A do detyrohet Serbia të tregojë vendndodhjen e të pagjeturve

Qeveria e Kosovës është e bindur se Serbia do të detyrohet që të tregojë për vendndodhjen e personave të pagjetur. Në këtë proces thotë se do të ndihmojë edhe zotimi i liderëve evropianë dhe atyre të Ballkanit Perëndimor që e bënë javën e kaluar në Samitin e Londrës, raporton KTV

Qeveria e Kosovës do të bëjë gjithçka për zbardhjen e fatit të njerëzve të pagjetur. Ky ka qenë zotimi i këshilltarit të kryeministrit Ramush Haradinaj, Jahja Lluka, i cili para anëtarëve të Komisionit Qeveritar për Persona të Pagjetur ka treguar për pjesëmarrjen e Kosovës në Samitin e Londrës.

Lluka u ka thënë atyre se liderët evropianë dhe ata të Ballkanit Perëndimor janë zotuar në përshpejtimin e zbardhjes së fatit të personave të pagjetur. Ai ka theksuar se Serbia do të ketë detyrim për të dhënë informacione, për të pagjeturit, pasi adresa e kryerësve është në Beograd.

Lluka ka thënë se krimi nuk plaket dhe të gjithë ata që kanë bërë krime një ditë do të dalin para drejtësisë. Ndërkohë, është prezantuar edhe puna e Grupit Punues, për procesin e i inventarizimit të sendeve dhe veshjeve të personave që janë gjetur në varrezat masive në Serbi.

Gjetjet e këtij procesi do të krahasohen me listën e pranuar nga Komisioni Qeveritar i Serbisë, me ç’rast do të përpilohet një raport krahasues me konkluzionet e gjetjeve. Ky raport krahasues, sipas Qeverisë, duhet të jetë i gatshëm deri në fund të vitit.

“Hajde bac, hajde” – komunikimi mes pjesëtarëve të delegacionit kosovar në prani të Mogherinit

Në prag të takimit me Federica Mogherinin, delegacioni kosovar që udhëtoi në Bruksel të martën realizoi një fotografi me përfaqësuesen e lartë të Bashkimit Evropian

Para se të zinin vendet për fotografinë e përbashkët, disa nga anëtarët e delegacionit kosovar ngurruan të dilnin në pjesën ku po qëndronte Mogherini. E në këtë situatë filloi një komunikim i pazakontë mes tyre; një komunikim jozyrtar me nofka.

Kryeparlamentari Kadri Veseli e ftonte Behgjet Pacollin që t’i bashkohej atij dhe Mogherinit në podium, teksa i drejtohej atij si “bac”.

“Hajde bac! Hajde bac hajde”, i thoshte Kadri Veseli, ministrit të Jashtëm Behgjet Pacollit në prani të Mogherinit, raporton Insajderi.

Ndërkaq, presidenti Thaçi i drejtohej delegacionit kosovar ku bën pjesë edhe ai vet, si: “Kosovo Family” dhe i ftonte ata për të realizuar një fotografi duke thënë: “Hajde Family”.

Në anën tjetër, kryeministri Ramush Haradinaj ishte fiksuar pas një simboli të flamurit kosovar që e mbante në uniformën e tij. Këtë simbol, ai ia tregoi fillimisht Mogherinit.

“Më lë që ta fokusoj flamurin e Kosovës”, i tha Haradinaj, Mogherinit. Derisa pas realizimit të fotografisë, Haradinaj tha se herën tjetër do ta merrte një flamur të vogël të Kosovës për ta mbajtur në duar.

I gjithë ky bashkëbisedim mes pjesëtarëve të delegacionit kosovar dhe Federica Mogherinit është inçizuar nga kamera e Zërit të Amerikës, pak para se të fillonte takimi mes dy palëve.

Vjosa Osmani: LDK, VV e PSD të bashkohen për rrëzimin e Qeverisë Haradinaj

Deputetja e Lidhjes Demokratike të Kosovës (LDK), Vjosa Osmani ka theksuar se duhet një bashkëpunim dhe bashkërendim i angazhimeve të partive opozitare për ta rrëzuar Qeverinë Haradinaj

Osmani në një intervistë për Telegrafin ka thënë se Grupi Parlamentar i LDK-së i ka 27 vota të gatshme për ta votuar mocionin për rrëzimin e ekzekutivit aktual, të cilat, sipas saj, janë mbledhur para një muaji.

