Mogherini s’e di datën e vazhdimit të dialogut Kosovë-Serbi

Bashkimi Evropian nuk e ka përcaktuar ende datën e vazhdimit të dialogut në Bruksel ndërmjet Prishtinës dhe Beogradit, qoftë për negociatat në nivelin politik apo bisedimet në nivelin teknik. Sipas zyrtarëve të Bashkimit Evropian, puna rreth caktimit të takimit dhe temave të ardhshme është duke vazhduar

“Puna është duke vazhduar në nivelin teknik, përkitazi me takimin e lartë të ardhshëm të dialogut, data e të cilit pritet të konfirmohet”, tha në një përgjigje me shkrim për Radion Evropa e Lirë, Maja Kocijançiq, zëdhënëse e Përfaqësueses së Lartë të Bashkimit Evropian, Federica Mogherinit.

Nisur nga historia e takimeve të fundit, si në nivelin e presidentëve ashtu edhe në atë teknik, Beogradi nuk ka pranuar të ulet dhe të bisedojë me palën nga Kosova. Më 7 shtator, presidenti i Serbisë, Aleksandar Vuçiq kishte refuzuar takimin me homologun e tij nga Kosova, Hashim Thaçi, pasi që autoritetet e Prishtinës, atë kohë, fillimisht nuk i kishin lejuar atij që të vizitonte liqenin e Ujmanit në veri të Kosovës.

Zyrtarët e Qeverisë së Kosovës, thonë se që nga muaji mars, Serbia i ka braktisur të gjitha aktivitetet që kanë të bëjnë me zbatimin e marrëveshjeve të mbetura.

Shefi i Ekipit teknik të Kosovës në dialogun me Serbinë, Avni Arifi, tha për Radion Evropa e Lirë, se pala e Kosovës është e gatshme për takime, por pala serbe, sipas tij, është ajo që ka refuzuar.

“Ne kemi kërkuar tri herë dhe kemi kërkuar edhe me shkrim nga BE-ja që të caktojë takimin e radhës dhe kemi kërkuar sidomos implementimin e Marrëveshjes së energjisë, por kjo është refuzuar nga pala serbe. Ne mbesim në pritje, kur ata janë të gatshme që të vazhdojnë bisedimet. Përndryshe, Kosova është e gatshme që të vazhdojë bisedimet”, tha Arifi.

Arifi thotë se Serbia është nuk po i zbaton shumë marrëveshje, si ajo për energjinë e shumë të tjera.

“Ka mbetur Marrëveshja për menaxhimin e integruar të kufijve dhe ndërtimin e pikave ndërkufitare, gjashtë pikave, tri nga ana e Kosovës dhe tri nga ana e Serbisë dhe është humbur donatori disa milionësh për shkak te neglizhencës së Serbisë”, theksoi Arifi.

“Pastaj ura në Mitrovicë ka mbetur e mbyllur. Nuk respektohet Marrëveshja për njohjen e diplomave, ajo për kadastër. Nga ana e Kosovës ka mbetur ngecja për draftimin e statutit për Asociacioni e komunave serbe, siç e dini është krijuar grupi menaxhues i përbërë nga pjesëtar të komunitetit serb dhe është çështje e tyre pse është vonuar deri tash”, tha Arifi.

Kurse analistja Jeta Krasniqi nga Instituti Demokratik i Kosovës, tha për Radion Evropa e Lirë, se kur flitet për marrëveshjet e arritura në kuadër të dialogut deri tani dhe ngecjet që po i bëhen këtij procesi është një shqetësim i vazhdueshëm.

Ajo tha se kur të merren parasysh shumë marrëveshje të arritura, pjesa më e madhe e të cilave nuk janë zbatuar, i bie që edhe vetë qëllimi i këtij procesi nuk është duke u përmbushur.

“Deri më tani ne shohim në fakt se ka ngecje të dyanshme dhe kemi parë që një ndër problemet që ka shoqëruar procesin teknik ka qenë mungesa edhe e mekanizmave zbatues apo edhe një roli me efektiv nga ana e Bashkimit Evropian, i cili ka pranuar të ketë vetëm rolin e lehtësuesit të procesit, por ka refuzuar apo ka hezituar të luajë rolin edhe të garantuesit të marrëveshjeve. Neve na mbetet vetëm të shohim se çfarë janë duke bërë palët dhe çfarë është duke bërë edhe ndërmjetësi në këtë aspekt”, tha Krasniqi.

Krasniqi thekson se është shumë e paqartë se për çka diskutohet në kuadër të dialogut Kosovë-Serbi, cilat janë temat të cilat do të diskutohen për të përmbyllur këtë proces dhe çfarë do të ndodhë me marrëveshjet të cilat janë arritur.

Sipas saj, nuk dihet se a do të zbatohen marrëveshjet e arritura, a do ketë marrëveshje të reja apo a do përfshihen në marrëveshjen përfundimtare.

“Unë vlerësoj se Bashkimi Evropian si ndërmjetësues i këtij procesi duhet të jetë ai që shtyn edhe palët drejt arritjes së një marrëveshjeje. Absolutisht për palën kosovare qëllim duhet të jetë një marrëveshje e cila garanton shtetin e Kosovës, mirëqenien, interesat e qytetarëve të Kosovës, e cila nuk cenon integritetin territorial të Kosovës dhe funksionimin unitar të saj. Pra, nuk duhet të arrihet çfarëdo marrëveshje, duhet të arrihet një marrëveshje e cila arrin njohjen nga ana e Serbisë dhe Kosovës i hapet perspektiva e qartë evropiane”, tha ajo.

Presidenti i Kosovës, Hashim Thaçi tha se pret që procesi i bisedimeve ndërmjet Prishtinës dhe Beogradit të dinamizohet, por njëherësh është shprehur skeptik se mund të arrihet një marrëveshje në këtë proces. Ai tha sot se dialogu me Serbinë ka kuptim vetëm në rast se sjell njohje reciproke.

Kurse kryeministrja e Serbisë, Ana Bërnabiq ka deklaruar për mediat në Beograd se aktualisht nga bashkësia ndërkombëtare nuk ka ndonjë zgjidhje të imponuar për Kosovën, si dhe nuk ka vija të kuqe nga administrata e Shteteve të Bashkuara të Amerikës.

Bërnabiq ka përmendur Gjermaninë, e cila sipas saj, ende qëndron pranë pozicionit se duhet të ketë vija të kuqe në bisedimet ndërmjet Kosovës dhe Serbisë, të cilat kryesisht i referohen idesë për ndryshimin e kufijve, të cilën Berlini nuk e mbështetë.

