Barcelona, “mbretëresha” e afatit kalimtar dimëror në Spanjë

As Manchester City, as Manchester United, as Dortmund…, as natyrisht, Real Madridi

Merkatoja e dimrit, e këtij janari, ka përfunduar tashmë me një protagonist absolut: Barcelona. Katalanasit, pavarësisht se kanë bërë vetëm dy përforcime, kryesojnë renditjen e ekipeve që kanë investuar më së shumti, teksa emri i duhur është padyshim Coutinho dhe 140 milionë eurot, plus 20 milionë të tjera në formë variablash.

Po t’i shtosh kësaj shume edhe 9.8 milionë euro, plus 2 bonuse, të Yerry Mina, del rezultati prej 171.8 milionë euro shpenzime, një rekord dhe i paarritshëm, kësaj radhe për pjesën tjetër, edhe të më të mëdhenjve. Pas ditës së fundit të merkatos së janarit, si zakonisht, e furishme, La Liga ka shpenzuar rreth 370 milionë euro, nga të cilat, shumë më tepër se një e treta korrespondojnë me Barcelonën. Nënshkrimi i Coutinho është më i madhi në historinë e Barçës, e cila në verë bëri një përpjekje tjetër të madhe ekonomike me Dembélé, duke rënë dakord për një pagesë prej 105 milionë, plus 42 në formë variablash, shkruan telesport.

Trendi është përforcuar tani, në dimër, me afrimin e Coutinho. Blerja e Yerry Mina ka qenë më modeste, por, gjithashtu, e shton shumën përfundimtare deri në 171.8 milionë. Shumë më tepër se pjesa tjetër e ekipeve të La Liga-s në Spanjë. Vetëm Atletico Madrid është rreth 100 milionë, pas pagimit të 66 milionëve për Diego Costa dhe 35.7 milionëve që i kushtoi Vitolo.

Barça, ndërkohë, ka qenë aktive edhe në “dalje”, por i vetmi që ka sjellë të holla në dorë është Javier Mascherano, për të cilin kinezët e Hebei Fortune paguan 7.2 milionë euro, duke llogaritur edhe një ndeshje miqësore. Pjesa tjetër, pra, Arda Turan (Istanbul Ba?ak?ehir), Rafinha (Inter) dhe Deulofeu (Watford), janë huazuar. Në Spanjë ka pasur operacione të tjera të një kalibri të caktuar. Por, nëse diçka, me të vërtetë e tërheq vëmendjen, është se Real Madridi, në mes të një krize të rezultateve, është lënë në “të bardhë” në merkaton e dimrit.

Këtë herë, trajneri Zinedine Zidane, në një përpjekje për të fituar zemrat e dhomave të zhveshjes, ishte specifik: askush nuk vjen. Dhe kjo ishte e nevojshme për të ndaluar transferimin e portierit Kepa, i cili përfundoi rinovimin me Athletic.

Ronaldo dëshiron kalim në United, Reali mendon ta ndërrojë me Neymar

Që Cristiano Ronaldo kërkon të largohet nga Reali i Madridit në fund të sezonit tashmë nuk është më një risi madje dihet edhe stacioni i radhës ku ylli portugez dëshiron të ndalet duke synuar rikthimin tek Mancehster United

Njëherazi u përforl se presidenti Perez pas deklaratës së portugezit nuk kishte ndërmend ta pengonte largimin e numrit 7, gjithmonë nëse oferta për sulmuesin 32-vjeçar do të përmbushte kërkesat e tyre.Por tashmë duket se kushtet kanë ndryshuar pasi klubi mbretëror ka vendosur që dyert për lamtumirën e CR7 do të hapen vetëm në rast se ata do të arrijnë transferimin e yllit brazilian Neymar në Spanjë.

Reali i Madridit kërkon me çdo kusht 25-vjeçarin e PSG edhe pse transferimi i tij në Bernabeu do të nënkuptonte një marrëveshje që i superon 300 milionë eurot.