“Unë mendoj që partitë opozitare në vend që të përplasen për çështje triviale dhe teknike, do të duhej të ulen seriozisht dhe te bashkëpunojnë, madje jo vetëm në çështje te mocionit, por të ndërtojnë një kulturë të bashkëpunimit dhe bashkërendimi edhe për çështje tjera edhe për seanca”, ka shtuar ai.

Sipas saj, opozita nuk llogarit në votat e Listës Serbe, dhe po tentojnë të ndërtojnë një marrëveshje me partitë shqiptare në opozitë, duke shtuar se “jemi në diskutim edhe me deputetët e pushtetit për t’i bërë numrat”.

“Nëse i bëjmë llogaritë, atëherë e shohim se LDK i ka 27 vota, Lëvizja Vetëvendosje 19 dhe PSD 12, e që i bie se nuk janë të mjaftueshme për ta rrëzuar Qeverinë. Por, presim votat e disa deputetëve të pozitës, të ndihmojnë ta rrëzojmë Qeverinë”, ka shtuar Osmani.

Thirrja tinëzare e Thaçit për tu fotografuar edhe zv/kryeministrat në Bruksel

Përfaqësuesit më të lartë të Kosovës, në krye me presidentin Hashim Thaçin, kryeministrin Ramush Haradinaj dhe kryeparlamentarin Kadri Veseli, janë takuar sot me përfaqësuesen e lartë për Politikë të Jashtme të Bashkimit Evropian, Federica Mogherini, raporton Insajderi

Në takimin e tyre temë diskutimi ka qenë faza finale e dialogut mes Kosovës dhe Serbisë. Para takimit Mogherni ka ftuar liderët kosovarë që ta bëjnë një fotografi të përbashkët ashtu siç ndodhë zakonisht.

Kosova ka qenë e përfaqësuar nga gjashtë zyrtarët e lartë të saj, teksa duket për të bërë fotografi kanë hezituar disa prej tyre.

Presidenti Thaçi ka insistuar që në fotografi të dalin së bashku edhe zv/kryeministrat, Behgjet Pacollin, Fatmir Limajn dhe Dardan Gashin.

Gjithsesi dëshirën Thaçit dhe Mogherinit ia kanë plotësuar zv/kryeministrat e Kosovës. Pacolli dhe Gashi i janë bashkuar krahut të Thaçit, ndërsa Limaj në krahun tjetër me Haradinajn dhe Veselin./Insajderi.com

Vjen nga gyrbeti dhe ia merr jetën vetes – familjarët tregojnë tmerrin

Para dy ditëve, bashkë me familjen, kishte marrë rrugën nga Austria për në Kosovë. Por, me të ardhur në vendlindje, 27-vjeçari, Arlind Dudi, ia mori jetën vetes. Familja thonë se janë të shokuar nga ky rast dhe se nuk i dinë motivet e kësaj ngjarjeje. Tregojnë se i biri muaj më parë kishte qenë duke përdorur terapi kundër depresionit. Babai i të ndjerit, Agimi, për Express ka dhënë detaje nga kjo ngjarje e rëndë. Këtë rast policia e Kosovës po e konsideron si ‘vdekje e dyshimtë’

Arlindi, 27- vjeçar kishte vite që jetonte ne Austri me familje. Por, para dy ditëve ai bashkë me prindërit, mori rrugë nga Austria për në Kosovë ku kishin vendosur që t’i kalonin pushimet e verës. Por, pushimet e familjes Dudi nga fshati Llaushë, komuna e Podujevës, nuk zgjatën shumë. Pushimi, kësaj familjeje, iu kthye në tragjedi. Djali i madh, Arlindi, e mbyti veten në oborrin e shtëpisë në vendlindje.

Gazeta Express, gjatë ditës së sotme ka qëndruar në shtëpinë e viktimës. Babai i Arlindit të ndjerë, Agimi, ka dhënë detaje të dhimbshme për këtë rast.

Ai shpjegon se si ndodhi e gjithë ngjarja.

