A po e braktisë BE-ja NATO-n

Nëntë shtete anëtare të BE do të nënshkruajnë marrëveshjen për krijimin e një forme të përbashkët të ndërhyrjes ushtarake evropiane, një iniciativë e cila ka fituar mbështetjen e Britanisë së Madhe, pasi ajo synon të ruajë lidhjet e mbrojtjes pas Brexit

I drejtuar nga presidenti francez, Emmanuel Macron, forca evropiane do të formulohet për t’u vendosur dhe koordinuar me palët, me shpejtësi për t’u marrë me krizat në mbarë botën.Ministrat e mbrojtjes nga Franca, Gjermania, Belgjika, Britania, Danimarka, Hollanda, Estonia, Spanja dhe Portugalia pritet të nënshkruajnë një letër qëllimi në Luksemburg të hënën.

Që nga zgjedhja e qeverisë së re, Italia ka ecur me hapa prapa në mbështetjen e saj fillestare, por Roma nuk ka përjashtuar përfshirjen e ardhshme të vendit.Macron nënvizoi vizionin e tij të autonomisë strategjike për mbrojtjen evropiane në një fjalim kryesor të Sorbonës shtatorin e kaluar.Zhvillimi ka shkaktuar ankth brenda NATO-s, ku zyrtarët janë të shqetësuar për çdo dublikim të roleve dhe largimit nga SHBA.

Buxheti dhe shteti po trajtohen si biznes privat

Vendimi për rritjen e pagave për qeveritarët i marrë para gjashtë muajsh nga kryeministri Ramush Haradinaj u kundërshtua nga opozita e shoqëria civile. Por, Gjykata Kushtetuese vendosi që vendimi nuk përbën shkelje ligjore

Mirë, së fundmi kritikë për rritjen e pagave dha shefja e zyrës së BE-së në Kosovë, Natalia Apostolova, e cila tha se vendimi duhet të tërhiqet dhe të pritet miratimi i Ligjit për Pagat.

E njohësi i çështjeve politike në vend, Haki Abazi, në një bisedë për gazetën “Bota sot”, ka thënë se rritja e pagave është marrë në bazë të një vendimi arbitrar dhe në favore të disa njerëzve, në vendin më të varfër.

“Rritja e pagave është akt i papërgjegjësisë dhe favoreve të njerëzve të afërt që e bëjnë konfliktit interesi. Pagat e zyrtarëve të shtetit më të varfër janë më të lartat dhe nuk ka se si të arsyetohet një vendim i tillë, i bazuar në një vendim arbitrar dhe jo ligj sipas procedurave dhe rregullit për alokim të buxhetit”, është shprehur ai.

Sipas Abazit, si buxheti, ashtu edhe shteti po trajtohen si biznes privat, pa respektuar mekanizmat llogaridhënies dhe përgjegjshmërisë.

“Rritja e pagave është bërë praktike për favore politike nga e kaluara dhe kjo praktikë duhet të ndërpritet. Buxheti i shtetit ashtu siç edhe vet shteti po trajtohet si biznes privat pa respektuar mekanizmat e llogaridhënies dhe përgjegjshmërisë”, ka deklaruar Haki Abazi për “Bota sot”.

Dialogu pa konsensus rrezikon ratifikimin e marrëveshjes

Mungesa e konsensusit politik rreth fazës finale të dialogut me Serbinë, mund të prodhojë një marrëveshje në Bruksel e cila do të kishte fatin e Marrëveshjes së demarkacionit me Malin e Zi, për të cilën Kuvendi i Kosovës harxhoi tri vjet për ratifikim, thonë njohësit e zhvillimeve politike në Prishtinë. Ndërkohë që opozita, vazhdon të kontestojë në radhë të parë rolin e presidentin Hashim Thaçi në procesin e dialogut

Kosova dhe Serbia janë futur në fazën e finale në kuadër të procesit të dialogut në Bruksel, që po lehtësohet nga Bashkimi Evropian. Presidenti i Kosovës, Hashim Thaçi dhe ai i Serbisë, Aleksandër Vuçiq kanë biseduar të dielën në Bruksel për një kornizë e cila do të dërgonte në arritjen e marrëveshjes përfundimtare për normalizim të marrëdhënieve.

Derisa presidenti Thaçi është shprehur optimist sa i takon përfundimit të këtij procesi, presidenti serb, Vuçiq e ka quajtur proces të vështirë. Kurse Përfaqësuesja e lartë e BE-së, Federica Mogherini, e quajti të vështirë, por shpresëdhënës takimin Thaçi-Vuçiq. Në Prishtinë, takimi i fundit mes dy presidentëve po vlerësohet më tepër nga aspekti i mungesës së konsensusit të brendshëm politik në Kosovë.