Pikërisht një situatë e tillë ka çuar edhe Ronaldon të ndihet i fyer dhe i mosvlerësuar nga klubi spanjoll që as nuk rinovoi kontratën dhe kushtet financiare me të edhe pse i ishte premtuar diçka e tillë. Më e komplikuar situata tani që Reali ka dalë hapur me plane të tjera për sulmuesin portugez.

Florentino Pérez është i vetëdijsëhm se kalimi i Neymar nga Parc de Princes në Madrid është një sipërmarrje shumë e vështirë edhe pse jo e pamundur siç e cilëson ai vetë. Nga ana tjetër presidenti Al Khelaifi e quajti të pamundur një operacion të tillë për brazilianin, por spanjollët kanë një as nën mëngë që quhet Cristiano Ronaldo.

Florentino Perez ka ndërmend të përdorë CR7-ën për ta shkëmbyer tek PSG për të siguruar shërbimet e ish sulmuesit e Barcelonës. Ronaldo është në dijeni të të gjithë situatës dhe tashmë më shumë se kurrë kërkon të ndërojë ambient duke kthyer në objektiv kalimin në Old Trafford. /SS

Kosova prin me medalje në Tunizi

Përfaqësuesja e Kosovës në xhudo prin me medalje në Grand Prix-in që po mbahet në Tunizi, vend i cili nuk e ka njohur Pavarësinë e Kosovës

Të premten Nora Gjakova siguroi medaljen e Artë në kategorinë deri në 57 kilogramë ndërsa Distria Krasniqi përfundoi turneun duke u stolisur me medaljen e Argjendtë.

Sot Akil Gjakova ka vazhduar rrugëtimin drejt medaljes së Artë pasi gjendet në finale për kategorinë deri në 57 kilogramë dhe e ka të garantuar medaljen e Argjendtë.

Deri më tani Kosova ka dy medalje, një të Artë dhe një të Argjendtë, ndërsa është rrugës edhe për medaljen e dytë të Artë.

Nora Gjakova rrëmben medaljen e artë në Grand Prix të Tunizisë

Nora Gjakova ka rrëmbyer medaljen e artë në Grand Prix që po mbahet në Tunizi

Ajo në finale e mposhti jugkoreanen, Youjeong Kwon.

Gjakova, që garon në kategorinë -57 kilogramë, për çdo moment pati kontrollin e lojës dhe dominoi kundërshtaren.

Përveç Gjakovës në turne medalje arriti edhe Distria Krasniqi, e cila mori të argjendtën.

Distria Krasniqi e argjendtë në Grand Prix të Tunizisë

Xhudistja kosovare, Distria Krasniqi është dalë e dyta më e mirë në Grand Prix të Tunizisë që u zhvillua sot

Krasniqi arriti të rrëmbejë medaljen e argjendtë në këtë kompeticion, pasi humbi në finale nga braziliania Jessica Pereira në kategorinë -52 kilogramë, raporton Koha.net.

Në luftë për të artën është edhe xhudistja Nora Gjakova, e cila në kategorinë deri 57 kilogramë në finale përballet me jugkoreanen, Youjeong Kwon.

Largohet Ronaldo, vjen Neymar

Ramon Calderon, ka hedhur edhe ai hipotezat e veta me fatin e sezonit të ardhshëm për Realin e Madridit

Ish presidenti i Real Madridit, Ramon Calderon, ka hedhur edhe ai hipotezat e veta me fatin e sezonit të ardhshëm për Realin e Madridit. Ai beson se klubi po kërkon ta shes Cristiano Ronaldon për ta marr Neymarin nga Paris Saint-Germain.

“Neymar? Kjo është një strategji e zgjuar që klubi do të vazhdojë ta ndjekë për ta larguar vëmendjen nga problemet aktuale të ekipit në fushë”.

“Ata duan t’u shesin ëndrra tifozëve dhe t’i përqendrojnë vëmendjen e tyre në këtëtransferim, por unë e shoh si një lëvizje që mund të bëhet e mundur”.

“Unë besoj se ata e kanë qëllimin për të ardhmen që ta ofrojnë Neymarin dhe ta largojnë Cristianon”.

“Ata duan të dinë se çfarë do të mendojnë tifozët dhe pastaj do të marrin vendime bazuar në këtë”, ka thënë Calderon për Le Parisien.

