Në Kosovë rritet numri i aktakuzave ndaj profileve të larta

Mekanizmat përgjegjës për luftimin e krimit dhe korrupsionit në Kosovë, kohët e fundit, kanë rritur numrin e aktakuzave kundër zyrtarëve të profilit të lartë. Nga organet përgjegjëse, thuhet se ka edhe shumë raste të profileve të larta që po hetohen, por në këtë fazë nuk pranojnë të japin informacione, pasi që sipas tyre, procesi mund të dëmtohet

Drejtori i Agjencisë Kundër Korrupsionit, Shaip Havolli, tha për Radion Evropa e Lirë se rastet e nivelit të lartë të korrupsionit duhet të përfundojnë me dënimet e merituara.

“Sa i takon çështjes së luftimit të korrupsionit tash kohëve të fundit kemi vërejtur shumë aktakuza dhe kallëzime penale të shtruara nga agjencia, por edhe aktakuza të ngritura nga prokuroria. Kryesisht këto aktakuza janë të profilit të lartë. Pra, janë ngritur disa aktakuza të profilit të lartë, por është domethënëse që këto aktakuza të mos hidhen poshtë, por të ketë aktgjykime dënuese”, tha Havolli.

Gjatë javës se kaluar, në mediat vendore është raportuar se Prokuroria Speciale ka ngritur disa aktakuza kundër disa zyrtarëve të lartë, përfshi ministra dhe ish-ministra, lidhur me veprat korruptive dhe të njëjtat lëndë janë dorëzuar në Gjykatën Themelore.

Kryetarja e Gjykatës Themelore në Prishtinë, Afërdita Bytyqi tha për Radion Evropa e Lirë se javën e kaluar në Prokurori është regjistruar vetëm një rast i ngritur i aktakuzës së nivelit të lartë të korrupsionit.

“Është ngritur një aktakuzë kundër Emin Beqirit [ish-drejtor i krimeve ekonomike në Policinë e Kosovës]dhe Rrahim Hashimit. Është rasti i shënjestruar me shenjen D/V, që ne e kemi si prioritet që t’i përfundojmë këto raste më shpejt. Prokuroria Speciale ka ngritur ketë aktakuzë dhe e ka dorëzuar në Gjykatën Themelore të Prishtinës”, tha Bytyqi.

Nga ana tjetër, kryeprokurori i shteti tash më ka një njësit të veçantë i cili funksion si komision mbikëqyrës për zbatimin e planit të veprimit 2016/2018 për korrupsion dhe krime ekonomike.

Prokurorja, Laura Pula, që është pjese e këtij njësiti tha se kohëve të fundit vërehet se është rritur efikasiteti i punës në prokurori dhe gjykata sa i takon lëndëve që kanë të bëjnë me korrupsion.

“Rastet me fokus të veçantë janë ato të shenjestruara të cilat mbikëqyren nga komisioni ynë, por edhe nga vet kryeprokurori i shteti. Ne e bëjmë një krahasim të lëndëve të bartura nga viti në vit dhe lëndëve të reja. Nëse e bëjmë një krahasim të lëndëve të reja dhe sa janë zgjidhur, gjithmonë e kemi një përqindje që mbi 100 për qind të kemi zgjidhje të lëndëve të reja”, tha ajo.

Përfaqësuesit ndërkombëtarë u kanë bërë thirrje drejtuesve të institucioneve që të ndërmarrin hapa konkret në luftimin e korrupsionit.

Shkalla e lartë e korrupsionit dhe e krimit të organizuar janë theksuar në pothuajse të gjitha raportet ndërkombëtare si dhe në raportet hulumtuese të organizatave vendore, si “një prej problemeve më të mëdha të zhvillimit të Kosovës.

Organizata ndërkombëtare Transparency International në indeksin e saj të fundit për perceptim të korrupsionit në Kosovës, ka theksuar se është bërë një përparim i lehtë në luftën kundër korrupsionit, krahasuar me vitin paraprak kur ka qenë në vendin e 95-të me 36 pikë.

Organizata joqeveritare Instituti Demokratik i Kosovës si anëtare zyrtare e lëvizjes globale kundër korrupsion, Transparency International, thotë se nga aspekti i brendshme një pjesë e madhe e aktakuzave që kanë pasur të bëjnë me rastet e korrupsionit të ngritura nga prokurorit, janë hedhur poshtë nga gjykatat.

Florent Spahija, zyrtar ligjor në KDI, tha për Radion Evropa e Lirë se në luftën kundër korrupsionit ende nuk është parë një punë e duhur e as vullnet politike për t’u shkuar deri në fund rasteve të nivelit të larë që dyshohen për korrupsion.

“Në të shumtën e rasteve aktakuzat janë ngritur sa për sy e faqe. Rreziku më i madh në këto raste është që të bëhet një rutinë e njëjtë që njerëzit të shfajësohen me këto aktakuza e jo me u fajësuadhe me shkuar deri në përfundim. Të njëjtit njerëz i shohim në afera të ndryshme të korrupsionit ose afera të tjera që jo domosdo janë korruptive dhe janë të njëjtit njerëz që vazhdojnë të qeverisin ose janë të pushtetshëm”, tha Spahija.