Bisedimet politike ndërmjet Kosovës dhe Serbisë me lehtësimin e Bashkimit Evropian ka nisur që nga viti 2011, dhe ka për qëllim normalizimin e raporteve mes dy shteteve.

Haradinaj frikësohet se Shpend Maxhuni është target i konspiracioneve

Kryeministri Ramush Haradinaj në një intervistë për Televizionin 7 ka komentuar rastin me djalin e shefit të AKI-së, të cilit iu gjet armë pa leje dhe drogë në veturë, e për të cilin polica dhe prokuroria tentuan t’i fshehin faktet

Kryeministri Ramush Haradinaj nuk mendon se duhet shkarkohet shefi i AKI-së, Shpend Maxhuni, pas skandalit kur institucionet e shtetit tentuan ta shfajësojnë djalin e tij, të cilit iu gjet në veturë armë pa leje e substancë narkotike.

Haradinaj ka thënë se nuk mund ta gjykojmë djalin e shefit të AKI’së, pa thënë fjlën e tyre organet e hetuesisë. “Involvimi në një proces nuk duhet të bëhet shprehi. Duhet t’ia lëmë hetimeve”, ka thënë Kryeministri Haradinaj për emisionin Frontal të T7.

Haradinaj frikësohet se Shpend Maxhuni mund të jetë target i konspiracioneve që duan ta sulmojnë shefin e AKI-së.

|Shefi i AKI’së mund të jetë target i konspiracioneve të tjera. Ne mund ta shkarkojmë dikë nëse është në interes të qytetarëve, por nuk mund të krijojmë precedent që kur dikush ta sulmojë një shef, ne ta shkarkojmë”, ka shtuar tutje kryeministri.

Rasti i djalit të Shpend Maxhunit goditje për Kosovën në Interpol?

Kosova po pret që muajin e ardhshëm në Emiratet e Bashkuara Arabe të bëhet pjesë e një organizate të rëndësishme ndërkombëtare –Interpolit. Një zyrtar i involvuar në procesin e anëtarësimit, në kushte anonimiteti, i ka thënë Gazetës se një dëm të madh këtij procesi ia ka bërë Policia e Kosovës, e cila e shkarkoi nga përgjegjësia djalin e shefit të AKI’së Shpend Maxhunit, të cilit 10 ditë më parë iu gjetën drogë e armë në veturë. Deputeti i LDK’së Anton Quni thotë ajo çfarë ka bërë policia e komprometon procesin e anëtarësimit në organizatën ndërkombëtare të policisë

Mobilizimi i Policisë dhe Prokurorisë për ta shfajësuar djalin e Shpend Maxhunit, të cilit 10 ditë më parë i ishte gjetur armë dhe drogë në veturë mund të jetë edhe një shqetësim shtesë në anëtarësimin e Kosovës në Interpol.

Një zyrtar i angazhuar në procesin e Kosovës për pranimin në Interpol i ka thënë Gazetës Express se skandali me shfajësimin e 20-vjeçarit nga Policia, që doli të jetë djali i shefit të AKI’së, mund të jetë edhe një pengesë tjetër që ky institucion i sigurisë të jetë pjesë e Interpolit prej nëntorit.

Ndërkaq, Kosova synon që Policia e saj do të bëhet pjesë e kësaj organizate ndërkombëtare më 20 nëntor të këtij viti, kur edhe mbahet Asambleja e Përgjithshme në Emiratet e Bashkuara.

Gjetja e armës dhe substancave narkotike te një 20-vjeçar, do të ishte veç një rast tjetër që shkon në procedura të rregullta të Policisë së Kosovës, sikur ai të mos ishte djali i shefit të AKI’së dhe sikur Policia e Prokuroria të mos ndryshonin faktet pas një jave kur një rast i tillë u bë publik nga media.

Bëhet fjalë për Shpëtim Maxhunin, djalin e shefit të AKI’së, Shpend Maxhunit, te i cili me datë 12 tetor, derisa po voziste veturën në pronësi të gjyshit të tij, u gjetën armë pa leje dhe substanca narkotike të llojit marihuanë.

Në raportin policor të ditës kur Policia e kishte ndaluar Shpëtim Maxhunin, raportohej për një të dyshuar, të cilit i ishte gjetur armë e drogë në veturë në Zllatar. Ndërsa kur në media u nxor se ‘i dyshuari’ ishte djali i Shpend Maxhunit, policia sqaroi se as arma e as substanca narkotike nuk ishin të Shpëtimit, por të dy personave të tjerë që ishin me të në veturë.

“Njësia policore gjatë kontrollimit të dyshuarit mashkull K-shqiptar ka gjetur dhe konfiskuar një pistoletë me katër fishek dhe një thikë”, thuhej në raportin e para 10 ditëve.

Policia e Kosovës fillimisht nuk e kishte dorëzuar kallëzim penal në Prokurori, derisa kjo u raportua nga mediat. Më pas, institucionet u mobilizuan në “shfajësimin” e djalit të Shpend Maxhunit. Në raportin shpjegues të Policisë, të lëshuar një javë pas rastit, thuhej se kushëriri i Maxhunëve ka deklaruar se arma është e tij, ndërsa personi tjetër që ka qenë në veturë ka marrë përsipër posedimin e substancës.

“Në veturë kanë qenë tre persona, atë e ka drejtuar djali i Shpend Maxhunit, ndërsa xhaketa me revole ka qenë e Rinorit. Kushëriri i tij Rinori ka deklaruar se xhaketa dhe arma pa leje ishte e tij sipas informacioneve të fundit të cilat i mora. Droga e llojit marihuanë që është gjetur në cigare është gjetur të një person tjetër i cili ka qenë jashtë automjetit, kur është kontrollu ju ka gjet atij”, ka thënë të shtunën zëvendësprokurori i Prokurorisë Publike në Prishtinë, Ibrahim Berisha.

Anton Quni, deputet i LDK’së dhe anëtar i Komisionit për Mbikëqyrjen e AKI’së ka thënë sot për Gazetën Express se ndërhyrjet e komprometojnë procesin e anëtarësimit në INTERPOL, ndërsa kërkon nga Inspektorati Policor që sa më shpejt të publikojë të gjeturat lidhur me rastin e djalit të Shpend Maxhunit.

“Çdo ndërhyrje e jashtëligjshme e zyrtarëve shtetëror në punën dhe veprimin e institucioneve dhe organizatave të sundimit të rendit dhe ligjit e komprometon përpjekjen për të qenë anëtare e Interpolit”, ka thënë Quni.

