Partneriteti ekonomik Kosovë – Turqi, i luhatur nga politika

Turqia është një prej shteteve me praninë më të madhe të investimeve direkte në Kosovë. Bashkëpunimi besohet se do të vazhdojë në ritmin e njëjtë, edhe pas zhvillimeve që pasuan dëbimin e gjashtë shtetasve turq nga Kosova për në Turqi

Ky aksion i përbashkët i agjencive të inteligjencës nga Turqia dhe Kosova është lavdëruar nga presidenti turk Recep Tayip Erdogan, por jo edhe nga kryeministri i Kosovës, Ramush Haradinaj, për çka më pas Erdogan e ka kritikuar ashpër kryeministrin kosovar.

Mbi 372 milionë euro llogariten investimet e Turqisë në Kosovë që nga viti 2008. Kurse, vetëm në vitin 2017, investimet e shtetit turk në Kosovë, sipas shifrave zyrtare, kanë qenë mbi 28 milionë euro, të dhëna këto që Turqinë e radhisin si shtetin e katërt më vlerën e investimeve, pas Gjermanisë, Zvicrës dhe Britanisë së Madhe.

Edhe sa u përket shkëmbimeve tregtare, Turqia pozicionohet mirë në tregun e Kosovës. Vlera e importit të mallrave turke në Kosovë në vitin 2016 ka qenë rreth 300 milionë euro, duke e radhitur në vendin e tretë, pas Serbisë dhe Gjermanisë, përderisa eksporti i produkteve të Kosovës në Turqi ka qenë mbi 8 milionë euro.

Arian Zeka, drejtor ekzekutiv në Odën Ekonomike Amerikane në Prishtinë, në një bisedë për Radion Evropa e Lirë thotë se mospajtimet aktuale politike duhet të zgjidhen përmes dialogut. Interesat ekonomikë, nënvizon ai, janë të ndërsjellë për të dyja shtetet.

“Duke marrë parasysh rëndësinë që investimet turke kanë pasur në normën e përgjithshme të investimeve të huaja direkte në vendin tonë, pashmangshëm se kjo mund të ketë efekt. Megjithatë, në aspektin e shkëmbimeve tregtare, shteti i Turqisë duhet të ketë parasysh se tregu i Kosovës është një treg i rëndësishëm për të. Ndikime në rend të parë do të ketë për mallrat turke, të cilat plasohen në tregun e Kosovës. Kosova shumë pak eksporton në Turqi, kështu që ndikimi mund të jetë i papërfillshëm”, thotë Zeka.

Javën e kaluar, autoritetet e Kosovës kanë dëbuar gjashtë shtetas turq nga Kosova për në Turqi, pesë nga ta punonjës të institucionit arsimor Gulistan “Mehmet Akif”, si dhe një mjek. Krerët e shtetit të Kosovës kanë thënë se kanë qenë të painformuar për aksionin.

Pas kësaj, presidenti turk, Recep Tayyip Erdogan, ka kritikuar kryeministrin e Kosovës, Ramush Haradinaj, për shkak të qëndrimit të tij kundër dëbimit të shtetasve turq, kurse ka falënderuar presidentin e Republikës së Kosovës, Hashim Thaçi, për arrestimin dhe dëbimin e tyre.

Agim Shahini, kryetar në Aleancën Kosovare të Biznesit, beson se këto zhvillime nuk do ndikojnë në marrëdhëniet tregtare ndërmjet Kosovës dhe Turqisë. Sipas tij, bizneset e të dyja shteteve nuk do bien nën ndikim të “pazareve” politike.

“Në aspektin politik, kjo nuk mund të ketë ndonjë ndikim, për shkak se bizneset tashmë, edhe të Kosovës, edhe të Turqisë, janë të vetëdijshme se këto janë lojëra politike, pazare dhe biznese politike për përfitimet e veta, qoftë politike apo personale të politikanëve të të dyja shteteve”, thotë Shahini.