Drejtori i organizatës “Çohu”, Arton Demhasaj thotë se marrëveshja finale e dialogut me Serbinë mund ta ketë fatin e njëjtë sikurse Marrëveshja për demarkacionin. “Në aspektin e arritjes së një marrëveshje të tillë, finale, është problematike për faktin se ajo marrëveshje që arrihet, pastaj duhet të ratifikohet në Kuvendin e Kosovës. E në rast se nuk ka konsensus me të gjerë mes partive politike në pozitë dhe atyre opozitare për një marrëveshje dhe për një negocimi të tillë, atëherë ekziston rreziku që ajo marrëveshje që mund të arrihet në Bruksel, të mos ratifikohet në Kuvendin e Kosovës”, thekson Demhasaj.

Sa i takon marrëveshjes finale me Serbinë, Demhasaj thotë se ajo duhet të arrihet, ndryshe asnjëra nga shtetet e përfshira në bisedime nuk mund të ecë përpara në procesin integrues evropian. Ndërkaq, Jeta Krasniqi nga Instituti Demokratik i Kosovës thotë se pa konsensus paraprak, Prishtina rrezikon që të rrëshqasë sërish në problemin ratifikimit të marrëveshjeve.

“Konsensusi politik duhet të ndërtohet, pra për platformën, qëndrimin e Kosovës në këto bisedime dhe për ta garantuar që shteti i Kosovës në këto bisedime është duke mbrojtur interesin e vet. Edhe marrëveshjet duhet të ratifikohen në Kuvend me dy të tretat dhe konsensusi duhet të arrihet për të evituar pikërisht përsëritjen e Marrëveshjes së demarkacionit, kur arrihet një marrëveshje dhe nuk mund të ratifikohet në Kuvend”, tha Krasniqi.

Hyrja në fazën finale të bisedimeve pa një konsensus po kritikohet edhe nga opozita në Prishtinë. Njëherësh, opozita po e konteston edhe rolin e presidentit të Kosovës, Hashim Thaçi, si udhëheqës i bisedimeve.

Lidhja Demokratike e Kosovës konsideron se Kuvendi është organi i vetëm që vendos se kush e përfaqëson Kosovën në dialog me Serbinë. “Kuvendi i Kosovës nuk ka vendosur ende për këtë çështje, pasi platforma për dialog me Serbinë, që ishte në rend ditë në Kuvend, u tërhoq nga Qeveria. Ndërkaq, platforma e vitit 2011 e autorizon Qeverinë të dialogojë me Serbinë”, ka deklaruar shefi i Grupit Parlamentar të LDK-së, Avdullah Hoti.

“Rrjedhimisht, presidenti Thaçi nuk ka asnjë autorizim për të negociuar në emër të qytetarëve të Kosovës. Kështu që, çdo marrëveshje që arrihet në Bruksel mund të jetë vetëm marrëveshje e tij private, por jo në emër të Kosovës”, theksoi Hoti.

Edhe Lëvizja Vetëvendosje konsideron se pa konsensus është i pamundur vazhdimi i dialogut. Fatmire Kollçaku, nënkryetare e Lëvizja Vetëvendosje thotë se askush nga Kosova aktualisht nuk ka mandat që të shkojë në bisedimet e Brukselit.

“Nëse e shikoni historikun e bisedimeve, është shumë e qartë se Serbia vazhdimisht përfiton ndërsa Kosova nuk ka asnjë përfitim, por vetëm kryesisht tash kërkohet implementimi i marrëveshjeve të dëmshme që edhe nuk respekton nga ana e Serbisë marrëveshjet e tjera”, thekson ajo.

Dialogu mes Kosovës dhe Serbisë zhvillohet në dy nivele, atë politik, ku delegacionet përfaqësohen nga presidentët e shteteve apo kryeministrat, dhe niveli teknik, që zhvillohet përmes ekipeve të ekspertëve, ministrave dhe përfaqësuesve të institucioneve nga të dyja shtetet. Bisedimet nisën në vitin 2011 dhe prej atëherë u arritën shumë marrëveshje, por jo të gjitha janë duke u zbatuar.

Qeveria e humb një votë, Labinot Tahiri drejt Vetëvendosjes

Qeveria e Kosovës shumë shpejt do ta ketë një votë më pak në Kuvendin e Kosovës. Aleancën Kosova e Re, e cila bën pjesë në koalicionin qeverisës të vendit, gjatë ditëve të ardhshme do ta braktisë një deputet i saj

Pas Korab Sejdiut, partinë e udhëhequr nga Behgjet Pacolli do ta lërë edhe Labinot Tahiri, i njohur më shumë në publik si Labi. Tahiri pritet të kalojë në opozitë, në radhët e Lëvizjes Vetëvendosje, që udhëhiqet nga Albin Kurti.

Është vetë Tahiri që e ka konfirmuar një gjë të tillë, në një bisedë me Gazetën Express. Ai ka thënë s’e ende s’e ka bërë hapin përfundimtar, por që kjo pritet të ndodhë “shumë shpejt”.

“Jam duke diskutuar me miq, dhe e kuptoj që këshilltarët e rinj janë shumë të mençur. Konsultohem edhe me njerëz të historisë, që kanë njohuri për Kosovën dhe për kombin”, është shprehur Tahiri për Express.

