Gjuha shqipe ende nuk gjen përdorim në institucionet e Maqedonisë

Zbatimi i Marrëveshjes së Ohrit, pas 17 vitesh, lë shumë për të dëshiruar edhe pse ky dokument ishte paraparë të përmbyllet në afat prej katër vitesh

Në bazë të dokumentit kornizë të Marrëveshjes së Ohrit i cili i dha fund konfliktit të armatosur në Maqedoni gjatë vitit 2001, konfirmohet karakteri shumetnik i shoqërisë maqedonase. Megjithatë, njohësit e çështjeve politike thonë se pikërisht në këtë drejtim është sfiduar Marrëveshja e Ohrit, duke theksuar sfidat e zbatimit të Ligjit të gjuhëve me anë të së cilit mundësohet përdorimi më i zgjeruar i gjuhës shqipe në të gjitha institucionet e vendit.

Presidenti i Kosovës, Hashim Thaçi. përmes një postimi në Facebook tha se kjo marrëveshje mbetet garantuesi kryesor i të drejtave të shqiptarëve dhe stabilitetit në Maqedoni. Lidhur me këtë çështje për gati pesë muaj po vazhdon beteja mes Parlamentit dhe Presidencës rreth nënshkrimit të Ligjit të gjuhëve nga ana e presidentit të Maqedonisë Gjorgje Ivanov.

Zëvendëskryeministri përgjegjës për çështjen e integrimeve, Bujar Osmani, të hënën tha se me miratimin e Ligjit të gjuhëve përmbyllet pjesa legjislative e Marrëveshjes së Ohrit.

“Ligji i gjuhëve është miratuar. Ju e dini se pengesa është tek presidenti. Tani nuk duam ta ngarkojmë situatën për shkak të disa çështjeve që janë të rëndësishme, është çështje kohe do të thosha, tani po bëjmë përgatitje për implementimin e ligjit sepse publikimi në gazetën zyrtare dëshirojmë të na gjejë të gatshëm për implementimin e të njëjtit” ka theksuar Osmani.

Por, Asim Sinani, profesor universitar, i cili ka bërë dhe një analizë shkencore për zbatimin e Marrëveshjes së Ohrit rreth përdorimit zyrtar të gjuhës shqipe në institucionet e shtetit, për Radion Evropa e Lirë thotë se është e pakuptimtë të premtohet 17 vite për diçka që duhej të përmbyllej para një dekade e më shumë.

“Qeveria e Maqedonisë ka probleme esenciale dhe problemi kryesor është se kemi premtime, por nuk kemi zbatim konkret të ligjit që rregullon përdorimin zyrtar të gjuhës shqipe. Gjuha shqipe do të jetë zyrtare kur maqedonasit do ta ndryshojnë mentalitetin e tyre i cili është jugosllav dhe mentaliteti i tillë i pengon ata që të arrijnë një marrëveshje historike e cila do t’u garantojë të dy palëve të jetojnë në paqe dhe prosperitet”, vlerëson Sinani.

Nga ana tjetër, Vlado Popovski, i cili ishte i kyçur në cilësinë e ekspertit gjatë hartimit të Marrëveshjes së Ohrit në vitin 2001, për Radion Evropa e Lirë thotë se pavarësisht se ai personalisht ndan mendimin se Ligji i gjuhëve ka shumë mangësi teknike dhe do të përballet me shumë probleme gjatë zbatimit, megjithatë ky ligj me pa të drejtë thotë se mbetet i bllokuar nga ana e presidentit të shtetit.

“Ligji i gjuhëve pasi u miratua për herë të dytë në Parlament, presidenti i shtetit është i obliguar ta nënshkruaj të njëjtin. Personalisht mendoj se presidenti në këtë rast ka përgjegjësi politike dhe kur t’i mbarojë mandati ai mund të ballafaqohet me përgjegjësi juridike për shkak të bllokimit të Ligjit të gjuhëve, Kushtetuta është e prerë pasi ligji për herë të dytë merr vizë nga shumica parlamentare Presidenti është i detyruar ta dekretojë pas çka i njëjti duhet të publikohet në gazetë zyrtare dhe fillon zbatimi praktik”, thotë Popovski.

Sa i përket zbatimit të Marrëveshjes së Ohrit, sfidë në vete mbetet edhe sistematizimi i punonjësve në administratë duke pasur për bazë përfaqësimin e drejtë dhe adekuat të shqiptarëve në institucionet e shtetit. Gjatë të hënës edhe kryeministri i Maqedonisë Zoran Zaev ka pranuar se përfaqësimi i shqiptarëve në institucione është vetëm 19 për qind, që është larg 25 për qindëshit aq sa është numri zyrtar i shqiptarëve në Maqedoni.

