Misteri i eshtrave të Aleksandrit të Madh, arkeologët egjiptianë hapin sarkofagun gjigand

Arkeologët egjiptianë shuajtën shpresat se një sarkofag i lashtë gjigand i sapozbuluar mund të kishte brenda eshtrat e Aleksandrit të Madh

“Ne kemi gjetur skeletet e tre njerëzve, në atë që duket si një varrim familjar … Për fat të keq mumjet nuk kishin mundur të ruheshin në gjendje më të mirë dhe kanë mbetur ën vetëm eshtrat”, tha Mostafa Waziri, sekretar i përgjithshëm i Këshillit të Lartë të Antikiteteve.

Waziri tha se disa nga mbetjet ishin shpërbërë sepse ujërat e zeza nga një ndërtesë e afërt kishin hyrë në sarkofagun gjigand 2000-vjeçar. Edhe Ministria e Antikiteteve të Egjiptit kishte hedhur poshtë fuqishëm shanset për të gjetur mbetjet e Aleksandrit të Madh brenda sarkofagut prej 30 tonësh, zbuluar rastësisht pak javë më parë.

Kështu që misteri vazhdon: vendndodhja e eshtrave të Aleksandrit të Madh, i cili vdiq në vitin 323 p.e.s në Babiloni, nuk dihet ende. Hapja e sarkofagut gjigand shkaktoi shqetësime në median egjiptiane me pretendimin se mund të lëshonte një mallkim 1000-vjeçar.

“Ne e kemi hapur atë dhe, falë Zotit, bota nuk ka rënë në errësirë, tha Waziri. “Unë kam qenë i pari që kam future okën time brenda sarkofagut … dhe këtu qëndroj para jush … unë jam mirë”, shtoi zyrtari.

Sarkofagu në Aleksandri është i fundit i një sërë zbulimesh arkeologjike interesante këtë vit në Egjipt që përfshijnë një varr 4,400-vjeçar në Giza dhe një nekropol të lashtë në Minya, në jug të Kajros.

Sarkofagu u zbulua rastësisht gjatë hapjes së themeleve për ndërtimin e një një blloku apartamentesh në qytetin historik mesdhetar të Aleksandrisë.

Me peshë gati 30 ton, është më i madhi i gjetur në Aleksandri, ai shkaktoi një vorbull teorish në mediat vendore dhe ndërkombëtare, duke besuar se mund të jetë vendprehja e sundimtarit të lashtë grek, i cili në vitin 331 para Krishtit themeloi qytetin që ende e mban emrin e tij.

Mediat italiane: Në detin shqiptar ekziston një thesar i madh! Ja ku ndodhet

Një grup kërkuesish kanë kërkuar nga autoritetet shqiptare që të krijojnë një muze për të ruajtur dhe ekspozuar qindra mijëra artefakte romake dhe greke dhe reliket antike që gjenden në fund të detit pak të eksploruar të vendit, shkruan rainews.it

Gjatë një konferencë kushtuar arkeologjinë nënujore, arkeologët kanë paralajmëruar se kjo pasuri e madhe e zbulimeve të ndodhura në pjesën jugore të vendit, afër kufirit me Greqinë, mund të jetë lehtësisht e shkatërrueshme nga keqbërësit, grabitësit dhe kërkuesit e thesareve.

James Goold, presidenti i RPM Fondacioni Nautical, me seli në Florida, ka deklaruar se objektet datojnë që prej shekullit VIII para Krishtit deri në Luftën e Dytë Botërore dhe mund të jenë atraksione të mëdha turistike nëse vlerësohen siç duhet.

L’RPM Goold (institut kërkimesh italo-shqiptar) ka evidentuar në det të hapur, nga kufiri i Greqisë deri në Gjirin e Vlorës, më së paku 22 relike, që nga Antikiteti në Luftën e Dytë Botërore dhe qindra amfora.

Këto vazo prej balte janë të gjata dhe të ngushta dhe përdoreshin për të transportuar vajin e ullirit dhe të verës përgjatë rrugëve tregtare ndërmjet Afrikës së Veriut dhe Perandorisë Romake, ku Shqipëria (Iliria) ishte në mes.