Ndër sektorët primarë që kanë tërhequr investimet nga Turqia hyn edhe ai i aviaconit, pastaj ai i shëndetësisë, energjetikës, industrisë dhe sektori i ndërtimtarisë.

Numri i përgjithshëm i bizneseve turke të regjistruara në Kosovë, sipas Odës Tregtare Kosovare-Turke, është rreth 800, por vetëm 200 biznese thuhet se aktualisht janë aktive.

Prania e kompanive turke në Kosovë ka nisur nga infrastruktura rrugore. Bechtel-Enka, konsorcium amerikano-turk, ka bërë ndërtimin e autostradës që lidh Kosovën me Shqipërinë, kurse tashmë është duke ndërtuar edhe autostradën Prishtinë – Shkup.

Një konsorcium tjetër, ai turko-francez, Limak-Aeroport de Lyon, në vitin 2010 ka marrë me koncesion për njëzet vjet Aeroportin Ndërkombëtar të Prishtinës “Adem Jashari”.

Në vitin 2012, konsorciumi turk Limak-Çalik privatizoi rrjetin kosovar të shpërndarjes dhe furnizimit me energji elektrike. Që prej vitit 2004, në Kosovë vepron edhe Agjencia Turke për Bashkëpunim dhe Koordinim [TIKA].

Nga ajo periudhë, kjo organizatë ka realizuar qindra projekte të ndryshme, si dhe ka restauruar një numër të madh të xhamive, por edhe ka bërë investime në ndërtimin e xhamive të reja në gjithë Kosovën.

Nga investimet turke në Kosovë, ndërkaq, funksionon edhe një numër i institucioneve arsimore. Qytetarët e Kosovës, përveç bashkëpunimit tregtar, Turqinë e konsiderojnë si një vend atraktiv turistik, sidomos gjatë sezonit veror.

Sipas të dhënave, edhe pse jo shumë të freskëta të Agjencisë së Statistikave të Kosovës, gjatë vitit 2016, mbi 6,500 qytetarë të Turqisë e kanë vizituar Kosovën.

Bullgaria e gjen zgjidhjen për samitin e Sofjes, përmes statusit për Kosovën

Për shkak të 5 shteteve anëtare të BE-së, pjesëmarrja e Kosovës në samitin e ardhshëm duhet të jetë neutrale ndaj statusit, është bërë e ditur nga zëdhënësja e presidencës bullgare

Bullgaria po punon fort që në samitin e Bashkimit Evropian më 17 maj të marrin pjesë të gjithë anëtarët, pasi disa shtete e paralajmëruan mos pjesëmarrjen, përcjellë GazetaMetro.net.

Kjo erdhi pasi në samit pritet të marrin pjesë edhe përfaqësuesit e shteteve të Ballkanit Perëndimorë, duke përfshirë këtu edhe Kosovën.

Por, 5 anëtarët e BE-së që nuk e kanë njohur pavarësinë, refuzuan të marrin pjesë së bashku me përfaqësuesit e Kosovës, dhe tani presidenca Bullgare është duke negociuar të gjendet një zgjidhje.

Kështu, Samiti pritet të mbahet me prezencën e Kosovës, por duke respektuar ‘neutralitetin’ ndaj statusit, ka bërë të ditur zëdhënësja e presidencës bullgare të BE-së, Genoveva Červenakova.

Spanja, Rumania dhe Qipro ishin kundërshtarët e mëdhenj të përfaqësimit të Kosovës si shtet në samit.

“Jemi shumë të vetëdijshëm për rëndësinë e raportit me Kosovën të anëtarëve që nuk e kanë njohur, dhe me to për këtë çështje po punojmë ngushtë në mënyrë bilaterale dhe rrugë të tjera”, tha Cervenakova.

Mësohet se Bullgaria po bisedon me Madridin për të gjetur një zgjidhje të pranueshme, e po përpiqet të gjejë modalitetet e pjesëmarrjes edhe me autoritetet sllovake.