Lufta kundër korrupsionit dhe rezultatet konkrete në këtë drejtim janë pjesë e kushteve të Bashkimit Evropian për liberalizimin e vizave për Kosovën.

Luftimi i korrupsionit, për Qeverinë e Kosovës nuk përbën më një nga kushtet e papërmbushura në procesin e liberalizimit të vizave.

Sipas qeverisë, institucionet kanë shënuar përparime dhe rezultate konkrete në këtë drejtim.

Detaje të reja: Lidhja intime që dogji Xhafer Osmanin në Fushë Krujë – Aman pranoje, unë do të zhdukem

Vdekja e Xhafer Osmanit vijon të qëndrojë e mbuluar nga misteri, pasi deri në daljen e rezultateve të ekspertimit Mjeko-Ligjor, policia dhe prokuroria e Krujës, vijojnë të mbetet të ndara në qëndrime, duke mos përcaktuar nëse kemi të bëjmë me një vetëvrasje apo vrasje me paramendim

Hetimet kanë nisur për vrasje, por ekzistojnë dyshime të forta se Xhafer Osmani, ka shumë gjasa të jetë vetëvrarë. Gjatë verifikimeve të kryera në dobi të zbardhjes së kësaj ngjarje, është arrestuar shtetasi Besnik Shehaj, pasi gjatë kontrollit në banesën e tij, i është gjendur një pushkë, të cilën e kishte fshehur në dhomën e gjumit.

Ai ka pretenduar se armën e mban në shtëpi, qysh prej vitit 1997, pasi banon në një zonë problematike siç është Fushë-Kruja. I arrestuari Shehaj ka qënë një nga personat e dyshuar si autor i këtij krimi, pasi rezulton se ka marrë një bidon me benzinë në karburantin “Eri”, ku ai është larguar me vrap, por pas verifikimeve dhe pyetja e personave të tjerë, ka rezultuar se ky person nuk ka lidhje me djegien e Kosovarit Xhafer Osmani.

Ndër të tjera gjatë hetimeve, policia ka konstatuar se në banesën e tij ndodhej dhe bidoni me benzinë i mbushur tek karburant “Eri”, të cilin ai e kishte blerë për motorin. Pavarësisht kësaj Besnik Shehajt i është komunikuar urdhëri I arrestit, për akuzën e “Armëmbajtjes pa lejë”.

Lidhja intime

“Shqiptarja.com” mëson se pas kësaj ngjarje fshihet një histori intime, pasi viktima Xhafer Osmani ka pasur një lidhje me një grua në Kosovë, e cila ka qenë e martuar me dikë tjetër. Një burim nga policia i tha “Shqiptarja.com” se në dijeni të kësaj lidhje të fshehtë ka qënë burri i saj, i cili ka vendosur ta refuzojë gruan e tij.

Por që më pas besohet se Xhafer Osmani ka hyrë në negocim me burrin e gruas që dashuronte duke i pohuar: ”…aman pranoje se mua s’do më shikosh më, se do zhdukem…”. Një bisedë e tillë mësohet se është bërë në një nga faqet sociale që viktima dispononte.

Vrasje apo vetëvrasje?

Këto rrethana kanë shtyrë disa anëtarë të grupit të hetimit të binden se viktima i gjetur i djegur në fshatin Derven të Fushë-Krujës, është vetëvrarë. Megjithatë ky nuk është ende një version zyrtar,pasi ende pritet konkluzjoni i ekspertëve të mjekësisë ligjore në Tiranë, të cilët kanë ekzaminuar trupin e pajetë. Por, gjetja e një KURANI, vetëm pesë metra larg makinës së djegur, sipas disa hetuesve tregon se viktima në gjëndje emocionale të thellë, është falur mbi këtë libër dhe më pas ka hyrë brenda në makinë, duke u vetëdjegur.

Ndërkohë disa ekspertë të tjerë, po anëtarë të grupit hetimor, thonë se kemi të bëjmë me një vrasje, pasi viktima është gjendur në sediljen e prapme të makinës. Trupi ishte i kthyer përmbys, me kokën pranë portës së pasme të djathtë, e këmbët të cilat janë djegur në pjesën më të madhe mbi metalin e sediljes. Gjithashtu në distancën 50 metra nga makina e djegur është gjendur një pagure plastike 0.5 litro me ambalazh “Glina”, e cilë është marrë si provë, por nuk rezulton të jetë mbushur me benzinë apo lëndë tjetër djegëse.

Pamjet filmike

Mirëpo për të hedhur dritë mbi misterin e kësaj ngjarje policia dhe prokuroria e Krujës, janë përqëndruar gjatë mbi analizimin e disa pamjeve filmike, të sekuestruara në kamerat e një karburant “Eri”, shumë pranë zonës. Gjatë analizimit të filmimeve ëhstë vërejtur se makina “Volkswagen Turan”, dallohet se ka hapur krahun buzë rrugës dhe pas rreth një minutë, futet në këtë rrugicë.

Po kështu 10 apo 17 minuta më pas, në ambjentet e karburant “Eri”, hyn një automjet tip “Benz” me ngjyrë të zezë,nga ku del një person mashkull, dhe tenton të hapi bagazhin e automjetit. Por gjatë kësaj kohe nga vendi drejtuesit të makinës, zbret një vajzë,e cila hape bagazhin dhe vazhdohet të furnizohet automjeti me karburant. Ky person quhet Besnik Shehaj, dhe se largohet nga zona e karburantit dhe shkon në drejtim të rrugës, ku hyrë 17 minuta më parë makina e kosovarit Xhafer Osmani.