“Ka ardhur momenti të ndërtohet një muzeu për turistët shqiptarë dhe të huaj. Shumë amfora ndoshta janë tashmë të trafikuara, shumë prej tyre i shohim si dekorime nëpër restorantet përgjatë detit. Shqipëria është duke u përpjekur të mbrojë dhe kapitalizojë pasurinë e saj”, theksoi arkeologu Neritan Ceka.

”Mbërritja e anijes së kërkimeve Hercules RPM, 11 vjet më parë, ka qenë një revolucion i vërtetë”, tha Ceka, duke lavdëruar punën e profesionistëve nënujorë dhe modulin e telekomanduar që përdoret për kërkime. RPM është një institut bashkëpunimi italo-shqiptar, i vetmi i këtij lloji kërkimesh në Shqipëri.

Bëhuni gati, po vjen eklipsi më i gjatë hënor i shekullit

Të premten, më 27 korrik, pritet të ndodhë eklipsi më i gjatë hënor që ka ndodhur në shekullin e 21-të, i cili pritet të shtrihet në pjesën më të madhe të Evropës, Azisë, Australisë, Afrikës dhe në një pjesë të Amerikës së Jugut

Ky do të jetë eklipsi i dytë i përgjithshëm hënor që ndodh gjatw këtij vit, pasi i pari u zhvillua më 31 janar dhe zgjati tre orë e 23 minuta.

Ndërsa ky eklips hënor parashikohet të zgjasë rreth katër orë duke e bërë atë eklipsin më të gjatë hënor të këtij shekulli.

Gjatë këtij eklipsi Toka do të kalojë përmes Diellit dhe Marsit duke bërë që planeti i kuq të na ofrojë pamjen më të mirë që kemi nga ky planet prej 15 vjetëve.

Përplasen reperët shqiptarë: Noizy është bukëshkalë, e mora nga stoli dhe e bëra artist

GBMC ka qenë një ndër producentët e parë I reperi Noizy. Ndër këngët më të famshme të rpodhuara prej tij janë: “Malet e Dibrës”, “Jena Mbretër”, “Histori e gjatë” si dhe “OTR me zemër”

Ditën e sotme GBMC me anë të një lidhje direkte nga Londra, tregoi në mënyrë ekskluzive për KafeIN, studion e tij si dhe foli për projektet, shoëbiz-in shqiptar dhe marrëdhënien e tij me reperin më të famshëm shqiptar Noizyn.

Kujtojmë se në vitin 2007 GBMC ka menaxhuar produksionet muzikore të OTR. I pyetur nga moderatori për marrëdhënien e tij aktuale me Noizyn, GBMC u shpreh se marrëdhënia nuk është aspak e mirë, madje producenti tregoi se reperin e morën nga stoli dhe e bënë artist. Producenti akuzoi Noizyn se nuk e ka përmendur asnjeherë të mirën që I ka bërë, madje producenti e përkufizoi reperin si bukë shkalë dhe mosmirënjohës.

Ndër të gjitha GBMC theksoi se ka bërë shumë për Noizyn, është sjellë mirë me të e ka respektuar.”I kam lënë çelësat e studios që bën 200 mijë euro”. Gjithashtu GBMC u shpreh se të drejtat e albumit të parë të Noizyt i përkasin atij dhe për t’i mbrojtur këto të drejta, kjo punë mund të shkojë deri në gjyq.

Çfarë fshihet në thellësinë e Tokës?

Njeriu ende nuk ka zbuluar se nga se përbëhet brendësia e Tokës. Por nga një studim i fundit, shkencëtarët mendojnë se thellësia e planetit tonë përbëhet nga azoti i lëngshëm, gjë që do të shpjegonte edhe sasinë e madhe të tij në formë të gaztë në atmosferë

Sipas tyre, Toka është planeti i vetëm i njohur që ka një sasi kaq të lartë të azotit në atmosferë, ndërkohë që në thellësi mendohet se është në formën e një metali të lëngshëm.

Azoti që është prezent në ajër mund të vijë pikërisht nga shtresat e thella të planetit, ku mund të jetë i përzier edhe me të tjera metale në formë të lëngshme.

