Thaçi: Jam i bindur se do ta jetësoj korrigjimin e kufijve

Presidenti i Kosovës, Hashim Thaçi sërish është shprehur i bindur se do ta jetësojë idenë e korrigjimit të kufijve dhe Lugina e Preshevës do t’i bashkohet Republikës së Kosovës. Thaçi tha se nuk pret që liderët serbë brenda ditës ta njohin Pavarësinë e Kosovës, pasi sipas tij njohja arrihet me negociata

Ideja e Korrigjimit të kufinjvë, Thaçi deklaroi se është e gjithë ideja e tij, dhe nuk lejon që ajo të përfshihet me idenë e Qosiçit i cili ka pas si ide ndarjen e Kosovës, ku Serbia kërkon krijimin e Republikës Srbska, por Thaçi duket i vendosur se nuk do e lejojë një gjë të tillë.

Thaçi thekson se ideja për korrigjimin e kufinjve është e qartë, ku sipas tij në procesin e negociatave do të përfshihet dhe korrigjimi i kufirit, që bën të mundur dhe pjesë të Kosovës, Luginën e Preshevës, Medvegjen dhe Bujanocin.

“Unë mbart vetëm interesin e qytetarëve të Kosovës dhe të Luginës Preshevës. Kush dëshiron të flas për ndarje nuk ulet me mua në tavolinë. Kush dëshiron të flas për Asosacion apo Ahtisari + nuk ulet me mua në tavolinë. Për këtë unë jam për korrigjim historik, se Presheva, Medvegja dhe Bujanoci duhet të jenë me Kosovën. Kaq. Unë besoj që do të bind dhe faktorin ndërkombëtar të mbështes këtë projekt. Statusi A dhe B, qasje shumë e gabuar. Ne në tavolinë me Serbinë ulemi si dy vende të barabarta.”

Marrëveshja Kosovë-Serbi është një marrëveshje që do sigurojë njohjen reciproke, duke bërë që të njihet automatikisht nga 5 shtete të BE, ku dhe Rusia do të ndryshojë qëndrim. Kreu i shtetit të Kosovës është shprehur optimist, dhe beson se korrigjimi i kufirit do të ndodhë dhe se sdo të ketë asnjë copë toke nga Kosova të ndarë.

“Idea ime është vetëm korrigjimi, bashkangjitja e Preshevës, Medvegjës dhe Bujanocit asnjë aset i Kosovës, as Ujmani as Veriu i Kosovës as Trepça nuk vijnë në konsideratë që të jenë pjesë e serbisë. Është e vërtetë dhe tjetra që Tito dhe Rankoviç, në kohën e dëbimit masiv të shqiptarëve nga Kosova në vitet 1956-1959 për të bërë një balancë demografik ja ka bashkangjitur Kosovës një pjesë të Leposavicit, Leshakut dhe Zubin Potokut. Tani a duhet të mbesim ne viktimë e Titos? Është e drejtë historike e Preshevës, Medvegjës dhe Bujanocit ti bashkangjiten Kosovës. Unë e mbështes plotësisht, botërisht, më vjen mirë që dhe faktori ndërkombëtar po reflekton gjithnjë e më tepër. Për skenën politike të Kosovës flas unë. Skena politike ëshë plotësisht në favor të dialogut, negociatave dhe të arritjes së një marrëveshje, duke mos e përjashtuar dhe korrigjimin.”

Vështirësi për ndryshimin e kufijve Kosovë – Serbi

Në Kosovë, presidenti Hashim Thaçi, ritheksoi idenë për korrigjimin e kufirit me Serbinë, si mundësi të arritjes së marrëveshjes me Serbinë, ide kjo për të cilën nuk po gjen mbështetje nga politika në vend

Analistët thonë ndërkaq se mundësia e ndryshimit të kufijve ekziston, por mbetet çështje shumë e ndërlikuar dhe tash për tash mundësitë për një marrëveshje të shpejtë mes palëve, megjithë këmbënguljen e Brukselit, duken të pakta.