“Në rastin në fjalë është mirë që Inspektorati Policor i Kosovës sa me shpejt të publikojë të gjeturat nëse është punuar sipas procedurave dhe a janë respektuar ligjet ne fuqi”, ka shtuar ai.

Ai thotë se duhet të sanksionohen raste të tilla për të dëshmuar që Kosova është e denjë që të jetë pjesë e INTERPOL’it.

“Çdo ndërhyrje në procedimin e rastit do të duhej të sanksionohej, nder të tjera edhe për të dëshmuar se jemi të denjë për të qenë pjesë e Interpolit”, ka thënë deputeti i LDK’së.

Lëvizja Vetëvendosje i ka konsideruar të gjitha këto përpjekje të institucioneve të sigurisë për të fshehur të vërtetën për rastin e arrestimit të djalit të Drejtorit të AKI-së Shpend Maxhunit.

Ndërkaq, asnjë nga liderët institucionalë nuk ka komentuar këtë devijm të informatave për rastin e djalit të shefit të AKI’së, që për shumë vjet drejtoi Policinë e Kosovës.

Kryeministri Ramush Haradinaj ka thënë të shtunën se është mirë të pritet derisa të hetohet rasti.

Ndërsa presidenti Hashim Thaçi, i cili ka treguar gjithmonë afërsi me Maxhunin, ka thënë të hënën se do të presin derisa mekanizmat përkatës ta hetojnë rastin, kur është pyetur nga gazetari i T7 për skandalin me djalin e shefit të AKI’së.

“I përcjell të gjitha zhvillimet edhe politike, edhe në aspektin e sigurisë në Republikën e Kosovës. Pres që të gjitha autoritetet përkatëse që kanë përgjegjësi, të shikojnë në hollësi të gjitha zhvillimet dhe ndërkohë ne do të jemi këtu”, është përgjigjur presidenti. /Express/

Janjiq: Formimi i Ushtrisë së Kosovës nuk mund të ndalet as nga Rusia e Kina

Drejtori i Forumit për Marrëdhënie Ndëretnike në Beograd, Dushan Janjiq, ka thënë se Serbia nuk mund ta ndalë procesin e krijimit të ushtrisë së Kosovës, as fuqitë botërore siç janë Rusia dhe Kina, dhe ky proces, sipas tij, vetëm mund të ngadalësohet apo të shtyhet

Janjiq tha për agjencinë e lajmeve Beta se pritet që vetëm Rusia në mbledhjen e ardhshme të Këshillit të Sigurimit të OKB mund të flasë për krijimin e ushtrisë dhe largimin e UNMIK-ut nga Kosova, si një akt i njëanshëm i Perëndimit, “gjë që do të jetë edhe maksimumi i mospajtimeve diplomatike”.

“Interesave të Rusisë nuk i konvenon, sepse është e qartë se ushtria e Kosovës do të jetë pjesë e NATO-s, sepse ajo qysh tash bashkëpunon si forcë e sigurisë”, shpjegoi ai Janjiq, përcjell Telegrafi.

Janjiq ka thënë se fillimi i krijimit të ushtrisë së Kosovës nuk është diçka e re për Serbinë, por se momenti politik dhe i sigurisë ka qene vendimtar për SHBA-në dhe Kosovën për të filluar këtë proces.

Janjiq tha se për momentin formimi i forcave në Kosovë mund të çmilitarizohet më tej nga UÇK-ja dhe transformimi i parashikuar nga Rezoluta 1244.

“Është krijuar një situatë të favorshme të cilën amerikanët e kanë shfrytëzuar së bashku me Prishtinën, e këto janë tensionet e sigurisë që nga vrasja e Oliver Ivanoviq, arrestimi i Gjuriqit, shëtitjet në Ujman të dy presidentëve dhe tensionet që lindën më pas”, shpjegoi Janjiq.

Ai rikujtoi se Lista e Serbisë deri vonë ka marrë pjesë në diskutimet mbi Projektligjin për formimin e ushtrisë së Kosovës, por votimin e saj e kushtëzuar me kërkesat, siç është formimi i Asociacionit të Komunave Serbe dhe me kërkesa të tjera politike dhe financiare.

“Për Beogradin ky është një ngushtim i hapësirës së saj politike dhe të sigurisë dhe ndikimit në Kosovë, në veçanti te komuniteti serb”, tha Janjiq.

Sipas tij, për formimin e përfundimtar të ushtrisë së Kosovës do të duhen dy deri në pesë vjet.

“Serbia tani mund të bëjë një zhurmë të madhe politike, diplomatike dhe të sigurisë, të ankohet dhe të ftojë paqeruajtësit rusë, duke proklamuar pushtimin, por objektivisht kjo zhurmë kërcënon destabilizimin e Serbisë dhe tërheqjen e një pjese të saj në aktivitetet e armatosura, që është kufiri të cilin askush nuk guxon ta kalojë”, tha Janjiq.

Ai vuri në dukje se Zëvendës Ndihmës Sekretari i Shtetit të SHBA për çështjet e Evropës dhe Euroazisë, Methju Palmer, ka zbuluar se çështja e sigurisë do të përfshihet në agjendën e Brukselit, duke shtuar se ky është “përparim të madh”.

Veterani i UÇK-së pa shtëpi, kërkon ndihmën e të gjithëve për një kulm mbi kokë

Veterani i Ushtrisë Çlirimtare të Kosovë, Rexhep Aliu, po jeton në kushte të vështira ekonomike dhe po kërkon ndihmën e njerëzve të vullnetit të mirë

Aliu, i cili ishte pjesë e luftës për çlirimin e Kosovës dhe luftës së UÇPMB-së, ka postuar një letër apeli në Facebook ku kërkon ndihmë për sigurimin e një kulmi mbi kokë, shkruan Periskopi.

Ai nuk kërkon më shumë, thotë se bashkëatdhetarët apo ata që kanë mundësi të kontribuojnë të paktën për një shtëpi ose banesë për të siguruar vendqëndrim të sigurtë për të dhe familjarët.

Aliu thotë se si kryefamiljarë e ka të pamundur t’i sigurojë një shtëpi me kushte elementare dhe se e ka të vështirë të kërkojë ndihmë, por e ka jetike për të dhe familjarët.

Ai ka angazhuar edhe persona në diasporë të cilët po e ndihmojnë aksionin, ndërsa në postimin e tij janë edhe numrat kontaktues.