Njëri prej autorëve të studimit, Stewart McWilliams, sugjeron që azoti, i cili është në sasi më të lartë edhe se oksigjeni, mbërrin në një farë mënyre pikërisht nga brendësia e Tokës.

10 hotelet më të veçantë në botë

Në vende të ndryshme të botës gjenden hotele të veçanta të cilat dallohen për format e rralla arkitekturore dhe simbolikën e secilit prej tyre

Secili prej këtyre hoteleve ofron pamje mahnitëse të ndikuar gjithashtu edhe prej vendndodhjes që kanë por sidomos karakteristikave të veçanta që ka çdonjëri prej tyre. Nëpër botë ekzistojnë shumë hotele të tilla, por jemi munduar të listojmë vetëm dhjetë prej tyre, të cilët kryesojnë për pamjen që ofrojnë, vendndodhjen, si dhe domethënies së tyre.

1- Beresheet Hotel, Mitzpe Ramon, Izrael
Përmban 34 suita luksoze me pishina private dhe mure prej guri, qendër spa dhe restorant.

2- Magic Mountain Lodge, Huilo-Huilo, Kili
Një vend magjik, si në përralla në mes të pyllit Patagonian të Kilit.

3- Conrad Hilton, Rangali, Maldives
Një vend ku takohet luksi me stilin e thjeshtë. Conrad Maldives është vendosur në dy ishuj dhe arrihet nga një fluturim 30 minuta me avion.

4- 727 Hotel Fuselage, Manuel Antonio, Kosta Rika
Ky është një hotel luksoz i bërë nga aeroplan i 1965 Boeing 727, i cili më parë fluturonte kudo nëpër botë me linjën e Afrikës së Jugut Air dhe Avianca Airlines, Kolumbi.

5- Glace Ice Hotel, Québec City, Kanada
E vendosur në vetëm 10 minuta larg nga qendra e qytetit të Québec, Hotel de Glace është një tërheqje për tu zbuluar çdo dimër.

6- V8 Hotel, Böblingen, Gjermani
Restauruar gjerësisht, ky hotel me 4 yje jo vetëm që të mahnit me veçoritë e saj historike, por gjithashtu ofron një ambient të jashtëzakonshëm për qëndrimin tuaj.

7- Attrap’Rêves, Allauch, Francë
Attrap’Rêves përbëhet nga flluska të personalizuara bazuar në tema të ndryshme. Një gjë është e sigurt, do të keni një pamje të mrekullueshme të pyllit rreth jush nën një qiell plot yje.

8- Dhara Dhevi Resort, Chiang Mai, Tajlandë
Dizajni i resortit luksoz reflekton shumë nga ndikimet arkitektonike dhe kulturore të Mbretërisë historike Lanna.

9- Intercontinental Thalasso Spa, Bora Bora
Ky vendpushim i mrekullueshëm ndodhet në një plazh të virgjër në “Motu Piti Aau” përgjatë anës lindore të Bora Bora dhe është i arritshëm vetëm me anije.

10- Dasparkhotel, Essen, Gjermani
Dhomat e hoteleve të ndërtuara nga segmentet gjigante të tubave të kanalizimit prej betoni.

Po e tradhtoj burrin tim me një mashkull më të ri

Unë jam në një lidhje dashurie me një mashkull më të ri se unë. Të dy jemi të martuar dhe e dimë mirë se nuk kemi të ardhme të përbashkët. Unë e dua burrin tim, por më mungon dashuria e tij në shtrat

E dashura psikologe: Unë jam ngatërruar në një marrëdhënie të pasionuar me të dashurin tim dhe ne nuk mund ta ndalim vetveten.

Unë jam duke e shijuar një marrëdhënie të pasionuar me një mashkull që fillimisht e njoha përmes punës time si një blerës sekret.

Të dy jemi të martuar dhe e di që nuk kemi të ardhme bashkë, por nuk mund ta ndalojmë vetveten.