Ai ka thënë se me Vetëvendosjen tash për tash është në negociata. Tahiri ka treguar se AKR’në ka vendosur ta lërë, për shkak të shumë pakënaqësive me të, për të kaluar në VV, me të cilën, siç ka thënë ai, e lidh aspekti kombëtar.

“Jam në negociata, duke diskutuar me disa miq prej VV’së”, ka treguar ai.

“Çështja është që emri i Albinit s’përmendet askund për korrupsion, dhe unë jam person i pakorruptuar, dhe nuk dua ta kem një imazh të tillë në të ardhmen”, ka thënë Tahiri për Express.

“Çdo person që jam munduar ta mbroj në aspektin politik, e kam bërë në aspektin kombëtar… Duke u bazuar te Ramushi, unë e njoh vetëm në aspektin kombëtar, por këto gjëra që i bën, nesër i dalin që ka gabuar, unë më nuk e njoh”, është shprehur ai.

Tahiri ka thënë se në AKR nuk po çmohet, dhe po injorohet. “Jam dëshpëruar shpesh”, ka treguar ai.

“Rreth partisë time… janë disa persona që marrin vendime pa pasur kompetenca, ndërsa Behgjeti (Pacolli) i ka udhëtimet e veta, nuk merret me deputetët që e kanë mbrojtur deri dje…”, është shprehur Tahiri.

“Njerëzit që mendojnë të më neglizhojnë, të më injorojnë, janë shumë të vegjël. Për mua vetëm kombi dhe Zoti më i madh që ekzistojnë”, ka thënë ai.

“Nuk dua ta dëmtoj partinë. Problemi është që kur iu duhet, të qesin në rend të parë, kur s’ju duhesh, të qesin në rend të dytë”, është shprehur Tahiri.

Ai ka thënë se nuk po e gjen më veten në AKR, ndërsa beson se në Vetëvendosje do të përshtatet shumë mirë.

“Unë jam modest, i thjesht, i jap llogari çdokujt. Qytetarëve kurrë s’ju kam ikë. Jam duke këqyrë ta gjej vendin ku duhet”, ka theksuar Labi.

“Unë jam vetëm për ata njerëz që po heqin, për ata që kanë pare dhe janë pasuruar nuk kam ndjenja për ta”, ka thënë ai. “Dua ta kem një histori të pastër. Fëmijët dua të jenë të kënaqur me mua”, ka shtuar Tahiri.

“Në VV, janë njerëz që i njoh, i kam miq. Njerëzit më kanë thënë që e kam vendin aty”, ka thënë Tahiri për Express.

“Ndoshta kam bërë gabim me demarkacionin, që s’përputhet me VV’në, por atë e kam bërë për 80 për qind të qytetarëve”, është shprehur ai. Tahiri ka thënë se gjithashtu s’ka mundur të dalë kundër qëndrimit të Shteteve të Bashkuara për atë çështje. “S’mund ta kundërshtoj Amerikën”, ka theksuar ai.

“Njerëzit e Shpend Ahmetit po falsifikojnë dokumente dhe vula të Komunës së Prishtinës”

Anëtari i Kuvendit Komunal të Prishtinës nga Lëvizja Vetëvendosje, Egzon Azemi, ka mbajtur një konferencë për media, pasi që sot Hajdar Hoxhës i është ndalur hyrja në ndërtesën e Ndërmarrjes Publike Banesore. Azemi ka akuzuar kryetarin e Prishtinës, Shpend Ahmeti, që sipas tij njerëzit e afërm me PSD-në, po falsifikojnë dokumentet dhe vulat zyrtare të Komunës së Prishtinës, në mënyrë që të kenë sa më shumë ndikim në ndërmarrjet publike

Ai ka dënuar ndalimin e Hajdar Hoxhës, për të hyrë në objektin e Ndërmarrjes Publike Banesore. “Edhe pse për vetëgjygjësi kemi degjuar vetëm nga histori të vjetra, sot po këtë fenomen tentuan ta aktualiziojnë antarët e PSD-së së Shpend Ahmetit, të ciët duke shkelur çdo ligj dhe me forcë tentuan ta marrin kontrollin e kësaj ndërmarrje. Sot drejtori i Shpend Ahmetit, në Drejtorinë e Pronës së bashku me asambleistin që ka konflikt interesi në NPB-në, Bashkim Beha dhe anëtarit tjetër të tyre Hajdar Hoxha me rreth 8 persona të sigurimit privat, pas orës 05:00 të mëngjesit tentuan ta okupojnë këtë Ndërmarrje, por falë rezistencës se punëtorëve të cilët e njoftuan menjëherë Policinë, kjo Ndërmarrje është ende publike!”, tha Egzon Azemi.

“Ne, në asnjë mënyrë nuk do lejojmë rikthimin e NPB-së buzë falimentimit dhe në shërbim të interesave private ashtu siç kanë tentuar të bëjnë edhe në disa ndërmarrje tjera. Ndërmarrja Publike Banesore është dhe duhet të jetë në shërbim të qytetarëve dhe duhet të vazhdojë projektet e saj që janë në dobi të qytetit tonë. Ne nuk do të lejojmë që këtë ndërmarrje ta kthejnë në shërbim të miqve të Shpend Ahmetit”, thuhet në reagimin e VV-së.

