Njihuni me fshatin shqiptar ku gjaku nuk falet (video)

Fshati është i braktisur për emigracionit, por nuk ka ndodhur kështu me hamsëritë e vjetra

E tillë është ngjarja e vitit të kaluar ku 57-vjeçari Shefo Duraj u vra për një hakmarrje të 50 viteve më parë. Gjaku i pa marrë është çështje nderi në këto anë. Djali ishte në barkun e nënës kur u vra babai i tij.

Sapo u rrit ai vrau dy persona në shenjë gjakmarrje për babain e tij që nuk e njohu kurrë. Vrasja e bariut nga roja 50 vjet më parë bëri bujë në Mallakastër, pasi motivi ishte krejt banal, për barin e kooperativës. Vajza 27 vjeçare e Durajt, thotë se nuk është rritur me urrejtje. Ajo nuk është rritur me atë frymë.

Por Mallakastra shquhet për mentalitetin e ashpër të banorëve të saj. Falja e gjakut është një njollë turpi për pasardhësit. “Gjaku nuk lihet”, thonë banorët.

Intelektualët krijojnë idetë. Për t’i imponuar me forcë duhen banditët

Bota.al botoi sot pjesën e dytë të një analize të George Friedman mbi Revolucionin rus. Pjesa e parë, Intelektualë dhe banditë: revolucioni rus, u botua një ditë më parë. Linkun e saj e gjeni në fund të këtij artikulli

Distanca mes Marksit dhe Stalinit duket e madhe. Por në të vërtetë, ka një lidhje mes të dyve. Intelektualët mendojnë dhe kanë ide. Të vëna në praktikë, këto ide e humbasin paqartësinë e librarisë apo klasës dhe marrin një qartësi, e cila kërkon bindje. Intelektualit në fund i mungon vullneti për të imponuar frikën, që nevojitet për bindjen. Dhe kjo kërkon futjen në skenë të banditit.

Revolucioni Rus ishte mishërimi i një ideje – një ide që u shndërrua në parti politike, sunduar nga një njeri që pretendonte autoritetin e logjikës dhe që vriste këdo që i dilte para. Shekulli i 20 ishte i mbushur me njerëz të tillë. Sot, banditët kanë më pak ide, dhe kjo i bën më pak ambiciozë. Në shumicën e rasteve

Mishërimi i pamëshirshmërisë

Ajo çfarë doli nga kjo ishte Josef Stalini, i cili veproi përsosmërisht si bandit – e vetmja gjë në fakt që e bënte përsosmërisht. Njerëz si Trocki dhe udhëheqësit e tjerë të bolshevikëve shkruajtën për persekutimin e pamëshirshëm të revolucionit, por Stalini ishte personifikimi i pamëshirshërisë. Ai nuk ishte si intelektualët; ai nuk kishte interes në teoritë dhe deluzionet e tyre. Ai zhvendosi intelektualët që kishin udhëhequr revolucionin dhe në fund i vrau ata, bashkë me miliona të tjerë. Kur Bashkimi Sovjetik kishte nevojë për modernizimin e industrisë së vet në pritje të luftës, ai i siguroi paratë duke shitur grurë – pothuajse të gjithë grurin e prodhuar nga ukrainasit – duke krijuar kështu zi buke masive dhe duke çuar në vdekjen e milionave.

Misioni i parë i Partisë Komuniste, sipas doktrinës, ishte se që duhej të mbijetonte, dhe për këtë, Bashkimi Sovjetik duhej të mbijetonte – me çdo mjet. Lenini ishte një teoricien i terrorit dhe praktikues i tij. Por i hapi derën jo çlirimit të njerëzimit, por Stalinit, një njeri që e praktikoi terrorin si qëllim, dhe jo si mjet.

Është e paqartë nëse Stalini ishte në të vërtetë marksist, apo e përdorte marksizmin si një justifikim për marrjen dhe mbajtjen e pushtetit. Por pavarësisht kësaj, Stalini besonte se partia nuk mund të mbijetonte pa shtypje të pamëshirshme, me qëllimin për të çliruar. Dhe kjo do të thoshte që Stalini duhej të qëndronte në pushtet për të menaxhuar shtypjen. Besimet e Stalinit dhe interesat e Stalinit ishin të njëjta, dhe vogëlsirat pak rëndësi kishin.

Pas marrjes së pushtetit, Lenini firmosi një traktat paqeje me Gjermaninë, i cili u dha gjermanëve zona të mëdha të Bashkimit Sovjetik të ri. Ai ndihmoi në sigurinë e Bashkimit Sovjetik, por Lenini u mbajt pas mundësisë, që kjo do të sillte diçka më të mirë. Kur Stalini mori pushtetin, Bashkimi Sovjetik u bë një komb si gjithë të tjerët, duke ndjekur interesat gjeopolitike të BS, në një mënyrë të natyrshme dhe të pamëshirshme. Në teori, qëllimi ishte mbrojtja e partisë së punëtorëve dhe përhapja e doktrinës së komunizmit në botë, me çfarëdo mjeti të nevojshëm. Por vizioni i Iluminizmit për progresin njerëzor ishte i vjetëruar tashmë. Pamëshirshmëria ishte bërë qëllim në vetvete. E keqja e domosdoshme u bë rrjedha normale e ngjarjeve.

Shndërrimi i mjetit në qëllim

Bashkimi Sovjetik dhe Gjermania naziste ishin njësoj të pamëshirshme. Hitleri nuk ishte intelektual në kuptimin e të qenit dijetar, por ai jetonte në një botë idesh, dhe në atë botë qëllimi nuk ishte komunizmi, por ngritja sa më lart e racës ariane. Hitleri e konsideronte këtë si të pashmangshme, por ashtu si komunistët, ai duhej të vepronte me brutalitet të pamëshirshëm për ta bërë që të ndodhte. Pse arianët nuk e kishin caktuar më parë nëse ishin superiorë, ishte po aq e parëndësishme, sa edhe pyetja pse proletariatet kishin nevojë për intelektualë që t’i udhëzonin, kur fitorja e tyre ishte e pashmangshme.

Ky ishte një lloj problemi që duhet ta mendojnë mendimtarët. Por, duke qenë burra të veprimit dhe jo njerëz të mendimit, Stalini dhe Hitleri ndoqën ëndrrat e tyre me një saktësi shkencore, që u përqendrua vetëm në marrjen parasysh të domosdoshmërisë dhe jo të njerëzimit. Distanca mes mendimtarëve dhe arsyes së shëndoshë, nuk ka qenë kurrë më e madhe, se sa në shekullin e 20-të. Në vend që t’i zgjidhnin tensionet në mendimet e tyre, ata i hoqën mënjanë, me qëllim që të vepronin. Dhe për t’i hequr mënjanë, ata i kthyen mjetet – pamëshirshmërinë – në qëllim.

Iluminizmi ishte epoka e ideve. Idetë që lihen në “punë të tyre”, pa u mbështjellë me një sens mirësie, nuk njohin kufij. Kjo ishte historia e pjesës më të madhe të shekullit të 20-të, formësuar nga Hitleri, Himmleri, Lenini dhe Stalini. Logjika është si një lojë shahu. Ti nuk shqetësohesh për fatin e një ushtari. Kështu edhe ideologjitë e shekullit të 20-të. Vdekja e një ushtari, nuk do të thoshte asgjë, krahasuar me ëndrrat. Dhe sa më të mëdha ishin ëndrrat për njerëzit, aq më pak të rëndësishëm ishin vetë njerëzit. Mendimtarët mishërojnë logjikën, dhe logjika e lëshuar nga frerët nuk njeh mëshirë.

Ata që dolën pas Stalinit nuk ishin më tiranë, por të mbijetuar, njerëz që i mbijetuan Stalinit duke bërë atë që duhej të bëhej, pa ëndrra dhe vetëm me frikë. Nikita Hrushovi dhe Leonid Brezhnevi ishin njerëz që donin të jetonin dhe të përparonin, por që nuk kishin ëndrra të mëdha, përtej mbrojtjes së Bashkimit Sovjetik. Me idenë të humbur mes lumenjve të gjakut, mbijetesa ishte gjithçka që kishte mbetur; dhe këtu hyn në lojë gjeopolitika – arti ku mbijetojnë shtetet. Por gjeopolitika e lindur nga vizionet e mëdha është një gjë e cekët, dhe ajo nuk mund të mbante në këmbë Bashkimin Sovjetik.

Bashkimi Sovjetik u rrëzua për shumë arsye, por më së shumti ishte nga lodhja dhe cinizmi. Me asgjë të mbetur për të besuar, ai u bë një version i dobët i një kombi të vërtetë. Ajo që doli në fund ishte Nëna Rusi e Vjetër, e lodhur nga ëndrrat e saj, që as nuk besonte shumë në gjeopolitikë.

Mësimi që duhet nxjerrë prej kësaj, është rreziku që paraqesin idetë kur hidhen si të vërteta absolute që kërkojnë logjikë të plotë, duke penguar kështu zbutjen prej mirësisë. Nëse idetë duhet të ndiqen me çdo kusht, atëherë çdo gjë që qëndron në rrugën e tyre duhet të shkatërrohet. Problemi është se në atë botë, njeriu që shtyp më fort, fiton. Kështu Marksi, intelektual i pafat, i cili e vuri në lëvizje gjithë këtë, u zëvendësua nga Lenini, gjysmë intelektual dhe gjysmë bandit, i cili u zëvendësua nga Stalini, tërësisht bandit.

Distanca mes Marksit dhe Stalinit duket e madhe. Por në të vërtetë, ka një lidhje mes të dyve. Intelektualët mendojnë dhe kanë ide. Të vëna në praktikë, këto ide e humbasin paqartësinë e librarisë apo klasës dhe marrin një qartësi, e cila kërkon bindje. Intelektualit në fund i mungon vullneti për të imponuar frikën, që nevojitet për bindjen. Dhe kjo kërkon futjen në skenë të banditit.