Ai është 35 vjeqar dhe unë jam 29. Ne u njoftuam kur unë hyra në punë. Ai është trajneri im dhe unë duhet t’i raportoj atij. Gjithmonë kemi flirtuar në një nivel të ulët.

Kur unë u zhvendosa nga ajo frimë, ne filluam të shkruanim mesazhe të quditshme.

Unë jam e martuar qe 8 vite, ndërsa ai për 10.

Me kalimin e kohës ai filloj të bëntë shaka rreth familjes së tij, duke thënë se gruaja e tij ishte e merzitshme dhe jo e mirë në shtrat.

Burri im është një njeri i mirë, por seksi jonë duke se ka rënë nga një shkëmb. Ai është 34 vjeqar. Ne nuk flasim aq dhe kurrë nuk shtrëngojmë duartë kur dalim jashtë për shëtitje ose ushqim.

E takova atë në kolegjin tim në rrugë rreth tetë muaj më parë. Ai më pyeti nëse kisha kohë për të pirë diqka dhe qëndruam në pijetore gjithë ditën.

Ne nuk mundem të ndaleshim duke folur. E urrej ti them lamtumirë. Ai më dha numrin e telefonit dhe më tha ta thërras.

E thirra dhe ai herën tjetër e rezervoj një hotel. Nuk kishte vetëm seks, por ishte e shkëlqyer. Ai ishte aq i butë.

Ai më bën të ndihem e dashur dhe e veqantë sërish, por më ka thënë se nuk është gati për ta lënën gruan e tij. Unë e di që duhet të përfundoj këtë lidhje dhe të përpiqem më shumë në shtëpi, por sinqerisht mendoj se e kam bërë më të mirën.

Unë jam munduar më tepër për martesën tonë sesa bashkëshorti im. Unë kurrë nuk kam ndaluar duke u përpjekur. Jam duke menduar ta lë atë për një kohë, por kam frikë nga qëndrimi vetëm.

Gjithashtu nuk dua ta humbas shtëpinë e bukur dhe miqtë e dashur që i kemi së bashku.

E dua burri tim, por ai më bën të ndihem mirë. Më të vërtetë nuk e di që qfarë duhet të bëj.

Psikologia përgjigjet:

Ju lutem zgjohuni nga rreziku që ju jeni duke ecur. Nëse nuk ndaleni duke takuar të dashurin tij, ju ose do të kapeni ose do të ngeleni shtatzënë, duke ju lënë të lënduar dhe demoralizuar.

Ti e di se nuk kë të ardhme me të, kështu që mos rrezikoni dhe mos humbisni kohën tuaj. Ju jenu e martuar rreth 8 vite dhe nuk është e pazakontë që marrëdhënie juaj të bëhet paksa e ndenjur.

Tregoni bashkëshortit tuaj që ju nevojitet ngrohtësia dhe dashuria e tij dhe që ju mungon dashuria e tij në shtrat.

Qfarë ndodhi me jetën tuaj seksuale? Nëse kjo është një problem fizik, atëherë kërkoj që ai të shkoj tek një mjek i përgjithshëm. A është ai në depresion ose i lodhur, apo vetëm ka nevojë për një ndryshim? A do ta ndihmonte atë një festë?

Nga macja e zezë te pasqyra e thyer, bestytnitë që trembin shqiptarët

Disa nga bestytnitë që frikësojnë shqiptarët dhe vitet s’i kanë zhdukur

Kur macja e zezë “të pret” rrugën

Nëse duke e kaluar rrugën, qoftë në këmbë apo me veturë, një mace e zezë ua ‘pret’ rrugën, atëherë ju duhet ta ndryshoni drejtimin apo të ktheheni, pasi kjo është një shenjë e fatkeqësisë. Në mesjetë, macet konsideroheshin kafshë të shtrigave, kështu për të mos pësuar ndonjë fatkeqësi, ato edhe vriteshin.

E marta “e zezë”

Mendohet se e marta është dita kur Zoti krijoi të ligën, kështu, sipas më të vjetërve, nuk është mirë që të pastroheni natën e martë, të punoni punë dore apo punë të tjera.
Prerja e thonjve natën

Besëtytnia ndoshta më e çuditshme që ende besohet është për prerjen e thonjve të dorës dhe të këmbës natën ose përnjëherë. Sipas këtij besimi, nëse ju i prisni thonjtë e këmbës dhe të dorës përnjëherë, dikush do të vdesë në ditën tuaj të dasmës – apo do të ketë edhe dasmë edhe vdekje për një ditë.