Real Madrid jep “OK”: Ronaldo është i lirë të largohet!

“Kush dëshiron Cristiano Ronaldo-n në skuadër të ngrejë dorën!” Është e përditshmja portugeze “Record” që shkruan se “ylli” i Real Madrid, 5 herë fitues i “Topit të Artë” ka dalë në tregun e futbollistëve. Presidenti i Reall Madrid, Florentino Perez i ka dhënë rrugë të lirë agjentit të lojtarit, Jorge Mendes të marrë në shqyrtim ofertat për lojtarin e tij nga vera e ardhshme

Gjithçka lindi në nëntor të 2016-ës pas “dhimbjes së barkut” së Ronaldos i cili mungoi në firmosjen e shtyrjes së kontratës së tij deri në vitin 2021. Në atë moment 33-vjeçari portugez kërkoi 50 milionë euro neto në vit duke ndjekur të njëjtën linjë si paga e Leo Messi te Barcelona. Thyerja mes sulmuesit dhe presidentit u bë më e thellë pas mungesës së përmirësimit të kontratës pas fitores së trofeut të 12-të të Champions League ku Ronaldo shënoi 10 gola.

E nëse Ronaldo ikën nga Real Madrid këtë verë, ku do të përfundojë? Në Spanjë flitet vetëm për Manchester United, klub ku portugezi luajti nga viti 2003 në 2009-ën dhe ku fitoi të parën Champions League dhe të parin “Top të artë”.

Real Madrid, gati të trondisë futbollin botëror

Një galaktikë tjetër është e mundur të materializohet te Real Madridi. Në këtë mes është Florentino Pérez, që verën e kaluar u përpoq të rekrutonte një yll të ri për planin e rinovimit galaktik, që ai kishte pasur në mendje për disa kohë. Mbappé ishte i zgjedhuri, por nënshkrimi me të nuk u materializua

Tani, përpjekjet për të afruar yje të tjerë të rinj është duke u zhvilluar, duke pasur parasysh gjendjen aktuale të ekipit. Pas PSG (Neymar dhe Mbappé) dhe Barçës (Dembelé dhe Coutinho), duket se verën e ardhshme është kthesa e Real Madridit, i cili do të fillojë të formojë një “trident” luksoz.

“BBC” i ka të numëruara ditët, ndoshta jo në tërësinë e vet, në afatin e shkurtër, por Florentino Perez duket të jetë i qartë se ka ardhur koha për të dhënë një shtysë të re në sulmin e Real Madridit.

Shpresa është maksimale, duke marrë parasysh precedentët e presidentit të bardhë, i gatshëm për të shqyrtuar e realizuar projektin e tij të tretë madhor te Real Madridi.

Së pari me Figo, Zidane, Ronaldo dhe Beckham. Më pas, ai u kthye në një mënyrë të madhe, duke paraqitur Kaka, Cristiano Ronaldo dhe Benzema në 10 vetëm ditë.

Një “trident” që do të rikompozohej pas ardhjes së Gareth Bale dhe largimit të brazilianit.

Tani gjithçka është gati për të mirëpritur galaktikat e reja. I pari në listë është Neymar.

Do të ishte prurja më e goditur e konstelacionit të ri. Është qëllimi i madh, ëndrra që Florentino Perez dëshiron të bëjë realitet, shkruan Telesport.

Neymar vetë ndryshoi tregun e futbollit me transferimin nga Barcelona te PSG, për 222 milionë euro. Për ta nxjerrë jashtë PSG-së, një vit pas mbërritjes së tij, nuk do të jetë e lehtë.

Emri tjetër që është në tryezën e Florentino Pérez është Hazard, lojtari i shijeve të Zidane, që i plotëson të gjitha kërkesat për të qenë galaktik. Pas lëvizjeve të fundit të merkatos, ai shihet si një nga yjet e arritshëm. Sulmuesi belg është një nga kandidatët për të qenë pjesë e “frizurës” së re, që Florentino Perez dëshiron te Real Madridi.

