Pritje legjendare , 500 mijë tifozë i urojnë kështu mirseardhjen ekipit kampion

Rreth 500 mijë francezë mbushën Champs-Elysees pasditen e së hënës, ku pritën heronjtë e tyre, të cilët rikthyen në Francë Kupën e Botës pasi mundën Kroacinë 4-2 në finalen e Botërorit një ditë më parë

Një festë e jashtëzakonshme pushtoi Francën një ditë më parë, ndërsa ajo ka vazhduar gjatë dhe ende nuk është mbyllur.

Ndërkohë, heronjtë francezë kanë zbritur në tokën e tyre të cilën e kthyen në “çatinë e botës” një ditë më parë pas triumfit në Rusi.

Cristiano Ronaldo prezantohet dhe flet për herë të parë si lojtar i Juventusit

Ronaldo ka bërë prezantimin e tij si lojtar i Juventus para gazetarëve italianë dhe jo vetëm. Këto kanë qenë deklaratat e bëra nga kampioni portugez

– Si ndihesh?

“Jam shumë i përgatitur për këtë sfidë. Kam besim dhe besoj se gjërat do të shkojnë si në klubet e tjera ku kam luajtur”.

– A je i mërzitur për largimin nga Real Madrid?

“Nuk jam aspak i mërzitur. Jam te një klub i madh me lojtarë të mëdhenj. Kam falënderuar Juventus-in për mundësinë që më ka dhënë.

– A do të vazhdosh të luash më kombëtaren?

“Nuk do t’ia kthej kurrë krahët kombëtares, nëse do të ketë nevojë për mua”.

– A ke ndonjë mesazh për tifozët e mërzitur të Real Madrid?

“Siç thashë më parë, ka qenë një histori e jashtëzakonshme ajo që kam pasur me Real Madrid, një klub që më ka ndihmuar shumë. Falënderoj tifozët, por tani duhet të nis një kapitull të ri të jetës sime”.

– Çfarë i thoni tifozëve të Juventus që ju kanë kërkuar Champions-in?

“Do të kërkoj t’i tregoj italianëve se jam një lojtar shumë i mirë, por nuk mendoj se kam diçka për të treguar. Më pëlqejnë sfidat, nuk jam asnjëherë i kënaqur me veten. Duhet të kesh edhe fat, por edhe duhet ta kërkosh fatin. E di se Champions League është një trofe që e duan të gjithë. Ekziston mundësia që ta fitojmë, por do të luajmë për të gjitha kompeticionet: Seria A, Champions, Kupa e Italisë. Champion është shumë i vështirë, siç e ka provuar vetë Juventus në finalet e fundit. Shpresoj të kem fat dhe ta fitojmë”.

– A kanë ndikuar te vendimi juaj duartrokitjet që keni marrë nga tifozët bardhezinj në ndeshjen e Champions League kundër Juventus?

“Ka qenë një moment shumë i bukur dhe special. Edhe pritja e sotme ka qenë shumë e bukur, motivuese për të ardhmen. I falënderoj për gjithçka”.

– A e dije që do të vije tek Juventus në përfundim të finales së Champions League?

“Nuk kisha vendosur akoma asgjë. Nuk mendoja se do të vija te një klub kaq i madh. Falë presidentit Agnelli dhe gjithë klubit që kanë menduar për mua. Jam mirë fizikisht dhe emocionalisht. Kjo etapë e re është një motivim i madh për mua”.

– A keni pasur oferta të tjera?

“Jo, ka qenë e vetmja”

– Kur do të vijë debutimi me Juventus?

“Do të filloj të stërvitem me 30 korrik. Dua të luajë në ndeshjen e parë të kampionatit”.

– A do të shkosh te Sporting në përfundim të kontratës me Juventus?

“Sporting është një skuadër shumë e rëndësishme për mua. Ajo që dua është të fitoj me Juventus, nuk kam ardhur këtu me pushime. Do të kërkoj t’ju befasoj të gjithëve”.

Festë në Paris, lot në Zagreb!(foto)

Mijëra tifozë francez kanë ndjekur finalen e madhe të Botërorit të Rusisë nga sheshi kryesorë “Champ de Mars”, pranë Kullës “Eiffel” në një ekran gjigand prej 140 metrash katror

Rreth 90 mijë tifozë kanë qenë të grumbulluar në këtë shesh për të ndjekur ndeshjen, ndërkohë që me mijëra kanë qenë edhe forcat e policisë që janë munduar të shmangin çdo problem gjatë grumbullimit të tifozëve, që kishin filluar të mblidheshin që nga ora 11:00 e paradites të së dielës.