Paratë

Besohet se nëse të kruhet dora e djathtë do të japësh para, por nëse të kruhet e majta, do të marrësh para.

Gëzimi

Thuhet se kur dy persona flasin përnjëherë fjalën e njëjtë rastësisht, do të gëzohen në një të ardhme të afërt ose dikush i shan.

Lemza

Ndoshta ende e dëgjoni thënien “po të përmend dikush” kur keni lemzë, por kjo nuk është asgjë më shumë se një reagim i pavullnetshëm i muskulit të diafragmës që sjellë daljen e një sasie ajri dhe në të njëjtën kohë mbylljen e epiglotës (hapësirës së laringut).

Akrepat e orës

A thua me të vërtetë mendon dikush për ju nëse kur shikoni orën akrepat e saj janë një mbi një? Por, tani në kohën e celularëve të mençur, disa besojnë në fatin e numrave të orës në celular, p.sh kur ora është 11:11, 15:15 etj.

Patkoi i kalit

Besohet se patkoi i kalit i vendosur në derën e hyrjes në shtëpi e mbron shtëpinë nga krijesat e liga dhe sjellë fat e pasuri. Por, sigurohuni që patkoi të jetë i vendosur në këtë mënyrë, pasi në anën tjetër pasuria do të ju ‘derdhet’ e tëra.

Hurma në kuletë

Ka shumë vite që besohet se të mbash një bërthamë të hurmës në kuletë, kuleta juaj nuk do të mbetet kurrë pa para. Por, a mund të fitosh para pa punuar?

Pasqyra e thyer

Thuhet se pasqyra e thyer ka fuqi që të sjellë gjëra të këqija në jetë, që nëseshikoheni në të, fati u ‘shtyhet’ për shtatë vite.

Vajza me të cilën u ‘fejua’ Flori është Liberta Spahiu?

ara pak minutash në Instagramin e tij, kantautori Flori Mumajesi e ka publikuar një foto e cila nxorri pyetjen milionëshe. U fejua apo nuk e bëri një gjë të tillë, sidoqoftë ai e ka konfirmuar tani që është i dashuruar kokë e këmbë

Pranë fotos së postuar Flori e ka vënë vetëm një zemër dhe fansat e tij menjëherë kanë reaguar me pytje se kush fshihet pas këtij imazhi.

Faktikisht më herët është diskutuar në media për një lidhje të mundshme mes Florit dhe Liberta Spahiut dhe unaza që vajza në foto e mbanë është e stilit të unazave që Liberta i mbanë në duar.

Lajmi.net nëpërmjet telefonit ka kontaktuar me moderatoren e njohur e cila nuk ka pranaur të flasë për këtë çështje.

Mirëpo ende asgjë nuk është e sigurtë dhe pritet që ai në ditët në vijim të zbulojë se kush ia ka rrëmbyer kaq thellësisht zemrën.

Këndoi në finalen e Botërorit, Dua Lipa dhe Rita Ora i shkruajnë Era Istrefit

Kombëtarja shqiptare nuk ia doli të ishte pjesë e Kampionatit Botëror të Futbollit Rusi 2018, por shqiptarët anembanë botës kishin një tjetër arsye për të qenë krenarë, pasi këngëtarja shqiptare Era Istrefi performoi në finalen e madhe himnin e kampionatit, përkrah Will Smith dhe Nicky Jam

Një gjë e tillë mesa duket ka bërë të ndihen krenare edhe dy artiste të tjera shqiptare me famë ndërkombëtare, siç janë Dua Lipa dhe Rita Ora të cilat nuk kanë ngurruar ta shprehin publikisht këtë ndjesi.

“Bravo Era!”-i ka shkruar Dua Lipa në Instagram këngëtares së njohur, ndërsa Rita Ora shkruan: “Jepi vajzë!”