Analisti që tha se ‘kosovarët kanë gjak serbi’, u pagua nga Greqia 30 mijë euro

Analisti i njohur, Mustafa Nano, i njohur për deklaratat e tij kontraverse, e fundit ajo se ‘kosovarët kanë gjak serbi’, është në listën e njerëzve të medias, që raportet thonë se është paguar nga Greqia

Në mediat shqiptare, ka filluar të qarkullojë kjo listë, në momentin kur u publikua lajmi për financimet greke të portaleve shqiptare, nisën të qarkullojnë jo zyrtarisht edhe emrat e gazetarëve të ashtuquajtur “të blerë”.

Ishin mediat greke ato që fillimisht publikuan emrat e mediave që kishin përfituar nga kjo aferë. Ndërkohë po mediat fqinje kanë nxjerrë të tjera detaje nga ky skandal.

Një milion euro mësohet të jetë dëmi që ministria e Jashtme greke ka shkatuar pas kontrollit të kryer. Këto çeqe janë firmosur nga Niko Kotzias tashmë i dorëhequr . Ndërkohë është publikuar edhe lista me gazetarët shqiptarë, pronarë portalesh, aktorë dhe politikanë të njohur të cilët shërbenin për interesat e diregjuar nga ish ministrit Kotzias.

Në këtë listë, emri i Nanos figuron kështu:

Mustafa Nano, gazetar Tv ka përfituar 30.000 Euro.

Vetëm të vdekurit e kanë parë fundin e luftës

Dy shtetet shqiptare sundohen nga grupe rivale kriminelësh që luftojnë secili kundër secilit, por megjithatë pak të dobët në të shtënat. Mëkat (gjynah) që qitjet nuk janë përherë aq precize, kur “takohen”

Nga Aurel Dasareti (USA)

Një konflikt është një përplasje midis qëllimeve, interesave, vlerave, veprimeve ose drejtimeve që krijojnë një tension mes dy ose më shumë palëve të përfshira. Historia përbëhet nga kufijtë. Konfliktet tregojnë se kufijtë janë tejkaluar. Interesat dhe ideologjitë bien ndesh.

***

Fundërrinat e shoqërisë synojnë zhdukjen e shqiptarizmit. Politika duhet pastruar nga krimi. Dy shtetet shqiptare janë kapur nga interesat kriminale.

Gazetat më të famshme botërore kanë shkruar për numrin e sajuar të veteranëve të UÇK-së. U kemi dhënë material të duhur të na përqeshin.

O ju “luftëtarë” veteranë të rrejshëm të UÇK-së! Ai që fshihet nën dimitë e gruas kur fillon lufta, dhe i lë të tjerët të luftojnë për çështjen e tij, ai le të ketë mendjen dhe të mos dërdëllit kinse ka luftuar, sepse kush nuk e ndau luftën me shokët dhe kërkon shpërblim, ai me armikun do të ndajë disfatën.

***

“Më mirë do të mbretëroj në ferr, sesa të shërbej në qiell”

Udhëheqësit fetarë të trojeve shqiptare, veçanërisht të besimit ortodoks dhe mysliman, kryesisht janë burrec të “shenjtë” hipokritë. Paguhen nga shtetet armiqësore për të keqpërdorur fenë dhe “Shtëpitë e Zotit”. Detyra e tyre është shpërbërja e kombit/shkatërrimi vendit. Një interpretim i fjalëpërfjalshëm i Islamit, i nxitur nga imamët radikal (agjentë të huaj) e pengon forcimin e patriotizmit (atdhedashurinë) te shqiptarët e kësaj feje, e zbehën atë deri në tjetërsim me pasojë: Shpërbërje kombëtare.

***

Qytetarët kanë nevojë që policia të jetë në nivelin e duhur ashtu që të ndihen të sigurt.

Në Shqipëri dhe Kosovë, është përhapur një psikologji “moderne”, ku krimineli barazohet me viktimën e pafajshme. Prandaj, polic të ndershëm profesionist që deklarojnë se nuk u interesojnë të “drejtat e krimineleve” por viktima (njerëzit që i binden ligjit), kritikohen nga pseudo-mediume dhe pseudo-intelektual. Kur dalin në mbrojtje të kriminelit, jo vetëm që i ofendojnë viktimat dhe nënvlerësojnë vuajtjet e tyre masive, por në një formë apo tjetër, bëhen pjesëmarrës në veprat kriminale të tij.

***

Asnjëherë në historinë e rruzullit tokësor, nuk ka ndodhur që udhëheqësit e një shteti, të vrapojnë si zagarë të zgjebur pas pushtuesve të pabesë (terroristëve kriminel gjakpirës), dhe me lot në sy t`i lutin ata që tua copëtojë pjesën tjetër të territorit të vet. Por ama kjo ndodhi me ne, sepse lejojmë të na sundojnë bastardët.

“Duaj” armiqtë tuaj në rastin kur miqtë tuaj rezulton të jenë një bandë bastardësh.

Nuk është kriminale të jesh një politikan kokëtrashë dhe i ngathët siç janë këta dylberët tanë, por veprimet kriminale antikombëtare.

***

Evropa është nën pushtim, por Brukseli nuk e mbron kontinentin. Kriza e fundit e Evropës vetëm ka intensifikuar humbjen e ndjenjave dhe konflikteve edhe në trojet shqiptare. Vështrim provokues i revolucionit islamik që po ndodh në Evropë. Është një paraqitje e tmerrshme se si vetë-kënaqësia, relativizmi moral dhe dogmat socialiste ngriu në akull imagjinatën evropiane, në të njëjtën kohë që luftëtarët e islamit radikal të ardhur ilegalisht nga Afrika dhe Azia vazhdojnë me një kurs të qëndrueshëm, për të nënshtruar Evropën, lagje për lagje.

***

Policia e Shqipërisë duhet të fuqizohet të refuzojë, kthej nga kanë ardhur dhe dëbojë automatikisht, qysh në kufi, emigrantët e paligjshëm afrikan/arabik/aziatik (karvanët pushtuese demografike). Përndryshe do të jetë e “detyruar” që përveç atyre 8 pakicave kombëtare false, të sajuara (trilluara) nga fqinjët djallëzor dhe rumunët (në bashkëpunim me “akademik” bërllok të shitur shqipfolës), të shpallë edhe 400-500 pakica tjera “kombëtare”; ashtu që brenda 2-3 vitesh, shqiptarët etnik autokton do të bëhen vet pakicë kombëtare, në vendin e vet.

Tashmë, është siguruar numri që edhe muxhahedinët iranian të shpallen pakicë kombëtare.

Shqiptarët duhet ta kenë të shenjtë Identitetin Kombëtar, Shqipërinë natyrale, dhe të mos njohin asgjë tjetër para këtij interesi.

