Albin Kurti e Shpend Ahmeti shkojnë bashkë në selinë e VV-së

Tashmë janë mbledhur anëtarët e VV-së për të mbajtur mbledhjen e Kryesisë. Kandidati për kryetar të Partisë, Albin Kurti dhe kryetari i Prishtinës, Shpend Ahmeti janë parë duke ardhur bashkë në selinë e Vetëvendosjes me veturën e njëjtë

Ndërsa, në anën tjetër Visar Ymeri së bashku Molliqajn dhe me deputeten Shqipe Pantina, kanë ardhur së bashku. Kjo mbledhje nuk po lejohet të përcjellët nga media. Rekomandimet nga njerëzit e Vetëvendosjes ishin që gazetarët të e shfrytëzojnë garazhin derisa të përfundon mbledhja.

Ndryshe, këto takime të VV-së pasojnë pas një varg dorëheqjesh nga kjo parti javëve të fundit, shkruan Gazeta Metro.

E, sot Lëvizja Vetëvendosje ka shansin e fundit që të zgjidhë problemet dhe mosmarrëveshjet e brendshme që kanë përfishrë këtë subjekt.

“Gjaku nuk bëhet ujë”, Majko takon shqiptarët e Ukrainës, e presin me verë e kostume tradicionale

Ministri i Shtetit për Diasporën Pandeli Majko zhvilloi një vizitë në fshatin Karakurt, në rajonin e Odesës ku jetojnë më shumë se gjysma e shqiptarëve të Ukrainës

Gjatë vizitës Majko përcolli dhe një mesazh për shqiptarët që jetonin atje. “Pas 300 vitesh duhet të vini në Shqipëri, për ta parë nga afër vendin tuaj të origjinës, i cili është kthyer në një destinacion mjaft të preferuar turistik”– tha Majko

“Gjaku nuk bëhet ujë”, tha më tej Ministri i Shtetit, në këtë vizitë zyrtare ku u prit nga autoritetet rajonale e gjithashtu përfaqësuesit e diasporës shqiptare.

Majko premtoi se do të ketë gjithmonë një sy e një vesh për diasporën në Ukrainë.

Implementimi i projekteve të përbashkëta në arsim dhe kulturë ishte në qendër të një tryeze të rrumbullakët të mbajtur me autoritetet rajonale dhe përfaqësues të diasporës.

Ministri Majko, i shoqëruar edhe nga ambasadorja e Shqipërisë në Ukrainë, Shpresa Kureta, vizitoi shkollën ku mësohet gjuha shqipe e gjithashtu Shtëpinë e Kulturës ku performuan një sërë grupesh artistike të diasporës.

Presion ndaj Kosovës për të themeluar Asociacionin e Komunave serbe

Vazhdimi i dialogut ndërmjet Beogradit dhe Prishtinës është planifikuar të nisë nesër në Bruksel. Sipas analistëve serb, dialogu do të fillojë pasi që Prishtina ishte ‘nën presion’

Sociologu serb, Vladimir Vuletiq dhe kryetari i Komisionit për Kosovë, Millovan Drecun kanë thënë se me këtë dialog ka të ardhme për të gjithë rajonin, duke shtuar se fillimi i tij është një shenjë se shqiptarëve iu është bërë presion i konsiderueshëm nga Shtetet e Bashkuara për tu kthyer në tryezën e bisedimeve.

Vuletiq, mendon se tani duhet të flitet për themelimin e asociacionit të komunave serbe, marrëveshje kjo që sipas tij duhet të zbatohet. Ai ka theksuar se për këtë Prishtina e tensionuar e ka çuar dialogun në një krizë.

“Prishtina është në disavantazh, kryesisht nga vendet perëndimore dhe SHBA-të, këto vende janë shumë të qarta se nuk duhet që dialogu më të frenohet”, është shprehur Vuletiq.

Millovan Drecun ka thënë se nuk ka proces të normalizimit të marrëdhënieve nëse Prishtina nuk e përmbush marrëveshjen për AKS-në, shkruan lajmi.net.