Presidenti i Kosovës, Hashim Thaçi, po vazhdon të mbrojë idenë e tij për korrigjimin e kufirit me Serbinë, si rrugë për të zgjidhur mosmarrëveshjet në mënyre paqësore, me gjithë kundërshtimin e gjerë ndaj ideve të tij në Kosovë.

Të enjten ai sërish kritikoi kryeministrin Ramush Haradinaj, i cili disa herë ka ritheksuar se ndryshimi i kufijve, mund të çojë në përsëritjen e tragjedive të së kaluarës.

Të mërkurën kryeministri Haradinaj tha në një intervistë në emisionin “Opinion” në televizionin Klan në Tiranë se “vetëm çizmet ushtarake dhe forca vendosin kufij”.

“Ata që po flasin për luftëra, unë jam duke i penguar, kush të ka qejf le ta fillon luftën. 430 kilometra janë kufi me Serbinë udha e mbarë dhe le të shkojnë. Lufta nuk zhvillohet në studio televizive por në istikame”,tha presidenti Thaçi, duke ju kundër përgjigjur deklaratës së kryeministrit.

Kjo përplasje deklaratash ndërmjet dy udhëheqësve të institucioneve të Kosovës ka vazhduar që nga hapja e debatit për mundësinë e ndryshimit të kufijve si rrugë për arritjen e marrëveshjes ndërmjet Kosovës e Serbisë. Idetë e presidentit Thaçi po kundërshtohen ashpër nga opozita ndërsa lëvizja Vetëvendosje ka paralajmëruar edhe protesta.

Presidenti i Kosovës, Hashim Thaçi, i cili këtë fundjavë shkon në New York, tha se ka një mundësi që atje të zhvillojë një takim të shkurtër me presidentin amerikan, Donald Trump gjatë punimeve të Asamblesë së Përgjithshme të Kombeve të Bashkuara.

“Dëshiroj edhe njëherë të shprehë falënderimin e plotë edhe për presidentin Trump edhe nënpresidentin Pence dhe gjithë administratën amerikane që po i japin mbështetje të plotë procesit të negociatave Kosovë-Serbi dhe progresit në Kosovë. Është fat se çdo hap që kemi ndërmarr deri më tani e kemi bërë në mënyrë të bashkërenduar me Shtetet e Bashkuara të Amerikës dhe Bashkimin Evropian”,tha presidenti Thaçi.

Debatet rreth marrëveshjes përfundimtare ndërmjet Kosovës dhe Serbisë përfshinë edhe dallimet e shfaqura në komunitetin ndërkombëtarë, një pjesë që ka kundërshtuar ndryshimin e kufijve dhe një pjesë tjetër që do të pranojë çdo marrëveshje që nuk destabilizon vendet e Ballkanit.

Drejtori ekzekutiv i Grupit Ballkanik për studimin e politikave, Naim Rashiti në një bisedë me Zërin e Amerikës thotë se procesi i bisedimeve ka vështirësi dhe paqartësi të mëdha për shkak të pritjeve të palëve. Ai thotë se edhe faktori ndërkombëtar ende nuk është i njëzëshëm dhe nuk i ka dhënë mbështetjen e plotë këtij procesi për ta përmbyllur nëpërmjet ndryshimit të kufijve.

“Presidenti Vuçiç ende nuk po mund të artikulojë njohjen e Kosovës si marrëveshje përfundimtare edhe nëse përfshihet ndryshimi i kufijve dhe këtu është problemi kryesor. Ndërsa, në anën tjetër, Prishtina vështirë që do të pranojë diçka pa njohje apo në mënyrë eksplicite të marr ulëse në OKB. Gjithnjë e më shumë po i rekomandohet Prishtinës nga miqtë që të mendojë për njohjen përfundimtare në mënyrë që ky proces të mos zgjatet dhe se dialogu Kosovë-Serbi të mos zgjatet për vite të tëra”,tha zoti Rashiti.

Zoti Rashiti thotë se mundësitë që të mos ketë marrëveshje deri në pranverën e vitit të ardhshëm, afat ky që është caktuar nga pala evropiane për shkak të zgjedhjeve brenda Bashkimit Evropian janë të mëdha. Sipas tij, një marrëveshje duke ndryshuar kufijtë duket shumë e vështirë.