Nga pamjet filmike, Shehaj kërkon diçka në anën anësore të rrugicës, dhe pasi kthehet, vjen me një shishe plastike. Hyn në banjë dhe pasi qëndron për pak, shkon dhe e mbush atë me karburant benzinë. Gjatë marjes në pyetje, Shehaj ka thënë se ishte larguar për të gjetur një bidon në mënyrë që ta mbushte me benzinë, pasi i duhej për motorin. Ka hyrë në banjë, pasi e ka larë nga brenda këtë bidon dhe më pas i është drejtuar sërisht karburantit, duke e mbushur me benzinë.

Madje ai ka qënë duke nxituar, pasi ka paguar lekët dhe është larguar pa marrë bidonin me benzinë, por është rikthyer sërisht duke marë shishen plastike. Verifikimet e policisë kanë zbuluar se së bashku me Besnik Shehaj në makinë ishte dhe shtetësja I.B., kushërira e Besnikut. Kjo e fundit gjatë marrjes në pyetje ka deklaruar se qëndron në Itali dhe se shtetasin kosovar Xhafer Osmani nuk e njeh dhe se ka takuar asnjëherë.

E pyetur nëse ka qënë ndonjëherë në Kosovë, ajo ka treguar se para dy muajsh ka shkuar në Kosovë, për të takuar motrën. Por pavarësisht këtyre pretendimeve, policia ka ushtruar kontroll në banesën e Besnik Shehaj, pasi ky i fundit konsiderohej si i dyshuari kryesor. Gjatë kontrollit, policia gjeti një pushkë, 300 fishekë, një karikator me fishekë dhe një pa fishekë. Por Shehaj ka pohuar se e mban armën për të mbrojtur familjen pasi zona ku ai jeton është e rrezikshme. /Shqiptarja.com/

Financial Times: E ardhmja e brishtë e Ballkanit varet nga marrëveshja për Maqedoninë

Përmes redaktorit për Evropë, Tony Barber, prestigjozja amerikane “Financial Times” shkruan se e ardhmja e brishtë e Ballkanit varet nga marrëveshja e Maqedonisë me Greqisë

Sipas tij, ndryshimet e emrit të aeroportit dhe të një auto udhe, nga siç thotë “lidershipi reformator” paraqesin shpresë për rajonin e Ballkanit, përcjell Telegrafi Maqedoni.

Në analizën e tij, Barber konsideron se një ujdi që do ta përmbyllte çështjen mbi 20 vjeçare të emrit, do të ishte sinjal pozitiv për vendet tjera si Kosova e Serbia, apo edhe kroatët, muslimanët e serbët në Bosnjë e Hercegovinë.

Gjithashtu, Barber konsideron se ujdia për emrin do të hapte dyert e BE-së dhe NATO-së për Maqedoninë dhe këtë vend do ta largonte nga paqëndrueshmëria gjeopolitike, dhe se do të ishte një kundërvënie për zgjerimin e prezencës në Ballkan të Rusisë, Turqisë, Kinës, Arabisë Saudite dhe vendeve tjera të Gjirit.

Barber citon deklaratën e Ali Ahmetit të ketë thënë se gjithçka që është arritur me marrëveshjen e vitit 2001 do të ishte e kotë nëse nuk anëtarësohet Maqedonia në NATO dhe BE, përcjell Telegrafi Maqedoni.

Megjithatë, Barber thotë se e ardhmja e një ujdie Maqedoni-Greqi është e pasigurtë, pasi që Athina kërkon ndryshimin e Kushtetutës, kurse Shkupi mendon për një zgjidhje në dy forma, një për përdorim të jashtëm, dhe një për përdorim të brendshëm.

Këtë qëndrim, Barber e bazon edhe në faktin se në Qeverinë e Tsipras ka një parti nacionaliste, dhe kësaj i shtohet opozita konservatore, Kisha Ortodokse, përfshi tentimet e Rusisë për të penguar një ujdi të mundshme, ndërsa zgjedhjet e vitit të ardhshëm mund të ngritin temperaturat politike, dhe kjo dëmton bisedimet.

Në përmbyllje për “Financial Times”, Tony Barber konsideron se jo të gjitha shtetet e BE-së dhe të NATO-së e shohin anëtarësimin e Maqedonisë si diçka parësore, por kjo do të mësohet në samitin e BE-së në qershor, dhe të NATO-së, në korrik.

Ai shprehet se këto samite mund të jenë tepër të parakohshme për një ujdi Maqedoni-Greqi, dhe nëse kjo është kështu, atëherë Barber shpreson se NATO dhe BE t’i rezistojnë tundimit për pengesa, si një arsyetim për anashkalimin e çështjes së Maqedonisë, dhe se “Ballkani është tepër i brishtë që të lejohen vetëkënaqësi të tilla”.

