Shaqiri me super gol ndaj Manchester United

Xherdan Shaqirit nuk ju ka dashur shumë kohë që të dëshmojë aftësitë e tij në Liverpool. Shaqiri ka debutuar ndaj Manchester United në turneun në SHBA, ku hyri në lojë në pjesën e dytë, dhe menjëherë ka lënë gjurmë

Pasi pjesa e parë kishte përfunduar 1:1, Shaqiri asistoi për Sturrige për 2:1. Megjithatë, kjo nuk ishte e tëra nga ai, sepse në minutën e 82-të, ka shënuar një super gol në stilin gërshërë për rezultatin 4:1.

Ky ishte goli i tij për fanellën e Liverpoolit, ku gjatë verës u transferua nga Stoke City për 15 milionë euro. Goli i tij ishte ndër më të bukurit në turneun “International Champions Cup”, ku po marrin pjesë skuadrat më të mëdha evropiane.

Takimi përfundoi me fitoren e Liverpoolit prej 4:1. Kjo ishte ndeshja e dytë e Liverpoolit dhe fitorja e dytë në këtë turne, pasi më herët mundi Manchester Cityt.

Juventus, masa ekstreme për ndeshjen e parë të Ronaldos

Në pritje të ndeshjes kundër Chievo-s, e vlefshme për javën e parë të Serisë A, Cristiano Ronaldo do të zbresë në fushë për herë të parë më 12 gusht, në miqësoren klasike që luhet në Villar Perosa mes Juventus-it A dhe Juventus-it B

Për rastin do të merren masa të jashtëzakonshme, me qytezën e Val Chisone që pritet të blindohet për të garantuar rendin publik. Janë të shumtë tifozët që pritet të jenë të pranishëm për këtë sfidë.

Në fillim është menduar që ndeshja e parë e CR7 me fanellën e Juventus të luhej në “Allianz Stadium”, në mënyrë që të përballohej prania e madhe e publikut.

Por, në fund, asgjë nuk ka ndryshuar, me ndeshjen që do të luhet më 12 gusht në orën 17:30. Janë plot 5.000 bileta të shitura për këtë miqësore në familje.

Nëpërmjet një komunikate zyrtare, që është publikuar në faqen zyrtare të klubit, Juventus ka zbuluar masat e jashtëzakonshme të sigurisë që do të merren për 12 gushtin.

“Që nga 11 gushti, – lexohet në komunikatën e bardhezinjve, – do të ndalohet shitja e pijeve në mbajtëse qelqi ose akte fyese në të gjithë territorin e Villar Perosa”.

Në faqen e bardhezinjve është publikuar edhe harta e Villar Perosa, duke vënë në dukje zonën portokalli, ku do të mund të futen vetëm ata që kanë biletë ose leje për të qenë të pranishëm.

Akil Gjakova i artë në Zagreb

Akil Gjakova ka quar në piedestal xhudon kosovare në Grand Prix e mbajtur sot në Zagreb

Në kategorinë 73 kilogramë Gjakova u tregua superior duke rrëmbyer medaljen e artë, transmeton Koha.net.
Ai në finale e mposhti xhudistin italian, Fabio Basile. Kujtojmë se në gjysmëfinale ai kishte gjunjëzyar nënkampionin olimpik, Rustam Orujov nga Azerbajxhani.

As Hazard, as Cavani; Real Madrid ka gati yllin që do zëvendësojë CR7

Me largimin e Cristiano Ronaldos nga Real Madridi, në repartin e sulmit të “Los Blancos” ka mbetur një boshllëk, që duhet plotësuar, por deri më tani nuk ka asgjë zyrtare për një emër të ri, që do të zëvendësojë CR7. Fiorentino Perez është në kërkim të një ylli, por ndërkohë ato e kanë një të tillë në skuadrën e tyre

Gareth Bale kishte lënë të nënkuptuar se mund të largohet nga “Santiago Bernabeu”, por me largimin e Zinedine Zidane dhe Ronaldos, tashmë gjërat mund të ndryshojnë për të.