“I bëjmë thirrje të gjitha institucioneve publike që të vazhdojnë bashkëpunimin e tyre me menaxhmentin valid të NPB-së, në mënyrë që projektet në dobi të qytetarëve, që kanë filluar për herë të parë që nga pas lufta si renovimi i banesave kolektive dhe mirëmbajtja e tyre, të vazhdojnë sepse nga këto projekte përfitojnë direkt të gjithë qytetarët e Prishtinës”, thuhet në komunikatën për media të Lëvizjes Vetëvendosje.

Gjatë ditës së sotme ushtruesi i detyrës së Kryeshefit Ekzekutiv të Ndërmarrjes Publike Banesor, Hajdar Hoxha është ndaluar të hyjë në objektin e tij të punës. Këtë lajm e kishte bërë publik Drejtori i Pronës dhe anëtar i komisionit të aksionarëve të NPB, Dren Kukaj. Ai kishte thënë se Hajdar Hoxha është drejtor i jashtligjshëm dhe se atë po e mbron policia bashkë me Vetëvendosjen.

“Sot, ushtruesit te detyrës se Kryeshefit Ekzekutiv, Hajdar Hoxha i është ndaluar hyrja ne Ndërmarrjen Publike Banesore. Kjo ngjau për shkak se aktiviste te punësuar te VV-se në këtë ndërmarrje ishin organizuar t’ia garantojnë qëndrimin e jashtëligjshëm Nexhat Kryeziut (Kujto: protagonistin e skandalit ala pronto per ndarjen e lokaleve). Çuditërisht atyre ne ndihme i erdhi edhe Policia e Kosovës”, ka shkruar Kukaj.

Disa ditë më parë Drejtues të Komunës së Prishtinës i kanë bërë thirrje Prokurorisë së Shtetit dhe Policisë që të ndërhyjnë në NPB, pas publikimeve të incizimeve në lidhje me kurdisjen e tenderëve në këtë ndërmarrje, nga Gazeta Insajderi.

Beha tregon se çka nënkupton “finalja e madhe” në dialogun Kosovë – Serbi

Politologu Adem Beha, ka bërë një analizë të shkurtër të asaj se çka nënkupton “finalja e madhe” në dialogun mes Kosovës e Serbisë

“Partnerët ndërkombëtarë po kërkojnë mbërritjen e një kompromisi të madh për finalen e madhe mes Serbisë dhe Kosovës. Për Serbinë, ky kompromis nënkupton që ajo të ndryshojë Kushtetutën e saj dhe të heqë Kosovën nga aty si pjesë e pandashme e territorit të saj, por, njëkohësisht, të mos e pranojë shprehimisht pavarësinë e Kosovës.

Për Kosovën, ky kompromis nënkupton që Kosova të ndryshojë Kushtetutën e saj dhe ta shndërrojë Asociacionin e Komunave me shumice serbe në një kategori kushtetuese me kompetenca ekzekutive, por, njëkohësisht, të mos e njoh shprehimisht një tip të autonomisë territoriale për serbët në Kosovë”, ka thënë Beha, përcjell Koha.net. “Pra, me dy fjalë, ‘finalja e madhe’ nënkupton se Serbia nuk e njeh shprehimisht pavarësinë e Kosovës, kurse Kosova nuk e njeh shprehimisht autonominë territoriale të serbëve në Kosovë”, ka shtuar më tej Beha.

Beha ka thënë tutje se në terma faktikë, kjo do të thotë se Serbia e pranon pavarësinë e Kosovës, kurse Kosova e pranon autonominë territoriale serbe në Kosovë. “As njëra dhe as tjera nuk mund të realizohen pa u ndryshuar kushtetutat respektive të të dyja vendeve. Ky është thelbi i kompromisit të kërkuar. Te tjerat janë ornamente”, ka thënë Beha.

Profesori në UP ka thënë se Kosova duhet ta refuzojë këtë skenar, siç e quan ai, të keq. “Ky është kompromis me sovranitet. Kosova mund ta fitojë OKB-në, por mund ta humb shtetshmërinë e saj funksionale”, ka thënë Beha.

Pse Evropa e preferon Thaçin dhe Vuçiqin në dialogun Kosovë – Serbi

Augustin Palokaj, korrespodent i grupit “Koha” nga Brukseli, ka thënë se Bashkimi Evropian e preferon presidentin e Kosovës, Hashim Thaçi, dhe atë të Serbisë, Aleksandar Vuçiq, pjesë të dialogut pasi mendon se këta mund të kryejnë punë për marrëveshjet potenciale

Sipas tij, Bashkimit Evropian i duhet dikush që mund të kryejë punë dhe për Serbinë “dihet se s’ka njeri më të pushtetshëm se Vuçiqi”. Sa i përket Kosovës, Palokaj ka thënë se Thaçi me përkrahjen e kryeministrit Ramush Haradinaj mund t’i kryejë punët e nevojshme.