Erdogan: Perëndimi nuk e duron Turqinë në Ballkan

Presidenti i Turqisë, Recep Tayyip Erdogan, në një konferencë për shtyp me homologun e tij serb Aleksandar Vuçiç në Ankara, tha se Perëndimi nuk mundet t’i durojë përpjekjet e Turqisë veçanërisht në Ballkan

“Perëndimi nuk mund ta durojë qëndrimin e Turqisë posaçërisht në Ballkan, nuk i duron hapat, iniciativat dhe përpjekjet e Turqisë. Pavarësisht nëse i duron apo jo, ne i realizojmë në mënyrë intensive ato që mundemi në Perëndim dhe Ballkan përmes TIKA-s. Veçanërisht, ne japim të gjitha përpjekjet tona për rigjallërimin dhe ndërtimin e monumenteve historike. Ne do të vazhdojmë t’i bëjmë këto edhe në të ardhmen”, tha Erdogan, raporton Anadolu Agency.

Erdogan tha se vëllimi tregtar mes Turqisë dhe Serbisë për herë të parë arriti në një miliard dollarë në vitin 2017, duke shtuar se qëllimi i tyre është që tregtia të arrijë vlerën pesë miliardë dollarë.

“Uroj që nga një miliard dollarë të arrijmë në dy miliardë, më pas në tre, ndërsa qëllimi është të ngritet në pesë miliardë dollarë. Në mesin e synimeve tona prioritare është rritja e investimeve reciproke”, tha presidenti turk.

Ai tha se Turqia do të vazhdojë të ndajë përvojat për zhvillimin e infrastrukturës së transportit të Serbisë.

“Këto projekte do të luajnë rol të rëndësishëm në stabilitetin, paqen, mirëqenien dhe integrimin e rajonit. Projekti i autostradës Beograd-Sarajevë, i cili parashihet të ndërtohet edhe me kontribute të vendit tonë do, do të mundësojë forcimin e marrëdhënieve tregtare dhe ekonomike të rajonit dhe, para së gjithash, është projekt i miqësisë dhe paqes. Ne dëshirojmë që ky projekt të realizohet sa më parë”, deklaroi Erdogan.

Erdogan e cilësoi si të paharrueshëm mbështetjen e homologut të tij Vuçiç në luftën e Turqisë kundër FETO-s, duke shtuar se Serbia i ka ofruar mbështetje Turqisë edhe në luftën kundër organizatës terroriste PKK.

Presidenti i Turqisë njoftoi se me Serbinë janë nënshkruar disa dokumente të rëndësishme në fusha si transporti, teknologjia informative dhe e komunikimit, energjia dhe bashkëpunimi policor.

“Mbi 220 projektet e realizuara nga TIKA në Serbi paraqesin shtyllë të rëndësishme të bashkëpunimit dypalësh. Qendra Kulturore Yunus Emre ofron shërbime për miqtë tanë serbë që dëshirojnë ta mësojnë turqishten. Dhjetra studentëve nga Serbia u ofrojmë mundësi për të studiuar në universitete përmes bursave të Turqisë”, theksoi Erdogan.

“Populli i Sanxhakut në Serbi dhe shtetasit tanë me prejardhje nga Sanxhaku janë ura njerëzore më e fuqishme mes dy vendeve. Ne i vazhdojmë aktivitetet për ta forcuar këtë lidhje dhe për të kotnribuuar në zhvillimin ekonomik të rajonit”, u shpreh presidenti Erdogan.

Erdoğan theksoi se disa qarqe janë të shqetësuara nga aktivitetet e Turqisë në Ballkan, duke u përpjekur të manipulojnë me përpjekjet e Turqisë dhe t’i shfaqin ato ndryshe nga ajo që janë.

“Pema që jep frute gjuhet me gurë. Ne u rekomandojmë këtyre qarqeve që në vend se të merren me punë të kota, të fokusohen më tepër për të kontribuuar në paqen dhe stabilitetin e Ballkanit dhe të bëjnë përpjekje atje”, potencoi Erdogan.

Tahiri: Zgjedhjet e parakohshme në dorën e PDK-së

Politologu Ramush Tahiri, duke i komentuar zërat e ndryshëm që ditëve të fundit lidhur me mundësinë e prishjes së koalicionit të tashëm qeverisëse dhe shkuarjes së vendit në zgjedhje, ka deklaruar kryeministri Kosovës Ramush Haradinaj ka plotësisht të drejtë kur thotë se Kadri Veseli mund ta rrëzojë Qeverinë e Republikës së Kosovës

“Mjafton të deklarojë tërheqjen nga koalicioni qeverisës ose mjafton po ashtu, si është shprehur figurativisht Kryeministri Haradinaj, t’iu thotë disa deputetëve nga Drenica të mos e përkrahin Qeverinë. Deklaratë të ngjashme ka dhënë edhe zyrtari i lartë i PDK-së pas tryezës së partive politike, që tha se vetëm PDK mund ta çojë vendin në zgjedhje”, tha Tahiri për RTV21.

Ai thotë se Qeverinë Mustafa e rrëzoi partneri kryesor, PDK, pa asnjë paralajmërim por me arsyetim se PDK -së i takon Kryeministri si partisë më të votuar nga populli.