Uellsiani nuk ishte një nga lojtarët më të preferuar të Zidane, ndërkohë që duhet të ndante suksesin e golave me portugezin, por ky mund të jetë momenti i tij.

Flitej se ai do të lëvizte këtë verë, por fakti që një gjë e tillë nuk ka ndodhur, tregon se ai ka ndryshuar mendje.

Burime pranë tij bëjnë të ditur për prestigjozen “MARCA” se do të qëndrojë në kryqytetin spanjoll, pas bisedimeve pozitive me Julen Lopetegui dhe klubin. Real Madridi është i bindur se Bale do të jetë lojtari i tyre “yll” për sezonin 2018-2019.

Nuk ka asnjë tjetër në skuadër, që mund të mburret me potencialin që ka në fushë dhe nivelin e tij të tërheqjes së marketingut, ndonëse jo në nivele të Ronaldos. Plani i Lopetegui është që ai të luajë përkrah Karim Benzema në sulm, në afërsi të zonës, shkruan “Telesport”.

Me largimin e Ronaldos, “Los Blancos” kanë nevojë për një futbollist që shënon shumë gola dhe Bale ka treguar se mund ta bëjë këtë. 29-vjeçari është i gatshëm të marrë sfidën dhe beson se mund të tregojë më të mirën e tij nën drejtimin e Lopetegui, nëse ai i jep besim.

Shaqiri: Te Liverpooli që në 2014, por Bajerni vendosi veton

Xherdan Shaqiri sapo i është bashkuar skuadrës së tij të re Liverpoolit në SHBA dhe nuk e ka bërë ende debutimin me fanellën e kuqe

Por mesfushori i kombëtares zvicerane pranon se ai mund të kishte shkuar në “Anfield Road” që në vitin 2014, po të mos e kishte penguar klubi i Bajernit. “Fola me Brendën Roxhersin përpara Kupës së Botës 2014. Ai më telefonoi dhe më tha se ishte i interesuar. Por Bajerni tha: ‘Të duam këtu, je i rëndësishëm për ne’”, u shpreh sulmuesi gjatë intervistës për televizionin e klubit “LFCTV”.

Megjithatë, 26-vjeçari do të ketë mundësi të luajë për Klopin dhe ai nuk i trembet aspak kësaj sfide: “Kam luajtur për shumë klube të mëdha. Kam fituar shumë tituj me Bajernin, kështu që e di se çfarë do të thotë të luash në një skenë të madhe”. Dita e debutimit të tij pritet të jetë e shtuna, kur “reds”-at të përballen me Manchester Utd në “International Champions Cup”.

Hysaj: Ronaldo nuk do t’i shënojë Napolit

Në mikrofonët e “Luna Tv”, Carlo Alvino, intervistoi mbrojtësin e djathtë të Napolit, Elseid Hysaj, i cili mes të tjera ka fol edhe për Cristiano Ronaldon dhe trajnerin e tij Carlo Ancelotti

“Duhet të ndryshoj stilin e lojës me Ancelottin? Nuk është problem, Ancelotti mbetet trajner i madh. E di se çfarë kërkon nga unë, do të jap gjithmonë më të mirën në fushë”, tha ai. Sa i përket Ronaldos thotë: “Ronaldo nuk do t’i shënojë Napolit. Siç e dimë të gjithë, ai është një lojtar i nivelit shumë të lartë. Më bëhet qejfi që ka ardhur në Itali, na stimulon shumë prania e tij. Markimi i tij është një sfidë, që më pëlqen. Ne jemi një grup i madh dhe një lojtar i vetëm nuk bën gjithçka. Të shohim si do të përshtatet në Itali. Një lojtar i vetëm mund të bëjë diferencën në një ndeshje të caktuar, por jo përgjatë gjithë kampionatit”.