Shqipëria londineze është një vend sovran, nuk është një shërbëtore nën BE. Shqiptari është një komb i pavarur. Ne duhet të kontrollojmë politikat tona dhe kufijtë tanë. Dhe kështu duhet të mbetet.

***

Pushteti dhe gënjeshtrat shkojnë dorë për dore.

Ne jetojmë në një kohë emocionuese dhe në pritje. Perëndimi ndryshon më shpejt se sa na pëlqen, por a e ndryshon vetveten për të mirë?

Doktrina e realizmit gjeopolitik thotë se më e mira që u këshillohet shteteve kombëtare është të ndjekin interesin e tyre vetjak të përcaktuar nga pozita gjeopolitike.

Lufta e Ftohët nuk ishte rend i pëlqyeshëm, por ai kishte brenda një element të fortë stabiliteti. Ishin dy superfuqi, që përfaqësonin dy forma të forta diametralisht të kundërta organizimi shoqëror, të mbërthyera në një betejë të pamëshirshme. Por ata qenë të shtrënguar të respektonin interesat jetike të njëri tjetrit, sepse vepronin në kushtet e shkatërrimit të sigurt të ndërsjellë. Ky sistem mori fund.

Rrezikohemi shumë nga fqinjët, Rusia dhe Turqia. Duhet të forcojmë lidhjet me shpëtuesit tanë historik SHBA-në, pa marrë parasysh se nga kush udhëhiqet. Na lidhin interesat e përbashkëta, miqësia duhet të forcohet dhe të mbetet përgjithmonë.

***

Komuniteti (shoqëria) është i bërë nga njeriu (është krijuar nga qeniet njerëzore), gjithashtu në Shqipëri, Kosovë dhe trojet tjera etnike të shqiptarëve autokton. Duhet të jetë e mundur që njerëzit të krijojnë një shoqëri më të mirë aty ku jetojnë, në Shqipëri, Kosovë dhe në trojet tjera etnike, e jo t`i braktisin ato dhe të ikin jashtë atdheut. Çfarë është ajo që i pengon ata? Bastardët që e kanë kapur shtetin?

***

Isha një Zot! Një ndjenjë e mrekullueshme, intensive, por mund të jetë shumë e rrezikshme. Pushteti lehtë mund t’ju deh dhe t`ju kthejë në një faqezi të madh apo një shenjtor. Unë nuk jam bërë as njëri as tjetri. Unë kurrë nuk kam qenë një njeri i qetë, i tërhequr; vazhdimisht jam endur, kërkuar, vë në pikëpyetje kufijtë, provokoj jetën…

David Phillips: Debati për ndarjen krijon konfuzion të madh

Prof. David L. Phillips, i cili së fundi u tërhoq nga pozicioni si këshilltar i qeverisë së Kosovës, për DW flet mbi opcionin e ndryshimit të kufijve dhe stadin në raportet e dialogut Kosovë-Serbi

Profesori Phillis, kush i merr sot vendimet për Kosovën?

David Phillips: Nuk është e qartë kush është përgjegjës në Kosovë për dialogun me Serbinë. A është presidenti Hashim Thaçi? A ka plane për një ekip të përbashkët ku të marrë pjesë edhe qeveria? Të gjitha këto janë çështje të hapura. Megjithëse unë e kam monitoruar nga afër dialogun, unë nuk e di kush është direkt përgjegjës. Sipas asaj që kam kuptuar unë nga Hashim Thaçi, ai është autoriteti më i lartë.

Kjo pyetje mund t’i drejtohet edhe qeverisë amerikane. Çfarë roli luan qeveria amerikane në këtë dialog. Dhe cilat janë politikat e administratës së Trumpit për çështje të caktuara të dialogut, si për shembull rregullimet e kufirit. Deklaratat e John Bolton-it dhe të tjerëve janë të paqarta. Edhe ato duhen sqaruar.

Kush duhet t’ i sqarojë?

David Phillips: Njerëzit në Kosovë duhet të vendosin për strukturën e negociatave dhe përgjegjësit e tyre. Dhe zyrtarët amerikanë duhet të sqarojnë, cili do të jetë roli i SHBA, dhe cili është qëndrimi amerikan në çështje specifike.

Ju mendoni se këto vendime nuk janë marrë ende? Apo janë marrë dhe mbahen të fshehta?

David Phillips: Nuk e di. Nëse janë vendosur, vendimi nuk është i qartë për mua. Nëse nuk është i qartë për mua, nuk është i qartë edhe për të tjerët. Dhe nëse vendimi është marrë, atëherë është e domosdoshme mbështetja nga shoqëria civice. Prandaj është e rëndësishme të krijohet transparenca dhe qartësia sa i përket roleve dhe përgjegjësisë.

Që nga muaji gusht, gati përditë vijnë lajme të reja për dialogun, e megjithatë është e vështirë për ne të kuptojmë të gjithën çfarë po ndodh. E reja e fundit është që Zonja Mogherini është pro ndarjes së Kosovës. Si mund të ndërmjetësohen bisedimet kur ke qëndrim të njëanshëm?

David Phillips: Askush nuk ka qenë i pranishëm në takimet midis Vuçiqit, Thaçit dhe Mogherinit. Kështu që ne nuk e dimë çfarë diskutojnë ata. Ne nuk mund të themi që Mogherini është duke punuar me një plan për ndarjen, sepse ajo nuk e ka thënë këtë. Ajo që duhet arritur është më shumë transparencë dhe qasje më e madhe, kështu që popullsia që preket direkt nga bisedime të informohet më mirë.

Tani në lojë duket se është futur edhe presidenti francez, Macron. Çfarë do të thotë kjo?

David Phillips: Duket se Franca është më e hapur për korrigjim kufijsh, se sa anëtarët e tjerë të pesçes. Por, ne nuk e dimë tamam. Edhe Macron duhet të bëjë deklaratë të qartë për këtë gjë. Në fakt, të gjithë anëtarët e pesçes duhet të qartësojnë çfarë presin prej bisedimeve, dhe cilat janë qëndrimet e tyre. Pesçja është Italia, Franca, Gjermania, Mbretëria e Bashkuar, dhe Shtetet e Bashkuara.

Herën e fundit që kemi folur për Kosovën ishte në muajn gusht kur u dëgjuan idetë e para për ndryshime kufijsh, territoresh, korrigjimesh, etj. Në atë kohë kërkush nuk bëri deklaratë të qartë. Tani, tre muaj më vonë, asgjë nuk ka ndryshuar. A duhet ta kuptojmë këtë si një strategji? Apo, duhet të përdorim teoritë e konspiracionit për të kuptuar më shumë?

