Ky është “Wrestler” i parë shqiptarë, cilësohet bishë e ringut (video)

Mundësi argëtues, që është shumë i përhapur në Amerikë dhe njihet si “Wrestler” tashmë ka edhe një emër shqiptar dhe atë shumë të njohur

Rezar, siç njihet me nofkën e vet Gzim Selmani, cilësohet si njëra prej bishave të ringut të “Wrestler” në Europë dhe Amerikë. Ndryshe, Gzimi njihet edhe si “The Albanian Psycho” dhe bota e sportit e njeh edhe si holandez, për shkak se jeton dhe vepron në shtetin e Holandës.

Për momentin ai ka nënshkruar me WWE, dhe performon nën brendin Raw Brand kurse emrin e ringut e ka Rezar ku shok skuadre e ka Akamin dhe bashkë njihen si “The Authors of Pain” (Autorët e dhimbjes).

Vukshinaj arrin një tjetër fitore të rëndësishme

Talenti i boksit profesionist në Zvicër, Faton Vukshinaj, mbrëmë zhvilloi duelin e gjashtë profesionist, duke fituar sërish

I njohur si “El Vulcano” arriti të triumfonte ndaj Nodar Robakidze, i cili kishte 51 duele si boksier profesionisht. Ai fitoi me pikë në duelin prej tetë raundesh.

Vukshinaj arriti të fitonte secilin raund dhe të tre gjyqtarët i dhanë fitoren prizrenasit.

“El Vulcano” është 26 vjeçar dhe tani është ndër 100 boksierët më të mirë në botë në kategorinë e mesme.

“Fatoni po mëson shumë nga dueli në duel, strategjia e luftës së tij mbrëmë ishte shumë e mençur, për këtë ka merita të mëdha edhe vëllai e trajneri i tij Mërgim Vukshinaj, i cili për çdo kundërshtar e gjen strategjinë e duhur dhe e dirigjon Fatonin në ring për mrekulli.

Viti 2018 për Fatonin sapo ka filluar, shpresoj që brenda këtij viti do i arrijmë edhe disa fitore te tjera”, ka deklaruar Luan Dreshaj, menaxher i Vukshinajt.

Grushte, shkelma, gjak në derbin e Serbisë, tifozët i vënë flakën stadiumit (video)

Ndeshja Cërvena Zvezda – Partizani është shoqëruar me incidente të shumta pas përfundimit të sfidës e cila përfundoi 2-1 në favor të Cervena Zvezdës

Pavarësisht fitores të ekipit vendas, tifozët në shkallët e stadiumit e shndërruan këtë takim në një arenë lufte. Ultrasit serbë, çanë rrethimin e tribunave ku ishin pozicionuar dhe vrapuan për tu përleshur me njëri-tjetrin.

Pamjet filmike flasim qartë dhee nuk kanë nevojë për koment.

Euronews: Kuka hap një shteg të ri për Kosovën në Grand Prix të Turqisë

Paraqitjet fantastike të xhudistes kosovare, Loriana Kuka, në turneun Grand Prix në Antalya të Turqisë – ku ajo u stolis me medalje të artë në kategorinë e saj – kanë bërë që Euronews ta zgjedhë atë lojtaren e ditës në këtë turne

“Loriana Kuka e Kosovës ishte Lojtarja jonë e Ditës. Një hedhje (Osotogari) e shkëlqyer kundër Natalie Powell bëri që ajo të kalojë në gjysmëfinale, ku një hedhje tjetër madje edhe më e mirë (Uchaimata) e dërgoi atë në finale për medalje të artë në kategorinë nën 78 kilogramë”, shkruan Euronews, përcjell Gazeta Express.

Aty ajo do të përballej me xhudisten ukrainase Anastasiya Turchyn. Pati dramë të jashtëzakonshme në momentet e fundit teksa Kuka ia doli të shënojë pikë nga një kundërsulm në fishkëllimën, dhe duke bërë atë ajo rrëmbeu medaljen e artë në garën e saj të parë ndonjëherë në turneun botëror të xhudos (World Judo tour).

Në fund Euronews pyet? Si vetëm 21-vjeçare, a mund të jetë ajo sensacioni i radhës nga vendi i saj?