Adoleshenti shqiptar që po çmend Zvicrën

Bëhuni gati të dëgjoni gjithnjë e më shpesh emrin Toni Domgjoni. Ai është një 19-vjeçar shqiptar, i cili pritet të jetë protagonisti i këtij viti në kampionatin zviceran të futbollit, ku spikatin shumë shpesh talente shqiptare

Domgjoni ka qenë prej vitesh pjesë e akademisë së Zuerich dhe nga sezoni i kaluar, u bë pjesë e ekipit të parë. Dje, ai ishte protagonist që në javën e parë të kampionatit, duke ndihmuar skuadrën e tij të fitonte 2-1 ndaj Thun.

Asistimi për golin e dytë të skuadrës së tij, por sidomos një lojë e qëndrueshme në mesfushë, bëri që futbollisti 19-vjeçar shqiptar të përfundonte menjëherë në formacionin më të mirë të javës të “Blick”. Domgjoni është një tjetër talent shqiptar që përfaqëson Zvicrën në arenën ndërkombëtare, të paktën deri tani.

Ai ka luajtur 5 ndeshje me përfaqësuesen U19 por nuk është aspak çudi që shumë shpejt të thirret nga U-21 apo kombëtarja (A) e këtij vendi. Duke pasur parasysh polemikat që kanë rrethuar lojtarët shqiptarë në Zvicër së fundmi, nuk do të ishte aspak keq që FSHF të shfrytëzonte momentin dhe të ndërhynte për të afruar një lojtar të tillë pranë fanellës kuqezi.

Drita humb sërish, lamtumirë Champions League

Drita nuk ka arritur ta kalojë raundin e parë të Champions League, duke u eliminuar nga Malmo.Skuadra suedeze u tregua më e mirë në të dy takimet, duke e mposhtur atë kosovare me rezultat të përgjithshëm 5-0 – (3-0) në “Adem Jashari” dhe (2-0) në takimin e sotëm në Suedi

Dy golat e fitores në ndeshjen e kthimit, suedezët i realizuan në fillim të pjesës së dytë.Për 1-0 realizoi Carlos Strandberg në minutën e 55’, kurse në atë të 60’, Eric Larsson dyfishoi epërsinë, që doli të jetë rezultati përfundimtar, 2-0.Këtu mori fund aventura në Champions League. Por, skuadra kosovare do të vazhdojë të luajë në Evropë. Drita tani do të luajë në Europa League.

Pas Ronaldos edhe Zidane në Juventus

Zinedine Zidane do ta marrë rolin e ndihmës drejtorit sportiv në Juventus në muajin tetor, pohon një gazetar spanjoll

Francezi është i papunë momentalisht për shkak dha dorëheqje nga posti i trajnerit të Real Madridit menjëherë pasi ia fitoi Madridit titullin e tretë rresht në Ligën e Kampionëve, transmeton Gazeta Express.

Ka pasur sugjerime se ai do të mundë ta udhëhiqte Katarin në Kupën e Botës 2022, derisa stoli i ekipit kombëtar të Francës as që bëhet fjalë momentalisht sepse trajneri aktual Didier Deschamps i udhëhoqi “Les Blues” drejt triumfit të Kupën e Botës 2018 në Rusi.

Libertad Digital, duke u thirrur në burime të gazetarit Juanma Rodriguez, raporton se Zizou do ta marrë rolin e ndihmës drejtorit sportiv në Juve. Zidane ka pasur 200 paraqitje për Juventusin gjatë karrierës së tij, si dhe i ka fituar dy tituj të Serie A.

Pritje madhështore për Kroacinë edhe pa Kupën e Botës

Nuk arritën të kthehen në shtëpi me Kupën e Botës, por sërish futbollistët kroatë janë pritur në vendin e tyre si heronj dhe me të drejtë

Kroacia bëri një paraqitje mbresëlënëse në Rusi, duke thyer edhe arritjen më të madhe të tyre që ishte vitin 1998, kur shkuan deri në gjysmëfinale në Botërorin e Francës.

Me mijëra kroatë dolën në shesh për të mbështetur idhujt e tyre, të cilët parakaluan me një autobus të hapur dhe me medaljen e argjendtë në qafë.