Revolucioni Rus ishte mishërimi i një ideje – një ide që u shndërrua në parti politike, sunduar nga një njeri që pretendonte autoritetin e logjikës dhe që vriste këdo që i dilte para. Shekulli i 20 ishte i mbushur me njerëz të tillë. Sot, banditët kanë më pak ide, dhe kjo i bën më pak ambiciozë. Në shumicën e rasteve. / Geopolitical Futures – Në shqip nga bota.al

Gafurr Elshani flet për rastin “Syri i Popullit”, zbulon detaje të pathëna deri sot!

Prokuroria Speciale e Republikës së Kosovës dje ka njoftuar opinionin publik se Muhamet Kelmendi, Albulena Haxhiu dhe Gafurr Elshani janë marrë në pyetje në cilësinë e dëshmitarit lidhur me organizatën kriminale “Syri i Popullit”

Lidhur më këtë çështje portali “Gazeta Blic” ka kontaktuar të tre këta persona, për të marrë më shumë informacione rreth arsyes së ftesës në cilësinë e dëshmitarit dhe rreth asaj se çfarë kanë deklaruar në prokurori.Mirëpo, një lajm të tillë e ka demantuar profesor Muhamet Kelmendi i cili dje për portalin “Gazeta Blic” tha se nuk ka asnjë informacion për këtë çështje dhe se nuk ka marrë asnjë ftesë nga prokuroria.

Ndërsa, deputetja Albulena Haxhiu nuk ka qenë e qasshme dhe nuk është deklaruar lidhur me këtë rast.Sot, “Gazeta Blic” ka intervistuar edhe dëshmitarin tjetër, avokatin Gafurr Elshanin. Elshani tha se ka marrë ftesë nga prokuroria 2 muaj më parë, ka dhënë deklaratat e tij dhe nuk ka asgjë tjetër. Ai ka folur edhe për lidhjen me gjyshin e Albulena Haxhiut dhe dëshmitarin tjetër, Muhamet Kelmendin. Gjithçka sipas tij është keqkuptuar atëherë kur kandidati për deputet i Lëvizjes Vetëvendosje Sadri Ramabaja, që tash është i arrestuar si i dyshuar për përfshirje në sulm terrorist dhe vrasjen e liderëve shtetërorë ka postuar në rrjetin social Facebook emrat e këtyre tre personave dhe ka ngatërruar termet i dyshuar dhe dëshmitar.

Në fund, Elshani ka thënë nuk është i vetmi që po merret në pyetje lidhur me organizatën “Syri i Popullit”, sipas tij për këtë çështje po merren në pyetje edhe disa nga liderët më të mëdhenj të Kosovës.

Më poshtë mund të lexoni intervistën e plotë:

Gazeta Blic: A është e vërtetë se prokuroria ju ka thirrur si dëshmitar për rastin “Syri i Popullit” së bashku me deputeten Albulena Haxhiu dhe profesorin Muhamet Kelmendi?

Gafurr Elashani: Për Muhametin nuk e di, po është e vërtetë mua para dy muajve më ka thirr Prokuroria speciale për të dhënë një deklaratë në cilësinë e dëshmitarit, pa më informu se për çfarë rasti penal bëhet fjalë. Kur kam shku atje ata më kanë informuar për rastin për të cilin më kanë thirr. Kanë qenë nja dy djem të ri të cilët kanë qenë shumë korrekt me mu. Unë i kam informu se nuk kam asgjë çka të dëshmoj lidhur me këtë rast pasi që nuk kam kurrfarë njohurie për tërë veprimtarinë e kësaj organizate “Syri i Popullit”.

Gazeta Blic: Pse mendoni se jeni thirrur si dëshmitar?Gafurr Elshani: Unë nuk mendoj që kanë pasur ndonjë arsye se pse më kanë ftuar mua. Edhe vetë hetuesit e kanë ditë që s’ka qenë kjo e bazume por një punë rutinore .Gazeta Blic: Pra, po thoni që prokuroria ju ka bërë ftesë pa asnjë bazë? Si mund të ndodh kjo dhe pse?

Gafurr Elshani: Nuk është praktikë e mirë që më kanë ftuar mua dhe as deputeten e Kosovës Albulana Haxhiu, sepse siç thashë edhe më parë kjo ka qenë një ftesë më shumë e bazuar në hamendje, me vjen keqë se është ulë niveli i punës profesionale të prokurorisë.

Gazeta Blic: Për çka ju kanë pyetur në prokurori?

Gafurr Elshani: Unë nuk jam marrë në pyetje si i dyshuar, por si dëshmitarë. Unë jam thirr për me dëshmu nëse ka diçka, a mundem diçka me dëshmu lidhur me këtë çështje, mirëpo unë nuk kam pas asgjë çka me dëshmu.Hetuesit më kanë thënë se prokurori Sylë Hoxha na ka autorizu, me ju intervistuar në cilsine e dëshmitarit. Më përgjigjet e mia unë e kam sqaru prokurorinë që nuk kam asgjë lidhur me këtë rast me dëshmue.

Gazeta Blic: A njiheni ju me dy dëshmitarët tjerë, Albulena Haxhiun dhe Muhamet Kelmendin?

Gafurr Elshani: Me Albulenën personalishtë nuk kam nohje, mirëpo gjyshi i Albulenës Ahmet Haxhiu, dhe unë kemi qenë bashkëveprimtar të Lëvizjes Popullore të Kosovës, Po ashtu edhe me Muhamet Kelmendin kemi qenë bashkveprimtar, kami qenë dhe jemi shokë.

Gazeta Blic: A keni ndonjë informacion, pse dëshmitari tjetër Kelmendi e ka mohuar që i është bërë ftesë prokuroria?

Gafurr Elshani: Nuk kam njohuri dhe nuk mund të deklarohem lidhur me dëshminë e Muhamet Kelmendit, por unë nuk e mohoj që më kanë thirr edhe që kam qenë në prokurori, ato që i kam thënë është e procedume, sigurisht prokuroria do t’i publikojë kur ta sheh të arsyeshme por duhet të shfrytzojë rastin të sqarojë opinjonin se më herët në media ka qarkullu dizinformata se gjoja unë jam marrë në prokurori për të dhënë deklarat në cilësinë e të dyshuarit. Kjo rrjedh si pasojë e një informate që e ka dhënë në Facebookun e tij Sadri Ramabaja i cili siç duket e ka ngatërru terminologjinë juridike, duke mos e dalluar cilsinë e të pandehurit me atë të dëshmitarit, kështu që sipas informatës së tina pastaj të gjitha gazetat kanë shkru se gjëja që unë jam marrë në pyetje në prokurori në cilësinë e të dyshuarit.

Gazeta Blic: Çfarë lidhje keni ju me Sadri Ramabajën?

Gafurr Elshank: E njoh Sadri Ramabajën personalisht, kemi qenë bashkveprimtar dhe tani ende jemi shokë. Kosova është e vogël na të gjithë njihemi.

Gazeta Blic: A e dini që ai tash është i arrestuar për tentim vrasje?

Gafurr Elshani: Unë mendoj që prokuroria mund të jetë nxituar.

Gazeta Blic: A janë marrë në pyetje edhe shumë persona, a keni ndonjë informacion?

Gafurr Elshani: Në prokurori më ka thënë që na jemi të obliguar me e kry këtë formalitet pasi që prokurori i prokurorisë speciale Sylë Hoxha na ka autorizu, po unë sa e di në prokurori mu më kanë thënë se mos u bani merak se këtu nuk jeni të vetmit që jeni thirr por janë marrë edhe liderët më të mëdhenjë të Kosovës për këtë punë.

Gazeta Blic: Por në media janë përfolur vetëm emrat e tre personave?

Gafurr Elshani: Emrat tonë janë përfolur për shkak se Sadriu i ka postuar në Facebookun e tij, se i ka ditë e për tjerët nuk I ka ditë e nuk se sigurisht me i pas ditë edhe ata edhe tjertë ishin përfol.

Gazeta Blic: A mendoni që do të thirreni përsëri për këtë çështje?

Gafurr Elshani: Jo nuk mendoj që nuk do të thirrem në asnjë cilësi, prokuroria ka tjera punë, mendoj që prokurorët duhet me u angazhu me i ndriqu lëndët e jo me u marrë me hamendje me supozime të pa bazuara në në fakte.

Prokuroria të hetojë Bazajn, Lladrovcin, Thaçin dhe Veselin

Organet e drejtësisë duhet të merren urgjentisht me deklaratat e individëve të caktuar, të cilët zakonisht në kohë fushatë deklarojnë se kanë fakte për vrasje gjatë dhe pas luftës, thonë analistët politik në vend

Një deklaratë të fundit për vrasje e ka bërë dje kryesuesi i Kuvendit Komunal të Komunës së Drenasit dhe anëtari i Partisë Demokratike të Kosovës, Naim Bazaj. Bazaj ka akuzuar kryetarin aktual të PDK-së Ramiz Lladrovcin, se ai po mbështetet nga përfaqësuesit e këtij subjekti politik për shkak se po i shantazhon kryetarin e Kuvendit Kadri Veseli dhe presidentin Thaçi me materiale për vrasje.

“Lladrovci ka ardhur me një vizion me përça partinë në Drenas. Ai është i mësuar me këso far kërcënimesh e shantazhe, sikurse ia ka bërë Hashim Thaçit dhe Kadri Veselit. Por, unë nesër apo pasnesër do t’ia ofrojë këto dëshmi që i kam në dorë edhe unë. Ky pati shantazhuar Thaçin e Veselin me një “çantë të zezë” prej Shqipërie lidhur me disa vrasje dhe disa gjëra të tjera”, ka deklaruar Naim Bazaj.