Sfidë në vete është dhe moszgjidhja e statusit të ish pjesëtarëve të UÇK-së. Dokumenti kornizë i cili i dha fund konfliktit të armatosur dhe solli paqen mes shqiptarëve dhe maqedonasve në vend, atëkohë u nënshkrua nga kryetari i atëhershëm i Maqedonisë, Boris Trajkovski, Lubço Georgievski, liderët e katër partive politike LSDM-së Branko Cërvenkovski, të PPD-së, Imer Imeri dhe ai i PDSH-së, Arbën Xhaferi.

Në shtëpinë e Imamit që kërcënoi Familjen Thaçi: I kërkuam llogari për subvencionet

Stalla e lopëve u bë sebep qe imami nga Jashanica e Klinës, Asllan Bajraktari, të arrestohet javën e kaluar nga Policia e Kosovës për shkak të kërcënimit që ia kishte bërë familjes së presidentit Hashim Thaçi. Imami kishte kohë që kishte kërkuar subvencion për të rritur biznesin e tij përmes shtetit, mirëpo nuk e kishte marr. E në mungesë ‘të hakmarrjes ndaj presidentit Thaçi”, dhe institucioneve tjera përgjegjëse, imami nga Jashanica e Klinës e kërcënoi vëllain e Thaçit. Express ka marrë rrëfimin e familjes së imamit

Gazeta Express, të martën ka qëndruar në familjen e imamit Asllan Bajraktari, i cili tash e një javë qëndron në qendrën e paraburgimit në Pejë pas kërcënimit që i bëri Thaçit.

Vëllai i imamit, Fehrati, tregon se vëllai i tij kishte shkuar te prindërit e Thaçit për të ditur se çfarë po ndodhë me subvencionet qe nuk iu atyre dhanë asnjëherë.

“Qe pesë vjet e kanë malltretu, së fundmi jo se jo unë nuk di që ai ka bërë ndonjë vepër të keqe. Atij s’ju përgjigj askush, plus që pesë vjet e maltretojnë poshtë e lartë plus nuk i kanë kallxua pse si ka plotësuar kushtet”, thotë ai.

Tutje, vëllai i imamit tregon se ai ka shkuar për të kërkuar ndihmë tek familja e Thaçit.
“Ka shkuar te shtëpia e tyre me kërkuar një ndihmë, tash qysh e kanë prit unë nuk e di”, është shprehur ai.

Ani pse, të dy këta persona kanë lidhje familjare, tash nga familja e imamit tregojnë se janë në armiqësi me familjen e presidentit Thaçi.

“Policia prej asaj ditë që e kanë marrë qatë natë 1 të natës, neve s’na kanë dhënë asnjë përgjigje, tash ma dhanë lejen për vizitu. Na nuk po dim as ku me kërku, na kanë malltretu, në Pejë jom kanë, m’kanë çu në Skenderaj, në Klinë, Mitrovicë në anën tjetër të Ibrit tri herë më kanë çu anej Ibrit. Jo osht këtu jo osht këtu, m’kanë çu në Prishtinë. Ai nuk u kanë një kriminel me ja bo ktahën”, ka thënë Fehrat Bajrahtari.

Ndërsa, Policia e Kosovës gjatë bastisjes ka deklaruar se tek shtëpia e Asllan Bajraktarit kanë gjetur edhe një arme. Këtë e thotë edhe vet vëllai i hoxhës së Jashanicës.

“E kanë gjetë një armë, normal ajo ka qenë një armë e prishtë e luftës që ë ka mbajt për kujtim. Edhe e dinë Hashim Thaçi, Kadri Veseli Rexhep Selimi, e që i pari njeri që ka pru arme në Kosovë me traktor është Hoxha”, ka treguar Fehrati.

Express ka tentuar të bisedoj edhe me familjen e kreut të shtetit po këta nuk ka qenë të gatshëm të përgjigjen.

Kurse gjatë tërë kësaj kohe policia e Kosovës është ajo që kujdeset për sigurinë e familjarëve te presidentit Thaçi.

Ndërsa, Prokuroria e Mitrovicës e kanë konfirmuar rastin, duke thënë se i dyshuari është arrestuar dhe është dërguar në paraburgim. Tashmë i dyshuari Asllan Bajraktari po mbahet në burgun e Pejës.