“Duhet të them që Thaçi e ka imponuar veten, ndërsa pushteti i Vuçiqit në Serbi është i pakontestueshëm. BE do të ketë punë me ata që mund të kryejnë punë. Pa Vuçiqin s’mund të kryhet punë në Serbi, ndërsa me mbështetjen e Haradinatj punët mund të kryhen edhe nga Thaçi”, ka thënë ai për Express Intervistën në KTV.

Sipas Palokajt, takimi i fundit i dy presidentëve nuk ka dalluar nga të kaluarit pasi edhe ky ishte jotransparent dhe pati pak deklarata për media nga pjesëmarrësit në takim. Ai pret që verës të mos ketë shumë zhvillime në dialog, pos përparime në dialogun për marrëveshjet tashmë të arritura. Palokaj ka thënë se ekziston rreziku që në fund të dialogut të dilet me një status quo të re dhe jo me marrëveshje përfunditmare.

“Zor se sivjet do të ketë liberalizim vizash”

Augustin Palokaj, korrespodenti i grupit “Koha” në Bruksel, ka thënë se sivjet zor se do të ketë liberalizim vizash për kosovarët. Sipas tij, në dyshim është edhe fillimi i vitit të ardhshëm. Ai parashikon që Evropa të zvarrisë këtë proces.

“Bisedoj shpesh me zyrtarët e Komisionit Evropian dhe ata thonë se nuk kanë ide se për çfarë flasin politikanët e Kosovës. Nuk pritet raport fare për Kosovën. Pritet që Komisioni Evropian të informojë Këshillin se a është përmbushur kriteri i fundit për luftën e korrupsionit”, ka thënë ai

Ai ka thënë se fakti që misioni i cili ka ardhur në Kosovë për të parë zhvillimet akoma s’ka kryer punë dhe kjo tregon se ka interes të zvarritjes së procesit.

“Nuk ka data për liberalizim. Pasi jemi afër pushimeve, që në Parlamentin Evropian janë të gjata, do të thotë se nuk ka liberalizim para fundit të vitit, por tash në pikëpyetje është edhe fillimi i vitit të ardhshëm kur ka zgjedhje në institucionet evropiane”, ka shtuar ai.

Loja e vdekjes

Qeveria e Shqipërisë (dhe e Kosovës) është një klikë tradhtare, e pashkolluar, e pabesë, me politikë të jashtme skandaloze, pjesëmarrëse në ndërmarrje të përbashkët kriminale, që përveç pisllëqeve tjera, synon zbatimin e projektit të huaj për vdekjen e Shqipërisë – me shndërrimin e vendit në Kamp “Refugjatësh”. Sa për fillim, 600.000 emigrantë (90% prej tyre burra 20-35 vjeçar)

Nga Aurel Dasareti (USA)

Ideja që miliona njerëz nga Afrika dhe Azia do të vinin në Evropë nëpërmjet rrugës detare, në kërkim të një jete më të mirë, u mendua në formën e një romani burleske më shumë se 40 vjet më parë. Shumicën nga gjërat që Jean Raspail i kishte imagjinuar kur e shkroi atë, na e kujton fortë realitetin e sotëm.

Shpërthimi i popullsisë në Botën e Tretë dhe dyndja masive e tyre do të ketë pasoja fatale për Evropën (sidomos Shqipërinë brenda dhe jashtë murit të arbrit). Me mijëra “Refugjatë” me të madhe, çdo ditë, kanë hyrë dhe hynë ilegalisht në Evropë e cila më është gati të pushtohet dhe të ndryshohet krejtësisht nga ajo që ne kemi njohur. Ajo që po ndodh në atë kontinent të vjetër është e pashembullt në historinë e rruzullit tokësor dhe bëhet më aktuale me kalimin e kohës. Trishtueshëm. 

Asambleja Kombëtare Hungareze miratoi dje të ashtuquajturën “Stop ligjeve të Soros”. Qeveria hungareze pretendon se Soros (padroni i Kryeministrit të Shqipërisë) ka organizuar dhe qëndron prapa migrimit masiv të paligjshëm në Evropë. 

Pederastët shqipfolës janë aleat me errësirën. Ata krahasojnë-barazojnë hyrjen ilegale-joligjore dhe strehimin në Shqipëri të emigrantëve të huaj, me atë të shqiptarëve të Kosovës që ikën nga masakrat apo u dëbuan nga barbarët serbo-çetnik, gjatë luftës (1998-99). Pederastët “harrojnë” se: të huajt e paftuar nuk janë aspak problemi jonë dhe nuk u kemi borxh. Hyjnë ilegalisht në vendin tonë. Nuk i takojnë kontinentit të Evropës, nuk kufizohen me Shqipërinë. Nuk janë vëllezërit tonë as të gjakut as të gjuhës as të fesë, as të kulturës as të historisë as të gjenealogjisë. Udhëtojnë duke kaluar përmes qindra shteteve tjera (ku nuk bëhet luftë) para se të hyjnë në Shqipëri. Prandaj nuk janë refugjatë por aventuristë që synojnë Evropën Perëndimore edhe nëpërmes Shqipërisë, në kërkimin e një jete të privilegjuar në dëm të vendasve evropian. 