Kosova e para me medalje në turneun në Turqi

Kosova ka dalë të jetë shteti më i suksesshëm në turneun e xhudos që është mbyllur sot në Antalya të Turqisë

Me gjashtë garues, Kosova arriti të sigurojë tri medalje të arta dhe një të argjendtë, duke kaluar edhe shtete që kishin edhe 26 garues, siç ishte rasti i Rusisë.

Distria Krasniqi, Nora Gjakova dhe Loriana Kuka morën të artën, ndërsa Fjolla Kelmendi fitoi të argjendtën në kategorinë e vet. Akil Gjakova mbylli garën në pozitën e shtatë.

Kuka fiton medaljen e artë

Loriana Kuka ka fituar medaljen e artë në turneun që po mbahet në Turqi

Xhudistja kosovare fitoi në finalen e kategorisë deri në 78 kilogramë ndaj Anastasiya Turchynit të Ukrainës.

Para Kukës, të artën në këtë turne në kategoritë e tyre fituan edhe Distria Krasniqi dhe Nora Gjakova, ndërsa Fjolla Kelmendi të argjendtën.

Ronaldo këput rrugëtimin e Juventusit në Ligën e Kampionëve (video)

Cristiano Ronaldo ka shkëlqyer për Real Madridin në Ligën e Kampionëve, duke shënuar dy gola ndaj Juves në çerekfinale

Ylli i “Mbretërve” vëmendjen më të madhe e mori në golin e dytë, të cilin e realizoi me “gërshërë” për t’ia këputur gjasat Juventusit që të shpresojë për një kalim në gjysmëfinale të garës evropiane.

Që Juventusi ta ketë më të vështirë ndeshjen e kthimit në Bernabeu, u përkujdes mbrojtësi i krahut të majtë, Marcelo, i cili realizoi golin e tretë për mysafirët në këtë takim.

Ronaldo serinë e golave e nisi në minutën e tretë, ndërsa golin e dytë e realizoi në minutën e 64.

Dy minuta më vonë Juventusi mbeti me një lojtar më pak kur Paulo Dybala mori kartonin e dytë të verdhë.

Mbrojtësi brazilian për rezultatin përfundimtar 3 me 0 u përkujdes në minutën e 72.

Joshua kampioni i padiskutueshëm i botës, mposht Parkerin

Britaniku Anthoni Joshua vazhdon të jetë kampioni i padiskutueshëm në botë në kategorinë e rëndë në boks

Ne meçin spektakolar sot në Cardiff boksieri britanik ka arritur të mbrojë titujt kundër boksierit nga Zelanda e Re, Joseph Parker, transmeton Koha.net.

Kampioni në fuqi e mposhti Parkerin me pikë pas 12 rundeve të zhvilluara.

Tani Joshua ka fituar edhe titullin WBO, të cilin e mbante kundërshtari i tij i sotëm, Parker. Kurse i ka mbrojtur titujt WBA, IBF dhe IBO.

28 vjeçari tani ka 21 fitore në po aq ndeshje në boksin profesionist.

Briken Calja, medalje ari në Europian

Peshëngritësi shqiptar, Briken Calja, është renditur i pari në stilin e shkëputjes në Europianin e Peshëngritjes që po zhvillohet në Rumani, duke marrë medalje ari

Briken Calja arriti të ngrejë në këtë stil 146 kilogramë. Ndërkohë ende nuk është zhvilluar stili i shtytjes. Peshëngritësi tjetër shqiptar, Arbëri Çerçizi është renditur i shtati.

Whyte i kërkon përballje Wilderit pas fitores me nokaut ndaj Browne (video)

Dillian Whyte është më afër se kurrë për t’u përballur me kampionin e WBC-së, Deontay Wilder. E gjitha kjo pasi ai arriti të fitojë ndaj Lucas Browne në O2 Arena të Londrës, duke nokautuar australianin në rundin e gjashtë

Whyte si 29 vjeçar kishte humbur vetëm një herë në karrierë në 24 përballje, atë ndaj Anthony Joshuas në vitin 2015 dhe tani arriti t’i jap fund rekordit (25 fitore, asnjë humbje) të Browne në mënyrën më të mirë të mundshme. “E dija që do të ndodhte. Deontay Wilder ku je? Le ta bëjmë në qershor”, ka thënë Whyte pas fitores.