Berisha: Kristaq Rama dhe Ramiz Alia kanë qenë agjentë të KGB-së në Shqipëri

Ish-kryeministri Sali Berisha, në intervistën e tij në Debati në Channel One”, ka folur dhe për kontratën e lobimit të PD, dhe akuzat që janë bërë për financime nga rusët

“Mother Jones është Mother Jones. Por unë të them se PD nuk ka pasur asnjë kontakt me asnjë faktor rusë, cilido qoftë, nuk ka marrë asnjë qindarkë, nuk ka firmos asnjë kontratë. Për të gjitha po hetohen si në Shqipëri dhe në Byron Federale të Hetimit. Ata që kanë marrë para në vitin 2013 është Edi Rama dhe partia e tij”, u shpreh Berisha.

Po ashtu Berisha tha se Ramiz Alia dhe Kristaq Rama kanë qenë agjend rezident të KGB-së në Shqipëri.
“Nuk mund të mohohet që Rusia ka ambiciet e veta, dy janë ambicie e shfaqura, Bosfori dhe Adriatiku. A ka bërë përpjekje për Shqipërinë? Shtrat i ngrohtë për rusofilin ka qenë Partia Socialiste. Nuk kam asgjë për të fshehur këtu, unë mund të them që Ismail Kadare, i thoshte një familjari të afërt, Sofokli Lazit që ka qenë agjent i KGB-së, se dhe Kristaq Rama ishte agjent i KGB-së, po ashtu dhe Ramiz Alia ka qenë një i tillë. Ata ishin pasi u shkolluan në shkolla zbulimi, janë shkolluar në Rusi”, deklaroi Berisha.

Ç’mitizimi i Haradinajt

Shumë vite pas luftës ka qarkulluar një hipotezë se LDK-ja duhet të bashkëqeverisë me AAK-në, sepse lideri i saj, Ramush Haradinaj ishte njeriu i vetëm që mund t’ia thyente turitë njerëzve të PDK-së

Kjo pasi që dikur LDK-ja udhëhiqej nga ish-presidenti historik, Ibrahim Rugova me bashkëpunëtorët e tij që vinin kryesisht nga fusha e letërsisë, artit, kulturës dhe filozofisë.

Për këtë, sipas kësaj hipoteze, LDK-së i nevojitej Haradinaj në bashkëqeverisje, si ish-komandant i UÇK-së dhe cilësive të tij personale për t’i dal në ballë njerëzve të PDK-së, që nuk heziton edhe të kërcënonin, nëse atyre u mungonte forca e argumentit. (Kujtojmë sharjen dhe kërcënimin që Hashim Thaçi, tash president i vendit i pati bërë, Nexhat Dacit në seancën e parë të Kuvendit).

Por, ngjarjet e fundit në Kosovë e hodhën poshtë këtë mendim. Treguan se edhe Haradinaj është i pafuqishëm për ballë skenarëve të Thaçit dhe institucioneve të shtetit që dyshohet se udhëhiqen nga njerëz të PDK-së (Afera “Pronto” tregon për punësime në institucionet kryesore të shtetit nga ky subjekt politik).

Fillimisht, ndodhi arrestimi i zyrtarit serb Marko Gjuriq, nga ana e Policisë së Kosovës, i cili kishte hyrë ilegalisht në veri të vendit. Si duket ky aksion i policisë e zuri në befasi Haradinaj, kur analizojmë reagimin e vonshëm të tij.

Pas 20 orëve, i pari i ekzekutivit në një konferencë për media tha se ka qenë një dijeni për aksionin e Policisë së Kosovës për arrestimin e Gjuriqit, dhe sipas tij, ky aksion u ndërmor pas refuzimit që i është bërë Gjuriqit për të hyrë në Kosovë nga ana e Ministrisë së Jashtme.

Por, nëse e analizojmë një reagim të deputetit të AAK-së Muharrem Nitaj për ngjarjen në fjalë, të bën të dyshosh në versionin zyrtar të kryeministrit në konferencën për media. Shtoja faktin edhe për dyshimet e hedhura në Kosovë dhe Serbi arrestimi i Gjuriqit ishte përgatitur në koordinim me Thaçin dhe Vuçiqin.