Imami nga Jashanica e Epërme është arrestuar për shkak të një kërcënimi që ia ka bërë vëllait të Presidentit. Për këtë shkak ai po mbahet në paraburgim. E, Arsyeja e kërcënimit, është që Imami Asllan Bajraktari ka kërkuar nga familja Thaçi sqarim, pse ky i fundit asnjëherë nuk po merr përfitime nga shteti njëjta sikurse bashkëluftëtari i tij i cili sot gëzon postin e presidentit./GazetaExpress/

Havzi Nela: Do të bindem vetëm kur të bëhem dhé (dokumente)

Shënim Operativ: “Unë punëtori… mora pjesë në internimin e Havzi Nelës. Havziu u shpreh se: ‘Kaq i rrezikshëm paskam qenë unë për partinë sa ma çoi gjithë jetën burgjeve?’- unë i thashë se ‘Ti ke bërë krim dhe për këtë të falënderosh partinë që të fali jetën” – ndërsa Havziu ma ktheu: “Unë nuk ia di për nder askujt, sepse e kam shlyer me jetën time”. Pastaj S.G. i tha Havziut se po bën gabim që po flet kështu dhe për këtë do të bindesh vetë. “Unë – tha Havziu – do të bindem vetëm kur të bëhem dhe, por më vjen keq që ju po merrni në qafë shumë njerëz të ndershëm duke dëgjuar lloj-lloj maskarai e batakçiu, sepse ku e dinit se unë nuk mund të bëhem një njeri i denjë, por mund të bëhesha agjent, që po më internoni…”

Kjo është vetëm një fletë nga dosja e hetimit dhe dënimit të Havzi Nelës, poetit kuksian që doli kundër regjimit komunist. Në 30-vjetorin e vdekjes së mësuesit dhe poetit nga Kukësi, Autoriteti i Dosjeve për herë të parë vë në dispozicion të studiuesve dokumentet e deklasifikuara që i përkasin dosjes formulare të krijuar nga ish-Sigurimi i Shtetit. Në faqe të tjera, Nela citohet të ketë thënë se, “situata në vendin tonë është shumë e turbullt dhe se këtyre u ka shpërthyer vullkani në udhëheqje, prandaj i kanë ditët të numëruara.

Qeveria e këtij udhëheqësi e mban popullin në diktaturë terroriste”. “I pandehuri, Havzi Nela, i biri i Shabanit dhe i Xhevahires, i lindur më 1934 në Kallovoz të Kukësit, me origjinë shoqërore fshatar i varfër, me gjendje shoqërore punëtor, me profesion arsimtar, me arsim të lartë të pambaruar, me gjendje familjare i martuar pa fëmijë, i dënuar me 15 vjet heqje lirie, në bazë të nenit 64/ 14 të Kodit Penal, me vendim nr. 25 data 22.5.1967, të Gjykatës së rrethit Shkodër, i arrestuar më 30.5.1975, i akuzuar se ka bërë agjitacion e propagandë kundër Pushtetit Popullor, ka kryer krimin e parashikuar prej nenit 73/1 të Kodit Penal, gjykata pasi shqyrtoi materialet e hetuesisë, provat e marra gjatë zhvillimit të gjykimit, mbrojtjen dhe fjalën e fundit të të pandehurit, i cili kërkon drejtësi, vendosi:



Ta deklarojë fajtor të pandehurin Havzi Nela, për krimin e agjitacionit dhe propagandës kundër pushtetit popullor dhe në bazë të nenit 73/1 të Kodit Penal e dënon me 8 vjet heqje lirie. Përfundimisht në aplikim të nenit 49, të Kodit Penal e dënon me 12 vjet heqje lirie”, shkruhet në vendimin e datës 8 gusht të vitit 1975 të Gjykatës së rrethit Mirditë, e cila e dënon Nelën me 12 vjet heqje lirie. Në kampin e Spaçit, i pandehuri gjatë vitit 1974 dhe 1975, me të dënuar të ndryshëm ka bërë biseda armiqësore kundër pushtetit popullor.

E përfundoi arsimin e lartë në Shkodër, me korrespodencë e më pas punoi si mësues në Krumë, Lojmë dhe Shishtaveci deri në vitin 1967, kur u transferua në Topojan, vendi ku nisi edhe kalvari i tragjedisë së tij. Dënimi me 15 vite heqje lirie, në vitin 1967 i erdhi për shkak se kishte kaluar kufirin drejt Kosovës, por forcat jugosllave e dorëzuan sërish në Shqipëri. Edhe bashkëshortja e tij u dënua me 10 vite burg. Gjatë gjithë kohës i vëzhguar nga Sigurimi, në vitin 1986, e lejuan që për një kohë të shkurtër të dilte nga burgu, liri që nuk do të zgjaste shumë, pasi në vitin 1987 arrestohet sërish.