“Pikërisht Kadri Veseli, që hoqi dorë nga pozita e kryeministrit, ishte dhe është përkrahësi kryesor i Ramush Haradinajt dhe i koalicionit, ose thënë kushtimisht të të fortëve, apo të krahut të luftës. Edhe zëvendëskryetari i partisë Enver Hoxhaj kishte deklaruar se është koalicion i natyrshëm dhe se kështu bashkë do të shkojnë edhe në zgjedhjet lokale dhe të tjera dhe do të marrin mbi 60 për qind të votave. Mundet që këto parti po e ndërtojnë platformën e përbashkët për qeverisje afatgjate dhe për marrjen e përgjegjësive të rëndësisë së veçantë, siç janë bisedimet me Serbinë që e veshën me pushtet dhe kompetenca Hashim Thaçin t’i udhëheq dhe që e parapanë në Platformën e propozuar nga Qeveria. Fushatën e vizitave në terren të Kadri Veselit e shoh në këtë vazhdë”, tha ai.

Ndërsa, thotë se, zgjedhjet PDK i provokon në momentin që e vlerëson se partitë kundërshtare LDK e Vetëvendosje janë në krizë dhe e kanë të zvogëluar përkrahjen e qytetarëve.

Politologu Tahiri duke folur për fenomenin e prishjes së koalicionit qeverisës gjatë viteve të kaluara, ka nxjerr edhe një rast nga e kaluara.

“Nga mësimet e së kaluarës e dimë se edhe pse ishin bashkë në Nju Jork në Asamblenë e Përgjithshme të OKB, me tu kthyer Hashim Thaçi që në Aeroportin e Prishtinës, në konferencën e shtypit deklaroi se nuk ka bashkëpunim me shkelësit e Kushtetutës, duke e nxitur kështu Fatmir Sejdiun të jap dorëheqje nga pozita e Presidentit të Kosovës e jo nga pozita e Kryetarit të LDK-së, gjë që provokoi zgjedhjet e parakohshme parlamentare me tërheqjen e LDK nga Qeveria. Gjithashtu edhe diskutimi i Enver Hoxhajt në Kuvend, kur tha se si PDK janë të pakënaqur me performancën e Qeverisë Mustafa, bëri që mocioni i votëbesimit të Qeverisë i nisur nga një parti minore të ketë sukses të plotë.”

Duke folur rreth tryezës se thirrur nga PDK, Tahiri tha se “Tryeza mbahet, sepse është debat që nuk varet kush e thirrë dhe kush e udhëheq, por çka merren vesh”.

“Tryeza me rotacion vetëm e shpenzon kohën deri në vendimin për mbajtjen e zgjedhjeve të parakohshme. Për këtë ka duket pajtim te gjitha partive që mos me pas zgjedhje këtë vit që po i konvenon edhe koalicionit qeverisës që po i vendosin njerëzit e partive në institucione në të gjitha nivelet, duke i mbledhë kështu përkrahësit në votat klienteliste të tyre, llogaritin në zgjedhje”.

Ndërkaq, duke e komentuar kërcënimin e Haradinajt se do t’i shkarkojë ministrat nëse vazhdojnë të mungojnë, Tahiri tha se kryeministri nuk mundet t’i shkarkojë ata, sepse është kryeministër i pakicës parlamentare dhe për ministrat e Qeverisë përgjegjësinë e mbajnë partitë e koalicionit, secila për ministrat e vet. “Pra i shkarkon ai që i ka propozuar. Pacolli ata të AKR-së, Limaj ata të NISMA-s…”, tha ai.

Ky është shteti që ka më së shumti shqiptarë në botë

Edhe pse të gjithë mendojmë që në Shqipëri jetojnë më së shumti shqiptarë në botë, atëherë jemi gabim

Në një video të publikuar ditë më parë në rrjetet social, ku shfaqë 28 shtetet e botës me më shumë shqiptarë, doli të jetë Turqia me mbi 5 milion shqiptarë, gjë që lë në vendin e dytë Shqipërinë me mbi 2.8 milion shqiptarë.

Shikojeni videon më poshtë me 28 shtetet me më së shumti shqiptarë në botë:

Kelmendi – Dedajt: Ose ke urrejtje për muslimanët ose hala po i vuan pasojat e dajakut

Kryetari i Partisë Fjala, Gëzim Kelmendi ka kritikuar Zëvendësministrin Gjergj Dedaj për shkak të deklarimeve të dhëna sa i përket anëtarësimit të Kosovës në Organizatën e Bashkëpunimit Islamik

Ai ka folur për deklaratën e Dedajt, siaps të cilit Kosova nuk duhet të anëtarësohet në OBI ( Organizatën e Bashkëpunimit Islamik), dhe sipas Kelmendit, deklarimet e Dedajt, janë skandaloze dhe të turpshme.

Postimi i plotë i Kelmendit:

Gjergj Dedaj, ose ke urrejtje për myslimanët ose hala po i vuan pasojat e dajakut?

Deklarata e Zv. Ministrit Gjergj Dedaj se Kosova nuk duhet të anëtarësohet në OBI ( Organizatën e Bashkëpunimit Islamik), është deklaratë skandaloze dhe e turpshme.
Kjo deklaratë e Zv.

Dedaj mund të ketë 2 burime:
1. Nga urrejtja që ka për myslimanët dhe institucionet ( organizatat e tyre), ose
2. Ende po i vuan pasojat e dajakut që i ka hongër nga UÇK-ja gjatë luftës.