Kurse, për aksionin tjetër të Policisë së Kosovës ku u arrestuan gjashtë qytetarë turq në bashkëpunim me AKI-në dhe inteligjencën e këtij shteti, e më pas u depërtuan në Turqi, Haradinaj e pranoi publikisht se nuk ka qenë në dijeni.

Kështu që ai mori vendim për të shkarkuar ministrin e brendshëm, Flamur Sefaj dhe drejtorin e AKI-së, Driton Gashi me arsyetimin se ky aksion është ndërmarrë pa lejen e tij.

Më këto shkarkime, Haradinaj u mundua të mbulojë pafuqinë të tij përball presidentit Hashim Thaçi, që me deklaratat e tij dhe ato të presidentit të Turqisë, Erdogan tregojnë se ai qëndron prapa këtij aksioni.

Deklarata e Thaçit ishte se sipas AKI-së gjashtë qytetarët turq përbënin rrezik për sigurinë e Kosovës. Nga ana tjetër, Erdogan falënderoi Thaçin për çasjën e tij karshi këtij aksioni, kurse kritikoi Haradinajn për shkarkimet e sipër përmendura. Thaçi po ashtu konsiderohet si i preferuar i presidentit Erdogan, i cili në një fjalim e pati quajtur atë vëlla. Kështu që këto veprime treguan se edhe Haradinaj po del të jetë i pafuqishëm dhe i papërgatitur përball prapaskenave të Hashim Thaçit dhe kjo do t’i kushtojë shumë atij në të ardhmen e afërt./BS

Zyrtarja e BE-së bënë thirrje për bllokim të Kosovës në BE pas arrestimit të gylenistëve

Arrestimi i gjashtë shtetasve turq që jetonin në Kosovë dhe ekstradimi i tyre në Turqi ku akuzohen nga pushtetit i presidentit Recep Tayyip Erdogan, ka shkaktuar një reagim të fortë në qarqet e ndryshme të Bashkimit Evropian

Prej zyrtarëve brenda Parlamentit Evropian deri tek përfaqësuesit e organizatave të ndryshme që merren me të drejtat e njeriut kanë dalë me reagime me të cilat bëjnë thirrje që Bashkimi Evropian ta konsiderojë Kosovën, si mik të Turqisë së Erdoganit dhe jo si shtet që aspiron të bëhet pjesë e BE-së.

Rebecca Harms, zëdhënëse e Punëve të Jashtme dhe eksperte mbi Turqinë në grupin e të Gjelbërve në Parlamentin Evropian i ka bërë thirre BE-së që t’i jap azil politik dhe mbrojtje anëtarëve të Lëvizjes Gylen që janë në shënjestër të presidentit autokratik, Recep Tayyip Erdogan dhe Qeverisë turke.

“BE-ja duhet të sigurohet që shtetet anëtarë të BE-së të reagojnë të bashkuara duke i ofruar azil politik gylenistëve dhe të sigurohet që brenda BE-së të mos jenë shtetet që janë me Turqinë e Erdoganit”, ka shkruar Rebecca Harms në një letër dërguar Federica Mogherini, nënkryetare e Komisionit të Bashkimit Evropian dhe përfaqësuese e lartë e BE-së për punë të jashtme, siguri e politikë, dhe Johannes Hahn, Komisioner për politikat e fqinjësisë së BE dhe negociatat e zgjerimit.

Një koment të tillë zyrtarja e lartë e BE-së e bëri teksa e shpërndau një opinion të publicistit dhe gazetarit të njohur Nate Schenkkan në “Washington Post” që e cilësonte arrestimin e gylenistëve si sukses të “gjuetisë së Erdoganit dhe dorëzim të Kosovës para tij”.

Reagime negative kundër Kosovës kanë ardhur edhe nga Qendra e Stockholmit për Liri një nga më të mëdhatë në Evropë që i bënë thirrje BE-së që ta shqyrtojë në detaje orientimin e Kosovës dhe anëtarësimin e saj në BE.