Sipas tij, Prishtina duhet të kalojë këtë pjesë të dialogut dhe të përpiqet që ta zgjidh statusin përfundimtar të Kosovës apo të pres që Serbia ta njoh si ‘një lloj shteti’, gjë që ai e vë në dukje se nuk do të ndodhë. Drecun ka shtuar se vazhdimi i dialogut teknik shihet si përgatitje për dialogun në nivel më të lartë.

Amfilohije: Serbia po e vazhdon tradhtinë që Mali i Zi e nisi me Kosovën

Mitropoliti i Malit të Zi dhe i Bregdetit Amfilohije ka thënë se çdo gjë që po ndodh me politikën është etëm vazhdimi i ideologjisë dukleane – montenegrine e cila mbisundon këtu dhe e cila zotëron me Malin e Zi

Ai ka thënë kështu duke e promovuar në Podgoricë librin e vet “Kryqëzimi i ri i Kosovës”. Amfilohije, i cili është njëri nga nënshkruesit e të ashtuquajturit Apel për Mbrojtjen e Kosovës, ka thënë se nuk e kupton reagimin e zyrtarëve serbë pasi ka deklaruar se ka frikë se politika e kryetarit serb Aleksandar Vuçiq shpie drejt tradhtisë së Kosovës e Serbisë.

“Ata kanë dashur që gjithë fajësinë ta hedhin në njërin nga nënshkruesit e Apelit. Jam i shqetësuar pse në këtë moment ka heshtur Serbia. Ky apel nuk ka qenë sulm ndaj askujt, vetëm se e ka mbrojtur kurorën e Serbisë. Nga viti 2008 jo vetëm një herë Milo Gjukanoviqin e kam quajtur tradhtar të historisë e të Malit të Zi dhe këtë e përsëris edhe tash”, citon “dan” të ketë thënë Amfilohije.

Mitropoliti ka theksuar se udhëheqja aktuale malazeze e ka njohur pavarësinë e Kosovës dhe “kështu ka pështyrë mbi veten e vet “.

“Jo Mali i Zi, por ky grup dukleanësh e montenegrinësh po e vazhdon politikën me të cilën hiqet dorë nga Kosova dhe nga e drejta burimore e Malit të Zi. Ajo që po ndodh tash me politikën e Serbisë është vazhdim i ideologjisë dukleane –montenegrine që mbretëron e mbisundon këtu, në Mal të Zi”, ka thënë Amfilohije.

Ai ka shtuar se Gjukanoviqi tashmë e ka tradhtuar e shitur Kosovën dhe këta vetëm po duan ta vazhdojnë këtë dhe aq më tepër iu vjen keq që nuk pajtohem me këtë.

“Tradhtia së pari ka filluar këtu, ajo po vazhdon dhe po dëshirohet që të përfundojë në Beograd, në merë të Serbisë. Faleminderit Zotit, ky apel është shkruar edhe jam i bindur se ai do të luajë rol të ri edhe në Beograd e edhe në Serbi”, ka përfunduar ai.

Pas dorëheqjes nga VV-ja, Dardan Sejdiu jep dorëheqje edhe nga posti i deputetit?

Dardan Sejdiu pritet të japë dorëheqje nga pozita e deputetit të Kuvendit të Kosovës për t’u rikthyer në ulësen e nënkryetarit të Komunës së Prishtinës, bëjnë të ditur burimet e portalit “Zeri.info”. Sipas këtyre burimeve të “Zërit” kalimi i Sejdiut në Komunën e Prishtinës është çështje ditësh, ku do t’i bashkohet ekipit të Shpend Ahmetit

Ky i fundit ka emëruar partnerin e koalicionit Selim Pacollin nënkryetar, por tashmë ekziston baza ligjore që Komuna t’i ketë dy nënkryetarë. Sejdiu edhe më herët ka qenë nënkryetar i Komunës së Prishtinës, por para zgjedhjeve të fundit parlamentare kishte dhënë dorëheqje për të marrë pjesë në zgjedhjet e 12 qershorit 2017 me lëvizjen “Vetëvendosje”.

Lëvizja muajt e fundit po përjeton përçarjen më të madhe që nga themelimi, pas publikimit të disa mesazheve në “Viber” ku Aida Dërguti e kishte fyer rëndë Albin Kurtin. Pas kësaj Dërguti ka dhënë dorëheqje nga të gjitha pozitat partiake.