Temperaturat e larta prej 31 gradësh nuk pengoi aspak festën që u bë në qendër të Parisit në pas këtij suksesi historik të përfaqësueses Franceze për herë të dytë në histori.

Edhe në qendër të Zagrebit rreth dy orë përpara fillimit të ndeshjes tifozët u grumbulluan në sheshet kryesore të veshur me fanellat e përfaqësueses së tyre dhe me flamujt kombëtarë.

Atmosfera u bë elektrizuese në momentin e golit të Perisic, por gjithçka për kroatët u mbyll në lot për humbjen e një shansi shumë të mirë, por që gjithsesi edhe kjo humbje la një shije pozitive për atë çka dha Kroacia në kampionatin botëror.

Luka Modric shpallet Lojtari më i Mirë i Kupës së Botës 2018

Kapiteni i Kroacisë, Luka Modric, e ka fituar Topin e Artë në Kupën e Botës 2018 në Rusi

Mesfushori i Real Madridit u shpall lojtari më i mirë i turneut pasi e ndihmoi Kroacinë ta arrijë finalen e së dielës, të cilën e humbi ndaj Francës.

Franca fitoi 4-2 ndaj Kroacisë, por Modric pati një turne të shkëlqyer duke e udhëhequr mesfushën kroate drejt finales historike, të parës ndonjëherë për këtë vend.

Modric i ka lënë pas Eden Hazardin dhe Antoine Griezmannin, në vendin e dytë dhe tretë përkatësisht.

Franca shpallet kampione e Botës për herë të dytë

Franca e ka fituar për herë të dytë Kupën e Botës pasi e mposhti Kroacinë në finale të Botërorit Rusia 2018 të dielën në Moskë

Pas Botërorit më 1998 në shtëpinë e vet, Franca e ka fituar edhe Botërorin Rusia 2018, duke e mposhtur Kroacinë 4-2, e cila bëri histori duke e arritur finalen e Kupës së Botës për herë të parë.

Francezët, që vinin nga një finale zhgënjyese në EURO 2016 kur u mposhtën nga Portugalia, shënoi në rastin e parë në ndeshje, përkundër një dominimi të Kroacisë, kur Mario Mandzukic shënoi në portën e vet pas një harkimi nga Antoine Griezmann, raporton Gazeta Express.

Por, dominimi i Kroacisë në këtë pjesë lojë u shpërblye nga një veprim fantastik vetjak i anësorit të Interit, Ivan Perisic, i cili shënoi me gjysmë-vollei për 1-1 pas rreth gjysmë ore lojë.

Pesë minuta para fundit, Franca fitoi penallti kontroverse, e cila u akordua vetëm pasi gjyqtar i ndeshjes e konsultoi VAR-in (video asistentin e referit), të cilën në gol e konvertoi Antoine Griezmann.

Me kaq u mbyll një pjesë e parë, në të cilën Kroacia mbase meritoi më shumë. Megjithatë, Franca u fut në pjesën e dytë me një fytyrë tjetër dhe u tregua vrastare në çdo rast duke mos i lëshuar mundësitë.

Paul Pogba shënoi nga distanca duke e lënë të shtangur portierin kroat kur akrepat treguan një orë lojë. Për t’ia këputur këmbët kroatëve, Kylian Mbappe shënoi super gol nga largësia vetëm pesë minuta më pas.

Një fije shprese Kroacisë ia dha Hugo Loris me një gabim trashanik, kur tentoi ta kalonte sulmuesin Mandzukic, i cili ia vodhi topin dhe shënoi në portën e zbrazet tamam kur kishin mbetur vetëm edhe 20 minuta lojë. Kroacia u mundua deri në fund, por Franca u tregua tejet e qëndrueshme duke mos pranuar më gola.