Edhe te çështja e kufijve ka dallime shumë të mëdha në qëndrimet ndërmjet Kosovës e Serbisë, çka do të përfshinte ndryshimi i kufijve, cilat pjesë do të prekte, por ky proces nuk do të jetë i pamundur por shumë i komplikuar dhe do të duhej një besim i madh në mes të Kosovës e Serbisë për të arritur një paqe të tillë, sepse historikisht asnjëherë nuk ka ndodhë”,tha ai.

Ai thotë se qëndrimi ndërkombëtar kundrejt pavarësisë së Kosovës nuk ka ndryshuar, por marrëdhëniet kanë shkuar në një stad tjetër e që lidhet me aftësitë e Kosovës që të arrijë vet marrëveshje me Serbinë.

Një marrëveshje gjithëpërfshirëse për normalizimin e marrëdhënieve ndërmjet Kosovës dhe Serbisë, është kusht për të dyja vendet për integrim në Bashkimin Evropian. Por, ende është e paqartë se çfarë mund të jetë ajo marrëveshje dhe çfarë janë mundësitë për arritjen e shpejtë të saj. Edhe në Beograd edhe në Prishtinë, bartësit e këtyre bisedimeve thonë se kanë pak shpresë për të.

Sulm i armatosur në SHBA

Ne mund të konfirmojmë se ka pasur një sulm të armatosur në zonën midis rrugës Spesutia dhe Perryman Road. Ka shumë viktima”, ka deklaruar sherifi i rajonit Harford

Një numër i madh njerëzish janë qëlluar me armë gjatë një sulmi të armatosur në rajonin Harford, në Maryland të SHBA-ve.

“Ne mund të konfirmojmë se ka pasur një sulm të armatosur në zonën midis rrugës Spesutia dhe Perryman Road. Ka shumë viktima”, ka deklaruar në llogarinë e tij zyrtare Twiter, sherifi i rajonit Harford.

Nga policia konfirmohet se është kryer ndërhyrje, ku banorët përreth janë paralajmëruar që të mos afrohen në vendin e ngjarjes. Harford ndodhet rreth 115 kilometra në verilindje të kryeqytetit Washington.

Eshtrat e Ahmet Krasniqit dhe Qazim Jakupit kthehen në Kosovë

Republika e Kosovës ka pranuar nga shteti i Shqipërisë eshtrat e kolonel Ahmet Krasniqit dhe Qazim Jakupit, të cilët do të rivarrosen nesër në varrezat e dëshmorëve në Prishtinë. Pranim-dorëzimi i trupave u bë sot në pikën kufitare në Vërmicë nën përkujdesjen e Forcës së Sigurisë së Kosovës dhe Policisë së Kosovës, ku me nderime shtetërore arkivolet u futën në Republikën e Kosovës

Familjarë të Ahmet Krasniqit dhe Qazim Jakupit dolën sot në kufi me Shqipërinë ku u bë bartja e eshtrave të më të dashurve të tyre. Bashkë me familjarët, aty dolën edhe deputetë të Kuvendit të Kosovës dhe ministri i FSK-së, Rrustem Berisha.

Kreu i FSK-së me këtë rast tha se është e vështirë të përshkruhet me pak fjalë vepra e Ahmet Krasniqit.

“Është një ditë e veçantë, sepse në mënyrë shtetërore në përcjelljen e FSK-së dhe shtetit shqiptar, po bëhet rivarrimi i tyre me nderimet më te mëdha shtetërore dhe ushtarake…Kam pas rast ta njoh Ahmet Krasniqin në Kroaci, ishte një oficer ushtarak i zoti, profesionist i mirë, organizator i mire dhe rrjedh nga një familje patriotike, prandaj është problem që me pak fjalë të përshkruhet i tëre kontributi i tij për lirinë e Kosovës”, tha ai.

Nesër prej orës 10:00 deri në 12:00 do të ketë homazhe në Parlamentin e Kosovës, në 12:30 do të ketë akademi përkujtimore. Ndërsa në orën 14:00 do të jetë ceremonia e rivarrimit në varrezat e dëshmorëve në Prishtinë.