Më 1988 e varën në qytet. Me rastin e 30-vjetorit të varjes së poetit dhe mësuesit, Bashkia e Kukësit pasi vendosi bustin e poetit në gjimnazin e qytetit, ka përuruar shtëpinë e Havzi Nelës në fshatin Kollovoz, ku thuhet se poeti kishte groposur dorëshkrimet e tij të fundit, që të mos binin në duart e Sigurimit të Shtetit.

Kompromis pas kompromisi dhe shitje pas shitjeje, Kosova po tkurret

Shqiptarët brenda dhe jashtë kufirit të imponuar nga të huajt dashakeq, lëngojnë nga vazhdimësia e verbërisë. Shqiptarët, historikisht, kanë një prirje të grinden midis tyre, janë në një pozitë të vazhdueshme “ndërmjet dy zjarreve”. Karakterizohemi nga Mospajtimi i brendshëm, prandaj, që të mbijetojmë si Komb dhe Vend, doemos të kemi Unitetin e jashtëm. Duhet të jemi gati të qëndrojmë në këmbë kundër të gjitha sulmeve, nga brenda dhe nga jashtë, edhe nëse ato vijnë papritur

Nga Aurel Dasareti (USA)

Kompromis pas kompromisi dhe shitje pas shitjeje, Kosova tkurret. Kosova sundohet, plaçkitet dhe vazhdimisht copëtohet nga një grup i vogël kastravecësh, kriminelë të paprekshëm, që mbrojnë interesat e ngushta vetjake e jo të Vendit dhe Kombit. Zgjohuni menjëherë nga toleranca ekstreme, indiferenca dhe apatia, ta shpëtojmë Kosovën nga fëlliqësirat e paligjshëm që janë të gatshëm për çdo poshtërsi dhe Tradhti të Lartë ndaj Vendit. Ne nuk duhet të mbetemi idiotët e dobishëm të mafiozëve, hipokritëve dhe psikopatëve.

Idiot i dobishëm, në njëjës ose në shumës, është një shprehje e përdorur në zhargonin politik për të treguar dikë i cili manipulohet nga një lëvizje politike ose grup tjetër i pushtetit, pa e kuptuar fare, për të kryer punën e tyre në dëm të vetvetes.

Aristoteli: “Toleranca dhe apatia janë virtytet e fundit të një shoqërie që po vdes”!

***
Të paprekshmit e Kosovës, shtetit vasal të Serbisë dhe Turqisë, pas vitit 1999 janë tragjedia dhe rreziku më i madh për vendin dhe gjithë shqiptarinë. Një vend sovran nuk mund të lejojë që territori i tij të jetë zonë e lirë për agjentët e huaj dhe të vendit që vrasin qytetarët dhe shkatërrojnë vendin.

***
Sa më i madh të jetë komiku, aq më e frikshme dhe e mjerueshme është shprehja e budallallëkut që ai jep në formë komike dhe aq më shumë është e nevojshme të qeshim! Gjuha mund të përdoret për të gudulis gënjeshtrat si logjikë, si shkarravina “autobiografike” e djalit të neveritshëm, presidentit të paligjshëm të Kosovës: “Shteti i ri – burrështetas modern”.

Ky bërllok modern, (doja të them “burrështetas modern”), mbeti i ngatërruar keq në pazaret e shitjes së Kosovës. Është dashur kaherë të hiqet për veshi zvarrë në rrugë, bashkë me ata bërllok tjerë që e shkatërruan krejt dhe e bënë copë-copë atë pjesë të amputuar të Shqipërisë londineze. Këta cofëtina “politike” duhet të dënohen shumë rëndë për *Tradhti të Lartë*.

Kosova nuk udhëhiqet por sundohet nga bërllok të paaftë dhe bythë-shitës, servil të armiqve kolonizatorë. Ata kanë krijuar një krizë pas tjetrës: kriza ekonomike, kriza e sigurisë, kriza e sovranitetit, kriza e braktisjes së vendit nga rinia etj. E vetmja gjë e arsyeshme është zëvendësimi i atyre që kanë krijuar kriza, por që nuk janë në gjendje t’i zgjidhin ato.

Kosovës i mungojnë jo vetëm udhëheqësit në administratën e përditshme, por edhe më shumë autoritete që ndjehen përgjegjës për vendin (shtetin) ku ata paguhen për të kontrolluar dhe ruajtur. Kjo do të thotë se politikanët duhet të jenë përgjegjës për atë që bëjnë me vendin.

Padituria politike dhe e drejta për pushtet politik: Qytetarët me njohuri më të mira nuk kanë të drejtë të veçantë për të qeverisur. Por qytetarë pa njohuri rreth politikës dhe pasojat e zgjedhjeve të tyre politike assesi nuk duhet të qeverisin.