Kelmendi: Prokuroria të hetojë Bazajn, Lladrovcin, Thaçin dhe Veselin

Analisti Jeton Kelmendi, ka thënë për “Bota sot”, se këto deklarata duhet të hetohen urgjentisht nga organet e drejtësisë. “Reagimet apo si të thuash nxjerrja në pah e skandaleve të dikurshme që i përfshin edhe kreun e shtetit dhe të Kuvendit Thaçi dhe Veseli për vrasje, duhet të hetohen urgjentisht. Në një shtet normal, prokuroria do t’i zgjidhte problemet dhe është interesant që skandalet, veprat kriminale po përmenden vetëm në Kohë fushate”, ka thënë Kelmendi.

Sipas tij, Prokuroria, do të duhej të hetonte Naim Bazajn, lidhur me akuzat për vrasjet e mundshme nga Thaçi dhe Veseli. “Në këtë rast është shansi më i mirë nga prokuroria që të hetojë Bazajn për deklarimet e tij, edhe Ramiz Lladrovcin, por gjithsesi për atë që organet e drejtësisë që nuk e kanë bërë deri më tani, së paku tani do të duhej të merreshin dhe të hetoheshin deklaratat e Bazajt për vrasje të mundshme, edhe presidenti Thaçi dhe kryetari, Veseli”, ka theksuar analisti Kelmendi.

Mehmeti: Akuzat për vrasje, veç në kohë fushate

Nga ana tjetër, analisti Faton Mehmeti, ka thënë për “Bota sot” se për të hetuar pretendimet për vrasje, nevojitet një guxim dhe një prokurori me njerëz të pakorruptuar.

Ai është shprehur skeptik se prokuroria do të hetojë akuzat e politikanëve ndaj njëri-tjetrit.
“Nuk pres që një prokurori e korruptuar dhe e kapur nga politikanët, të hetojë akuzat e tyre në mes njëri-tjetrit, se tek e fundit këto akuza janë vetëm mashtrim për vota. Një sistem i dështuar i drejtësisë, i krymbur nga krimi dhe i dirigjuar nga bandat, nuk mund të prodhojë drejtësi, aq më pak të zbatoj atë”, është shprehur Mehmeti.

Ai ka thënë se po bëhen akuza shumë të rënda për vrasje, por nuk sheh asnjë reagim nga ana e institucioneve të drejtësisë. “Paramendo të akuzohet dikush me emër për vrasje dhe prokuroria e konsideron të parëndësishëm, kjo anomali vetëm tek ne ndodh. Nëse do të kishte sistem të drejtësisë të pavarur, Bazaj do të merrej në pyetje për akuzat e tij dhe nëse po gënjen të dënohet apo të marr dënimin e merituar personi që po akuzohet”, ka thënë Mehmeti.

Sipas tij, raste të tilla po ndodhin çdo herë në fushatë, duke e përdorur si propagandë për të dëmtuar tjetrin. “Në fushatë bëhet “luftë” për programe jo kush ka vrarë, fakti se këto ndodhin tek ne flet se në çfarë gjendje kemi rënë si shoqëri. Është e vërtetë që në mesin e politikanëve kryesor ka edhe vrasës, por duhet të hetojë prokuroria figurën e çdo zyrtari shtetëror, ndryshe kur krimi udhëheq një shoqëri ajo është e destinuar që të dështojë”, ka shtuar Mehmeti.

Erdogan: “Fuqitë e huaja” fajtore për të gjitha vuajtjet e popujve të Ballkanit

Presidenti turk Recep Tayyip Erdogan, i cili po qëndron për vizitë zyrtare në Serbi, sot, bashkë me homologun e tij Aleksandar Vuçiq qëndroi në Sanxhak, krahinë kjo e Serbisë e banuar me shumicë myslimane, prej nga i fajësoi “fuqitë e huaja” se kanë provokuar çdo kaos dhe konflikt që ka ndodhur në Ballkan”

“Serbët, kroatët, shqiptarët, boshnakët janë miqtë tanë me të cilët kemi jetuar ndër shekuj në harmoni dhe me të cilët do të jetojmë edhe në të ardhmen. Duam që asnjëherë më të mos ngjallen dhimbjet nga e kaluara”, tha Erdoğan.

Në një fjalim para mijëra qytetarëve të cilët ishin tubuar duke e brohoritur emrin e tij, Erdoğan foli për projekte në fushën e infrastrukturës, por theksoi edhe rëndësinë e forcimit të marrëdhënieve të mira mes Serbisë dhe Turqisë.

Presidenti i Turqisë tha se vendi i tij ka marrëdhënie të posaçme me rajonin e Sanxhakut në Serbi.”Gëzimi i vëllëzërve tanë në Sanxhak është edhe gëzimi ynë, ndërsa dhimbja juaj është e jona gjithashtu. Me Sanxhakun kemi raporte të veçanta, ndërsa ky unitet të cilin e shohim flet për nevojën që kemi për paqe dhe mirëqenie mes popujve. Dje nënshkruam 12 marrëveshje ndërsa sot edhe katër të tjera, pra për dy ditë 16 marrëveshje”, tha Erdoğan.

Presidenti i Turqisë falënderoi homologun serb Vuçiç me të cilin bashkë qëndruan në Novi Pazar, por edhe banorët e këtij qyteti për përkrahjen që e kanë dhënë në natën e 15 korrikut, kur organizata terroriste FETO tentoi të bëjë një grusht shteti në Turqi.

“Me mikun tim Vuçiç ndajmë qëndrimin e njëjtë për këtë çështje. Ne i dimë përpjekjet e Vuçiçit në luftën kundër organizatës terroriste FETO. Organizatën tradhëtare FETO do ta dëbojmë nga Turqia por edhe nga Ballkani, dhe në këtë drejtim kam besim të plotë tek Vuçiçi”, tha Erdoğan.

Numri një i shtetit turk tha se të gjithë njerëzit e këtij rajoni janë vëllezërit e tyre për çka Turqia do të mbështesë të gjitha aktivitetet për zhvillimin ekonomik të Sanxhakut dhe në këtë drejtim tha se inkurajojnë biznesmenët turq të investojnë këtu.

“Serbët, kroatët, shqiptarët, boshnakët janë miqtë tanë me të cilët kemi jetuar ndër shekuj në harmoni dhe me të cilët do të jetojmë edhe në të ardhmen. Duam që asnjëherë më të mos ngjallen dhimbjet nga e kaluara. Pavarësisht se ku ndodh, ne nuk mbështesim padrejtësinë ndaj askujt, dhe për secilin kaos që ka ndodhur në Ballkan nga provokimet e huaja çmimin e kanë paguar njerëzit nga këto treva. Dhe, për këtë arsye them se përderisa popujt në Ballkan të jenë të bashkuar, aq më shumë do të jenë të sigurtë. Mos harroni, ne jemi gjithmonë me ju, do të jemi një, do të jemi të fortë, do të jemi të vendosur dhe, dhashtë Zoti të ruajmë miqësinë tonë”, përfundoi Erdoğan.

Në fund të fjalimit të Erdoğanit në prani të presidentit serb Aleksandar Vuçiç, kompania turke Salkano dhuroi 200 biçikleta për fëmijët nga zona e Novi Pazarit.

Një kilometër nën tokë për të nxjerrur xehen e Kosovës

Çdo ditë, minatorët e Trepçës lëshohen në një thellësi prej mbi tetëqind metra nën sipërfaqen e tokës për të nxjerrë xehet dhe mineralet. Me punën e tyre ata nxjerrin mbi tokë, pasurinë nëntokësore të Kosovës.Afër hyrjes së minierës, nga një oxhak del një tym i lehtë që tregon se diku në thellësi të tokës po punohet

Minatorët hyjnë e dalin tek hyrja kryesore e Minierës së Stantërgut, e cila gjendet në Mitrovicë, sipër së cilës është vendosur një shenjë e madhe me mbishkrimin, “Me fat!”. Para se të lëshohen qindra metra në thellësi të tokës, ata veshin rrobat e punës- çizmet, pantallonat, xhaketat dhe mbi kokë vendosin helmetën me dritë, mjete këto, pa të cilat nuk lejohet hyrja në minierë. Kur veshin gardërobën e përshtatshme, minatorët janë të gatshëm për të filluar punën nëntokë.

Për të zbritur tek punishtet, mblidhen te “kafazi”, siç e quajnë ata, ashensorin i cili daton që nga viti 1954. Një sinjal tregon që ashensori fillon të ulet poshtë me të cilin zbresin deri në horizontin e 10-të nga 12 nivele sa ka gjithsej.

Thellësia është deri në 800 metra nën sipërfaqen e tokës.

Sapo të zbresësh poshtë në horizontin e 10, për të shkuar më pas në këmbë deri në horizontin e 11, ajri është i nxehtë, në vende- vende temperaturat janë të larta e diku shumë të ulëta. Derisa në disa nga punishtet përveç temperaturave të larta, ajri është i tymosur.

Lagështia e ajrit në disa vende në galerinë e minierës ndihet dukshëm.

Rrahman Beqiri, vozitës i makinave të rënda, tha se mungesa e mirëfilltë e filtrimit të ajrit dhe makineritë e vjetruara e bëjnë më të rrezikshme punën në këtë minierë.

“Një ditë e punës në minierë është me shumë vështirësi të mëdha- zgjimi herët në mëngjes, përgatitja. Vështirësitë, me të cilat përballemi, janë makineri të amortizuara që në disa vende tjera të botës janë edhe jashtë përdorimit. Por, ne punojmë nuk bën të ndalemi”, thotë Beqiri, i cili punon në Trepçë që nga viti 1983.

Kombinati Trepça përbëhet prej 41 njësive të ndryshme, që grupohen kryesisht në tri komplekse të mëdha: në Miniera me Flotacione, në Parkun Industrial në Mitrovicë dhe në Kompleksin e Shkritoreve.