AKR kërcënon Haradinajn me largim nga Qeveria nëse nuk kthehet Sefaj në punë

Aleanca Kosova e Re, përmes Sekretarit të partisë së saj, Rrahim Pacolli, ka kërcënuar kryeministrin Ramush Haradinaj me largim nga Qeveria në rast se nuk kthehet në punë ministri i shkarkuar i Punëve të Brendshme, Flamur Sefaj, i cili vjen nga kjo parti

Sefaj u lirua nga detyra nga kryeministri Haradinaj pas skandalit me dëbimin e gjashtë shtetasve turq nga Kosova në Turqi.

Pacolli ka thënë se AKR nuk ka pranuar kërkesën e Haradinajt për shkarkimin e Ministrit të Punëve të Brendshme, Flamur Sefaj.

Madje ai thotë se deklaratat e Jetlir Zyberaj, këshilltari i ministrit të Punëve të Jashtme të Kosovës, Behgjet Pacolli, “nuk përfaqësojnë qëndrimin unik të Aleancës Kosova e Re”.

“I bëjmë me dije kryeministrit Ramush Haradinaj, se nëse ministri Sefaj nuk vazhdon punën në ministri, Aleanca Kosova e Re do të largohet nga koalicioni qeverisës”, ka kërcënuar Sekretari i AKR-së, Rrahim Pacolli.

Serwer komenton kërcënimet e Erdoganit drejtuar Haradinajt

Analisti Daniel Serwer, studiues në Qendrën për Marrëdhënie Transatlantike në Universitetin Johns Hopkins tha sot për Zërin e Amerikës se reagimi i Presidentit turk Recep Tayyip Erdogan pas deportimit të shtetasve turq nga Kosova, është shqetësues, por është në vazhdën e prirjeve të tij brenda vendit dhe jashtë tij. Serwer tha se lidhur me rrethanat e deportimit, do të ishte mirë të priteshin rezultatet e hetimit

Analisti Serwer tha se Erdogan përbën shqetësim për shumë amerikanë, jo vetëm për këtë arsye, por edhe të tjera, përfshirë një sjellje gjithnjë e më autokrate, që nuk është aspak e përshtatshme për një vend që ka paur aspirata për anëtarësim në Bashkimin Evropian dhe që ende aspiron të jetë demokraci.

“Pra po, është shqetësuese, por të them të vërtetën nga perspektiva amerikane është një çështje me rëndësi relativisht të vogël, krahasuar me shqetësimet e tjera, lidhur me Erdoganin, rojat e sigurisë së të cilit, rrahën demonstruesit në Uashington. Ka shumë gjëra që janë të gabuara në mënyrën se si po sillet autoritetet turke”.

Serwer tha se Turqia ka luajtur një rol pozitiv në Ballkan, veçanërisht në vitet ’90 dhe 2000’, por…

“Shqetësimi im është se gjithnjë e më shumë Turqia duket se po ushtron ndikimin e saj përmes lidhjeve me ‘Vëllazërinë Myslimane’ dhe kjo më shqetëson. Ishte një kohë kur Turqia donte të kishte marrëdhënie të mira me të gjithë në Ballkan dhe mbi ato baza bëri biznes tregëtar. Ajo që shoh tani është një sjellje e ndryshme e Turqisë që më shqetëson”.

Duke e analizuar ngjarjen e fundit në kontekstin e masave të Turqisë, pas asaj që Erdogan e ka konsideruar si tentative për grusht shteti të lëvizjes së Fetullah Gulenit, Serwer tha se masat kundër mbështetësve të tij janë të tepruara.

“Nuk jam shumë i sigurt për këta individë në Kosovë, por masat pas tentativës për grusht shteti janë shqetësuese për Uashingtonin dhe për këdo që beson se të drejtat e njeriut janë të rëndësishme”.