Pederastët “harrojnë” se Kosova dhe pjesët tjera të okupuara janë degë të prera nga trungu, Shqipëria. Postkomunistët e çojnë në vend amanetin e Enver Hoxhës: “Vëllezërit kinez, miqtë kosovar”. Tradhtia ndaj Atdheut është një mëkat vdekjeprurës. Do të flasim drejtë, jo të manipulojmë dhe gënjejmë popullatën me gjepura, siç bën BE-ja dhe mediumet liberale majtiste, që thonë se një numër i konsideruar i emigrantëve na qenkan “Kirurg të trurit dhe shkencëtarë raketash” përkundër faktit se shumica e tyre janë analfabetë. 

Kampet e “refugjatëve” në Shqipëri, në fillim do ta thyejnë tërësisht industrinë turistike: zero vizitues të huaj, zero vizitues të diasporës, Kosovës, FYROM-it. Zero lek. 

Pasojat tjera: Përdhunime të femrave shqiptare, kudo. Martesa të përziera. Terrori islamik. Radikalizmi fetarë i shqiptarëve. Asimilimi i shqiptarëve në “emigrant”. Fatkeqësi e madhe që do të shkakton pasoja të rënda dhe shumë viktima. Falimentim i plotë ekonomik/politik. Rrëmuja. Ndryshime tragjike demografike. Luftëra civile secili kundër secilit. Katastrofë gjithëpërfshirëse. Le t`i vërtetojnë fjalët e mia sidomos shqiptarët e Suedisë, shtet për të cilin jam mahnit (pozitivisht) kur e kam vizituar herën e parë, kurse kohët e fundit, me ardhjen e “bekuar” të “kirurgëve të trurit dhe shkencëtarëve të raketave”, më tepër i përngjan Somalisë.  

Shpërbërja e shteteve Komb duke lejuar emigracionin e paligjshëm (pushtimin) që do ta ndryshoj tërësisht demografinë e shteteve Evropiane, premtimet e rreme, fyerjet dhe mashtrimet janë një pjesë integrale e politikës së BE-së. Shqipëria nuk është anëtare e BE dhe nuk ka asnjë arsye për t’i dëgjuar ata! Dhe, për momentin, mirë që nuk është anëtare e asaj organizate jodemokratike, ku do ta humbte tërësisht sovranitetin, sepse të gjitha vendimet për atdheun tonë të përbashkët do të vinin nga Brukseli, duke mos u pyetur për pëlqim asnjë shqiptar.

Më poshtë do t`i postoj dy letrat e mia private, të cilat javët e fundit ua kam dërguar disa redaksive të mediumeve shqiptare:

Letra parë: 
Përshëndetje të nderuar bashkatdhetar,

Do të doja të takohem personalisht me të gjithë ju dhe këtë do ta bëjë sa të më jepet mundësia e volitshme. 

Siç e dini, unë nuk jam gazetar, prandaj qëllimi i shkrimeve të mia nuk është që unë, edhe atë prej së largu, të përsëris ngjarjet aktuale nga tokat shqiptare etj. Shkrimet e mia i qëndis në bazë të këndvështrimit tim (pa konflikt interesi), profesionit dhe përvojës. 

E dini më mirë se unë se sidomos në shtetin amë, Shqipëri, numri i mediumeve (portale, gazeta, TV) kapërcen numrin e popullsisë sepse është në interesin e çdo pronari shakaxhi dhe mafioz, të propagandoj veten dhe biznesin e tij. Prandaj, unë personalisht nuk postoj te të tillët, por vetëm tek portalet që mendoj se i plotësojnë kushtet të quhen kombëtare. Tek ju pra, në mënyrë që të kontribuoj pak për kombin dhe vendin e gjyshërve të mi. 

Rinia ikën, gjendja është alarmante, do të mbeten vetëm pleqtë. Secili mendon se anëtarësimi në BE do të na shpëtoj, por shumë rrallë kam dëgjuar edhe për pasojat negative kur ajo të ndodhë: shqiptarët do ta braktisin atdheun ndërsa të huajt nga Afrika, Lindja e Mesme dhe Azia do të vendosen në trojet tona. 

Është naivitetet të mendohet se “refugjatët” e huaj nuk do të mbeten në Shqipëri, Kosovë, pjesët e FYROM-it ku jetojnë shqiptarët etj. Kjo sepse nipërit dhe mbesat e atyre shteteve rospi që asgjësuan trojet tona në Kongresin e Berlinit dhe Konferencën e Ambasadorëve në Londër, kanë hesap që “refugjatëve” afrikan/arabik/aziatik t`u ndërtojnë banesa dhe t`u japin ndihma sociale disa mijëra euro në muaj, vetëm të qëndrojnë përjetë në tokat tona. Pra, “demokratët” e BE-së kështu e çojnë në vend amanetin e të parëve të tyre duke vrarë shumë miza me një gur: e zvogëlojnë numrin e “refugjatëve” në BE, i kënaqin interesat e Serbisë, Greqisë, Rusisë, Bullgarisë (kolonizatorëve tonë) si dhe njëherë e përgjithmonë e “zgjidhin problemin shqiptar”.   