Trepça ishte në mesin e ndërmarrjeve më të mëdha në ish-Jugosllavi. Por, pas luftës e deri në tetor të vitit të kaluar kur Qeveria e Kosovës miratoi Ligjin për Trepçën, nuk dihej se çfarë do të ndodhte me këtë kombinat.

Sipas të dhënave zyrtare nga viti 1945 e deri në periudhën para vitit 1990, miniera prodhonte rreth 600 mijë tonë xehe në vit. Kurse sot, nga aty nxirren 150 mijë tonë xehe.

Edhe kapacitetet e saj humane janë zvogëluar po ashtu përgjatë viteve, duke u reduktuar në 1,400 punëtorë nga mbi 20,000 sa ishin të punësuar në këtë kombinat dikur.

Kosova asnjëherë nuk ka bërë një vlerësim të detajuar për vlerën reale të kombinatit metalurgjik “Trepça”.

I vetmi studim për të gjitha resurset natyrore të Kosovës që është bërë në vitin 1992, ka vlerësuar se potenciali material i Trepçës mund të jetë 85 miliardë dollarë amerikanë.

Shpresat mundin rrezikun

Rrogat aktuale të punëtorëve sillen nga 600 deri në 800 euro, varësisht përvojës dhe përgatitjes profesionale. Por, asnjë nga ata nuk ka sigurim shëndetësor apo jetësor.

Fehmi Hajredini, është mbikëqyrës në horizontin e 11-të. Ai tha se “në çdo hap që sillesh, në minierë është e rrezikshme”.

“Zakonisht në minierë ka vende të rrezikshme sidomos në punishte ku punohet, ka vende ku shkëmbinjtë janë të qarë dhe aty duhet kujdes i madh, por për fat të mirë ndodhin shumë rrallë fatkeqësitë në minierë”, tha Hajredini.

Ai tregoi se ka pasur disa minatorë që janë lënduar gjatë punës, dhe disa të tjerë që kanë vdekur në minierë.

“Para lufte mu në horizontin e 10 në punishten 140 ka pas ndodhur ku dy minatorë kanë vdekur. Dy ndërrime kanë punuar për të thyer shkëmbinjtë për t’i nxjerr trupat e pajetë. Është përjetim i rëndë të shohësh kolegun duke u mbytur”, tha ai.

Mosha mesatare e minatorëve tregon drejtori i minierës së Stantërgut, Qazim Jashari është 55 vjeç.

“Unë kam minator 64 vjet që punon prej tij nuk mund të pritet shumë, pasi që fuqia e ka lëshuar mosha e ka bërë të veten, tërë kohen ka punuar në minierë ai është i dërmuar. Po presim që tani ligji të na ndihmojë, na kanë premtuar që do të bëjmë diçka që të ulemi moshën e pensionimit të minatorit”, thotë Jashari.

Në minierën e Stantërgut ka edhe punëtorë të rinj rreth të 30-tave. Njëri prej tyre është Ramadan Behrami, inxhinier, kryepunëtor i horizontit të 10-të të minierës.

Ndryshe, nga minatorët e vjetër Ramdani është më pak i lodhur nga puna e vështirë në minierë. Ai ka gjashtë vjet që punon në minierë dhe shpresat i ka të mëdha se ky gjigant metalurgjik do të rimëkëmbet dhe do t’i kthehet nami që kishte dikur.

“Kushtet për momentin janë ato që janë. Makineria në përgjithësi është e vjetruar, mjetet që janë duke punuar në horizontin e janë të vjetra 10 vjet. Është investuar shumë pak, me ato mjete është vështirë të kryhet punë. Në kushtet që janë sot prodhimi është i kënaqshëm. Por me një investim nga Qeveria qendrore, ka mundësi të bëhet më shumë prodhim”, thotë ai.

Gjiganti i ndarë në dy pjesë, në veriun e dominuar nga serbët dhe Stantërgun me minatorë shqiptarë, nuk arriti të funksionojë si duhet, për shkak të statusit të pazgjidhur dhe ndarjes, që ngjasonte edhe në vetë qytetin e Mitrovicës.

Tani për afër një vit që nga miratimi i Ligjit për Trepçën, autoritetet në Kosovë kanë filluar procedurat për zbatimit e këtij ligji që si i tillë është thënë se do të mundëson rimëkëmbjen dhe zhvillimin e kombinatit Trepça.

Nenad Rashiq: Serbia përmes Listës Serbe po ushtron dhunë ndaj qytetarëve serbë në Kosovë (video)

Ish-ministri i Punës dhe Mirëqenies Sociale, Nenad Rashiq në një intervistë për Telegrafin me gazetarin Muhamet Hajrullahu, ka thënë se Serbia përmes Listës Serbe është duke ushtruar presion dhe dhunë ndaj qytetarëve serbë në Kosovë

“Gara si çdo herë në këto tri proceset zgjedhore të fundit është duke u zhvilluar me presione, dhunë institucionale dhe madje edhe dhunë fizike. Institucionet e Serbisë përmes Listës Serbe po ju bëjnë shantazhe me vende pune ndaj qytetarëve serb të Kosovës për të përkrahë Listën Serbe. “nëse nuk votoni Listën do të humbni socialin”, ka thënë Rashiq.

Ai ka shtuar se është fatkeqësi që përveç që këto shantazhe po bëhen nga institucionet e Serbisë, Institucionet e Kosovës nuk po i marrin parasysh këto ankesa që po bëhen rreth këtyre shantazhe.

Rashiq ka folur edhe për temat e mëdha siç janë themelimi i Asociacionit të komunave me shumicë serbe, Demarkacioni me Malin e Zi dhe liberalizimin e vizave.

Ai është shprehur skeptik sa i përket votimit të këtyre temave në Kuvendin e Kosovës.

“Është krijuar një shumicë e pushtetit me 61 vota, që sipas përshtypjes time është bërë me zor. Fatkeqësia më e madhe është mos liberalizimi i vizave që e ka lënë Kosovën si një ishull në mes të Evropës. Numrat janë shumë të vogël në këtë qeveri gjë që nuk do të mund të garantonte ndonjë rezultat”, tha Rashiq.

Ai u shpreh i bindur se mandati i Qeverisë Haradinaj nuk do të jetë më i gjatë se dy vite. /Telegrafi/

Kurti: Politika nuk është art i së mundshmes, politika është art, thjesht art

NË KËTË VIT ZGJEDHOR, DEPUTETI MË I VOTUAR SHPALOS IDETË E TIJ RRETH POLITIKËBËRJES NË KOSOVË DHE KOMENTON ZHVILLIMET E KËTIJ VITI

Në zgjedhjet parlamentare të 11 qershorit, Albin Kurti doli deputeti më i votuar në Kosovë me mbi 143.000 vota, derisa garonte si kandidat i Vetëvendosjes për kryeministër. Ndërkohë, LVV si parti pësoi një rritje të jashtëzakonshme – nga 88,000 vota kur morën pjesë për herë të parë në zgjedhjet e vitit 2010, në 200,000 vota në qershorin e këtij viti.Zgjedhjet e ardhshme lokale siç duket do të jenë testi i radhës për partinë që ai e themeloi si Lëvizje më 2005. Përderisa rezultatet do të dihen pas 22 tetorit, ajo çka është e qartë është se Kurti dhe LVV-ja ndiejnë një shtysë më të madhe në synimin e tyre për qeverisje.Në një intervistë me Kosovo 2.0, Kurti flet për vlerat dhe idealizmin e përhershëm që ai i sheh në Vetëvendosje. Po ashtu, ai ndau pikëpamjet e tij rreth zhvillimeve politike dhe koalicioneve para dhe paszgjedhore, mundësitë e bashkëpunimit me parti të tjera në të ardhmen, derisa të ardhmen e tij politike ia lë anëtarësisë së Vetëvendosjes.

K2.0: Meqë jemi në prag të zgjedhjeve lokale, cilat janë pritshmëritë e Lëvizjes Vetëvendosje?

Albin Kurti: Në zgjedhjet e fundit parlamentare më 11 qershor, Vetëvendosja është dyfishuar në nivel vendi. Por ajo që aktualisht është më e rëndësishme është që Vetëvendosja në ato zgjedhje ka dalur si subjekti i parë në 10 komuna, nëse të tjerët i konsiderojmë si koalicione zgjedhore. Ndërkaq nëse të tjerët i zbërthejmë në partitë politike që i kanë bërë këto koalicione, atëherë ne kemi dalë edhe partia e parë edhe në gjashtë komuna të tjera. Rrjedhimisht, që është e pritshme prej nesh, që në 16 komuna ose të jemi fitues ose të shkojmë në balotazh. Pra, ose të fillojmë të festojmë menjëherë më 22 tetor në orët e vona të mbrëmjes ose të vazhdojmë punën për katër javët e ardhshme drejt 19 nëntorit kur e kemi balotazhin. Këto janë pritjet tona.

A jeni zënë në befasi nga rezultatet e zgjedhjeve të përgjithshme dhe sa është duke ndikuar kjo në garën për komuna të ndryshme?

Besoj që më 11 qershor ka ndodhur një zhvillim i jashtëzakonshëm në mendjet dhe zemrat e qytetarëve të Kosovës e rrjedhimisht edhe në mbështetje për Vetëvendosjen. Është fryma e përgjithshme në popull ajo që është bërë shumë më tepër vendimtare se sa organizata e Lëvizjes sonë. Nëse në Kuvendin e Republikës jemi dyfishuar, unë pres që nëpër kuvendet komunale të shumëfishohemi.A mendoni se kjo frymë siç e përshkruani mund të ketë edhe efekte anësore të dëmtimit pasi ka pasur prurje të reja nga partitë e tjera ― kritikë të ndryshëm ju kanë akuzuar se po ricikloni individë që kanë qenë të kyçur në partitë e tjera gjithë këto vite të pasluftës.