Njësoj kanë vepruar edhe disa zyrtarë të lartë të partisë, përfshirë këtu ish-kryetarin Visar Ymerin, ish-nënkryetarin Dardan Sejdiun etj., të cilët bashkë me ish-sekretarin Dardan Molliqajn, po e kundërshtojnë kandidimin e Albin Kurtit për kryetar të partisë.

Përndryshe, me tërheqjen e Sejdiut nga pozita e deputetit, ulësen e tij do ta zërë Ylli Hoxha. Edhe ky i fundit javë më parë kishte dhënë dorëheqje nga strukturat partiake. Gazeta “Zëri” ka bërë përpjekje që ta kontaktojë për këtë çështje edhe Dardan Sejdiun, por nuk ka arritur të marrë përgjigje nga ky i fundit.

“Për 3-4 ditë kthehem, thuaji babit e mamit mos mërziten”, rrëfimi prekës i të atit të Florencit

Babai i shqiptarit Florenc Beqiraj i cili humbi jetën në rrethana misterioze në një spital në Marsejë të Francës ka rrëfyer ngjarjen e trishtë në emisionin “Me zemër të Hapur” në Neës24. Gezim Beqiraj tha se djali i tij 23-vjeçar ishte një djalë i urtë dhe punëtor dhe kërkon të zbardhet e vërteta e vdekjes së djalit

Ai ka qenë një nga fëmijët më të veçantë kush e ka njohur. Nuk e them unë, por e thonë të gjithë ata që e njohin. Ai ka qenë punëtor me mua. Ai tha unë po iki në Francë për punë. Të më japin provat që djali im nuk e ka pranuar azilin. Ai ka ikur në vitin 2016 në Francë dhe ka shitur rroba në të zezë në Francë. Ne i kemi nisur lekë nga Shqipëria. Pse flasin keq për djalin tim?”- tha babai i të riut, raporton BW.

Ndër të tjera Gëzim Beqiraj ka thënë se djali ishte regjistruar si egjiptian dhe kishte kërkuar azil ekonomik dhe jo politik. Ai u shpreh se djali është arrestuar nga policia në shtëpi teksa ishte duke gatuar dhe ka rrëfyer edhe bisedën e fundit me të pas arrestimit.

“Ai është regjistruar si egjiptian dhe nuk ka kërkuar azil politik, por azil ekonomik. Atij nuk ja kanë aprovuar azilin dhe ka qëndruar pa dokumente. Djali ishte në shtëpi duke gatuar kur ka shkuar policia e ka marrë. Djalit i kishin dhënë vetëm një vit qëndrim dhe më pas ai ka punuar në të zezë.

Djalin e kanë marrë ashtu siç ishte dhe e kanë çuar në polici. Ne na ka marrë shoku i djalit i cili na ka thënë se Florencin e ka marrë policia. Djali na ka marrë në telefon me telefonin e policisë dhe ka folur me te motrën e tij. Ai i ka thënë thuaji babit dhe mamit të mos mërziten se pas 3-4 ditë do kthehem sa të plotësohet numri.

Pas 4 ditësh e kemi marrë në telefon dhe na kanë thënë se djalin e keni të vdekur. Kush ma mbrojti djalin? Kur kam folur më ambasadorin ne telefon i kam kërkuar ndihmë. Ambasadori tha se unë jam në Paris dhe nuk mund të vinte. Nëse djali im ka bërë ndonjë gjë, ata nuk të falin. Shteti jonë të reagojë dhe dua të zbardhet e vërteta se kush ma mbyti djalin”- ka thënë Gëzim Beqiraj.

Kujtojmë se në reagimin e Ministrisë së Brendshme të Francës e cila njoftoi Ambasadën e Shqipërisë në Paris thuhet se, më 14 dhjetor 2017, rreth orës 17.30, shtetasi Florenc Beqiraj u gjet i pandërgjegjshëm në dhomën e tij në Qendrën e Ndalimit Administrative në Marsejë, pasi ishte shoqëruar më parë atje pas vendimit administrativ të Prefekturës për largim nga territori francez. Shkaqet e vdekjes së shqiptarit pritet të zbardhen me kryerjen e autopsisë, ndërsa vdekja e tij në rrethana misterioze ka indinjuar qytetarët në Shqipëri të cilët kanë zhvilluar edhe protesta. Burimi: BW