Unë nuk e di a ka hongër dajak nga UÇK-ja, por kështu vet ka treguar në media dhe kështu kanë shkruar mediat.

Përndryshe Zv.Gjergj Dedaj ka qenë i angazhuar pothuajse në çdo qeveri të pasluftës si Zv.Ministër.
Gjergj Dedaj gjatë kohës sa ka qenë Zv.Ministër i MPMS është shkarkuar nga pozita për keqpërdorim të kartelave të kreditit në vlerë prej 33 mijë eurove.

Në vitin 2010 ka mashtruar një bashkatdhetar në Berlin duke ia marrur paratë dhe duke mos ia kthyer.
Për gjitha këto keqpërdorime kanë shkruar mediat ditë me rradhë.

Gjergj Dedaj, duke pasur parasysh të kaluarën tënde kur edhe ke keqpërdorur paratë e qytetarëve të Kosovës, ne nuk mund të presim diçka të mirë prej teje. Ne jemi vend që kultivojmë dhe mbrojmë tolerancën dhe bashkëjetesën ndërfetare.

Ne synojmë që të anëtarësohemi në të gjitha organizatat ndërkombëtare qoftë muslimane apo jomuslimane.
Ne dëshirojmë një Kosovë të fortë dhe në miqësi edhe me vendet muslimane edhe me vendet jomuslimane.
Ne nuk dëshirojmë një Kosovë të izoluar ku profiterët politik sikur ti keqpërdorin paratë e qytetarëve të Kosovës.

Haradinaj, thotë se po i kryej punët e atdheut?

Kryeministri i Kosovës, Ramush Haradinaj, ka thënë se ka shumë punë për të kryer në Kosovë, por ai është në ballë të tyre dhe po vazhdon punën e madhe

“Kemi bërë rrugë sfiduese, rrugë të mundimshme, por kemi dëshmuar që dimë t’i përfundojmë rrugët e vendit. Tani na është dhënë besimi dhe duhet t’i kryejmë punët e Kosovës”, ka thënë ai në Klan Kosova.

“Unë po i kryej punët e atdheut dhe kjo është mënyra më e mirë për t’i ndihmuar të gjithë. Nuk jap vetëm urdhra, por edhe shpjegoj dhe i dëgjoj njerëzit, marrë pikëpamje”.

“Është punë voluminoze, vërtetë ka shumë punë. Një pjesë e temave të prishura, të kontaminuar, e dyfishojnë përpjekjen, por mendoj se e kemi kthyer edhe një herë substancën”.

Haradinaj ka lëvduar dhe punën e koalicionit, ka thënë se “ky koalicion i ka gjetur mënyrat t’i kryejë temat ma të ndjeshme të vendit”.

“I kemi ikur anës sipërfaqësore dhe jemi future në përmbajtje. Kjo do vëmendje të madhe dhe përqendrim të madh”.

“Marrja e përgjegjësive në këtë kohë sado e vështirë, mendoj se do të çmohet edhe në histori”.
“Besnikëria është të jesh besnik ndaj qëllimit, ne kemi qëllime reale, por jemi besnik ndaj atyre qëllimeve”.

Po ashtu Kryeministri Ramush Haradinaj ka deklaruar se është duke shqyrtuar të gjitha masat që mund të ndërmerren për, siç tha ai, shpëtimin PTK-së nga bankroti.

“PTK aktualisht është duke operuar me vështirësi. Telekomi është menaxhuar gabim ndër vite, dhe kemi ardhur në një situatë të rëndë ku kjo kompani është drejt bankrotimit. Ne nuk dëshirojmë të lejojmë që kjo kompani të bankrotojë. Ndalimi i shpenzimeve të tepërta, ndalimi i abuzimeve dhe ulja e pagave janë disa elemente të nevojshme”

“Kemi pasur një propozim për uljen e pagave prej 40% mirëpo ajo mund të jetë edhe 20%. Është një element, jo i vetmi, mirëpo që të shpëtojmë Telekomin si kompani është e nevojshme ulja e pagave”

Gjatë intervistës në Zona B të Klan Kosovës, Haradinaj ka theksuar se ndërmarrja e këtyre masave është e nevojshme gjithashtu edhe për tërheqjen e investitorëve të huaj.

“Kam mirëpritur interesimin e një kompanie me renome siç ështe “Orange” nga Franca, ju kam shpjeguar për gjendjen, ashtu siç jemi të hapur për të gjitha kompanitë tjera që shfaqin interesim”

“Interesimi ynë nuk është privatizimi i plotë. Fati që fituam rastin me AXOS na ka mundësuar që të kërkojmë partner. Në qoftë se i ulim pagat dhe ndërmarrim masat tjera të nevojshme mund të dëshmojmë se kompania është profitabile”.

Në lidhje me punëtorët e PTK-së, Haradinaj ka thënë se ekziston mundësia e gjetjes se një kompromisi me investitorët potencial në mënyrë që të mos dëmtohen të punësuarit, përderisa theksoi se duhet të jenë të kujdesshëm në hapat që i ndërmarrin.