Çdo qenie njerëzore, për aq sa është një person dhe ka një fytyrë, ka edhe një fat të vetin, të paracaktuar dhe të bashkëlindur, madje shpesh duket sikur ai vetë e ka zgjidhur fatin, nga siguria me të cilën bën dhe jeton atë që është përcaktuar për të.

Letra dytë:
Të nderuar bashkëkombës,

Në vitet e fundit kam shkruar disa artikuj për çështjen e emigracionit të paligjshëm (nga Lindja e Mesme, Afrika dhe Azia) në Evropë. Shtetet kryesore të BE-së, për qëllime të caktuara, dërgojnë anije “humanitare” prej Evrope deri në 2-3 metra para bregdetit libian, që t`i mbushin ato me “refugjatë” fals (90% burra të ri) nga Afrika dhe Azia, dhe t`i sjellin në Evropë. Këto akte kontrabande joligjore me pasoja shkatërruese për Evropën, mediumet liberale nuk i quajnë me gjuhën e vërtetë, por gjoja se “filan anija shpëtoi 2000 refugjatë” etj. Ok, kuptohet se unë nuk jam avokat i Evropës, por me ata “refugjatë” do të mbushet edhe vet Shqipëria dhe trojet tjera – Rama e thotë këtë haptas, prandaj zvarritet si zagar pas Merkelit.

Pra, shkurtër, qëllimi i vetëm i letrave të mija të kësaj natyre është që Shqipëria, Kosova dhe trojet tjera arbërore të trashëgohen deri në amshim nga djemtë, vajzat, mbesat dhe nipërit…e shqiptarëve dhe jo nga ardhacakët (“mysafirët) e paftuar. 

Ne jemi i vetmi komb dhe vend i Evropës që na kanë copëtuar, prandaj duhet të shikojmë vetëm interesat tona, duke u lidhur edhe më fortë me shpëtimtarin e vetëm të shqiptarëve, Amerikën, dhe duke respektuar 100% ata qeveritarë që populli amerikan i ka zgjedhur si udhëheqës të vet. 

***
Ish Fuqitë e Mëdha Evropiane, në Kongresin e Berlinit (1878) dhe Konferencën e Ambasadorëve në Londër (1913), përdorën trojet shqiptare si plaçkë tregu, prandaj janë fajtorë për gjenocidin dhe mizorinë shekullore ndaj nesh. Është çmenduri e pastër për të lejuar burokratët pushtet-uritur të BE-së për të kontrolluar Shqipërinë që na ka mbetur. 

Policia kufitare duhet automatikisht t`i kthej nga kanë ardhur, të gjithë ata që hyjnë ilegalisht në Shqipëri duke mos respektuar aspak Ligjet dhe Kushtetutën e një vendi sovran. T`ua presim hovin të gjithë mysafirëve të paftuar që bëjnë shaka me Kombin tonë dhe trojet që na i kanë lënë gjyshërit dhe stërgjyshërit tanë. Ngritëni zërin tuaj! Mbroni kufirin!

/Autori është ekspert i shkencave ushtarake-psikologjike ([email protected])

Pas fitores Erdogani e shfuqizon kryeministrin

Sipas sistemit të ri, do të shfuqizohet funksioni i kryeministrit ndërsa kompetencat ekzekutive do t’i transferohen presidentit i cili do të sundojë me kontroll të pakufizuar të pushtetit. Recep Tayyip Erdogan pas fitores në zgjedhjet presidenciale do ta vazhdojë sundimin e tij edhe për pesë vjet me kompetenca të reja shumë më të zgjeruara

Komisioni zgjedhor e shpalli fitoren e Erdoganit në zgjedhjet e djeshme të cilat janë hyrje në sistem të ri presidencial i cili u miratua në referendum vitin e kaluar, transmeton AP. Sipas sistemit të ri, do të shfuqizohet funksioni i kryeministrit dhe kompetencat ekzekutive do të kalojnë te presidenti i cili do të sundojë me kontroll të pakufizuar të pushtetit.

Lideri turk, të cilin kritikët e akuzojnë për sundim autoritar gjithnjë e më të theksuar, por të cilin ithtarët e përkrahin për shkak të përparimit dhe stabilitetit në vend, edhe më tutje mund të ballafaqohet me vështirësi. Analitikët parashikojnë rënie të ekonomisë dhe rritje të inflacionit, transmeton Insajderi.com.

Fitorja e Erdoganit mund ta thellojë humnerën në mes të Turqisë dhe aleatëve të saj perëndimorë të cilët tashmë janë të brengosur për shkak të regresit në demokraci dhe të drejtave të njeriut, si dhe për shkak të marrëdhënieve të afërta të Turqisë me Rusinë.