Ne si të rritur kemi të drejtën ligjore për të votuar, kjo nuk do të thotë se ka arsye të mira që të gjithë të kenë një të drejtë morale për të votuar dhe në këtë mënyrë të kontrollojnë (qeverisin, të vendosin për) jetën e njerëzve të tjerë. Nëse nuk jemi të interesuar ose të gatshëm të fitojmë njohuri për pasojat e zgjedhjeve tona, atëherë duhet të heqim dorë nga votimi. Pra, të merremi vesh, ne kemi të drejtë të vendosim për veten dhe jetën tonë, pa marrë parasysh se sa budallallëk, larg realitetit ose irracionale mund të jenë zgjedhjet tona, por me kusht që të mos shkelim të drejtat themelore qytetare apo politike të të tjerëve.

Legjitimiteti demokratik: Një regjim politik është legjitim nëse ka të drejtën morale për të hartuar ligje që mund të zbatohen përmes shtrëngimit (forcës). Një demokraci përfaqësuese është një qeveri e popullit ku pushteti politik i takon qytetarëve dhe përfaqësuesve të tyre të zgjedhur.
Si qytetarë të një shteti demokratik, njerëzit duhet ta gjejnë veten në mënyrë që të zbatojnë vendimet e shumicës (janë të detyruar). Është pjesë e rregullave të lojës në një demokraci.

Sidoqoftë, është e arsyeshme të pritet që ata që duhet të marrin vendime politike që mund të na imponohen të gjithë neve, janë mjaft mirë të informuar (të kenë dituri, kualifikim përkatës) dhe përgjegjës.
Megjithatë, nuk ka asnjë arsye që ne të udhëhiqemi (sundohemi) nga njerëz injorantë gjysmë-analfabetë dhe të papërgjegjshëm që nuk kanë njohuri për politikën dhe pasojat e zgjedhjeve të tyre politike.
Votuesit e pavetëdijshëm dhe të papërgjegjshëm nuk kanë të drejtën morale për të votuar dhe ata duhet të qëndrojnë në shtëpi në zgjedhje, me respekt për të tjerët.

Një rezultat i zgjedhjeve ku votuesit e pavetëdijshëm janë vendimtarë për rezultatin, siguron që bazat normative për respektimin e rezultatit të jenë të pavlefshme. Kjo do të largojë, në vend që të forcojë, legjitimitetin e një demokracie.

***
Qeveritarët shqipfolës të trojeve janë joligjor, veçanërisht ata të Kosovës, për të cilët me shumicë kanë votuar njerëzit e pavetëdijshëm dhe të papërgjegjshëm. Prandaj pazaret e tradhtarëve të pa-mandatë me gjakatarët serbo-çetnik për copëtimin e mëtejshëm të Kosovës, të kamufluara si “korrigjim kufijsh” etj janë të pavlefshme. Askush nuk mund të kthehet prapa dhe të krijojë një fillim të ri, por të gjithë mund të fillojnë sot dhe të bëjnë një fund të ri.

***
Unë kam emocione patriotike për vendin ku linda (Australinë) dhe ku jetojë (Amerikën), pa harruar rrënjët e mia dhe atdheun e gjyshërve të mi, Shqipërinë (gjithë trojet shqiptare), për të cilën gjithashtu kam emocione të zjarrta patriotike. Prandaj edhe angazhimi im vullnetar pa konflikt interesi prej 2001-shit, duke dhënë kontributin tim modest për çështjen e trojeve dhe kombit. Detyra ime nuk është t`u jap të tjerëve atë që është objektivisht më e mira, por atë që është imja me sa më pastërti e sinqeritet që të mundem.

Mediat e pavarura atdhetare i publikojnë shkrimet e mia. Për motive të errëta antishqiptare, këtë nuk e bëjnë mediat e servilëve, por botojnë edhe shkarravina prej më të sertave nga shakaxhinj të sertë. Dhe, të tillët shumë shpejtë do të demaskohen, që të injorohen dukshëm nga lexuesit. Ju nuk mund të flisni për oqeanin me një bretkosë të ulur në një pus.

/Autori është ekspert i shkencave ushtarake-psikologjike ([email protected])

Media amerikane: “Dëshira e Trumpit për marrëveshje, rrezikon ta destabilizojë Ballkanin”

Serbia dhe Kosova po flasin për rivendosjen e kufijve. Kryeqytetet e mëdha evropiane janë kundër, edhe SHBA-ja dikur ka qenë, por gjërat kanë ndryshuar nën udhëheqjen e Trumpit

Kështu e nis raportin për shkëmbimin e mundshëm të territoreve ndërmjet Kosovës dhe Serbisë, uebfaqja e njohur amerikane BuzzFeed News. Zyrtarët evropianë sipas kësaj medie janë të shqetësuar me qasjen e administratës së Trumpit e cila mund të shkaktojë destabilizim në Evropën Juglindore, transmeton Lajmi.net.