A po besoni se koncepti i Vetëvendosjes është më i fuqishëm sa t’i transformojë edhe ata që kanë qenë pjesë e partive tjera?

Së pari, unë besoj në përmisimin e njerëzve dhe gjithashtu besoj edhe në përmirësimin e vetvetes. Qoftë si Albin, qoftë si aktivist i Vetëvendosjes, qoftë si Lëvizje në përgjithësi. Së dyti, përderisa në arsimin kosovar kemi diploma pa shkollë, Lëvizja Vetëvendosje është njëfarë shkolle pa diplomë. Pra, njerëzit kur vijnë në Lëvizjen Vetëvendosje, jo vetëm se angazhohen në aktivitete por në të njëjtën kohë ata edhe marrin pjesë nëpër diskutime dhe kësisoj Lëvizja Vetëvendosje është forumi kryesor i debatit sot në Kosovë. Prandaj gjithë ata që vijnë në Lëvizjen Vetëvendosje, nuk është se janë vetëm emra të pasaçëm por janë edhe pjesamarrës në këtë forum debati i cili vërtetë i ndryshon ata, por na ndryshon edhe neve. Por le të jetë kështu për shkak se diskutimet racionale, nuancat e bindjeve të ndryshme, unë besoj se janë vlerë e jona.

NUK ËSHTË E VERTETË QË NE DUAM TË QËNDROJMË NË OPOZITË. FARE. AS NË NIVELIN KOMUNAL E AS NË ATE QENDROR. NE DUAM TË VIJMË NË QEVERISJE SA MË PARË

Dhe së fundi, mos të harrojmë se nuk janë krejt njerëzit e këqinj në partitë e tjera. Se dikush ka qenë në partitë e tjera ose vazhdon të jetë me një parti politike nuk na jep neve apriori të drejtën për ta gjykuar moralisht atë person. Nuk është e mjaftueshme që për një person të thuash që është i mirë ose i keq, i ditur ose i paditur, varësisht se në cilën parti politike ndodhet. Sidomos nëse nuk është në nivelin shumë të lartë. Dhe neve na kanë ardhë shumë njerëz nga partitë politike. Mbase më së shumti nga PDK dhe LDK, por kjo nuk është për shkak se këta njerëz ishin të pakënaqur me përmbushjen e ambicieve personale atje, por ishin të pakënaqur me devijimin që e kanë pësuar këto parti e që ka qenë i papritur për këta njerëz që pastaj vijnë tek ne.

Le të flasim për bashkëpunimin mes Vetëvendosjes dhe partive të tjera politike. Kemi parë që pas zgjedhjeve nuk keni arritur marrëveshje me partitë e tjera e sidomos me koalicionin LAA. Ndonëse keni pasë disa takime, ish-kandidati për kryeministër nga LAA, Avdullah Hoti, ka thënë se keni arritur të pajtoheni me gjysmën e pikave të Vetëvendosjes. Në anën tjetër, ju keni theksuar vijat e kuqe vazhdimisht për PDK-në, dhe tashmë partnerët e saj në koalicionin qeverisës AAK, NISMA dhe AKR duken edhe më larg Vetëvendosjes. Pra, është shumë e rëndësishme për publikun ta dijë se si Vetëvendosja do ta marrë pushtetin pa bërë koalicion me partitë e tjera dhe t’i shtyjë përpara idetë e veta politike?

Në zgjedhjet e 11 qershorit ne u rritëm 100 për qind, tash për të qeverisur pa koalicion nuk ka nevojë të rritemi 100 për qind. Tash ka nevojë të rritemi vetëm edhe 50 për qind.

Pra ju po synoni të fitoni shumicën si e vetme? Mos po doni fitoren e llojit të Edi Ramës në Shqipëri?

Jo, jo. Veç po du me thanë që rritja e madhe, e domosdoshme, tashmë ka ndodhur. Ajo çka na duhet nuk është ajo [në] çfarë tashmë jemi rritur për ta bërë qeverisjen. Por ne synojmë koalicion. Ne edhe po të jetë e mundur të qeverisim vetë, sërish do të dëshironim që të ishim në koalicon.

Me kë për ju do të ishte më i lehtë koalicioni meqë ju nuk po dakordoheni me këto parti politike ekzistuese?

Ne në vitin 2014 patëm formuar VLAN-in dhe patëm nënshkruar një marrëveshje më 10 shtator, 2014. Para VLAN-it, konsiderohej se Vetëvendosja nuk dëshiron të bëjë koalicion me askënd tjetër edhe etiketa e të qenët eksluziv në kuptimin pezhorativ të fjalës i vishej Lëvizjes Vetëvendosje. Që prej atëherë, ngadalë por sigurtë është parë që për koalicion nuk është Vetëvendosja problemi, janë të tjerët që bëheshin bashkë me neve e pastaj na braktisnin. Në njëfarë mënyre, u rritej çmimi në treg nga bashkëpunimi me neve që të shiteshin më tepër tek PDK-ja. Kjo ka ndodhur përgjatë këtyre viteve. Ne gjithmonë kemi qenë të hapur. Nuk kemi mbajtur inate asnjëherë, pa mendjemadhësi e dogmatizëm. Erdhëm te kjo situata e fundit ku të tjerët bënë koalicione parazgjedhore e ne garuam vet. Dhe prandaj deputeti i Vetëvendosjes është i jashtëzakonshëm sepse i ka votat që e kanë votuar [si] Vetëvendosje dhe jo të ndonjë koalicioni. Deputeti i Vetëvendosjes nuk ka marrur vota nga partitë e tjera, ka marr vota vetëm prej votuesit të Vetëvendosjes.

K2.0. Ka edhe të tillë që kanë thënë se nuk keni qenë të gatshëm për të marrë timonin qeverisës?

Nuk është e vertetë që ne duam të qëndrojmë në opozitë. Fare. As në nivelin komunal e as në atë qendror. Ne duam të vijmë në qeverisje sa më parë për shkak se e kemi guximin për t’u përballur me të keqën edhe planin për të sjellur të mirat.Por siç po e përshkruani ju, partitë politike kanë bërë politikë të pazareve dhe e kanë braktisur Vetëvendosjen. Po tingëllon sikur nuk po mbetet hapërsirë për koalicione me partitë e tjera derisa ato po e kanë më të lehtë të bëjnë koalicion me njëra-tjetrën dhe të pamundshme një koalicion me Vetëvendosjen?Ne jemi të hapur për shkak se e duam shumë Kosovën. Nuk janë këto koalicione nga dashuria. Ne aq shumë e duam popullin sa që ai na e shterr gjithë kapacitetin tonë për dashuri. Veçse shteti i kapur i Kosovës për t’u demokratizuar, për t’u zhvilluar, nuk ka kohë për të humbur.Të kthehemi te mundësia e koalicioneve që kishit me partitë e tjera dhe çështjet programore. Siç është raportuar, me AKR-në kishit përafëruar programet politike por në fund dështuan pasi ata iu bashkangjitën LDK-së.

Poashtu për Nismën për Kosovën, ju kam dëgjuar t’i identifikoni si parti socialdemokrate me program të majtë. Por themeluesi dhe lidershipi i Nismës për Kosovën ka qenë në krye të PDK-së për një dekadë e që kanë drejtuar edhe procesin e privatizimit, të cilin ju ashpër e keni kritikuar. Pse është i mundur koalicioni me këto parti dhe sipas jush cili është dallimi mes tyre dhe PDK-së?

Ka disa aktivistë e zyrtarë të PDK-së e të LDK-së që kanë ardhur në Vetëvendosje dhe mund të them që në një aspekt të rëndësishëm ata janë më të vlefshëm edhe më shumë se ne aktivistët e Vetëvendosjes që jemi aty prej fillimit. [Kjo] për shkak se në një moment devijimi që ka rezultuar edhe me korrupsion në PDK edhe LDK, këta janë distancuar. Dhe nga distancimi edhe nga kundërshtia që kanë pasur me ta, ata kanë filluar që t’i lexojnë retroaktivisht shenjat e atij korruptimi më herët. Kur një zyrtar i PDK-së vjen në Vetëvendosje, ai është shumë i vlefshëm sepse ai e din qysh ndodh korruptimi në PDK dhe na ndihmon që të mos bëhemi kurrë ashtu. Ne nuk e kemi atë përvojë. Ne kemi bërë kompromise por Vetëvendosja nuk bën pazare. Vetëvendosja kompromise ka bërë dhe bën. Edhe po të ishte koalicionin parazgjedhor me AKR-në, nuk do të ishte programi qind për qind i Vetëvendosjes. Edhe nesër kur do të jemi në qeveri me ndonjë parti tjetër nuk do të jetë qind për qind programi i Vetëvendosjes.

KONTAKTIN E FUNDIT ME MUSTAFËN E KAM ME 17 KORRIK. PREJ 6 KORRIKUT DERI ME 17 KORRIK KEMI PAS KOMUNIKIM SPORADIK. MË PAS, KA GATI DY MUAJ, QË KA NJË SHKËPUTJE KOMUNIKIMI QË UNË BESOJ QË AI SINQERISHT DUHET TA SHPJEGOJË. SE, PSE U TAKUA AI ME NE PRA?

Ti kthehemi pyetjes më konkretisht…Krejt ju përgjigjem po nuk mund t’i bëj tre kilometra me një hap s’i bëj dot. Po më duhet me ta shpjegu kontekstin edhe kronologjinë. Ne jemi përpjekur me AKR-në të bëjmë koalicion parazgjedhor edhe kemi filluar që të diskutojmë programet tona dhe jemi dakorduar në shumicën dërrmuese të çështjeve. Por AKR vendosi në momentet e fundit të shkojë te LDK e me LDK-në u dakorduan që të garojnë para zgjedhjeve bashkë. Për neve është e pritshme që edhe LDK-ja [të bëjë koalicion me Vetëvendosjen] kur AKR-ja e cila është liberale edhe një çikë më djathtas se LDK-ja thuajse u dakordua me ne. Prandaj ky ishte optimizmi ynë që të provojmë eksluzivisht me LAA-në ku ndodhej edhe AKR-ja brenda.