Sondazhi: Shqipëria, vendi i fundit në Ballkan në praktikimin e fesë

Ndonëse feja mbetet e fuqishme në rajonin e Ballkanit sipas një sondazhi botëror, Shqipëria dallon nga vendet e tjera me një përqindje më të ulët të popullatës që e konsideron veten si të përkushtuar ndaj një feje

Marcus Tanner / BIRN

Një anketim i ri, i cili bazohet në tre sondazhet të WIN/Gallup International, publikuar në median Telegraph të Britanisë së Madhe tregon se ballkanasit janë më fetarë se homologët e tyre në Europën Perëndimore.

Anketimi, i cili ka analizuar tre sondazhe të marra gjatë disa viteve dhe i ka kthyer ato në një hartë të botës, sugjeron se feja mbetet një faktor më i fuqishëm në mendjet e njerëzve dhe në shoqëri, në të gjitha vendet ish-komuniste të rajonit të Ballkanit, me përjashtime të pjesshme të Bullgarisë dhe Shqipërisë.

Kosova, Maqedonia dhe Rumania rezultojnë të jenë shoqëritë më fetare dhe të vetëdijshme për këtë në rajon dhe në Europë; ku 88% e njerëzve në Maqedoni, 83% në Kosovë dhe 77% në Rumani e konsiderojnë veten besimtarë.

Serbia, Kroacia, Mali i Zi dhe Greqia pasojnë me 70% deri 72% të popullatës së tyre që e konsiderojnë veten si besimtarë. Bosnja vjen më pas me 65%.

Bullgaria mbetet disi mbrapa, me vetëm 52% të popullatës atje që e sheh veten si besimtar.

Shqipëria është i vetmi vend në rajonin e Ballkanit me një sjellje të “stilit perëndimor” ndaj fesë – ku vetëm 39% e popullatës e konsideron veten fetar, e njëjta përqindje si Austria dhe Hungaria dhe pak më shumë se Spanja (37%).

Në Europën Perëndimore, Italia, kryeqendra e Kishës Katolike është i vetmi vend ku shumica dërrmuese e popullatës e konsideron veten besimtare – 74%.

Në vende të tjera shifrat priren të jenë më të ulëta – 30% në Mbretërinë e Bashkuar, 26% në Holandë dhe 34% në Gjermani.

Veriu i Europës është veçanërisht jo-fetar. Vetëm 16% të estonezëve kanë ndjesi fetare, 19% e suedezëve dhe 21% e norvegjezëve.

Panorama është më e përzier në Europën Qendrore dhe varion nga 86% në Poloni në vetëm 23% në Republikën Çeke.

Në vende të tjera të botës, në Afrikë, Lindjen e Mesme dhe Azinë Juglindore vendet priren të jenë shumë fetare, shifra që variojnë përgjatë viteve.

Azia është gjithashtu shtëpi e dy shoqërive më pak fetare në botë, Kinës dhe Japonisë, ku vetëm 7% dhe 13% e popullatës rrëfejnë se kanë ndjesi fetare.

Sondazhi u prodhua për të shënuar Ditën Botërore të Fesë, 14 janarin.

Egzoni dhe Atdheu nga burgu i shkrajnë letër Vetëvendosjes

Dy aktivistët e Vetëvendosjes Atdhe Arifi dhe Egzon Haliti të cilët ndodhen në burg të akuzuar për sulm ndaj Kuvendit të Kosovës, kanë dërguar një letër nga burgu. Në këtë letër ata kanë shkruar disa arsye përse mendojnë se nuk duhet hequr dorë nga Lëvizja Vetëvendosje

Kjo është letra e tyre:

Përse nuk duhet hequr dorë nga Lëvizja

I.