“Na gjithë ditë dje kemi qëndruar këtu me Arlindin. Ne si gurbetqar që jemi u mundojsha me i tregu pak për qytetin edhe vendin këtu me e njoftu me njerëz. Si ndodhi, nuk e dimë as ne, është e papritur e pabesueshme”, rrëfen babi i të ndjerit. Agimi tregon se i biri i tij ditëve të fundit ka qenë pak i mbyllur. Por thotë se asnjëherë nuk kanë besuar që Arlindi do ta kryente një veprim të tillë.

“Ditëve të fundit ka qenë disi si i mbyllët. Por për këtë rast nuk ka qenë. Nuk e kam besu që kështu bën. I thosha Arlind për çdo problem flit me babin, sepse ka zgjidhje. Nuk kam mujtë me vërejte që shkon në atë ekstrem. Ne para dy ditëve nga Austria kemi ardhur për në Kosovë”, thotë prindi i tashmë të ndjerit.

Ai tutje rrëfen se gjatë gjithë ditës së djeshme deri në orët e pasdites kanë qenë duke shëtitur në qytetin e Podujevës bashkë me të birin. “Pardje ne kemi ardhë në Kosovë. Unë e Arlindi dje gjatë gjithë ditës jemi shëtitur në qytet bashkë me nipa”, thotë Agimi.

Babi i Arlindin shpjegon momentin kur e pa në tokë pa shenja jete të birin e tij 27-vjecar,
“Në momentin kur ndodhi akti, ne ishim në dhomë me motra duke bisedua. Arlindi në korridor e pash po sillet, por me vërejte diçka te ai shqetësuese as që e kam menduar. Veç kur e kemi dëgjuar një armë. Kur dolëm e pamë aj veç kish qenë shtritë. Nuk di as vet qysh e ka gjetur armën a ku e ka marrë”.

Por nga familja e të ndjerit i japin edhe disa detaje për 27-vjeçin i cili dje me armë zjarri i mori jetën vetës në oborrin e shtëpisë në Llaushë të Podujevës. “Djali ka qenë pak depresiv. Që 5-6 muaj ka qenë duke përdorë terapi kundër depresionit. Ka qëndru në spital atje dy herë ka tri javë. Vetëm dy minuta mu largua nga sytë djali dhe ndodhi kjo”, thotë prindi i të njërit.

Trupit të pa jetë të Arlind çudit i është bërë obduksioni. Ai do të varroset sot në ora 19:00 në varrezat e fshatit Llaushë. Ndërkohë policia rajonale në Podujevë këtë rast po e cilëson si vdekje të dyshimtë. Komandanti i stacionit të policisë në Podujeve, Bekim Bislimi sqaroi për Gazetën Express se se po i vazhdojnë hetimet për këtë rast.

“Mbrëmë rreth orës 18:00 informatën për një incident në fshatin Llaushë, respektivisht për të shtëna me armë. Me të arritur në vendin e ngjarjes kemi konstatu që kemi të bëjmë me një viktimë. Ka ardh emergjenca, është trajtuar viktima, mirëpo si rezultat i të shtënave me armë viktima ka ndërruar jetë. Prokurori këtë rast e ka konstatuar si ‘vdekje të dyshimtë’”, thonë nga Policia./GazetaExpress/

Kusari-Lila ironizon me liderët e Kosovës, që gjenden në Bruksel: A u lodhët burra?

Kryetarja e Alternativës dhe deputetja Mimoza Kusari-Lila ka ironizuar me faktin se në Bruksel kanë udhëtuar të gjithë krerët institucionalë e që janë burra

Kusari-Lila, përmes një postimi në Facebook, rekomandimin pozitiv për Kosovën, e sheh si të vonuar, ndërsa përgjegjës i bëri krerët e institucioneve që ishin të pranishëm në këtë takim, përfshirë edhe kryetarin e saj të dikurshëm, Behgjet Pacollin që sot është ministër i Punëve të Jashtme dhe zëvendëskryeministër.