David Phillips: Ekziston edhe një tjetër mundësi e tretë, që të mos jetë marrë asnjë vendim. Nuk ekziston ndonjë detaj për këto idera. Nuk ka asnjë dosje. Ka më shumë mundësi që kjo të jetë më e vërtetë, se sa dy skenarët që përmendët ju. „Është diskutuar”, është një formulim shumë i paqartë, që nuk ka të bëjë me ndonjë politikë apo marrëveshje të caktuar. Unë kam pyetur për ndonjë dokument, që të flasë për detajet dhe mua më është thënë se nuk ekziston ndonjë dokument i tillë. Ndoshta ekziston dhe nuk mu dha mua. Mbase ajo që dëgjojmë është që secili thotë atë që i vjen në mendje.

Kjo situatë e paqartë ju bëri ju të merrni vendimin që të hiqni dorë nga këshillimi i qeverisë së Kosovës në çështjet e dialogut?

David Phillips: Unë i dorëzova dorëheqjen qeverisë së Kosovës. Qeveria nuk ka kthyer ende përgjigje. Por unë nuk mund të marrë pjesë në negociata që punojnë për ndarjen e vendit. Unë nuk mendoj se kjo është një strategji efektive. Dhe nuk mendoj se Kosova mund të arrijë synimet e saj, njohjen nga Serbia, njohjen nga pesë vendet europiane, që nuk e kanë njohur ende, dhe heqjen dorë nga Rusia dhe Kina prej vetos në Këshillin e Sigurimit. Rregullimi kufitar për mua është një ide që nuk sjell normalizimin e dëshiruar të marrëdhënieve.

Ju sapo keni shkruar një artikull që ofron si alternativë ndaj ndarjes, decentralizimin. Problemi që ka Kosova nuk është problem i të drejtave të njeriut, është problem i statusit.

David Phillips: Problemi i Kosovës është Serbia. Serbia refuzon të pranojë që e ka humbur Kosovën, që Kosova është e pavarur dhe sovrane. Kosova nuk do të kthehet më kurrë nën kontrollin e Serbisë. Serbia është duke bllokuar gjithçka. Serbia është duke e penguar Kosovën në përpjekjet që të marrë njohje më të madhe në botë. Dhe sa kohë që Serbia vazhdon të pengojë, do mbetet vetë jashtë BE-së. Sepse kapitulli 35, kërkon normalizim të marrëdhënieve midis Serbisë dhe Kosovës, para se Serbia të përparojë me kandidaturën e saj për tu pranuar në BE.

Serbia është fqinji ynë. Dhe unë e kuptoj që BE dëshiron ta ketë edhe Serbinë në gjirin e saj. Dhe për këtë duhen bërë mbase edhe disa kompromise. Ka ky kompromisi të bëjë me marrjen e një pjese të Kosovës? Kjo është ajo çfarë është duke kërkuar Serbia? Po kërkon të marrë një pjesë të Kosovës që t’i thotë “Po” futjes në BE?

David Phillips: Politika zyrtare e Serbisë kundrejt Kosovës, e shikon Kosovën si provincë të Serbisë. Serbia nuk e pranon realitetin. Ne nuk e dimë nga ka ardhur kjo ideja për ndryshim kufijsh. Ka ardhur nga Beogradi, nga Prishtina, nga Tirana? Kush e mbështet këtë ide? Ne nuk e dimë. Ne nuk dimë as nëse Vuçiq e përkrah këtë ide. Ne dimë se pjesa më e madhe e serbëve të Kosovës, përfshirë priftin Sava, e kanë refuzuar. Sepse ndryshimi i kufijve do të margjinalizonte serbët e Kosovës dhe do të çonte në lëvizje masive të popullsisë, mund të shkaktonte dhunë dhe dëme për serbët e Kosovës. Nuk e dimë kush e mbështet këtë ide. I vetmi njeri që ne dimë se e mbështet këtë ide është Hashim Thaçi.

Disa gazeta kanë shkruar se ideja është bërë publike pas një takimi të Dacicit me Jared Kushner…

David Phillips: Askush nuk ka qenë prezent në takimin e Kushnerit me Dacicin dhe Brnabiçin. Ne nuk e dimë çfarë kanë diskutuar ata. Ajo që dimë ne është se Dacic bëri një deklaratë pas takimit se „të gjitha obsionet janë të hapura”. Ndarja e Kosovës ka qenë gjithnjë në tavolinë. Ideja e ndarjes së Kosovës e ka origjinën tek Dobrica ?osi? dhe Akademia serbe e shkencave sociale. Vuk Draškovi? e mbështeti idenë kur ishte ministër i Jashtëm. Ne nuk e dimë nëse ky tai është një propozim real, apo është ideja e vjetër që riqarkullon sërish.

Po çfarë kërkon Serbia atëherë?

David Phillips: Serbia është duke kërkuar territorin në veri të Kosovës, kompesime për investime dhe pasuri në Kosovë, mbrojtje të veçantë për minoritetet dhe kulturën ortodokse. Unë nuk kam parë ndonjë dokument të shkruar nga Serbia, ku të propozohet kjo. Unë kam parë vetëm disa shënime për takime të bëra, por gjërat janë të paqarta. Çfarë merr Kosova si shpërblim për të dhënë 20 përqind të vendit? Njohjen nga Serbia? A do bënte Serbia ndryshimet kushtetuese për të mundësuar njohjen e Kosovës? A mund të sjellë njohjen nga vendet e BE, që nuk e kanë njohur? Edhe njohjen e Spanjës, që është problematike? Moska nuk merr urdhëra nga Beogradi. Çfarë do të ndodhë me Këshillin e Sigurimit? Nuk e dimë. Ajo që di unë është se negociatat nuk mund të bazohen tek ëndërrat. Negociatat duhet të bazohen tek realitetet. Ato duhet të mundësohen nga mediatorë ndërkombëtarë, duhen monitoruar për zbatimin, përfshirë masat që merren për t’i prerë rrugën ankesave të palës tjetër. Mua nuk më duket, që dialogu Kosovë-Serbi po ndjek këto rregulla.

Do të thotë kjo që Kosova është sot, si një ditë pas ditës së pavarësisë?