Tek filmi kushtuar Gjergj Kastriotit, unit rezistent të shqiptarëve, në fund të filmit një këngëtar i panjohur (tenori Luk Kacaj) kërkon ta prekë Skënderbeun, mirëpo në vend të tij me sugjerim të Skënderbeut ai prek fytyrën dhe krahun e shpatës së Tanush Topisë. “Si në vepra dhe në realitet je i njëjti – unë pashë” – deklaroi i verbëri duke aluduar Skënderbeun. Dikush nga turma e pyet Gjergjin me habi: “Po pse nuk u shfaqe?” “… mos ndoshta ky dhe unë s’jemi një?!” – ia kthen Skënderbeu.Vërtet, Skënderbeu nuk do të kishte fituar po të mos ishte një me krahët e tij. Mirëpo ai fitoi dhe kur e tradhtuan gjeneralët, Moisiu e Hamza. Pra krahët e tij nuk ishin gjeneralët. Krahët e tij ishin populli.E kush mund të mburret pra me dorëheqjet e veta se ne u dobësuam, se mbetëm të dobët, se zemrat tona nuk mund ta arrijnë Bashkimin Kombëtar dhe se nuk mund ta kultivojnë e ndërtojnë socialdemokracinë?!

Ne kemi një histori, dhe jemi subjekt historik – shqiptarët e meritojnë një Lëvizje, ua kemi borxh unisimin administrativ, se edhe ashtu jemi të unisuar shpirtërisht. Të gjendur në dyer të Otrantit mes despotizmit të lindjes e cinizmit të perëndimit, shqiptarët qysh moti e dëshmuan gradën e lartë të kulturës e qytetërimit.Si të burgosur e aktivistë të forcës numër një politike në Kosovë, do të donim t’i adresojmë mendimet e brengat per të palarat e pushtetit, për ata që po vazhdojnë të na përligjin e shpërfytyrojnë shpresat, interesat e mirëqenien e vendit tonë. Meqenëse disa deputetë brenda e jashtë burgut duken të zënë me gjetjen e argumentave për dorëheqje, të palarat e pushtetit na mbetet t’i adresojmë ne, të burgosurit jodeputetë.

Si shtet, a kemi dhënë zgjidhje për ata që vazhdojnë të ëndërrojnë largimin nga vendlindja si të vetmën rrugëdalje nga gjendja e mjerimit?!E si mund të përballohet mjerimi kur kryeministri e qeveritarët ia rrisin rrogën vetës kundërligjshëm e me arsyetime banale? Mbase iu duhen fishekë për të shitë burrni nëpër oda thuajse jetojmë në kohëra mesjetare. Të rinjët tanë nuk kanë nevojë të rritën për të shitë trimëri me armë, Kosova ka nevojë për të rinj kreativ, për asi që ecin krahas botës së përparuar. Ne edhe ashtu jemi bërë gazi i botës, shtet i kaosit, krimit të të mëdhenjëve, e ndëshkimit të të vegjëlve. Kaluam vitin e arritjes më të madhe të Lëvizjes, ishim dëshmitarë të rrënimit të kalave partiake që ishin në pushtet deri sot. As serviliteti e nënshtrimi i interesave në plan ndërkombëtar s’po i kryen më punë. Zyrtari i Departamentit amerikan të shtetit, Brian Hayt Yee deklaroi se “është paturpësi e kryeqyteteve të botës se si i mirëpresin liderët e korruptuar të Ballkanit sikur s’kanë bërë gjë të keqe”.

Dhe po, kontrata e fshehtë prej 3 miliardë eurove për termocentralin, 56 milionë euro tek Bechteli, shtrenjtimi dhe tarifimi i padrejtë rrymës, falja e borxheve milionëshe të ambalazhuesve të ujit etj., janë shprehje të larta korruptive. Praktika ndërkombëtare njeh shtete të forta dhe të dobëta. Sipas Joel Migdal, shtetet e forta janë të afta të rregullojnë marrëdhëniet shoqërore, t’i sigurojnë, orientojnë e shfrytëzojnë mjetet në mënyrë racionale. Karakteristikat e shteteve të forta, sipas tij janë: kontrolli i plotë i territorit; mbrojtja ndaj politikave të dhunës dhe krimit; garantimi i lirive politike dhe qytetare; krijimi i mjedisit të përshtatshëm për prosperitet ekonomik; sundimi i ligjit; gjyqësor i pavarur; infrastruktura e zhvilluar; shërbimet publike me standarde të larta të arsimit e shëndetësisë.