Haradinaj thotë se s’ka problem me asnjë ministër, të gjithë po punojnë

Kryeministri i Kosovës, Ramush Haradinaj, ka thënë se është i kënaqur me punën e ministrave dhe zëvendësministrave të tij. Të gjithë po punojnë në sektorët e tyre. “I kemi marrë raportet e punës dhe shumica e tyre janë në rregull, do ta kemi edhe një takim të ballafaqimit, por janë angazhuar me të vërtetë”, ka thënë Haradinaj.

“Puna brenda qeverisë është korrekte, s’kam probleme me asnjë nga ministrat, përveç Listës Serbe që kam një marrëdhënie tjetër”

“Një pjesë të punës e monitoroj unë dhe në pjesën si kryetar qeverie nuk kam vërejtur diçka gabim, por nuk mund të jem në dijeni për të gjithë në gjithë kohen”.

Ai ka pohuar se numrat e pakët në parlament, nuk e kanë pamundësuar punën e qeverisë. “Nuk mburrem për numrin e deputetëve që i kam në parlament, por kjo qeveri është prej të rrallave me dinamikën e temave. Numri i vogël nuk na ka penguar për të kryer punë”.

Sa miliona euro i kushtojnë Kosovës 70 zv.ministra

Në kabinetin qeveritar të udhëhequr nga kryeministri Ramush Haradinaj, janë të punësuar mbi 70 zëvendësministra, numër ky që vazhdimisht është kritikuar nga përfaqësues të shoqërisë civile me konstatimin se përveç që dëmton buxhetin e Kosovës e bën jo funksionale edhe punën e qeverisë. Tre milionë euro në vit për këta zëvendësministra harxhon vetëm paga Qeverisja Haradinaj

Në opinion, shpesh është ngritur edhe dilema se çka mund të punojnë të gjithë këta zëvendësministra, marrë parasysh që edhe vendet me popullatë shumë më të madhe sesa Kosova nuk kanë numër kaq të madh të të punësuarve në postet nënministrore.

Se ka numër të madh të zëvendësministrave në qeveri, këtë e pranojnë edhe vet ata. Koalicioni aktual qeverisës përbehet nga Partia Demokratike e Kosovës, Aleanca për Ardhmërinë e Kosovës, Nisma Social Demokrate, Aleanca Kosova e Re, Lista Serbe e cila merr pjesë vetëm pjesërisht në punën e ekzekutivit dhe disa parti tjera më të vogla.

Ali Berisha nga Aleanca për Ardhmërinë e Kosovës është zëvendësministër i Shëndetësisë. Berisha thotë se detyrat në ministrinë ku ai punon janë të ndara, por që nuk e mohon faktin se numri i madh në raste të caktuara, pengon punën efikase.

“Meqenëse ishte marrëveshje e caktuar politike, pasi qeveria aktuale është e krijuar nga shumë parti politike, bazuar në atë marrëveshje është një numër i tillë i ministrave. Por, sikur të ishin më pak ministra do të ishin më funksional”, tha Berisha.

Vesel Krasniqi nga partia Nisma për Kosovën është zëvendësministër i Bujqësisë, Pylltarisë dhe Zhvillimit Rural. Krasniqi, që radhitet në mesin e pesë zëvendësministrave të tjerë në këtë ministri, thotë se angazhime dhe punë ka për të gjithë, por në raste të caktuara, shprehet ai, ky numër mund të komplikojë punët.

“Është pak e vështirë, jo për ne si zëvendësministra, mirëpo pak është e vështirë për departamentet, për drejtoritë të cilët duhet të raportojnë dhe secili kërkon shënime, raporte prej tyre”, thotë Krasniqi.

Ministria e Punës dhe Mirëqenies Sociale, përveç ministrit, ka të punësuar edhe pesë zëvendësministra. Vesel Makolli është njëri prej tyre. Ai mendon se në këtë ministri ka shumë punë dhe është e nevojshme të ketë një numër kaq të madh ët zëvendësministrave.

“Thënë realisht një ministër dhe zëvendësministër është problem t’i përkushtohen punës. Nëse koordinohet puna si duhet, si në ministrinë tonë, një zëvendësministër një departament është në rregull, ne raportojmë punën për departamente, jemi në kontakt me bazën”, thekson Veseli.

Por, nga shoqëria civile kritikohet ashpër punësimi i një numri kaq të madh të zëvendësministrave.
“Një numër kaq i madh i zëvendësministrave dhe pozitave politike, nuk është caktuar për të kryer punë të domosdoshme në Qeveri, por për të përmbushur egot e partive politike për pozita të larta qeveritare”, ka thënë Arton Demhasaj nga Organizata për Demokraci, Anti-Korrupsion dhe Dinjitet “Çohu”.

“Përpos ngarkesës buxhetore që i bëhet, është një lloj papërgjegjësie, mosdije se kush është përgjegjës për ngecje në një fushë të caktuar. Nuk dihet se a është përgjegjës ministri apo cilido zëvendësministër. Përgjegjësia është shpërndarë dhe nuk dihet se kush është përgjegjësi kryesor”, thotë Demhasaj.

Kryeministri i Kosovës, Ramush Haradinaj, ka kërkuar nga 21 ministrat e qeverisë se tij, që t’u delegojnë punë dhe përgjegjësi secilit zëvendësministër, në mënyrë që ky numër aq i madh të kthehet në dobi për qytetarët e vendit.