Sipas dy burimeve diplomatike të këtij portali amerikan të lajmeve, shkëmbimi i mundshëm i territoreve do të mundë të përfundonte me një destabilizim të rajonit, i cili vetëm 25 vjet më parë pati gjenocid dhe konflikte të mëdha.

Një zëdhënës në Britaninë e Madhe ka thënë për Buzzfeed News se normalizimi i raporteve Kosovë-Serbi është vendimtar për sigurinë dhe stabilitetin e rajonit.

Por burimet shtuan se marrëveshja duhet të jetë në bazë të kufijve të tanishëm. Duke theksuar se ndryshimi eventual i kufijve do të mundë të shkaktonte destabilizim.

Kurse një tjetër diplomat francez ka thënë për portalin amerikan se idetë që po diskutohen së fundi janë të frikshme. “Ju thjesht nuk e dini se çfarë ndodh nëse preken kufijtë”, tha ai.

“Gjermania ndërkohë vazhdon ta kundërshtojë me forcë idenë e shkëmbimit të tokave. Dhe deri kohëve të fundit kështu ka qenë edhe Amerika. Por diplomatët mendojnë se administrata e Trumpit ka miratuar një qëndrim, ku ju bën thirrje vendeve të zgjidhin vetë mosmarrëveshjet”, thuhet në raportin e Buzzfeed News.

Në lidhje me këto zhvillime ka folur edhe Ivan Vejvoda, një ish-këshilltar i lartë në politikën e jashtme të kryeministrit serb, Zoran Gjingjiq.

Ai ka thënë se një kompromis është shumë afër. “Quajeni si të doni, ndarje, shkëmbim, korrigjim. Por kjo temë ka qenë gjithmonë në sfond. Që nga vitet e 2000-ta është diskutuar pas skenave. Tani jemi aty përsëri, arsyeja pse po flasim është se ka një vullnet për ta gjetur zgjidhjen”, deklaroi Vejvoda.

Kurse ish-ministri i Jashtëm në Kosovë, Petrit Selimi, ka thënë se marrëveshja Kosovë-Serbi duhet të përmbushë tre kushte. “Serbia duhet ta njohë Kosovën. Marrëveshja të mos shkaktojë konflikte, dhe Amerika e BE-ja ta mbështesin marrëveshjen politike”, tha Selimi.

Diplomatët perëndimorë kësisoj druajnë se Amerika nuk ka një pozicion të qartë. Në këtë kohë të zhvillimeve të mëdha kryediplomati serb, Ivica Daçiq, kishte zhvilluar një vizitë në Amerikë nga ku kishte thënë se qëndrimi amerikan ka ndryshuar. Ai atje kishte zhvilluar takime me zyrtarë të lartë si Xhohn Bolton dhe Wess Mitchell.

Por deri më tani ajo që nuk ka folur fare në gjithë këtë situatë është BE-ja. Zyra e Mogherinit në asnjë moment nuk ka komentuar për mundësinë e shkëmbimit të territoreve, duke thënë se dialogu synon normalizimin e plotë të raporteve mes dy shteteve.

Edhe Merkel kundër Thaçit: Nuk ka ndërrim të kufijve në Ballkan

Kancelarja gjermane Angela Merkel është shprehur kundër idesë së Presidentit të Kosovës Hashim Thaçi për ndryshim kufijsh

Në një takim që zhvilloi me kryetarin i Këshillit të Ministrave të Bosnje dhe Hercegovinës, Denis Zvizdiç kancelarja tha se ka tendenca të caktuara në Ballkanin Perëndimor dhe se po flitet për rivendosje të kufijve, gjë e cila, sipas mendimit të saj nuk mund të bëhet.

“Ekziston një perspektivë evropiane për të gjitha vendet e Ballkanit Perëndimor. Bosnja dhe Hercegovina përpiqet të bashkohet me Bashkimin Evropian, prandaj është dashur që t’i përgjigjet qindra pyetjeve dhe ne kemi inkurajuar qeverinë që të përgjigjët në këto pyetje shtesë,” tha Merkel, raporton rel.

Merkel gjithashtu bëri të ditur se prioritet është anëtarësimi i Bosnje dhe Hercegovinës në NATO. Ndërkohë pas takimit me merkel Kryetari i Këshillit të Ministrave të Bosnje dhe Hercegovinës, bëri të ditur se të gjitha vendet e Ballkanit Perëndimor kanë perspektivë dhe mbështetje nga shteti i Gjermanisë.