Shteti i dobët në anën tjetër drejtohet prej politikave që prioritet e kanë ekuilibrin në mes të presionit ndërkombëtar dhe të presionit të brendshëm politik. Modeli i qeverisjes së këtyre shteteve kapitalin financiar të shoqërisë e orienton kah grupet e fuqishme të interesit. Sa më të fuqishme grupet e interesit, aq më i dobët aparati i shtetit, sidomos institucioneve të sigurisë dhe sundimit të ligjit. Ky shtet edhe në literaturë njihet si shtet i kapur. Ndërsa, Robert Kaplan përkufizon edhe një shtet tjetër, atë të dështuar, i cili përfaqëson anarkinë kriminale. Shteti i tillë nuk është në gjendje të garantojë minimumin e sigurisë, të mirave publike dhe të drejtësisë për të gjithë. Shteti i dështuar ka edhe një karakteristikë: nuk mund të ndërtojë me sukses identitetin dhe të motivojë qytetarët të angazhohen në projektet kombëtare. Shpesh ndodh që një pjesë e madhe e popullsisë nëse i vjen rasti të largohet nga vendi në kërkim të kushteve më të mira të jetesës.

Nuk duhet ndonjë analizë shumë e thellë për ta kuptuar që jemi larg të qenit shtet i fortë, por për t’u bërë i tillë assesi nuk duhet hequr dorë nga Lëvizja, që s’ka njollë krimi e korrupsioni brenda rradhëve të saj. Kosova ka nevojë më shumë se kurrë për Lëvizjen.E pikërisht Lëvizjes shteti i dobët, i kapur e i dështuar, ia vrau Astrit Deharin. Ia vrau pasi e akuzoi me shpifje, pasi e burgosi pa faj.Në këtë pikë lindin pyetjet tona për ndonjë nga të dorëhequrit: pse kur familjet tona edhe vetë ne na terrorizonte shteti mafioz, duke na futur antiterrorrin në shtëpi e duke na arrestuar si të pafajshëm, e edhe tash jemi në burg, një ish-sekretar mori në zyrë të Lëvizjes një portal të policisë për të “dëshmuar” se nuk ishte në protestë? Kohët e fundit është fshirë ai lajm.Pas vrasjes së Astrit Deharit ne ishim në burg dhe nuk dinim si kanë shkuar gjërat, por pse për Astritin nuk kemi protestuar ne si Lëvizje por vetëm “shoqëria civile”? Astriti nuk ishte vetëm “fëmijë” i familjes së vet dhe i shoqërisë, ai ishte “fëmijë” i Lëvizjes, që u dënua dhe u vra për Lëvizjen. Pse iu la shoqërisë civile, kur asnjë çështje nuk e ka zgjidhur shoqëria civile me protesta, por vetëm Lëvizja. Apo synim ishte të mos kishte protesta, sepse dikush po mendonte se Astriti nuk ishte vrarë?

III.

Kosovën ka shumë që e duan, besojnë se njerëzit e saj janë të mirë dhe kanë qëllime të mira e të drejta. Por ka edhe shumë të tillë që tallen kur Kosova kërkon anëtarsim në BE që këtë vit. Madje, qeshin me zë kur dëgjojnë që ajo e para nga rajoni do të anëtarësohet në BE. Sfida do të jetë për Kosovën, e cila duhet të vendosë se a do t’ia mësyjë Europës me këtë klasë pushteti të paarsimuar, jokompetent, të korruptuar e kriminalizuar apo si më 11 qershor 2017, por tash edhe më fuqishëm, të përcaktohet për Lëvizjen e luftës kundër çdo shtypjeje klasore e kombëtare.Për Lëvizjen që mishëron vetë politikën, që i kundërvihet simetrikisht partive klanore të pasurimit, që ndrydhin dhe shkatërrojnë artin politik- antipolitikët partiak.