Ndryshe, kohë më parë Qeveria e Kosovës ka marrë vendimin për kthimin e eshtrave të Qazim Jakupit dhe Ahmet Krasniqit në vendlindje, përcjell Kosovapress. Qazim Jakupi është babai i këngëtares Leonora Jakupi.

Isa Mustafa pret në shtëpi presidentin Meta, dialogu dhe kufijtë temë e diskutimeve

Kryetari i LDK-së, Isa Mustafa sot është takuar me Presidentin e Republikës së Shqipërisë, Ilir Metën. Këtë e ka bërë të ditur vetë Mustafa, i cili përmes një shkrimi në Facebook ka thënë se kanë biseduar për pikëpamjet e LDK-së për dialogun e Kosovës me Serbinë si dhe për temën e ndryshimit të kufijve

Mustafa ka thënë se i ka prezantuar Presidentit Meta pikëpamjet e LDK’së se dialogu i Kosovës me Serbinë duhet të jetë forma e vetme e normalizimit të raporteve, por se ky dialog duhet të vazhdojë me institucione që kanë legjitimitet, ndërsa e tërë kjo mund ntë ndodh pas zgjedhjeve të reja në vend.

“Presidentit Meta i prezantova pikëpamjet e LDK-së se dialogu ndërmjet Republikës së Kosovës dhe Serbisë duhet të jetë forma e vetme e normalizimit të raporteve, por se dialogu duhet të vazhdoj me institucione që kanë legjitimitet të konfirmuar nga zgjedhjet e parakohshme dhe të lira”, ka shkruar Mustafa.

Ai ka thënë se në këtë takim me Metën kanë biseduar edhe për ndryshimin e kufijve, çështje e cila sipas Mustafës është e papranueshme dhe e rrezikshme.

“I ri konfimova Presidentit Meta pozicionin e paluhatshëm të LDK-së se hapja e temës së ndryshimit të kufijve është e papranueshme dhe e rrezikshme, sepse kjo e rihapë temën e mbyllur me deklarimin e Pavarësisë dhe se diskutimi i kufijve është në kundërshtim me Kushtetutën e Kosovës”, ka theksuar Mustafa.

Po ashtu, Mustafa ka shdrytëzuar këtë takim për të iu falenderuar Metës për interesimin e tij të vazhdueshëm në procesin e rehabilitimit të tij shëndetësor.

Thaçi kërcënon Gjykatën Kushtetuese dhe rendin kushtetues me një pyetje djallëzore

Në një dokument që e ka siguruar Gazeta Express, Presidenti Thaçi i ka dërguar një pyetje Gjykatës Kushtetuese, me anë të së cilës i ka kërkuar këtij institucioni që t’ia heqë qafe Kuvendin për marrëveshjet që ai mund t’i arrijë në të ardhmen me faktorët e jashtëm: qoftë me Brukselin, qoftë me Serbinë. Në këtë mënyrë, Presidenti po përpiqet t’i hapë rrugë projektit të tij famëkeq për ndarjen e Kosovës

Presidenti Hashim Thaçi, duke e parë që nuk po arrin të sigurojë mbështetjen e partive politike për fazën finale të dialogut me Serbinë, po përpiqet të gjejë mënyra tjera për t’u paraqitur si faktor vendimmarrës para Mogherinit e Vuçiqit në negociatat e Brukselit.

Shefi i Shtetit, fazën finale të dialogut po provon ta përmbyllë i vetëm, duke e anashkaluar Kuvendin e Kosovës, dhe vetëm me një firmë të tij ta finalizojë marrëveshjen me Beogradin. Për këtë, ai ka vendosur ta kontaktojë Gjykatën Kushtetuese të Kosovës, duke e sfiduar që ta interpretojë nenin 18 të Kushtetutës së Kosovës, respektivisht pjesën e cila ka të bëjë me ratifikimin e marrëveshjeve ndërkombëtare.

Gazeta Express ka siguruar dokumentin-kërkesën që Presidenti Thaçi e ka dërguar në adresë të Gjykatës Kushtetuese në fillim të këtij muaji ku ka pyetur se a konsiderohen të ratifikuara marrëveshjet ndërkombëtare që nënshkruhen nga Presidenti, pa i çuar fare në Kuvend dhe pa miratimin e deputetëve me 2/3 e votave.