Postimi i Mimoza Kusari-Lilës:

“A u lodhët burra?” i paska pyetur Përfaqësuesja e lartë e BE-së krerët e shtetit, të cilët ishin paketuar për të marrë haberin e vonuar tre vite, për të cilin shumica kanë përgjegjësi direkte për këtë vonesë dhe këtë izolim të rëndë të qytetarëve të Kosovës.

Sot për të treguar që kemi pesë Kryeministra, pesë qeveri dhe pesë vilajete të ndara me zona të interesit, të një shteti të vogël dhe të varfër, kemi gjashtë përfaqësues para një gruaje të BE-së.

Këta gjashtë burra duke mos dashtë të kenë asnjë grua në “foton historike” folën më shumë se që menduan dhe na treguan se ku jemi.

Në notë pozitive, Me rëndësi rekomandimi i Komisionit është pozitiv, ndërsa i mbetet Parlamentit Evropian dhe këshillit të ministrave të sjellin vendimin e fundit për liberalizimin e lëvizjes së Kosovarëve.

Mos të harrojmë, në një ditë me këtë lajm, ndodhi edhe një takim pa konsenzus të brendshëm në Kosovë, Thaçi – Vuçiç, si një mesazh i qartë për Kosovarët se procesi i mëtutjeshëm për liberalizimin e vizave do të lidhet për Kosovarët me procesin e dialogut me Serbinë. Për hajër Burra se fet e keni bo!”, ka shkruar Kusari-Lila.

Kam ardh në këtë përfundim pas 11 viteve pune shkemcore

Mos paragjykoni se “Swastika” nuk është diçka e kohës, po është simboli më i lashtë i njerëzimit dhe ende askush nuk ka dhënë një shpjegim përfundimtar dhe kuptimi i këtij simboli duhet të zbërthehet, kuptimi mund të bëhet vetëm përmes gjuhës shqipe

— Ptolomeu është i pari dhe i fundit i kësaj epoke që ekzistojnë shkrimet, i cili ka pas dije të madhe për Astronominë e Astrologjinë, i cili atë dije e ka mësue nga librat e lashtë të civilizimit pellazg… Ptolomeu librat që ka shkrue i ka lënë në gjuhën e shkrimin ilirisht dhe ende askush s’ka mujtë me i skjarue deri në kohën e sotme.

— Si planeta Tokë ashtu edhe i gjithë univerzi lëvizin në rreth 360 shkallë dhe nga këtu edhe e ka kuptimin -Swastika–

— Shpjegimi imë për simbolin e “Swatikës” si simbol i pellazgëve, në kohën kur pellazgët ishin me një civilizim kulminant të shkencës, artit e kulturës, besimi i tyre ishte në 12 zotna e Zoti i zotnave për planetin Tokë ishte Zeusi. Kur dy shkronja “Z” lidhen del “Swastika”.

— Në Olimp rrinte Zeusi e a është rastësi apo jo, këtë do ta vërtetoi koha, por shenja që kërkohet për me mbrri te Qyteti i Shejtë – ” një nga 8 qytetet e Trojes, kërkohet shkronja “Z” dhe saktësisht në Olimp me Google Earth kam gjetë po atë shkronjë “Z” në vitin 2012, i ka fshi NASA.

— Shkronja “Z” Zeusi Zoti i zotnave në Olimp sot Luboteni. N♪7 Olimp – Luboten, herë pas here shfaqet një objekt si satelit dhe vetëm mbi këtë maje mali

— S’ka asgjë rastësisht dikush i kupton më hetet fenomenet,misteret, dikush më vonë, dikush kurrrr.

— Olimpi ishte te Troja aty ku Zeusi lëshonte rrufetë e Olimpi është prap aty ku ishte se s’ka mujtë askush me e hjekë përkundër asaj që na kanë shpërngulë prej një vendi në një vend tjetër. Lumi një ditë këthehet prap në shtratin e vetë

– Zeusi me plis ma vonë te ilirët, ma vonë te shqiptarët u quajt Zojsi mandej Je Zeusi, sot “Jezusi”. A ne shqiptarët i themi ZOTI- ZANI, tingulli, se askush se ka pa deri më sot Zotin, por të gjithë profetëve ju ka ardhë si ZA, tingull.