Që prej Athinës së shek V të P.K. e deri në qeveritë tona pala e të pasurve (antipolitikët) kanë thëne vetëm një gjë- e cila është mohim i politikës- nuk ka për ata që s’kanë. D.m.th s’ka shërbime publike, rritje të mirëqenies për të varfërit. Polariteti prej të cilit kemi politikë është ai që i dallon ata që kanë dhe ata që s’kanë tjetër pos krahët e tyre të punës. Pra edhe njëherë, nuk duhet hequr forë nga Lëvizja nëse duam të ngritemi përtej raporteve feudo-klanore, të cilat raporte ne Europë janë kaluar në një mijë vjet. Nuk duhet hequr dorë nga Lëvizja nëse e besojmë politikën si rendin në të cilin përcaktohet me drejtësi ndarja e të përbashëktës. Politika është vepër e klasave që nuk janë klasa (të varfërit, proletariat, populli). Këto janë gjëra që na i kanë mësuar disa të dorëhequr. Ata dikur na thoshin se “në kapitalizëm nuk ka vetëvrasje”.

Tani po japin dorëheqje… Nëse si po marrim vesh edhe brenda burgut nga bashkëvuajtësi ynë i dorëhequr, Albin Kurti na qenka “zbut” prej amerikanëve e perëndimi e se po e luftoka ish-sekretarin dhe krahun e tij radikal, atëherë pse në media, në qëndrime e veprime të dorëhequrit antikapitalistë e radikalëm po sillen si liberalë? Aman bre, kjo s’është politikë. Kjo është hipokrizi. Apo si thotë folklori i burgut jeni “edhe sersena (i jepni zor), edhe tutsa”.Por, ka politikë dhe do të ketë në Lëvizje për shkak të një universali, barazisë, e cila merr figurën e fajit. Faji i atij që s’ka dhe korrigjimi i këtij faji; nivelizimi përpjestimor gjeometrik i të mirave shoqërore. Gjëja e fundit por jo më pak e rëndësishmja pse nuk duhet hequr dorë nga Levizja: nuk duhet nëse ende na flakëron zemrën flamuri i Skënderbeut; nëse na djegë shpirtin mjerimi ekonomik-social i qytetarëve tanë; nëse na mbushë tërbim e revoltë qytetare krimi, korrupsioni e tradhëtia e udhëheqësisë.

IV.

Thirrja jonë është që të mos jepni dorëheqje. Nuk na duhet dorëheqje, na duhet këmbëngulje. Përndryshe, edhe ne i kemi disa pyetje konkrete që do t’i shtrojmë publikisht nëse ju vazhdoni me dorëheqje e patetizma.Lëvizja është dhe do të jetë përçuese dhe pulsuese e aspiratave të vegjëlisë, të ekonomisë së qëndrueshme, të shqiptarëve faktorë e jo aktorë të skenës politike. Në përvjetorin jubilar të kalorësit mbrojtës të Evropës le ta kujtojmë edhe njëherë amanetin e trimit, unit rezistent të të gjithë shqiptarëve, të të gjitha kohërave se: ne jemi të vdekshëm (dorëheqshëm) po Lëvizja e populli do të jetojnë e ngadhënjejnë në luftëra e sfida të reja.

Kombi i ndarë padrejtësisht e barbarisht, dinjiteti i nëpërkëmbur, mungesa e stimuluar e përspektivës, skllavërimi e shkelja e punëtorit, sundimi i monopoleve prodhuese e financiare janë problemet/sfidat që na presin e që për të ngadhnjyer mbi to na duhet nivel më i lartë i rezonimit politik, na duhet bashkimi i aktivitetit vetëmohues, i disiplinës organizative.

Përpara me Vetëvendosjen deri në Vetëvendosje!Me mendje e me zemër, Egzoni dhe Atdheu, Dubravë.9 janar, 2018

Batuta e Edi Ramës për ‘Borisët’ bën bujë

Shqipëria shpreson që sivjet të nisë negociatat për anëtarësim në Bashkimin Europian, edhe pse nuk ka asnjë sinjal të qartë. Presidenca e Bashkimit Europian kryesohet nga Bullgaria, e cila është zotuar se do ndihmojë vendet e Ballkanit Perëndimor

Por vetë Bullgaria, e drejtuar nga kryeministri Boyko Borisov ka problemet e saj. Ish-truproja dhe ish-kampioni i karatesë, që tashmë drejton ekzekutivin, e ka nisur vitin duke u përballur me një seri vrasjesh të bujshme. Një biznesmen i fuqishëm u qëllua për vdekje, ndërsa gjashtë persona u vranë gjatë festimit për ndërrimin e viteve. Edhe një zyrtar taksash është qëlluar.