David Phillips: Debati për ndarje shkakton në Kosovë konfuzion të madh. Asnjë vend tjetër plus nuk do e njohë Kosovën, sa kohë që ky diskutim nuk ka marrë fund. Kosova ka punë përpara punë serioze: të përmirësojë shërbimet e qeverisjes, përfshirë luftimin e korrupsionit. Debati për ndarjen është largim nga punët e qeverisjes. Kjo nuk mund të vazhdojë gjatë. Kanë kaluar shumë vite dhe Kosova duhet të integrohet plotësisht në sistemin ndërkombëtar. Duhet të bëhet pjesë e institucioneve euro-atlantike, përfshirë Interpolin. Duhet të ketë liberalizimin e vizave.

Kosova është duke krijuar ushtrinë. A mund të bëhet Kosova pjesë e NATO-s pa pasur statusin?

David Phillips: Sigurisht që Kosova duhet të ketë ushtrinë kombëtare. Ushtria kombëtare është për sigurimin e kufijve dhe mbrojtjen nga agresionet e mundshme. Serbia ka blerë armë të sofistikuara nga Rusia, përfshirë aeroplanë sulmues MIG. Rusia ka krijuar një bazë spiunazhi në Nish. Kosova ka nevojë të jetë në gjendje të mbrojë veten dhe të mbrojë sovranitetin e saj. Këshilli i Atlantikut Verior duhet të veprojë nëpërmjet programit PfP, dhe të përshpejtojë anëtarësimin e Kosovës në NATO. NATO nuk është vetëm aleancë për çështjet e sigurisë. NATO është koalicion i vendeve që ndajnë të njëjtat vlera. Kosova duhet të forcojë përpjekjet për demokraci dhe angazhimin për të drejtat e njeriut, nëse kërkon të lidhet më fort me NATO-n.

/David L. Phillips është drejtor i programit për krijimin e paqes dhe të drejtat në Institutin për të drejtat e njeriut të Universitetit Columbia në Nju Jork. Prof. Phillips ka 30 vjet që punon për pavarësinë e Kosovës, kur ka qenë zyrtar i qeverisë amerikane në Capitoll Hill, kur ka qenë në grupe pune si ai i Këshillit për Marrëdhëniet me Jashtë dhe si studiues në Universitetin Columbia.

Sali Berisha: Thaçi e ka në qafë kumonën e Beogradit

Hashim Thaçi i ka tërhequr fjalët e rënda që i kishte thënë në muajin gusht pasi Sali Berisha e kishte kundërshtuar ashpër çështjen e ndryshimit të kufijve. Thaçi po e mohon kategorikisht se Berishës i ka thënë “strehues i Bin Ladenit”, “i dëbuar politik” e “furnizues me naftë i makinerisë së Millosheviqit”, duke thënë se këto janë shpifje. Por, Berisha nuk është zmbrapsur. Ai, në një përgjigje për Gazetën Express, duke aluduar në Thaçin, ka thënë se Beogradi ua ka vënë kumonat në qafë argatëve në Prishtinë në përpjekje për ta krijuar Serbinë e Madhe

Thaçi e Berisha kishin zhvilluar polemika të ashpra nëpër rrjete sociale e studio televizive pa u ballafaquar ballë për ballë me njëri-tjetrin. Berisha i kishte pritur në zyrën e tij liderët e Luginës së Preshevës, duke e kundërshtuar fort lëvizjen e kufijve si një zgjidhje ndërmjet Kosovës e Serbisë duke thënë se një ide e tillë është ide serbe.

Kjo kishte nxitur reagimin e Thaçit kundër Berishës, me të cilin viteve të fundit kishte kultivuar raporte shumë të mira.

“Institucioneve të Republikës së Kosovës sot më së paku iu duhen këshillat e të dëbuarve me votë masive nga skena politike. Veçanërisht të atyre që në mes viteve 1992 – 1997 tregtonin dhe bënin që me punët e tyre të pista të mbijetonte makineria ushtarake dhe policore e kasapit të Ballkanit, Sllobodan Millosheviq. Ata duke mbushur xhepat e tyre, u kujdesën me devotshmëri që rezervuaret e tankeve dhe autoblindave të jenë të mbushur plot, përkundër faktit se bashkësia ndërkombëtare kishte vënë sanksione kundër Millosheviqit. Nuk i duhen këshillat e atyre që strehuan Bin Ladenin, vrasësin e civilizimit botëror si dhe Arkanin, vrasësin e shqiptarëve të Kosovës”, kishte shkruar Thaçi.

Por, tani presidenti i Kosovës në mënyrë amatoreske po e mohon që ky postim ka pasur të bëjë me Sali Berishën për faktin që aty nuk është përmendur emri i tij.

Ai me gjasë e ka dëshiruar me çdo kusht paqen me Sali Berishën, i cili pas deklaratave të Thaçit nisi një luftë frontale, duke thënë se presidenti i Kosovës me idenë e ndryshimit të kufijve, ndër të tjera është bërë argat i Beogradit.

Duke e komentuar për Express paqen e shpallur nga Thaçi, Berisha nuk ka dhënë asnjë shenjë tërheqjeje.

Ai ka thënë se qëndrimet e tij janë denoncime ndaj projektit të Serbisë së Madhe, që ka për qëllim ta zhbëjë pavarësinë e Kosovës.

“Ideja e ndarjes, copëtimit, shkëmbimit të territoreve apo quaje si të duash, korrigjimit të kufijve është ide e Beogradit, e servirur publikisht dhe jopubliksht, me dhjetëra e dhjetëra herë, që nga fillimi i viteve ’90 dhe gjer në vizitën e fundit të Aleksandër Vuçiqit në Gazivodë, Liposaviq, veri të Mitrovicës”, ka thënë ish-presidenti shqiptar.

Berisha nuk ka dhënë asnjë shenjë zmbrapsjeje. Ai ka thënë se Thaçi po e mban kumonën e Beogradit në qafë.

“Unë e kam kundërshtuar dhe e kundërshtoj këtë ide si antishqiptare, pavarësisht se tani Beogradi kumboret e saja ua ka varë në qafë, flamurin e saj ua ka besuar kësaj radhe argatëve të tij albanofobë në Prishtinë. Këta të fundit në dhunim flagrant të Kushtetutës së Kosovës, pa asnjë mandat kushtetues servirin, tregtojnë për llogari të serbomadhisë këtë ide si origjinale të tyre”, ka thënë Berisha.

Berisha ka refuzuar të përgjigjet direkt rreth tërheqjes së Thaçit nga beteja, duke thënë se nuk ka asgjë personale me askënd.

“Ne rast se ndiqni kronologjinë e reagimeve të mia lidhur me ndarjen, shkëmbimin apo korrigjimin e kufijve të Republikës së Kosovës, ju do të gjeni se ato nuk kanë absolutisht asnjë lidhje me fjalë të rënda, sulme personale të ndokujt ndaj meje as dhe nuk janë polemike me ndokënd”, ka thënë ai.