A ka qenë mosbërja e koalicionit me LDK-në vetëm çështje programore?

Unë besoj se kur jam takuar me [Isa] Mustafën dhe [Lutfi] Hazirin, unë dhe Visari [Ymeri, kryetar i LVV-së], në njëfarë mënyre ne u morëm vesh që po merremi vesh. Kjo është e rëndësishme. Unë kam qenë optimist edhe unë u kam thënë të flasim me ekipe për programe. Kontaktin e fundit me Mustafën e kam pasë më 17 korrik. Prej 6 korrikut deri me 17 korrik kemi pasë komunikim sporadik. Më pas, ka gati dy muaj, që ka një shkëputje komunikimi që unë besoj që ai sinqerisht duhet ta shpjegojë. Se, pse u takua ai me ne pra?

Pra, sipas jush Mustafa e ka ngulfatur LDK-në duke e pamundësuar një koalicion me juve. A besoni se personalisht Mustafa e ka bllokuar një koalicion për shkak të inateve të tij personale apo mendoni se ky ka qenë vullneti i LDK-së?

Unë besoj se Mustafa ka udhëhequr gabueshëm LDK-në në verën e vitit 2017, ashtu qysh e ka udhëhequr LDK-në në vjeshtën e vitit 2014. Mustafa po flet me inat për gazin lotësjellës e demonstratat tona, por nuk po flet për nënshkrimin e Zajednicës që e ka bërë. Ne nuk kemi përdorë gaz lotësjellës për atë se e ka emrin Isa Mustafa, për atë se si duket ose kush është personalisht, por për shkak të veprimeve të tij. Ne nuk kemi hedhur gaz lotësjellës kur është zgjedhë qeveria Mustafa. Po të organizohej referendum brenda LDK-së, jam i bindur se me shumicë dërrmuese anëtarësia e LDK-së do të ishte për koalicion me ne. Anëtarësia e LDK-së ështe kundër Zajednicës së Serbisë në Kosovë; anëtarësia e LDK-së është kundër demarkacionit të kufirit me Malin e Zi në formën e tij aktuale.

Në çfarë bazoheni kur thoni se anëtarësia e LDK-së është kundër këtyre dy çështjeve?

Nga nënshkrimet që na kanë dhënë në peticion. Nga njerëzit që i kemi kontaktuar po të organizohej referendumi — unë jam i bindur se me shumicë do të ishin për koalicion me Vetëvendosjen. Dhe anëtarësia e LDK-së ka qenë kundër koalicionit me PDK-në. Edhe rrjedhimisht nëse kanë qenë kundër koalicionit me PDK-në, unë besoj se shumë më kollaj do ta bënin koalicionin me neve. Pra ju po sugjeroni se duhet të ketë fillimisht një ndryshim në lidershipin e LDK-së në mënyrë që të bënit koalicion. A ju kam kuptuar drejt?Për bindjen time është e padrejtë qysh pasi që u rrëzua qeveria Mustafa, ata nuk e bënë një reflektim edhe asaj pakicës së atyre deputetëve që kanë qenë konsistentë, nuk u thanë që paskeni pasur të drejtë. Shpëtim Bulliqi, Fatmir Rexhepi, Vjosa Osmani — pasi që u dëshmua se paskan pasur të drejtë u ndëshkuan për së dyti.

K2.0. Por a po i amnistoni disa eksponentë tjerë? Për shembull, Fatmir Limaj nga Nisma, në momentin që po flasim është duke u hetuar për një aferë korruptive që kap shifrat milonëshe?

Unë nuk jam gjykatës të amnistoj.

Absolutisht nuk jeni gjykatës por ju po arrini të gjykoni se PDK-ja është e keqja e vendit pasi e ka korruptuar dhe e ka kapur shtetin. A mos janë standarte të dyfishta?

Jo secili njeri në PDK është i tillë. Së dyti, Fatmir Limaj ka dalë prej PDK-së. Së treti, Fatmir Limaj tash është kthyer në PDK.

Por a nuk është e mjaftueshme kjo jokonsistencë e tij për ta përjashtuar atë si mundësi për koalicion në të ardhmen, ose Behgjet Pacolli që iu bashkua PAN-it?

Vetëvendosje është shansë për ndryshim, për ndryshimin e Kosovës. Ne nuk jemi superstrukturë që i mbivendoset qoftë popullit apo qoftë partive të tjera. Na jemi infrastrukturë për të gjithë ata që duan ndryshime. Unë po e them, unë besoj në përmirësimin e njerëzve.

Nëse besoni në përmirësimin e njerëzve, a e besoni përmirësimin e Kadri Veselit, kryetarit të PDK-së?

Unë mendoj se çdo njeri mund të përmirësohet por, unë nuk mund ta amnistoj askënd për çfarë kanë bërë. Këtu duhet ta bëni një dallim. Unë nuk mund ta fal dikë për krime që kanë bërë. As nuk kam dëshirë e as të drejtë për ta falë dikënd për një krim ama siç edhe çdo njeri mund të koritet. Siç thotë një fjalë e jona popullore, pesë minuta para vdekjes mund të koritet njeriu. Në një anë, jam progresiv duke besuar se mund të përmirësohet njeriu, e në anën tjetër jam edhe shumë i kujdesshëm sepse është e mundur të dështosh e të gabosh.

UNË NUK BESOJ SE PROGRESI VJEN NGA KONSENSUSI. BILE KONSENSUSI NË JO PAK RASTE MA PARAFYTYRON MOÇALIN. LËVIZJA ËSHTË LUM QË RRJEDH. PROGRESI ËSHTË LUM E NUK ËSHTË MOÇAL. PRA, PROGRESI VJEN PËRMES KRITIKËS, VETËKRITIKËS EDHE KUNDËRTHËNIEVE.

Një pyetje shumë thelbërore që duhet ta shtroj. Nëse siç po thuani kemi 18 vjet të politikës së pazareve, ku partitë politike shohin interesat e ngushta dhe Vetëvendosja dështon të futet në pazar, a rrezikon kjo që të ju lërë jashtë qeverisjes për shkak se partitë e tjera politike do ta kenë më të lehtë alternimin e pushtetit me njëra-tjetrën sesa kompromisin me Vetëvendosje?

Edhe një herë po them. Nuk është qëllimi ynë që qeverinë e ardhshme ta formojmë pa koalicion. Absolutisht jo. Por natyrisht që ne kemi prioritet orientimin tonë programor, konceptin tonë politik dhe tash jemi partia më e madhe në vend. Pyetja juaj do të ishte shumë më legjitime para 11 qershorit mirëpo, nuk duhet ta nënçmoni faktin që populli i ndëshkoi pazarxhinjtë. Zgjedhjet e 11 qershorit i kanë ndëshkuar tre partitë që janë më të moshuara se Vetëvendosja. PDK, LDK dhe AAK janë ndëshkuar — të vjetrat — dhe ka fituar e reja.

Por jo mjaftueshëm sa për t’i lënë jashtë pushtetit?

Kjo është nëse e bëni prerjen e situatës sot. Por nëse e shihni trendin, nuk po them që i kanë ditët, por javët e në rastin më të keq, muajt e numëruar.

Për të shterrur debatin rreth koaliconeve, ka edhe kritikë të atillë që thonë se në rast se hipotetikisht Vetëvendosja do të nënshkruante marrëveshje me LAA-në, do të rrezikohej të shihej në sytë e qytetarëve si krejt partitë e tjera që e shohin vetëm interesin e ngushtë. Si i përgjigjeni këtij rezervimi?

Përderisa Vetëvendosja e mirëmban orientimin e vet programor, përderisa Vetëvendosja përbëhet e udhëhiqet prej aktivistëve e politikanëve që nuk pasurohen nga politika, që janë të pakorruptuar e të pakorruptueshëm, dhe përderisa udhëheqja e Vetëvendosjes është besnike ndaj angazhimit dhe aktivitetit të anëtarësisë — ju e keni parë që deputeti ynë është në ballë të protestave. Nuk rrin deputeti ynë me çaj para televizorit kur aktivisti tjetër bën protesta. Pra, janë këto tre teste të vërtetësisë. Konsistenca dhe koherenca e diskursit, mospasurimi nga politika, edhe besnikëria ndaj angazhimit të aktivistit që kanë kriju një besim aq të madh të popullit te Lëvizja Vetëvendosje, saqë me këdo që bashkëpunojmë ne, populli na beson neve. Dhe besoj se ka të drejtë në këtë pikë që na beson. Por përveç nevojës së koalicionit me partitë shqiptare, hipotetikisht nëse do ta kishit të drejtën të krijonit qeverinë e ardhshme, do të duhej që në përbërje të qeverisë ta kishit edhe komunitetin serb.

Ju kam dëgjuar të thoni se nuk është detyrim që ta kemi Listën Serbe në qeverinë e Kosovës. Por në anën tjetër Lista Serbe ka fituar mbi 80 për qind të votave të komunitetit serb në Kosovë dhe po e dominon bindshëm përfaqësimin e komunitetit serb në Kuvend. A do të krijonit koalicion me Listën Serbe dhe si do të dukej përfaqësimi i serbëve të Kosovës në një qeveri të Vetëvendosjes?