Pamje të rralla: Para 28 viteve Modric ishte bari i dhive, nesër e udhëheq Kroacinë në finale të Botërorit

Janë publikuar disa pamje të rralla të kapitenit të Kroacisë, Luka Modric, kur ishte vetëm pesëvjeçar. Modric do të jetë kapiten i Kroacisë në finalen e parë historike të saj në Kupën e Botës të dielën kundër Francës. Ai do ta organizojë mesfushën kroate, por para 28 viteve ruajtja e dhive në bjeshkën Velebit ishte detyra e tij më e vështirë, transmeton Gazeta Express

Pavle Balenovic e kapi Modricin në kamerën e tij teksa po e xhironte një dokumentar për kafshët e egra në mesin e viteve 1989 dhe 1990, por vetëm tani e ka kuptuar se në videot e tij ishte një fëmijë që sot është superyll në ekipin e Real Madridit, transmeton Gazeta Express.

“Familja Modric ishte shumë e mirë, njerëz këndshëm. I vizitoja sa herë që shkoja për të xhiruar për kafshët e egra në bjeshkë. Mora pamje të mikut tim dhe të birit të tij teksa po i mblidhnin dhitë teksa e xhiroja dokumentarin për kafshët e egra. Ndodhi më 1990, pak para se lufta ta shkatërronte shtëpinë e tyre. Para pak vitesh zbulova se kush ishte djaloshi i vogël që po i mblidhte dhitë me të atin në episodin tim. Ai djalosh u bë futbollist i famshëm kroat – Luka Modric”, ka shkruar Pavle, përcjell Express.

Ai ka thënë se Modric nuk i ka parë këto pamje, pasi ato janë publikuar për herë të parë tash së fundmi.
“Ai nuk i ka parë këto pamje (të bëra më 1989-90) sepse kjo është hera e parë që publikohen”, tregoi ai.

Belgjika e fiton vendin e tretë

Belgjika e ka fituar vendin e tretë në Kupën e Botës 2018 në Rusi, pasi e mposhti Anglinë 2-0 në meçin për medalje të bronztë shtunën në Shën Petersburg

Djelmoshat e Roberto Martinez e nisen furishëm ballafaqimin duke kaluar në epërsi pas vetëm katër minutave lojë, kur mbrojtësi Thomas Meunier shënoi pas një harkimi të përkryer nga Naser Chadli, raporton Gazeta Express.

Në vazhdim Anglia kontrolloi më shumë lojën por nuk arriti të krijoi, ndërsa Belgjika e humbi mesfushorin Chadli i cili u detyrua ta lërë ndeshjen shkaku i lëndimit pesë minuta para pushimit mes pjesëve.

Gareth Southgate bëri dy zëvendësime në fillim të pjesës së dytë, duke e futur Marcus Rashfordin në vend të Raheem Sterling dhe Jessie Lingard në vend të Danny Rose.

Megjithatë, kjo nuk i bëri shumë punë anglezëve të cilët nuk arritën t’i konkretizonin rastet e krijuara në pjesë të dytë.

Në anën tjetër, Belgjika u tregua vrastare para portës dhe e vulosi fitoren pasi Hazard shënoi ballë për ballë me Jordan Pickford, rreth shtatë minuta para fundit.

Anglia e mbyll Botërorin se skuadra e katërt më e mirë, ndërsa Belgjika në vendin e tretë dhe merr medaljen e bronztë.

The New York Times: Rusia e ka ndaluar ekspozimin e flamurit të Kosovës në stadiume, bashkë me flamurin e ISIS-it

Pas disa viteve përpjekje dhe dështime, Federata e Futbollit të Kosovës më në fund u pranua në familjen e FIFA-së, duke u mirëpritur në grupin e më shumë se 200 federatave nacionale

Flamuri i Kosovës ka munguar në stadiumet e Kampionatit Botëror edhe pse është pjesë e FIFA-së. Flamuri i Kosovës është i radhitur në dokumentin prej shtatë faqeve, bashkë me flamurin e Tajvanit dhe Iranin pararevolucionar dhe po ashtu edhe me disa flamuj të lëvizjeve separatiste. Flamujt e grupeve terroriste po ashtu gjinden aty, ai i Shtetit Islamik (ISIS) gjithashtu.

FIFA ka refuzuar që të komentojë për këtë çështje, duke thënë së ka qenë çështje e komisionit organizator rus. Komisioni më pas ka refuzuar të përgjigjet për këtë çështje.

Edhe pse skuadra e Kosovës nuk është në Rusi, vendi i tyre përsëri bëri lajme në Kampionatin Botëror pasi mesfushori i Zvicrës, Xherdan Shaqiri mbathi këpucët në të cilat ishte i vendosur flamuri i Kosovës. Shaqiri ka lindur në Kosovë, mirëpo prindërit e tij kishin emigruar në Zvicër para se të fillonte lufta në Kosovë.