Lewandowski është emri tjetër i duhur i planit të ardhshëm të Real Madridit. Me merkaton revolucionare dhe me përpjekjet ekonomike që Real Madridi do të detyrohej të bënte për të sjellë “galacticos” të rinj, sulmuesi i Bayern Munich është një luks. Kuptohet, Real Madridi mund ta përballojë financiarisht, për të përforcuar qëndrën e sulmit të vet. Lewandowski është një tjetër aspiratë e vjetër e Florentino Perez, i cili tashmë e ka tentuar atë edhe në raste të tjera.

Për vetë lojtarin (ai do të mbushë 30 vjeç në gusht) do të ishte “qershia mbi tortë” në karrierën e tij kalimi te “Los Blancos”, por gjithçka do të varet nga Bayern Munich, nëse do të donte të negocionte dhe, nëse do ta bënte, brenda shifrave të arsyeshme. Në këtë pozicion janë gjithashtu në listën e dëshirave të Perez edhe Kane me Icardi. Të dy kanë statusin e duhur galaktik, sidomos sulmuesi i Tottenhamit.

Reali, mposhtet nga Villarreali

Pas barazimit ndaj Celta Vigos, Real Madridi ka vazhduar me rezultate jo të mira në La Liga. Edhe pse Los Blancos ishin më të mirë ndaj Villarrealit, ata në fund u befasuan duke humbur me rezultat 0-1

Në minutën e 14 shënoi Gareth Bale, por goli iu anulua për shkak të pozitës jashtë loje dhe pas pesë minutash rrezikoi edhe Marcelo, por portieri Sergio Asenjo bëri një pritje të mirë.

Cristiano Ronaldo rrezikoi në minutën e 23-të, pastaj në minutën e 29-të rrezikoi edhe Carlos Bacca.
CR7 rrezikoi edhe dy herë në minutat e fundit të pjesës së parë, por nuk arriti të tund rrjetën e portës kundërshtare.

Ylli portugez e filloi edhe pjesën e dytë duke qenë i rrezikshëm, provoi edhe një herë në minutën e 57-të, por portieri Asenjo bëri një tjetër prite të bukur.

Carlos Bacca tentoi rrezikshëm në minutën e 63-të, por në fund shpërdoroi një shans të mirë. Për Los Blancos rrezikoi Luka Modric në minutën e 80-të, me një goditje të fuqishme kroati gjuajti pak centimetra mbi portë.

Në minutën e 87-të erdhi goli i vetëm në takim, mysafirët pas një kundërsulmit të shpejtë realizuan me anë të Pablo Fornals. Spanjolli shënoi me një parabolë në portën e Keylor Navasit.

Pas kësaj humbje Reali vazhdon në pozitën e katër me 32 pikë, kurse Nëndetësja e Verdhë një pozitë më poshtë me 31 pikë. Ndeshja e ardhshme e skuadrës së Zinedine Zidanes është ndaj Deportivos, kurse Villarreali pret Levanten.

Messi vendos rekord financiar, 100 milionë euro në sezon te Barça

Vendosja e rekordeve, për Lionel Messi, ka qenë gjithmonë një zakon i pëlqyeshëm, por kësaj here numri 10 i Barcelonës ka shkuar përtej, duke kryesuar të paktën për një herë edhe jashtë fushe

Për të parën herë në historinë e futbollit, sipas zbulimeve të raportuara nga “Football Leaks” që kanë të bëjnë me kontratën e firmosur së fundmi nga ylli argjentinas i katalanasve, një futbollist do të paguhet më shumë se 100 milionë euro në një sezon.

Shifrat janë zbuluar nga “Football Leaks”. Argjentinasi do të arkëtojë 71 milionë euro bruto në vit, duke përfshirë edhe të drejtat e imazhit, ndërkohë që 63.5 milionë të tjera i ka arkëtuar me firmosjen e rinovimit të kontratës, ndërkohë që në përfundim të kontratës 4-vjeçare, do të përfitojë një tjetër bonus besnikërie. Sipas llogaritjeve të “Football Leaks”, në qershor të vitit 2021, Messi do të ketë arkëtuar një shumë totale prej 417.5 milionë euro bruto për katër vit