Lista Srpska nuk është kategori kushtetuese. Unë mendoj se nuk vjen në shprehje dikush të bëhet ministër nga Lista Serbe — para se kjo të bëhet me njerëz si Nenad Rasiq [Partia Demokratike Progresive] e Slobodan Petroviq [Partia e Pavarur Liberale]. Është e padrejtë ndaj Republikës së Kosovës, edhe për mendimin tim edhe ndaj serbëve të Kosovës. Si e shihni qasjen e Listës Serbe karshi shtetit të Kosovës?Lista Serbe prej origjinës deri te orientimi, synimet e kontrolli [i saj], nuk paraqet partinë e serbëve të Kosovës por ambasadën politike të Serbisë në Kosovë.

Ju nuk keni besim në përmirësimin e Listës Serbe?

Sigurisht që kam besim por në rast se ata nuk do të shkonin në Beograd e Moskë për çdo javë, siç po bëjnë në Beograd e madje edhe në Moskë. Ata duhet të lidhen me qytetarët serbë të Kosovës.Por ata kanë shumicën e votës së qytetarëve serbë?Unë mendoj se te serbët ka shumë ma shumë njerëz të aftë e të mirë të bëhen deputet.E çka nëse ata prapë dalin fitues me shumicë dërrmuese.

A do ta shfuqizonit vullnetin e shumicës së komunitetit serb duke emëruar individë tjerë të përkatësisë serbe?

Ne synojmë që ministrin serb në qeverinë tonë të mos jetë i Listës Serbe. Kushtetuta thotë që duhet të jetë serb. Nuk mund të lejojmë që të qenët serb të definohet si anëtarësi partiake. Të qenët serb është përkatësi kombëtare dhe jo partiake. Por këto kushte që po i vendosni mund të ndikojnë te një reagim edhe të komunitetit ndërkombëtar.

Si mendoni se do të ishte reagimi i tyre?

Komuniteti ndërkombëtar e dëgjon zërin e popullit.Pikërisht pra, ata mund të insistojnë se Lista Serbe është zëri i komuniteti serb në Kosovë… Kur ata e shohin se ti ke krijuar shumicë me Slobodan Petroviqin dhe do ta bësh Nenad Rasiqin ministër, e Slobodan Petroviqin nënkryetar Kuvendi. Nuk ka aty arsye pse komuniteti ndërkombëtar të reagojë.

Pasi jemi te komuniteti ndërkombëtar, ju sikur keni pasur më herët një raport të ngrirë me përfaqësuesit ndërkombëtarë në Prishtinë. Por pas zgjedhjeve sikur kanë ndryshuar gjërat. Ju jeni takuar dy herë me ambasadorin amerikan Gregory Delawie dhe keni shpeshtuar takimet me përfaqësues të tjerë të ambasadave në Kosovë. Çka do të thotë kjo?

Mendoj se ky është kryekëput rezultat i rezultateve të 11 qershorit. Dhe, thjesht në situatën që ndodhemi nuk është për shkak tonin as për shkak të ambasadës amerikane. Është për shkak të popullit. Është populli ai që ka vendosur që kështu të jetë. Dallimi është se në vitin 2014 faktori ndërkombëtar ka pasur bonus kritere për Vetevendosjen që të jetë në qeverisje.

Për çfarë kriteresh e keni fjalën?

Përpara thuhej se çështja e dialogut dhe e marrëveshjeve me Serbinë, çështja e ashpërsisë së Vetëvendosjes, e ashpërsisë së Vetëvendosjes në demonstrata.

Tash nuk ka rezerva për ashpërsinë e Vetëvendosjes nga komuniteti ndërkombëtar?

Jo, ata nuk po them që i mbështesin metodat tona. Por po them se janë të vetëdijshëm që populli ia dha mbështetjen Vetëvendosjes. Do të thotë, ata janë përfaqësi diplomatike këtu.Me të cilët për një kohë të gjatë nuk keni pasë raporte të mira… Shiqoni, intelektualisht ne jemi fëmijë të Perëndimit. Mendimin kritik Perendimi na e ka mësuar. Pikërisht shtetet me historinë e tyre prej nga vijnë këta ambasadorë na bëjnë të mendojmë kështu se si mendojmë. Unë nuk besoj se ka progres pa kritikë. Unë nuk besoj se progresi vjen nga konsensusi. Bile konsensusi në jo pak raste ma parafytyron moçalin. Lëvizja është lum që rrjedh. Progresi është lum e nuk është moçal. Pra, progresi vjen përmes kritikës, vetëkritikës edhe kundërthënieve.

Si e definoni ju konsensusin?

Konsensusi është gjithmonë paqe e përkohshme. Konsensusi është emëruesi më i vogël i përbashkët, i cili zbut tensionet duke u frikësuar nga rreziqet paçka se nuk mundëson ecjen para.

A do të ndiheshit se do ta tradhonit votuesin tuaj të majtë nëse do të bënit koalicion me parti të djathta e neoliberale?

Kur kemi biseduar për programet dhe dakordimet programore, unë nuk besoj se [ato] janë devijim nga socialdemokracia. Ato janë tekste të shkruara të cilat mund të gjenden. Sfidat do të ishin në praktikë.

Kënd e shihni të majtë në skenën politike në Kosovë?

Shumica dërmuese e qytetarëve janë të majtë po fole për tema — pa thënë majtas-djathtas, pa thënë konservative, socialiste, demokratike e liberale, pa i dhënë etiketa. Po fole pa etiketa janë të majtë.

Po sugjeroni se lidershipi i partive po i shtyn nga e djathta?

Besoj se lidershipet politike, dhe në anën tjetër [janë] marrëdhëniet e tyre me biznesin, klientelizmi, tendoromania që i shtyn andej.

Pse jeni socialdemokrat dhe pse i nevojitet vendit një model i tillë qeverisjeje?

Unë besoj se tre shtyllat e Bashkimit Evropian janë si vijon. [Shtylla e parë] paqja me antifashizëm, fjalimi i famshëm i Robert Shumanit [ish-ministër i jashtëm i Francës] më 9 maj 1950 që përputhet me ngadhnjimin e anti-fashizmit mbi fazhizmin në Luftën e Dytë Botërore. Jo vetëm paqja por, me anti-fashizëm që është luhatur në Evropë sepse ka filluar të flitet për një paqe pa antifashizëm. E paqja pa antifashizëm është edhe paqe me elemente fashiste. Prandaj është një tolerim i tepruar i ksenofobisë.

TË JESH QYTETAR ËSHTË AKT POLITIK. NUK E SHOH VETEN JASHTË TË QENIT QYTETAR, NUK E SHOH ANGAZHIMIN QYTETAR JASHTË POLITIKËS DHE NUK E SHOH POLITIKËN E ANGAZHUAR JASHTË VETËVENDOSJES.

Shteti i mirëqenies është shtylla e dytë. Ky aspekt vleror është i kuptimtë kur është i shoqëruar me barazinë, drejtësinë dhe solidaritetin mes njerëzve. Pa këto, ajo më nuk është liri por frikë. Ti mund të jesh i lirë edhe në xhungëll por, liria e cila është plot frikë nuk është liri. Dhe shtylla e tretë është ombrella e sigurisë së NATO-së. Unë besoj në të trijat. Jam thellësisht për Bashkim Evropian.

Tema e fundit të cilën do ta diskutoja është e ardhmja e juaj politike. Në një intervistë së fundmi në një medium keni thënë se “tash është shumë vonë të tërhiqem nga politika”. Pyetja është se çka do ta bënte Albin Kurtin të tërhiqej nga politika dhe aktiviteti politik, dhe a mundet Albin Kurti të jetojë pa qenë aktivist politik?

Unë me profesion jam inxhinier i elektroteknikës dhe jam adhurues i matematikës, filozofisë, i artit, i kulturës edhe kam shumë preokupime. Por fati im pashkëputshëm është i lidhur me Lëvizjen Vetëvendosje. Unë Vetëvendosjen e përjetoj si parim e synim kolektiv dhe rrjedhimisht për veten time nuk vetëvendosi. Unë besoj se populli i Kosovës duhet të vetëvendosë, jo Albini.

Por, po flasim këtu për një vendim qe ju takon edhe juve. Pra, pyetja konkrete është se çka do të ju bënte juve të mendoni të tërhiqeshit nga politika?

Kjo është tërësisht çështje e anëtarësisë së Vetëvendosjes dhe e organeve të Vetëvendosjes. A po kupton?

A nuk është çështje individuale po ashtu?

Unë me pantollona ‘slim fit’ nuk jam fare rehat, por nëse shefi i shtabit më thotë duhet të vishesh me xhaketë, me pantollona të kaltëra dhe me këtë kravatë, unë s’kam tjetër përpos t’i bindem. Kjo kuptohet derisa ushtroni aktivitetin politik.

Por unë jam duke ju pyetur për momentumin politik që do të ju bënte të tërhiqeshit nga politika pas gjithë këtyre viteve në politikë?

Mos më keqkupto por nuk je duke më kuptuar. Nuk jam unë ashtu vet. Nuk e mendoj veten vetë. Ti je duke menduar qe unë e mendoj veten si Albin. Unë nuk e mendoj. Tash e 12 vjet jam në Lëvizjen Vetëvendosje e më parë me organizime.

A ndiheni i përjetshëm në Vetëvendosje?

Qysh i përjetshëm?

Mendoj, nëse anëtarësia vendos t’ju lërë gjithë jetën në politikë?

Po, është e mundshme. Shumë e mundshme është që tërë jetën do ta kaloj në Vetëvendosje nëpër detyra që m’i ndajnë.

Pra, nëse tash po ju kuptoj drejt, ju po e përjashtoni veten që të vetëvendosni për veten tuaj?