Edhe pse ekzistonte frika se do të dobësohet valuta turke, përkundrazi lira u forcua pas fitores së djeshme të Erdoganit. Në fjalimin e fitores Erdogan ka premtuar se do të punojë në atë që Turqia të bëhet në mes të 10 ekonomive më të forta botërore deri në vitin 2023, kur Republika e Turqisë e shënon 100 vjetorin.

Ai ka thënë se është edhe më i vendosur për luftë kundër kryengritësve kurd dhe ithtarëve të lëvizjes së klerikut Fetullah Gulen, të cilin po e akuzon për organizim të grusht shtetit të dështuar më 2016.

“Turqia e ka zgjedhur luftën edhe më të vendosur kundër PKK (Partia Punëtore Kurde) dhe Gylenistëve… do t’i godasim edhe më vendosmërisht organizatat terroriste”, ka thënë Erdogan.

Sipas sistemit të ri. Erdogan do t’i emërojë ministrat, nënpresidentin dhe zyrtarët e lartë, do të shpallë dekrete, do ta përgatisë buxhetin dhe do të vendosë për masat e sigurisë.

Sipas rezultateve jozyrtare të komisionit zgjedhor, Erdogani ka fituar 52,5 për qind të votave, derisa në zgjedhjet parlamentare, të mbajtura gjithashtu dje, partia e tij e Drejtësisë dhe Zhvillimit (AKP) ka fituar 42,5 për qind të votave. Kandidati kryesor opozitar Muharem Inçe ka fituar 30,7 për qind të votave.

AKP e Erdoganit nuk arriti ta fitojë shumicën parlamentare, por aleatja e saj Partia Nacionaliste kaloi më mirë se që pritej, kështu që do të ketë kontroll mbi kuvendin i cili i ka 600 deputetë. Përndryshe Inçe sot ka pranuar humbjen, edhe pse ankohej në zgjedhjet jo të drejta.

KDI: Presidenti t’i raportojë Kuvendit për dialogun, partitë të angazhohen për konsensus të gjerë nacional

Instituti Demokratik i Kosovës (KDI) është duke ndjekur me vëmendje zhvillimet në kuadër të dialogut ndërmjet Kosovës dhe Serbisë, proces i lehtësuar nga Bashkimi Evropian

Sipas KDI-së, pas takimit të së dielës në Bruksel ndërmjet presidentëve të Kosovës dhe Serbisë, kreu i shtetit të Kosovës, Hashim Thaçi duhet t’i drejtohet Kuvendit të Kosovës dhe të informojë deputetët rreth përmbajtjes së bisedimeve dhe për hapat e mëtutjeshëm të këtij procesi për të cilat është dakorduar në takimin e mbajtur.

“Procesi i dialogut vazhdon të jetë jo-transparent. Ende nuk është e qartë se çfarë do të përmbajë faza finale e dialogut, cilat tema do të jenë pjesë e këtyre diskutimeve, çfarë pritet të arrihet në përfundim të tij dhe mbi të gjitha si do të garantohet gjithëpërfshirja politike dhe respektimi i mandatit kushtetues të institucioneve të vendit”, thotë KDI, raporton Koha.net.

KDI vlerëson se është jetike për vendin që faza finale të garantojë gjithpërfshirjen politike.
Institucionet shtetërore duhet të kryejnë obligimet e tyre kushtetuese dhe të respektojnë komunikimin në kuadër të kompetencave institucionale, me qëllimin e vetëm për të mbrojtur interesin shtetëror dhe jo për të minuar atë.

Instituti në fjalë ka thënë se qëndron prapa kërkesës së saj publike drejtuar Kuvendit të Republikës së Kosovës, më 29 maj 2018 për të thirrur një seancë të jashtëzakonshme për të diskutuar mbi fazën e re të dialogut.

“Kuvendi i Kosovës që nga konstituimi i tij nuk ka mbajtur asnjë seancë me pikë të rendit të ditës të ardhmen e dialogut Kosovë-Serbi. Kuvendi nuk ka më kohë për të humbur për të miratuar rezolutën për të ardhmen e këtij procesi. Kuvendi i Kosovës duhet të marrë përgjegjësi në këtë proces, duke definuar pritshmëritë, dhe vijat e kuqe të shtetit të Kosovës të cilat në asnjë moment nuk do të cenojnë integritetit territorial të Kosovës dhe funksionimin e sistemit unitar duke garantuar përfaqësimin e shtetit të Kosovës në arenën ndërkombëtare si të barabartë me secilin shtet tjetër.

Institucionet e Kosovës nuk duhet të lejojë që bisedimet me Serbinë të vazhdojnë pa arritjen e një konsensusi politik dhe pa platformë shtetërore”, thekson KDI. Instituti Demokratik i Kosovës (KDI) iu bënë thirrje edhe partive politike që të angazhohen për këtë proces shtetëror duke luajtur një rol më konstruktiv dhe më të përgjegjshëm, duke lënë mënjanë politikat ditore dhe kalkulimet politike.