“Qëndrimet e mia janë denoncime të hapëta, të prera, të projektit të Serbisë së Madhe dhe zhbërjes së Republikës së Kosovës, integritetit të saj territorial, sovranitetit në të gjithë territorin e saj, zhbërjes së pavarësisë, Kushtetutës, njohjeve, dhe dokumenteve ndërkombëtare mbi bazën e të cilave qëndron Kosova shtet i lirë i pavarur”, ka shtuar Berisha.

Ish-kreu i shtetit shqiptar nuk ka kursyer fjalët e mira për skenën politike, e cila po u reziston përpjekjeve të Thaçit për ndryshim kufijsh.

“Me këtë rast përshëndes forcat politike të Kosovës për qëndrimin e tyre ndaj kësaj ideje tejet të rrezikshme në radhë të parë për Kosovën dhe kombin shqiptar. Duke dalë përsëri te pyetja e juaj, mendoj se Beogradi për momentin i përballur me qëndrimin e prerë të forcave politike të Kosovës dhe të komunitetit ndërkombëtar kundër kësaj ideje mund të bëjë një tërheqje, por do t’i duhen dekada dhe ndoshta nuk do të ndahet ndonjëherë prej saj”, ka theksuar Berisha./Express

Lista e atyre që morën para nga ish ministri grek Kotzias

Prej disa ditësh lajmi se Greqia ka shpenzuar miliona euro përmes fondeve sekrete për të paguar mediat e gazetarët shqiptarë me qëllim mbrojtjen e interesave të tyre po bën shumë bujë dhe ka tensionuar edhe njëherë situatën në vend

Ishin mediat greke ato që fillimisht publikuan emrat e mediave që kishin përfituar nga kjo aferë. Ndërkohë po mediat fqinje kanë nxjerrë të tjera detaje nga ky skandal. Një milion euro mësohet të jetë dëmi që ministria e Jashtme greke ka shkatuar pas kontrollit të kryer. Këto çeqe janë firmosur nga Niko Kotzias tashmë i dorëhequr .

Ndërkohë është publikuar edhe lista me gazetarët shqiptarë, pronarë portalesh, aktorë dhe politikanë të njohur të cilët shërbenin për interesat e diregjuar nga ish ministrit Kotzias.

Lista:

Qamil Lirza, petagog në universitet ka përfituar gjithsej 63.000 Euro.

Olta Gixhari, aktore 12.000 Euro

Shpëtim Idrizi, kryetar i partisë Kryesore Çame në Shqipëri 340.000 Euro

Dashamir Tahiri, ish deputet i partisë së çamëve ka përfituar 25.000 Euro.

Eni Vasili, gazetare Tv, ka përfituar 20.000 Euro.

Mustafa Nano, gazetar Tv ka përfituar 30.000 Euro.

Artur Zheji, Kosta Braka, Henri Çili, Artan Hoxha , Alfred Çako, Mentor Nazarko, Ardit Gjebrea, Ervin Salianji, Mentor Nazarko, Noizy, Rudina Magjistari, Erion Veliaj, Anila Basha, Sonila Meço, dhe shumë të tjerë përbëjnë pjesën tjetër të parave prej 1 milion Euro të shpërndara dhe shpërdoruar me urdhër të ish ministrit Kotzias.

Gazetarët e këtij lajmi E.Tofinou dhe H.Jakopoulos të gazetës “Eleftheri Ora” kanë hulumtuar se përse e ka bërë Kotzias një gjë të tillë dhe për këtë arsye kanë intervistuar politologun Grek Nikiforos Diamanduros dhe ai është shprehur se: “Nuk është hera e parë që një shtet paguan para të shpërndara në këtë mënyrë, e kanë bërë parardhësit e Kotzias, e kane bëre shtete të tjera do e bëjnë përsëri, është një lojë e shërbimeve të huaja që e bëjne vazhdimisht në shtete rivale ose mike por Kotziaz ” u kap ” prandaj përbën lajm.”

I pyetur më tej nga gazetarët ai është shprehur se: “Paratë e shtetit Grek kanë filluar të futen në Shqipëri që pas luftës së Kosovës, pasi shërbimet e fshehta greke zbuluan se ata që mbeshteten shqiptaret në atë luftë po përgatiteshin me zbulimin e personazheve ushtarake, pjesëmarrës në atë luftë që më vonë u përdoren dhe po përdoren si politikanë si në Kosovë, Maqedoni dhe Shqipëri. Frika se këto grupe te financuar nga qeveri te ndryshme mund te krijonin edhe Ushtri per te kerkuar territor në dem te Greqise, pershembull çamët, ketu ka fill edhe ajo qe ne sot njohim si shteti i Çamerise dhe fillesat i ka me ushtrine Çlirimtare të Çamërise e cila u ideua pikërisht që në 1999 dhe u shfaq për here të parë ne vitin 2005 nën udhëheqjen e Festim Lato, i cili është sot President i Çamërisë, Hisen Berisha, kryetar Balli Kombëtar, Mirsad Ndrecaj i vrarë gjatë luftimeve me ushtrinë maqedonase të Veriut në atë që njihet si Incidenti i Kumanovës .

Beg Rizaj, gjithashtu i vrarë në të njëjtën mënyrë si Ndrecaj pasi ishin pjesëmarres së bashku. Baza e kësaj ushtrie ishte Bestrova në Vlore . Pra kush i financoi këta që në 2005? Festim Lato ishte në Holandë, çfare e solli në Shqipëri, po lobi Hebre a ka ndikuar, disa thonë CIA mbase Mosad, pra janë paguar para dhe Greqia bëri të njejtën gjë si kundërshti për këtë organizim financoi ngjitjen në karrierë të Shpëtim Idrizit duke ndërhyre tek Fatos Nano që ky të bëhej Drejtor Doganash që me anë të korrupsionit të bënte para për të marrë në kontroll partinë e çameve, qe mos të mbështesnin këte ushtri dhe ia arritën na shpëtuan nga një kercenim që nuk lejuan Festim Lato dhe të tjerë të hapnin konfliktin me ne duke e shpallur ate armik. Pra ne atë betejë e fituam, por tani situata është shumë e njëjte, zoti Kotzias ka bërë të pamundurën që Shtetit te Çamerisë t’i bëhet bllokadë mediatike në Shqipëri, por nuk e di për se ka paguar aktorë, (qesh)”, ja përfunduar politologu.