Ndryshe, sipas përfaqësuesve të shoqërisë civile, këto pozita qeveritare i kushtojnë buxhetit deri në tre milionë euro në vit, pasi paga mujore e një zëvendësministri është rreth 1200 euro.

Zëvendësministri ka të drejtë të ketë edhe staf përcjellës, si asistentë dhe shoferë personal. Në anën tjetër, shefja e zyrës se shefja e Zyrës së Bashkimit Evropian në Kosovë, Nataliya Apostolova, javën e kaluar ka thënë se do të dëshironte që paratë që shpenzohen për pagat e 75 zëvendësministrave të përdoren për reformë të thellë në arsim./gazetametro.net.

UÇK-ja mund të pushtonte të gjithë Maqedoninë në vitin 2001

Michael S. Lund, profesor në Universitetin ‘John Hopkins’ në Washington mendon se kryengritësit e UÇK-së mund të kishin marrë krejt Maqedoninë, aq sa armata shtetërore do të zhbëhej e do të detyrohej të kthehej në shumësi bandash paramilitare

Presidenti maqedonas, Gjorgje Ivanov në adresimin e djeshëm për medie nuk është kursyer as kërcënimi për të përdorur ushtrinë. Duke mos shpjeguar se për cilat ‘rreziqe’ bëhet fjalë saktësisht, kreu i shtetit maqedonas ka siguruar publikun në Maqedoni se “ushtria është e gatshme për të qenë mbrojtës i integritetit dhe stabilitetit në vend”.

Ky është kërcënimi i parë i drejtpërdrejt i presidentit maqedonas qysh kur dy taborët kundërshtare po i thyejnë heshtat në përpjekje për të ardhur në pushtet. Por si do të precipitonte një konflikt hipotetik midis Armatës shtetërore dhe një grupi rebelësh? Pyetje si këto janë ngritur vazhdimisht, veçmas në situata të polarizuara.

Portali konica.al sjell ekskluzivisht një vështrim zhbirues të ngjarjeve të vitit 2001. Michael S. Lund, profesor në Universitetin ‘John Hopkins’ në Ëashington, ka përimtuar imtësisht përmasat e përballjes së fundit midis Armatës së ish Republikës Jugosllave të Maqedonisë dhe formacioneve guerile të Ushtrisë Çlirimtare Kombëtare.

“Armata e Maqedonisë ishte thelbësisht e paaftë për të përmbajtur rritjen e UÇK-së e cila mund ta sillte konfliktin brenda vetë Shkupit. Aty maqedonasit etnik ishin më shumë sesa shqiptarët por ishin të qerthulluar nga fshatra me shumicë shqiptare. Kontrolli i kryeqytetit dhe fshatrave rrotull nga UÇK, fshatrat shqiptare nga Gostivari, Tetova deri në Shkup dhe viset në perëndim dhe veri të Maqedonisë që veçse kontrolloheshin, do të përftonin pushtimin de facto të vendit.

Edhe pse UÇK kishte epërsinë, në terma më të gjatë një tërheqje ushtarake ishte e gjasshme. Në anën tjetër, Armata e Maqedonisë e kishte kuptuar se edhe nëse do të mund të sprapste kryengritësit, konflikti do të rezultonte në gjakderdhje të madhe që do t’i kushtonte me humbjen e besimit të popullatës shqiptare dhe do ta bënte të pamundur bashkëjetesën në një Maqedoni të bashkuar.

Pavarësisht fuqisë së saj ushtarake, përparimi i UÇK-së u ndërpre kah fundi i verës në afërsi të Haraçinës. Një pengesë ushtarake dhe politike e bëri UÇK-në ngurruese për të vazhduar më tej konfliktin. Një pengesë e qartë ishte se nëse do të vazhdonte mësymjen tutje, do t’i avitej edhe më forcave të KFOR-it të vendosura në aeroportin ndërkombëtar të Petrovecit dhe rafinerisë kryesore të naftës.

Përveç kësaj, Armata e Maqedonisë mund të bënte qëndresë të ndjeshme për shkak se ajo kishte pranuar disa tankse dhe helikopterë luftarakë. Në fund, lëvizja drejt luginës do të sillte UÇK-në në fshatrat maqedonase dhe serbe. Gjithashtu, nëse përfytjet ndëretnike do të shpërthenin rrugëve të Shkupit, kjo do t’i ngjante Sarajevës. Shumë njerëz po e linin vendin dhe po nxitonin për të marrë viza për të ikur. Edhe për guerilët zhvillimet ishin mjaft drastike për të menduar më gjatë dhe e gjithë kjo mund të nxiste ndërhyrjen e trupave ndërkombëtare.

Nëse do t’ia dilte mbanë UÇK-ja, Armata e Maqedonisë dhe grupet paraushtarake mund të ndërmerrnin një lloj veprimtarie guerile, me ose pa dashjen e qeverisë. Duke përfituar nga terreni malor i vendit në jug, kjo do ta bënte vendin të paqeverisshëm për UÇK-në. Ky skenar do të thoshte gjakderdhje të pafundme, prej të cilës zor se vendi do të merrte vetën.

(Shkëputur nga Michael S. Lund ‘Green and Grievance Diverted: How Macedonia Avoided Civil War, 1990-2001, në Understanding civil war: evidence and analysis, Volume 2, 2005, f. 244)