Po, ashtu. Tamam ashtu. Vetëvendosjen nuk e kuptoj individualisht. Domethënia e Vetëvendosjes nuk është ai aspekti individual personal. A din ku jam ashtu vetëvendosës? Jam në shijet e mia, në preferencat kulturoro-artistike të mia dhe në jetën time personale dhe private. Politikisht, ideologjikisht, njerëzit shpenzojnë dekada jetësore me mbrri në një organizatë autentike, me përputhshmëri intelektuale e shpirtërore e unë kam pasë fatin me e bë këtë më herët. Nuk e shoh vetën jashtë politikës dhe nuk shoh politikë të angazhuar jashtë Vetëvendosjes në Kosovë. Të jesh qytetar është akt politik. Nuk e shoh veten jashtë të qenit qytetar, nuk e shoh angazhimin qytetar jashtë politikës dhe nuk e shoh politikën e angazhuar jashtë Vetëvenddosjes. Sikurse në art edhe në politikë, lëvizjet paraprihen nga një tjetër lëvizje, lëvizjet lindin në kundërshti me një të tillë tashmë të bërë regjim. Para një shekulli Dadaizmi e pat shtruar terrenin për Surrealizmin. Ndërkaq më vonë minimalizmi ishte reagim ndaj ekspresionizmit abstrakt. Te Lëvizja jonë ndodhën të dyja. Vetëvendosje vie nga tradita e lëvizjeve protestuese e kryengritëse shqiptare të gjysmës së dytë të shekullit 20, të cilat organizonin solidaritet shoqëror e kombëtar për çlirim, demokraci, pavarësi, barazi e drejtësi. Dhe, ajo lindi para më shumë se 12 vjetëve nga kundërshtia me burokracinë autoritare ndërkombëtare dhe servilitetin e korruptuar vendës. Në kuptimin socio-historik dhe jo në atë teknik, politika nuk është art i së mundshmes. Politika është art. Thjesht, art.

Si funksionon fabrika e gënjeshtrave ruse

Tashmë provat ekzistojnë se Rusët janë hedhur me kokë dhe me gëzim në zemër për të ndikuar përmes Facebokkut në fushatën presidenciale amerikane. Llogari fallco, publicitet i targetuar deri në detaje, ata kanë përdorur në mënyrë inteligjente të gjitha mundësitë që të jepë rrjeti social (shiko në pjesën e Parë të dosiesë/shkrimi poshtë)

Masa dhe pesha me të cilën Kremlini ka ndikuar në zgjedhjen e Trump mbetet akoma të zbulohet dhe është në hetim e sipër, por amerikanët kanë arritur të zbulojnë se ku gjendet “fabrika e lajmeve të reme” prej ku dirigjohej manipulimi i I facebookut kundër kandidates Hillari Klinton. Nga periferitë e Shën Petërburgut disa qendra “Kiber- ushtare” punonin gjatë gjithë kohës përmes llogarish fallco për të mbështetur politikën e Kremlinit dhe për të denigruar armiqtë e Rusisë. Edhe përpara se të fillonte fushata presidenciale në amerikë, mediat Ruse kishin raportuar për këtë fabrikë të prodhimit të lajmeve të rreme.

Një investigim i gazetës të pavarur “Novaia Gazeta” pati zbuluar një lidhje mes biznesmenit nga Shën Peterburgu Evgeny Prigogine dhe fabrikës së “trolls”. Ky afarist i mbiquajtur ndryshe edhe kuzhinjeri i Putinit (shiko foton Prigogine majtas) që njihet për lidhjet e tij të afërta me kremlinin është një nga aksionerët kryesorë të fabrikës së gënjeshtrave. Kompania e Prigoginit që njihet si një nga emrat më të mëdhenj të kuzhinës së Rusi, ka fituar shumë tendera shtetërorë, ka organizuar të gjithë ceremoninë e zgjedhjes president të Putinit, madje ai vetë i ka shërbyer shefave të shteteve kur ata takoheshin në Moskë dhe Shën Petërburg më liderin rus.

Të gjitha këto zëra kremlini k aka mohuar kategorikisht. “Ne nuk kemi asnjë lidhje me këtë, ne s’kemi dëgjuar për këtë gjë, dhe s’duam që emri ynë të lidhet me këtë histori Facebook-u ka thënë zëdhënësi i presidencës ruse Dimitri Peskov. Por eksperti i pavarur dhe specialist i kibernetikës Andrei Soldatov, në një intervistë që i ka dhënë gazetës Libaration dhe që Lapsi.al e ka lexuar, pohon krejt të kundërtën. “Gjithçka vendoset në Kremlin” pohon aid he vazhdon: “Ka një ndryshim me periudhën sovjetike, atëherë ishin njerëz të ndryshëm që merreshin me çështjet e brendëeshme dhe të tjera që mbulonin ato të jashtme. Ndërsa tani është një rreth i ngushtë njerzish në Kremlin që merret me të dyja”.

Por Soldatov nuk i jep shumë rëndësi teorisë së ndërhyrjes në zgjedhjet e ShBA. “Shumat e harxhuara në para janë shumë pak (rreth 100 mijë dollar ka pohuar shefi i Facebook, Mark Zucerberg). Kremlini ka vendosur shumë vonë të ndërhyjë në zgjedhjet amerikane. Kjo ndodhi pas shpërthimit të skandalit Panama Papers ku dolën dokumenta për pasurinë maramendëse të Putinin. Vetëm pas kësaj, presidenti Rus vendosi të hakmerret dhe në fakt u bazua në të dhënat e “spiunëve” të Facebookut që për hir të së vërtetës Rusia i mblidhte që prej vitit 2015”. Pra sipas tij këtu kemi të bëjmë me një lëvizje taktike jo strategjike. Por Soldatov shton: “Kjo nuk përjashton fakin se që prej tre vitesh ka pasur njerëz që paguheshin për të ndërhyrë në rrjetet sociale të Amerikës, Anglisë dhe Francës”.

(Burimi Liberation/ Përshtati Lapsi.al)

Deklarata e përbashkët që nënshkruan presidentët Thaçi dhe Meta

Presidenti i Kosovës, Hasim Thaçi dhe presidenti i Shqipërisë, Ilir Meta kanë nënshkruar në Prishtinë një deklaratë të përbashkët e cila përmban katër pika kryesore. Liderët e të dy shteteve para së gjithash kanë rënë dakord për hartimin e një dokumenti strategjik për anëtarësimin e plotë të Kosovës në BE dhe NATO

Në vijim mund ta lexoni deklaratën e plotë të dy presidentëve!

Presidenti i Republikës së Shqipërisë dhe Presidenti i Republikës së Kosovës,

Të udhëhequr nga parimet dhe vlerat evropiane,

Duke i qëndruar qëllimit të përbashkët për konsolidimin e lirisë, paqes, stabilitetit dhe begatisë në të dy shtetet dhe në rajonin ku bëjnë pjesë,

Të bindur në përfaqësimin më të mirë të interesit strategjik të qytetarëve të të dy shteteve për integrim në familjet evropiane dhe euro-atlantike,

Me besimin se “politika e zgjerimit” dhe e “dyerve të hapura” për rajonin mbeten katalizatorë të sigurisë, demokracisë, dhe zhvillimit,

Ranë dakord që të:

Mbështesin ripërtëritjen e përpjekjeve të qeverive të të dy shteteve respektive në zhvillimin e demokracisë, shtetit të së drejtës, ekonomisë së tregut dhe kohezionit shoqëror me synim të përbashkët për arritjen sa më shpejt të standardeve evropiane;

Rikonfirmojnë vullnetin e ndërsjellë për rritjen dhe thellimin e bashkëpunimit vëllazëror e strategjik dhe me partnerët ndërkombëtarë;

Shprehin mirënjohje për vendet mike dhe partnerët strategjikë për mbështetjen e pakursyer e të jashtëzakonshme që kanë dhënë ndër vite, përkrahje kjo e cila mbetet e domosdoshme edhe për të ardhmen;

Përshëndesin riangazhimin e Bashkimit Evropian në Ballkanin Perëndimor përmes Procesit të Berlinit, misionin e të cilit e shohim në dritën e Delors për “Konkurrencën që nxit, bashkëpunimin që forcon dhe solidaritetin që bashkon”;

Rikonfirmojnë vullnetin e sinqertë për bashkëpunim të hapur dhe efikas me të gjitha vendet e rajonit, në dobi të qytetarëve dhe të proceseve integruese;

Shprehim solidaritetin ndaj sfidave me të cilat përballin vendet mike dhe partnerët tanë strategjikë dhe zotohen për të dhënë kontributin e dy shteteve respektive në ballafaqimin me këto sfida;

Refuzojmë me vendosmëri çdo alternative tjetër që bie ndesh me projektet strategjike të integrimeve evropiane dhe euroatlantike dhe nxisin veprim të koordinuar, duke u përqendruar në:

1. Përshpejtimin simetrik të proceseve të integrimit të të gjitha vendeve të rajonit, që dëshirojnë të anëtarësohen në BE dhe NATO; ngaqë integrimi në BE dhe NATO mbeten procese thellësisht politike, me ndikim të jashtëzakonshëm në përfundimin e proceseve të paqes në rajon;

2. Hartimin e një dokumenti strategjik për anëtarësimin e plotë të Kosovës në BE dhe NATO;

3. Liberalizimin sa më të shpejtë të vizave ndërmjet Bashkimit Evropian dhe Kosovës, angazhimin e Kosovës që të bëjë çdo përpjekje të zgjidhë në mirëbesim dhe mirëkuptim të ndërsjellë çështjet që lidhen me marrëveshjen për shënimin e vijës kufitare me fqinjin e saj, Malin e Zi;

4. Vazhdimin e fazës përfundimtare dialogut për normalizimin e marrëdhënieve ndërmjet shtetit të Kosovës dhe atij të Serbisë, duke ftuar një angazhim të ripërtërirë të BE-së dhe pjesëmarrje të drejtpërdrejtë të ShBA-ve, me qëllim të njohjes përfundimtare të Kosovës si shtet sovran dhe i pavarur nga ana e Serbisë, si një proces që do të ketë efekte pozitive për gjithë rajonin.​/