Ndarja dhe kurthi që po i përgatitët Kosovës! Lexojini arsyet befasuese

Debati rreth ndarjes së Kosovës po bëhet me një qëllim, për të heshtur një kurth të madh që po i bëhet Kosovës. Një mendim të tillë e thotë analisti politik Leon Duhanaj, i cili shton se statusi i Asociacionit do të jetë baza juridike e tij pasi qeveria ia ka lënë në duar ekspertëve nga komuniteti serb

Sipas tij, kjo do ta sjellë Kosovën para aktit të kryer. “Për mendimin tim, debati rreth ndarjes ka vetëm një qëllim, heshtjen e një kurthi të madh që po i bëhet Kosovës!

Statuti i Asociacionit, do të jetë baza juridike e tij. Për hartimin e këtij statuti, Qeveria e ka lënë në duart e katër ekspertëve që vinë ekskluzivisht nga komuniteti serb.

Vërtetë nuk e di se çfarë u ka shkuar në mëndje kur kanë bërë këtë. Por, që do ta sjellë Kosovën para aktit të kryer ska asnjë dilemë. Kam shkruar edhe herë tjera për ketë çështje, por askujt nuk po i duket interesante. Madje as atyre që në një kohë organizonin protesta kundër asociacionit. Sidomos heshtja e tyre është për studim. Me çka edhe njëherë dokumentojnë nuk u intereson Kosova sa u intereson kauza për pushtet e pare!

Sido që të jetë, me ketë statutin druaj që do na dalin probleme të patejkalueshme. Ndoshta është edhe parapërgatitje e qëllimshme për ndonjë plan ogur zi. Uroj të gabohem, por kam frikë që jo!”, shkruan Leon Duhanaj transmeton gazeta “Bota sot”.

Shkëmbimi i territoreve: Zbulohet edhe një plan për ndarjen e Bujanocit në dy pjesë

Ideja për shkëmbimin e territoreve me Serbinë, nuk është mirëpritur nga asnjë politikan në Kosovë por as nga shtetet mike të Kosovës, të cilët kanë thënë se ndarja e territoreve do të sjelltë destabilizim në Ballkan

Komunat shqiptare të Kosovës Lindore kanë bërë një deklaratë të përbashkët, përmes së cilës kërkohet përfaqësimi i shqiptarëve të kësaj treve në bisedimet Kosovë – Serbi. E për këtë presidenti Hashim Thaçi ka thënë se është duke punuar që të bëjë një referendum dhe të vendosin qytetarët.

Me deklarata konfuze dhe të paqarta të cilat po lansohen në opinion, aktualisht po bëhet një lloj testimi i opinionit, si dhe gradualisht po krijohet një ambient politik, në të cilin më opinioni nuk do të çuditet çfarëdo që t’i serohet. Kështu thotë politologu Mentor Tahiri, i cili shton se ndryshimi i kufijve do ti bëjë favore Serbisë.

“Çështja e kufijve, respektivisht ndryshimi i tyre, sot mund të jetë produktiv vetëm për Serbinë, për shkak se ky shtet ka aspiratat e tij në drejtim të Bosnjë-Hercegovinës. Një ndryshim i mundshëm i kufijve të Kosovës, do të krijonte bazën politike për domino efekte të mëtutjeshme dhe do të zhbllokonte një proces të cilin komuniteti ndërkombëtar më parë e ka ndaluar. Sigurisht se pala e Kosovës ka arsyet e saj për këto tema, pa qenë e vetëdijshme për favoret strategjike, të cilat me këtë i bëhen Serbisë, thotë Tahiri për gazetën “Bota sot”.

Sipas tij, natyrshëm është prezent shqetësimi për fatin e shqiptarëve në tre komunat e banuara me shqiptarë, të cilat gjenden në kuadër të kufijve të Serbisë.

“Por gjeografia politike në këto tre komuna nuk është e tillë sa të mund të flasim thjeshtë për shkëmbim të territoreve me veriun. Vështirë të mendohet se Serbia është në gjendje të bëj shkëmbime me territore strategjikisht të rëndësishme sikurse ato nëpër të cilat kalon infrastruktura e komunikacionit e cila lidhë Beogradin me Selanikun. Në këtë drejtim, ka plane aktive që Komuna e Bujanocit të ndahet në dy pjesë, me ç’rast qyteti do të mbetej jashtë Komunës me shumicë shqiptare”, thekson ai.