Arrihet marrëveshja, Xherdan Shaqiri transferohet te Liverpooli

Xherdan Shaqiri do t’u nënshtrohet testeve mjekësore, përpara përfundimit të transferimit të tij prej 13.5 milionë paundësh te Liverpool, shkruan James Pearce

“Reds” kanë arritur një marrëveshje me Stoke City, pasi kanë paguar klauzolën e lirimit të shqiptarit të kombëtares së Zvicrës. Shaqiri do të jetë nënshkrimi i tretë i kësaj vere për Jurgen Klopp.

Ai ka pasur oferta nga e gjithë Europa, pas rënies nga Premier League e Stoke City, por sapo Liverpool konfirmoi interesin, zemra e tij ishte e vendosur që të lëvizte në “Anfield”.

26-vjeçari, përfshirja e të cilit në Kupën e Botës së Rusisë përfundoi në 1/8 finale, pas humbjes me Suedinë, javën e kaluar, ka gjasa ta bëjë debutimin e tij të kuq gjatë turneut parasezonal të Amerikës, më vonë, këtë muaj.

Jurgen Klopp beson se sigurimi i shërbimeve të një sulmuesi të tillë me përvojë do ta ndihmojë Liverpool në shtimin e thellësisë si skuadër.

Kroacia shkruan historinë, shkon në finale

Kroacia është në finale të Rusia 2018 pasi që ka mposhtur Anglinë më rezultat 2-1, pas 120 minutave lojë. Kroacia ka shkruar historinë. Kombëtarja kroate ka arritur në finale të një Botërori për herë të parë në histori të këtij shteti

Pjesa e parë fillojë më sulme të pareshtura të Anglisë dhe në minutën e katër, Modric shkaktoi faul.
E nga goditja e lirë një predhë u lansua nga Trippier që nuk i la asnjë mundësi Subasic për ta pritur.
Rezultati 1-0 që në minutën e pestë demoralizoi kroatët që filluan të organizojnë aksione që ndërpreheshin nga anglezët. Kane e pati një mundësi ideale për të shënuar në minutën e 29’të por Subasci veproi shumë mirë për ta pritur atë. Pjesa e parë përfundoi më rezultat 1-0 për Anglinë.

Në pjesën e dytë ndeshja fillojë ashtu sikurse kishte nisur, me anglezët që prapë kishin mundësi për të shënuar golin e dytë në minutën e 56’të, por prapë Subasic ishte në vend. Megjithatë posedimi i topit dhe gjysmëaksionet ishin të Kroacisë që nga fillimi i pjesës së dytë.

Perisic e kishte një mundësi të mirë për të barazuar në minutën e 65’të por pa sukses, Walker bllokoi goditjen e tij. Ky posedim ju shpërblye kroatëve të cilët arritën që në minutën e 68’të të barazojnë rezultatin. Vrsajlko bën një harkim të mirë dhe Perisic e shndërron në gol të bukur.

Kroacia ka mundur të kalojë në epërsi në minutën e 71 ku Perisic përsëri godet shtyllën pas një gabim të mbrojtjes angleze. Kroacia vazhdonte që ta mbante topin dhe lehtë mund të kishte shënuar edhe golin e dytë në minutën e 83, pas një goditje te Mandzukic. 90 minutat e rregullta përfunduan më rezultat të barabartë 1-1 dhe u deshën vazhdimet për ta përcaktuar fituesin e gjysmefinalës se dytë.

Pjesa e parë e vazhdimeve ishte më e mirë për Anglinë dhe ishte afër të shënuar në minutën e 98’të por Vrsaljko largoi topin me kokë nga vija e portës. Në pjesën e dytë prapë ishte Kroacia që dominojë dhe shënojë arriti që të shënon gol në minutën e 107’të.

E këtu ishte përvoja dhe mençuria e Mario Mandzukic që gjithmonë ka ditur që të shënojë në ndeshje të mëdha. Kroacia do të luaj në finale kundër Francës të dielën më 15 korrik, kurse Anglia ka edhe një ndeshje para se të udhëtojë në Angli pasi që të shtunën do të luan kundër Belgjikës për vendin e tretë!