Për këtë ai ka gjetur një zhvillim në raportet Kosovë–BE respektivisht vazhdimin e mandatit të misionit të EULEX’it që tradicionalisht realizohet me këmbimin e letrave ndërmjet Presidentit dhe Përfaqësueses së Lartë të BE’së.

“Në rastin konkret, në mënyre që t’i mundësohet Presidentit të ndërmarrë hapat e mëtejmë, kërkohet interpretimi i nenit 18 të Kushtetutës, në atë mënyrë që të qartësohet kjo dispozitë kushtetuese se Letrat e shkëmbimit të vitit 2018 në mes të Presidentit dhe Përfaqësues së lartë të Bashkimit Europian për Punë të Jashtme të Politika të Sigurisë. A ka nevojë të ratifikohen nga Kuvendi I Republikës së Kosovës apo ratifikohen pas nënshkrimit nga Presidenti”, shkruan Presidenti në kërkesë.

Javëve të fundit, kreu i shtetit po angazhohet fort për arritjen e një marrëveshjeje me Serbinë nëpërmjet shkëmbimin e territoreve, pa elaboruar asgjë. Ai madje ka shmangur fjalën shkëmbim, duke thënë se Kosovës do t’i bashkëngjitet Lugina e Preshevës.

E, neni 18 i Kushtetutës së Kosovës adreson pikërisht edhe çështjen e territorit, paqen aleancat, çështjet politike dhe ushtarake, anëtarësimin e Republikës së Kosovës në organizata ndërkombëtare.

Ndërkaq, territori duket se është “fusha” ku Presidenti dëshiron të manovrojë duke siguruar të drejtën që vetëm më nënshkrimin e tij ta fusë në fuqi marrëveshjen Kosovë-Serbi, që ai po synon të arrijë, me anë të këmbimit të territoreve.

Kërkesa e Presidentit të Kosovës për interpretimin e nenit 18 u është dërguar edhe deputetëve të Kuvendit të Kosovës, të cilët kanë të drejtë t’i japin komentet e tyre jo më vonë se më 28 shtator. Deputetëve atë ua ka shpërndarë, sipas rregullit, Kryparlamentari Veseli pas një letre që ia ka dërguar Kryetarja e Gjykatës Kushtetuese, Arta Rama-Hajrizi.

Serbia në panik: Kryeministri i Kroacisë Plenkoviç do të zëvendësoj Federica Mogherinin

Lajm i keq për Serbinë, Kryeministri kroat Andrej Plenković, mund të zëvendësojë Federica Mogherinin. Zagrebi ka përgatitur një kurth djallëzor për Beogradin në rrugën e saj drejt Bashkimit Evropian, shkruajn në panik mediat serbe

Sipas javores së Zagrebit Globus, Plenkovic synon të bëhet Përfaqësues i Lartë i BE-së për Politikë të Jashtme dhe të Sigurisë, për shkak të faktit se Mogherini tha se pas skadimit të mandatit të 2019 nuk ka në plane të kandidojë përsëri.

Në qoftë se shkon gjithëçka sipas planit, dialogu mes Beogradit dhe Prishtinës vitin e ardhshëm mund të udhëheqë vetëm Plenkovic, i cili nuk e fsheh mbështetjen për shqiptarët.

Në të njëjtën kohë, udhëheqja aktuale e Brukselit kërkonë për të rregolluar marrëdhëniet mes Serbinë dhe Kroacisë, dhe veçanërisht me Plenkovic, i cili në çdo mënyrë ka kërkuar që Serbia nuk mund të hyjë në BE pa i zgjidhur shumë probleme.

“Rruga e Serbisë drejt BE-së shkon përmes Zagrebit dhe duhet zgjidhur shumë çështje të grumbulluara”, tha Plenkoviç në parlament.

PDK nis zgjedhjet: A do të ketë guxim dikush ta sfidojë Veselin?