/s.p/–12.12.2016.-Dardani-Prishtinë

Trump: Shqiptarët, të fortë dhe agresivë, mund të “ndezin” Luftën e Tretë Botërore (video)

Shqiptarët janë njerëz shumë të fortë dhe shumë agresivë. Ata mund të nevrikosen dhe Urime! Jemi në Luftën e Tretë Botërore

Kështu u shpreh presidenti amerikan Donald Trump, në një emision të dhënë për gazetarin Tucker Carlson, në Fox News, një ditë më parë. Këto deklarata Trump i bëri në përgjigje të pyetjes së gazetarit se pse amerikanët duhet të luftojnë për të mbrojtur Shqipërinë, apo Malin e Zi.

Intervista e Trump për Fox News erdhi pak ditë pas Samitit të NATO-s dhe takimit me presidentin rus Vladimir Putin, në Helsinki. Trump i komentoi si mjaft të suksesshme këto dy takime, duke theksuar se vetëm falë këmbënguljes së tij, tashmë të gjithë vendett anëtare po kontribuojnë më shumë për NATO-n dhe se organizata tashmë ka rreth 44 miliardë dollarë më shumë në buxhet.

Presidenti amerikan shigjetoi jo vetëm aleatët, që ia kanë lënë Shteteve të Bashkuara gjithë barrën e shpenzimeve për mbrojtjen, por edhe traktatet që i konsideron të padrejta.

Trump ka folur edhe nëse SHBA do të hynte në luftë për të mbrojtur Malin e Zi.

Ndërkohë gazetari i përmend edhe Shqipërinë.

Gazetari Tucker Carlson: Të qenit pjesë e NATO-s detyron të gjithë anëtarët të mbrojnë çdo pjesëtar tjetër nga sulmet. Për shembull, nëse sulmohet Mali i Zi që u anëtarësua vitin e kaluar, pse im bir duhet të shkojë në mbrojtje të këtij vendi?

Presidenti i SHBA, Donald Trump: Po thoni atë që thashë unë, Mali i Zi është një vend i vogël me njerëz shumë të fortë.

Gazetari Tucker Carlson: Jo vetëm Mali i Zi, ndoshta Shqipëria.

Presidenti i SHBA, Donald Trump: Meqë ra fjala… edhe ata janë shumë të fortë, agresivë. Mund të nxehen dhe urime, jemi në luftën e tretë botërore.

Parashikimi i gjeologëve: Toka ka hyrë në një epokë të veçantë…

Historia zyrtare e tokës ka një kapitull të ri dhe ne jemi pjesë e tij. Gjeologët kanë klasifikuar 4200 vitet e fundit si një epokë e veçantë në historinë e planetit tonë, raporton TCH

Ata po e quajnë këtë epokën Megalajane, fillimi i të cilës është shënuar nga një super thatësirë që shfarosi një numër civilizimesh në mbarë botën. Karta Ndërkombëtare Kronostratigrafike, diagrama e famshme që mban evoluimin e historisë së tokës, duhet tani të rinovohet. Gjeologët e ndajnë ekzistencën 4.6 miliardë vjetëshe të tokës në periudha kohore.

Secila periudhë korrespondon me ngjarje domethënëse si ndarja e kontinenteve, ndryshimet dramatike të klimës e madje edhe emergjenca e llojeve të veçanta të kafshëve apo bimëve. Ne aktualisht jetojmë në atë që quhet holocenit, që reflekton gjithçka ka ndodhur gjatë 11 700 viteve të shkuara, që kur një ngrohje dramatike e klimës na nxorri nga epoka e akullit.

Por, vetë holoceniti mund të nënndahet, sipas Komisionit Ndërkombëtar të Stratigrafisë, që është regjistruesi zyrtar i kohës gjeologjike dhe që ka propozuar tre faza për të nominuar fazat e hershme, të mesme dhe të vonë të epokës. Të gjitha këto faza i referohen ngjarjeve të rëndësishme klimaterike. Megalajan, faza më e fundit, nis nga 4200 vite më parë deri në 1950. Ajo nisi me një thatësirë shkatërrimtare, pasojat e të cilës zgjatën për dy shekuj dhe goditi rëndë civilizimet në Egjipt, Greqi, Siri, Palestinë, Mesopotami, Luginën Indu dhe atë të lumit Jangce.