Për të ilustruar gjendjen ku gjendet BE, Financial Times përdor një batutë të Edi Ramës, kryeministrit shqiptar.

“Kur dy Borisët e politikës europiane- Sekretari i Jashtëm i Britanisë, Boris Johnson dhe kryeministri i Bullgarisë, Boyko Borisov- u pikasën së bashku vitin e shkuar, dikush bëri një koment ironik. “Kam dashur që të bashkohemi me BE-në që kur kam qenë i ri,” tha Edi Rama, teksa i afrohej çiftit në Samitin e Triestes. “Por nuk e kisha menduar kurrë që Borisi do ikte- dhe Borisovi do qëndronte për ta qeverisur”,” shkruan gazeta e njohur.

Para disa ditësh, kryeministri Edi Rama tha se shifra e vrasjeve në Shqipëri është më e ulët edhe se e një vendi të BE. Nuk dihet nëse ai i referohet Bullgarisë.

Komisioni Europian pritet të japë sinjale se dy vende të Ballkanit do anëtarësohen në BE në vitin 2025. Mendohet se këto vende janë Serbia dhe Mali i Zi.

Rexhep Selimi Sqaron Komunikatat e UÇK-së në Gjykimin e Limajt

Ish-anëtari i Shtabit të Përgjithshëm të UÇK-së, Rexhep Selimi, gjatë dëshmisë së tij në gjykimin e zëvendëskryeministrit të Kosovës, Fatmir Limaj, i cili po akuzohet për krime lufte, tha se komunikata që merrte përgjegjësinë për vrasjen e dy civilëve, Ramiz Hoxhës dhe Selman Binishit, ka njollosur familjet dhe UÇK-në

Rexhep Selimi kontestoi komunikatën e cila në emër të Drejtorisë së Policisë Ushtarake e merrte përgjegjësinë për vrasjen e dy civilëve më 2 tetor 1998. Ai tha se kjo komunikatë përmban shumë pasaktësi. Më e rëndësishmja, tha ai, është se në atë kohë nuk ka ekzistuar Drejtoria e Policisë Ushtarake. Selimi tha po ashtu se kjo komunikatë nuk është e vetmja.

“Këtë komunikatë e kontestoj sepse përmban pasaktësi esenciale. E para është që më datën kur është botuar komunikata nuk ka ekzistuar Drejtoria e Policisë Ushtarake, e dyta pasaktësi është numri katër (4) i komunikatës. Unë nuk e di se cila ka qenë komunikata me numër tre (3) apo pesë (5). Po ashtu pasaktësia tjetër është përmbajtja e tekstit”, theksoi ish-anëtari i Shtabit të Përgjithshëm të UÇK-së.

Më tej, Rexhep Selimi, i ftuar në cilësinë e dëshmitarit nga Prokuroria Speciale e Kosovës, tha se nuk e di se kush e ka shkruar këtë komunikatë. “Por, jam unë ai i cili e demantoj këtë komunikatë në emër të UÇK-së”, tha njëri prej komandantëve kryesor të UÇK-së.

“Drejtoria e Shërbimit e Policisë Sekrete që shkruhet në komunikatë them se as nuk ka pasur Drejtori të Shërbimit e as Polici Sekrete, prandaj kjo është një pasaktësi tjetër që e demanton këtë komunikatë”, shtoi ai.

Sipas Rexhep Selimit, kjo nuk është komunikata e vetme e cila kontestohet. “Mund të ju sjell edhe dy komunikata të tjera që kanë pasaktësi. Madje, në vitet e mëhershme të organizimit të UÇK-së ka pasur komunikata të cilat i ka demantuar vet Shtabi i Përgjithshëm. Dua të them se kjo nuk është komunikata e parë me pasaktësi”, shtoi ai.

Lidhur me viktimat Ramiz Hoxha e Selman Binishi, dëshmitari Selimi tha se nuk i konsideron dhe nuk kanë qenë ashtu siç përshkruhen në komunikatë. “Këtë e them nga pozicioni i tanishëm sepse më herët nuk kam pasur njohuri”, shtoi ai.

“Nw kwto raste tw izoluara, jemi njollosur dy palwt, edhe ju si familjarë edhe ne si pjesëtarw tw UÇK-s[“, theksoi Selimi.