PDK ka nisur procesin e brendshëm zgjedhor. Kuvendet e para, sipas zyrtarëve, do të nisin nga muaji i ardhshëm, por kjo parti nuk ka një afat kohor për konventën zgjedhore, kur përcaktohet për kreun e partisë. Në PDK gara për kryetar zakonisht është në korniza të formalitetit: që nga krijimi i saj, zgjedhjet mbahen me një kandidat për kryetar. Si Thaçi dikur, e tash Veseli, s’kanë pasur shanse të tjera pos të zgjidhen. Megjithatë, a do të mund të paramendohet në PDK një kundërshtar i Veselit në këto zgjedhje

Kreu i PDK-së, Kadri Veseli, të mërkurën njoftoi se janë mbledhur Këshilli Drejtues i partisë për t’u përgatitur për zgjedhjet e brendshme. PDK nuk shquhet për garë a konkurrencë të brendshme. Në asnjë kuvend zgjedhor të kësaj partie demokratike, nuk ka pasur dy kandidatë për kryetar.

Nënkryetari i PDK’së, Memli Kransiqi ka thënë për Gazetën Express së nuk është shfaqur ndonjë kandidat për kryetar meqë akoma nuk është hapur kandidatura. “Ende nuk ka asnjë kandidature zyrtare, meqë nuk janë hapur afatet e kandidimit”, ka thënë Krasniqi.

Pritet që kandidat, ndoshta i vetëm, të jëtë kryetari i tanishëm, Kadri Veseli. Këto zgjedhje gjejnë PDK’në të përgjysmuar me numrin e deputetëve dhe të komunave, por për këtë gishti nuk drejtohet kah Veseli. Ajo tanimë ka vetëm 23 deputetë e pesë komuna.

Menjëherë pas zgjedhjeve lokale, në nëntor të vitit të kaluar, zyrtarë të PDK’së kishin paralajmëruar se do të mbanin zgjedhje të brendshme, por këto nuk do të ishin si rezultat i pakënaqësisë për humbjen e madhe të partisë.

Në zgjedhjet e para të PDK’së me në krye Veselin, në qendroret dhe ato lokalet, partia u përgjysmua në numrin e deputetëve dhe të komunave. Për kompromise që nuk do ta nxirrnin krejt jashtë lojës, dorëzoi kandidaturën për kryeministër më pas edhe bastionin e PDK’së Skenderajn, duke mos vendosur kandidat për kryetar.

Edhe Krasniqi ka treguar se ka nisur procesi zgjedhor për zgjedhje të brendshme, mirëpo dita se kur PDK do të ketë kryetarin e ri, ose kryetarin e vjetër me mandat të ri, varet nga dinamika e këtij procesi.

“Procesi i brendshëm zgjedhor në PDK tashmë ka filluar dhe presim që Kuvendet e para zgjedhore në nivel te nëndegëve të mbahen që ne fillim të muajit tetor”, ka thënë nëkryetari i PDK’së, që po ashtu është shefi i Grupit Parlamentar të kësaj partie.

“Për ne është e rëndësishme që procesi të rrjedhë në mënyrën më të mirë të mundshme, në pajtim me Statutin e partisë dhe rregulloret tona të brendshme, ndërsa përfundimi i procesit, pra data e mbajtjes se Konventës Zgjedhore, do të varet edhe nga dinamika e përfundimit të procesit zgjedhor në nivel të degëve tona”, ka shtuar ai.

Veselit iu trashëgua posti i kryetarit, e bashkë me të edhe gjendja e partisë, që më nuk do të ishte në shkëlqimin e saj.

Thaçi ishte i pakonkurrencë në krye të partisë që doli nga lufta. Njësoj edhe Veseli, i cili pati rrugën krejt të hapur në PDK, që nga dita kur vendosi të bëhej zyrtarisht pjesë e kësaj partie. Veseli hyri për të qenë i pari i partisë.

Rezervimi i pozitës së presidentit për Thaçin bëri që Veseli të kalonte nga figura e mitizuar e kësaj partie në zyrtar të PDK’së në vitin 2013 si nënkryetar, për të vazhduar më tej si kryetar i Kuvendit e edhe i PDK’së.

