajmi kryesor

Çfarë po ndodh me monedhën elektronike? Njihuni me kontratat e së ardhmes së Bitcoin

Kontratat e së ardhmes të Bitcoin mund të krijojnë po aq shumë rreziqe sa edhe t’i lehtësojnë. Pa përmendur këtu flluskën në kontratat e së ardhmes së zhardhokëve të tulipanëve. Shpeshherë e promovuar dhe e cilësuar si një mënyrë për të zvogëluar rrezikun, kontratat e së ardhmes po shihen si një “fytyrë e re” e lojërave të fatit, shkruan The Economist

Këtu mund të përmendim flluskën e kontratave të së ardhmes për zhardhokët e tulipanëve e cila filloi të praktikohej në Holandë në vitet 1636. Po kështu edhe dy kontratat e para të së ardhmes në botë lidhen me bitcoin-in.

E para u lançua Bursën Chicago Board Options më 10 dhjetor, ndërsa tjetra rreth një javë më vonë në Bursën Chicago Mercantile.

Duke qenë se çmimi i bitcoin ka arritur në nivele shumë të larta, poseduesit e saj mund të jenë më në fund të lumtur që kanë një mënyrë për të mbrojtur ekspozimin e tyre.

Por për shumë prej tyre, kontratat e së ardhmes janë thjesht një formë ndryshe prezantimi. Të dyja kontratat vendosen me para cash (p.sh., për diferencën midis çmimit të rënë dakord dhe çmimit aktual).

Asnjë shkëmbim bitcoin nuk është i nevojshëm dhe në mënyrë të ngjashme edhe në precedentin e hershëm holandez, nuk u përfshi asnjë zhardhok tulipani.

Tregtia e hershme në Bursën Chicago Board Options, me siguri sugjeron një treg spekulativ.

Në orët e para, çmimet u rritën aq shpejt sa tregtimi për herë të dytë u pezullua. Kontrata deri më tani janë tregtuar me një çmim të konsiderueshëm, deri në 2,000 dollarë.
Ky fakt sugjeron se ka më shumë blerës sesa shitës, edhe pse shitja në tregun e kontratave të së ardhmes paraqet një mënyrë për të qenë kundër bitcoin-it.

Ndoshta investitorët janë të gatshëm të paguajnë disa çmime premium, për t’iu shmangur shqetësimeve në rritje që kanë për qëllim blerjen e bitcoin.

Në ditët e fundit, shumë shkëmbime bitcoin janë përballuar me dështimet e sistemeve. Edhe çmimet kanë ndryshuar midis shkëmbimeve deri në 25%.

Dhe hakerat vodhën bitcoin me vlerë 64 milionë dollarë (në atë kohë) nga një shkëmbim slloven.

Por kontratat e së ardhmes kanë problemet e tyre. Çmimi në Bursën Chicago Board Options është caktuar pas zhvillimit të një ankandi për shkëmbimin e bitcoin-it me vlerë modeste, Gemini.

Në të kundërt, çmimi në Bursën Chicago Mercantile do të bazohet në një indeks të përbërë nga të dhëna të marra nga katër bursa.

Kolaterali i kërkuar për pastrimin e kontratave, thekson më shumë rrezikshmërinë e tyre. Kontratat e së ardhmes në Bursën Chicago Board Options kërkojnë 44%; ato të Bursës së Chicago Mercantile kërkojnë 35%, por më vonë shifra u rishikua dhe u ndryshua në 47%. Në shumicën e kontratave të së ardhmes, kufiri shkon nga 5-15%.

Thomas Peterffy, kreu i Interaktive Brokers, një broker shumë i madh, paralajmëron se mund të ketë rrezik për vetë procesin e Kleringut.

Bitcoin, thekson ai, “mund të arrijë çdo çmim”. Nëse kontratat e së ardhmes së bitcoin arrijnë në një numër të lartë, çmimet e bitcoin do të rriten aq shumë sa klientët fundorë nuk do të jenë në gjendje të rrisin marzhin e fitimit, brokerat (ndërmjetësit) do të ndodhen në një situatë të vështirë, e cila mund të çojë edhe në falimentimin e disa ndërmjetësve.

Kjo do të bënte përgjegjës sistemin e kleringut për hapjen e kontratave, një detyrë e vështirë nëse marzhi i fitimit për kontratat e së ardhmes së bitcoin është i përzier me atë të kontratave të tjera, siç është tani.

Z. Peterffy mendon se shkëmbimet duhet të pastrojnë të ardhmen e bitcoin-in, duke e kanalizuar atë në një entitet të veçantë juridik.

Janë të shumtë personat që ndajnë të njëjtin shqetësim me të. Në një letër të hapur të hapur drejtuar Komisionit të Tregtimeve të Kontratave të së Ardhmes (CFTC), rregullatori i kontratave të së ardhmes në Amerikë, Shoqata e Industrisë së Kontratave të së Ardhmes (FIA), një organizëm global tregtar, kritikoi përdorimin e një procesi vetëcertifikimi për kontratat e reja.
Në të argumentohej edhe fakti se kjo nuk i lejonte krijimin e hapësirës së duhur për zhvillimin e një debati rreth masave të duhura mbrojtëse dhe nëse një klering i ndarë do të ishte i nevojshëm.

Ka hapësirë për një debat rreth masave të duhura mbrojtëse dhe nëse ishte e nevojshme një pastrim i veçantë. Ed Tilly, shefi i Bursës së Chicago Board Options, shprehet se akuzat ndaj firmës së tij për mungesë transparence janë të padrejta, sepse ajo e ka diskutuar bitcoin me Komisionin e Tregtimeve të Kontratave të së Ardhmes dhe me Bursën e Chicago Mercantile për muaj të tërë.

Përpos këtij shqetësimi, shumë ndërmjetës janë duke ndihmuar klientët të përdorin kontratat e reja të së ardhmes.

Optimistët shpresojnë se kontratat e së ardhmes të bitcoin do të bëhen më të qëndrueshme dhe madje do të ndikojnë edhe në forcimin e tregjeve kryesore.

Ndërsa pesimistët kujtojnë se bumi i kontratave të së ardhmes për tulipanët në fillim të viteve 1636 u pasua shumë shpejt nga falimentimi në vitin 1637.(monitor)

Previous ArticleNext Article

Leave a Reply

Your email address will not be published. Required fields are marked *