“Përveç shqetësimit për shqiptarët në Preshevë-Bujanoc-Medvegjë, megjithatë duhet pranuar se vërehen edhe tendenca perfide të disa qarqeve që me anë të “lojërave” rreth çështjes së kufijve, të shpalosin gradualisht edhe idenë për shuarjen e Shtetit të Kosovës. Duket qartë se një pjesë e skenës politike nuk është aspak e vetëdijshme lidhur me këto synime”, potencon politologu Mentor Tahiri.

Fabio Mini tregon kush e bombardoi Serbinë dhe kur u pavarësua Kosova

Ish–komandanti i KFOR-it nga tetori i vitit 2002 deri në tetorin e vitit 2003, Fabio Mini, tash emisar ushtarak i Italisë në Kinë, për mediumin serb “novosti” , ka zbuluar se “Serbia nuk është bombarduar nga NATO-ja por nga SHBA-ja dhe kur në fakt ishte planifikuar për pavarësi të Kosovës

Duke folur për këtë medium, Fabio Mini ka thënë se Serbia, nuk ishte bombarduar me iniciativë të NATO-s, por me iniciativë të SHBA-së ashtu sikur dhe kishte qenë iniciativë amerikane ajo për pavarësinë e Kosovës, transmeton Koha.net.

“NATO – është dashur vetëm t’i nënshtrohet Amerikës pasi ajo vendosi të bombardohej Serbia… dhe kështu ka qenë. Sepse NATO – ja Washingtonit i ka shërbyer edhe për realizimin e projektit të pavarësisë së Kosovës. Pra, arsyeja pse jam i bindur se pse Serbia nuk duhet të hyjë në NATO, është e ditura e kahershme se kur hyhet në këtë aleancë, je nën kontroll të SHBA-së. Nuk mendoj se Serbia e dëshiron këtë”, citon “novosti: të ketë thënë Mini.

“Pavarësia e Kosovës është projektuar në kohën e Bill Clintonit”, ka thënë me vendosmëri ai.

Gjenerali italian, Fabio Mini, i cili një vit qëndroi në krye të forcave shumëkombëshe në Kosovë, ka treguar se gjoja aeroplanët bombardues amerikanë nuk janë nisur nga baza ushtarake e NATO-s në Aviano por nga baza ushtarake amerikane në Aviano.

Tensione ruso-gjermane: Moska i kujton Berlinit fatin e Stalingradit: Pyesni gjyshërit tuaj se çfarë iu bëmë

Në mozaikun e trazuar të marrëdhënieve ndërkombëtare, ku shumë shtete e fuqi po tronditen nga çarja e raporteve mes tyre, ja ku shfaqet në horizont dhe një fërkim ruso-gjerman. Megjithate, Presidenti rus Vladimir Putin do të vizitojë Gjermaninë, më saktësisht do të shkojë në Berlin këtë fundjavë, për t’u takuar me kancelaren gjermane Angela Merkel

Dhe kur është fjala për këto dy gjigandë të rrotës së historisë, kujtesa për një të djeshme sa të largët aq dhe të afërt, të shtin të dridhurat. Simbol mbetet Stalingradi i Luftës së Dytë Botërore. Shkak është bërë një deklaratë e ministrit gjerman të Mbrojtjes, Ursula von der Leyen, që tha se ndaj Rusisë duhet mbajtur një linjë e ashpër.

Kaq ka mjaftuar që Kremlini të skërmit dhëmbët

Homologu i tij rus, Sergei Shoigu tha se Moska nuk do të tolerojë asnjë bisedë nga pozicioni i forcës. Dhe më pas erdhën deklarimet e tjera me spec, të cilat kishin si referencë të djeshmen e përgjakshme mes ushtrisë së kuqe dhe asaj naziste, Stalinit dhe Hitlerit.

“Pas asaj që bëri Gjermania në vendin tonë, nuk duhet të flasim për këtë për 200 vjet”, tha Shoigu.
“Pyete gjyshin tënd se si është të bisedosh me Rusinë nga një pozitë e forcës. Ndoshta do të jetë në gjendje t’jua thotë”, shtoi kreu i Mbrojtjes ruse.

Megjithate, Presidenti rus Vladimir Putin do të vizitojë Gjermaninë, më saktësisht do të shkojë në Berlin këtë fundjavë, për t’u takuar me kancelaren gjermane Angela Merkel.

Këtë e ka konfirmuar për televizonin rus RT një zëdhënës i qeverisë ruse dhe një i qeverisë gjermane, transmeton Koha.net. “Kancelarja Angela Merkel do ta pres në vizitë presidentin rus Putin më 18 gusht”, thuhet në përgjigjen e Steffen Seibert nga qeveria gjermane.

Ai nuk ka elaboruar detajet e kësaj vizite, por ka thënë se do të diskutohen çështjet relevante të politikës së jashtme dhe se do të jetë takim i nivelit të lartë.