Ndërsa Thaçi kishte ‘eliminuar’ nga partia figurat e pabindura të partisë. Derisa po udhëhiqte partisë, asaj iu larguan dy nga figurat kryesore Jakup Krasniqi dhe Fatmir Limaj. /Express/

Kisha Katolike e Kosovës del kundër ndryshimit të kufijve

Drejtuesi i Kishës Katolike në Republikën e Kosovës, Don Lush Gjergji, ka dalë hapur kundër idesë për lëvizje të kufijve ndërmjet Kosovës dhe Serbisë, që u propozua nga presidenti Hashim Thaçi dhe Aleksandër Vuçiq si zgjidhje përfundimtare ndërmjet dy vendeve

Gjergji në një intervistë për mediumin italian ‘Agensir.it’, ka thënë se serbët dhe shqiptarët duhet të pajtohen me situatën aktuale në Kosovë dhe Serbi, pasi sipas tij prekja e kufijve do të shkaktonte një reaksion zingjiror në Ballkan.

Përfaqësuesi i Kishës Katolike e thotë prerë kufijtë nuk duhet të prekën në asnjë mënyrë.“Kufijtë e të gjitha vendeve të Ballkanit janë rezultat i zgjidhjeve të negociuara për kompromis. Megjithatë, unë besoj fuqimisht se kufijtë nuk duhet të ndryshohen, sepse një vendim i tillë do të shkaktonte një reaksion zinxhiror të pafund. Kombet-Shtetet pa komb ose fe nuk ekzistojnë më”, është shprehur drejtuesi i Kishës Katolike në Kosovë, transmeton Gazeta Express.

Ai thotë që shqiptarët që jetojnë në Republikën e Serbisë duhet t’i kenë të drejtat e njëjta me serbët që jetojnë në Republikën e Kosovës.

“Në të vërtetë, popullit serb duhet t’u jepet mundësia për të gëzuar një autonomi më të madhe dhe pakica shqiptare në Serbi duhet të gëzojë të njëjtat të drejta dhe detyra si pjesa tjetër e popullsisë. Para bashkimit të territoreve është e nevojshme të bashkohen zemrat dhe mendjet e njerëzve. Vetëm atëherë kufijtë do të bëhen simbolikë”, ka thënë Gjergji.

Sipas tij është punuar mjaft shumë për të zbutur tensionet mes etnive të ndryshme, megjithatë ai thotë se ka ende vend për shqetësim.

Kundër kësaj ideje kanë dalë edhe shumë shtete përkrahëse të Kosovës dhe gjithashtu edhe diplomatë të ndryshëm të BE-së. Edhe klasa politik kosovare është kundër, ndërkohë i vetmi që vazhdon ta promovojë idenë e ndryshimit të kufijve është presidenti Hashim Thaçi.

KFOR-i gjerman nga Prizreni zhvendoset në Prishtinë

Komandanti i Kontingjentit Gjerman të KFOR-it, nënkolonel Eric Offermann, ka bërë të ditur se ky kontingjent do të largohet së shpejti zyrtarisht nga Prizreni dhe deri në fund të këtij viti do të zhvendoset në Prishtinë ku do të vazhdojë të japë kontributin për një ambient të sigurt dhe të qetë në Kosovë

Ushtarët gjermanë në kuadër të Ekipit Këshillues dhe Ndërlidhës të NATO-s (NALT), këshillojnë Forcën e Sigurisë së Kosovës dhe i përkrahin ata në zhvillimin e saj, në proceset e brendshme dhe në bashkëpunimin me autoritete civile, thuhet në një komunikatë për media të KFOR-it.

Offermann falënderoi qytetarët e Kosovës në emër të të gjithë ushtarëve gjermanë, të cilët kanë shërbyer në Prizren që nga viti 1999. Ai theksoi me këtë rast veçanërisht mikpritjen, bashkëpunimin dhe përkrahjen pa rezervë.

jemi krenarë me të arriturat, të cilat kemi mundur t‘i arrijmë vetëm së bashku me popullatën vendase. Qyteti i Prizrenit shumë ushtarëve gjermanë do t’u mbetet gjithmonë në kujtimet më të mira. Ju uroj gjithë të mirat për të ardhmen“, tha nënkolonel Dr. Eric Offermann.