Ajo u shkaktua nga ndryshime në qarkullimin e oqeanit dhe atë atmosferik. Epoka Megalajane është unike mes shumë intervaleve të shkallës gjeologjike dhe fillimi i saj koincidon me një event kulturor global të shkaktuar nga një event klimaterik global. Faza e mesme e Holocenit do të quhet Northgripian dhe daton nga 8300 vite më parë deri në nisjen e asaj Megalajane. Ndërsa faza më e hershme e Holocenit, dalja nga epoka e akullit, do të njihet si Greenlandian.

A do jetë ministri Bedri Hamza shkaktari i rrëzimit të Ramushit nga pushteti?

Kryekuvendari Kadri Veseli ditë më parë në seancën plenare la të kuptohet se ka qëndruar prapa rrëzimit të qeverisë “Mustafa” në mocionin e ngritur atë kohë nga opozitarët Vetëvendosje, AAK, NISMA, kur tha se “unë kur kam dashtë e kam provu dhe e kam kry”, duke ju përgjigjur opozitës se qeveria “Haradinaj” duhet të rrëzohet pasi është e pakicës

Përmes këtij deklarimi Veseli sikur kërcënoi qeverinë e Ramushit se mund ta rrëzoi edhe atë nëse ndërmerr veprime kokë në vete. Dhe një veprim të tillë e ka ndërmarrë Haradinaj tashmë. Fjala është për ngritjen e pagave për krerët e shtetit, vendim që u kundërshtua fuqishëm nga ministri i Financave, Bedri Hamza që vije nga PDK i cili edhe ka refuzuar ta marrë pagën me rritje.

Kjo gjë acaroi tej mase Haradinajt që ka nisur një luftë të brendshme me Hamzën, për të cilin tha se nuk është treguar burrë i mirë, ndërsa ja kujtoi pagën që ka marrë si drejtori i Bankës Qendrore të Kosovës (BQK).

Së fundmi Haradinaj i dërgoi një selam jo vetëm Hamzës por edhe “shefave” të tij. “Asnjë ministër s’më më kallëzon mu çka me bo. As Bedri Hamza as kërkush. 4 mijë euro e ka pas pagën në BQK, mos të shet mend. As Kadria e as Hashimi s’mund të më tregojnë çka me bo nëpërmjet ministrave”, deklaroi Haradinaj në nj emision në “Tribuna Channel”.

Duke qenë se Hamza është njeriu që ka kuletën e shtetit dhe mund t’i shkaktojë telashe të radhës Haradinajt, shtrohet pyetja nëse ai do jetë “xhokeri” i Veselit për ta rrëzuar ngadalë nga pushteti Ramushin?

Kjo mund të ndodhë lehtë pasi që Hamza nuk do ketë më fare problem ballafaqimin me “shefin” e tij formal Haradinajn, ndërsa në anën tjetër mund të kryejë me përpikëri detyrat eventuale që mund t’ia japë “shefi” i vërtetë Veseli.

Dhe padyshim se deklarata e Ramushit se “as Kadria e as Hashimi s’mund të më tregojnë çka me bo” mund të jetë një shtytje që PDK ngadalë të vërsulet nga Haradinaj dhe t’ia bëjë opozitarin duke e kritikuar për vendime jo të duhura që dëmtojnë shtetin siç është rasti me rritjen e pagave.

Për të kuptuar nëse sadopak kanë nervozuar Veselin deklarata e Haradinajt duhet pritur reagimin e tij ku edhe më pas do kuptohet nëse do filloi shpejt “hakmarrjen” apo jo.

Një gjë është e qartë PDK si në kohën në bashkëqeverisje me Mustafën që vazhdimisht në takimet me qytetarët në qytete të ndryshme proklamonte Veselin si kryeministër të ardhshëm, këtë po e bën edhe me “Dekadën e Re”, në takimet me qytetarë por edhe në rrjetet sociale.

Dhe mjafton vetëm dhënia e “dritës së gjelbërt” nga Veseli që vetëm disa deputetë të PDK-së, ta votojnë një mocion eventual të ngritur nga opozita dhe e dërgojnë Haradinajn në shtëpi njëjtë si Mustafën. (tesheshi)