Serwer thotë se Perëndimi duhet të ndjekë me vëmendje zhvillimet në Turqi dhe të kritikojë Erdoganin për shumë aspekte, përfshirë këtë çështje. Ai shton se mungesa e vëmendjes nga perëndimi është pjesë e arsyes, që Erdogan nuk druhet të veprojë me forcë brenda dhe jashtë Turqisë.

“Por unë mendoj gjithashtu se kjo sjellje e tij, vlerësohet brenda Turqisë, se politika turke e sheh këtë si sfidë ndaj të huajve, si rikthim të madhështisë së Turqisë, si ndëshkim të Gulenit që dikur ishte shumë popullor në Turqi, por tani përçmohet nga shumë turq, pra mendoj se ka një element të brendshëm, përveç atij të jashtëm”.

Analisti amerikan tha se OSBE-ja, vetë Bashkimi Evropian dhe NATO-ja duhet të jenë të gjitha të shqetësuara për drejtimin që po ndjek vetë Erdogani dhe drejtimin nga po e çon Turqinë.

Përsa u takon deportimeve, zoti Serwer tha se Presidenti Hashim Thaçi e ka bërë të qartë se sipas tij, ata janë përzënë për shkak të aktiviteteve të paligjshme brenda Kosovës dhe shton se para se të japë një gjykim përfundimtar, ai do të donte të priste përfundimin e hetimit dhe një raport zyrtar, sidomos në kushtet kur kryeministri Ramush Haradinaj thotë se nuk ishte në dijeni të asaj që po ndodhte.

“Nuk do të gjykoj se çfarë bën kryeministri Haradaninaj. Sipas tij ishte veprimi i duhur dhe do të shohim nga hetimi se cilat ishin bazat për këtë veprim. Por nëse e kuptoj siç duhet, të paktën për shërbimin e zbulimit, duhet firma e Presidentit”, tha ai.

Presidenti turk e ka sulmuar kryeministrin Ramush Haradinaj për qëndrimin e tij ndaj operacionit të deportimit të gjashtë shtetasve turq dhe shkarkimin e Ministrit të Brendshëm Flamur Sefaj dhe shefin e Agjencisë së Zbulimit, Driton Gashi. Erdogan falenderoi Presidentin Thaçi.

Të shtunën Haradinaj mblodhi Këshillin e Sigurisë pas të cilit tha se ka kërkuar hetim dhe raportim nga institucionet e sigurisë dhe drejtësisë për këtë rast, ndërsa ritheksoi se nuk ka qenë fare i informuar për veprimet e institucioneve.

​Haradinaj i përgjigjet Erdoganit: Nuk të lejoj të përzihesh në punët tona

Përgjigja e shumëpritur e Haradinajt për presidentin turk Erdogan ka ardhur në një ditë simbolike – ajo për Skëndërbeun. Haradinaj ishte i prerë, por nuk ishte shumë i ashpër

Kryeministri i Kosovës, Ramush Haradinaj, më në fund i është kundërpërgjigjur presidentit të Turqisë, Recep Tayyip Erdogan, pas akuzave që i mori nga udhëheqësi turk, për reagimin e tij rreth dëbimit të gjashtë shtetasve turq nga Kosova në Turqi.

Megjithatë, Haradinaj nuk e ka përmendur asnjëherë me emër presidentin turk, dhe as rastin e dëbimit të turqve, të cilët në Turqi akuzohen për gjoja terrorizëm, teksa i është kundërpërgjigjur Erdoganit.

Shefi i ekzekutivit të vendit i ka thënë Erdoganit se nuk do ta lejojë të përzihet në punët e brendshme të Kosovës.

Haradinaj ka thënë se shqiptarët nuk e kanë në traditë të ndërhyjnë në punët e shtëpisë të dikujt tjetër.
“Kosova dhe unë asnjëherë s’kam ndërhyrë në punët e brendshme të Turqisë”, ka thënë ai. “As në të kaluarën, as sot, as në të ardhmen”, ka shtuar ai.

“Punët tona të shtëpisë s’do të mundet kush t’i bëjë në emrin tonë në Kosovë”, ka deklaruar Haradinaj.
“Do t’i bëjmë ne, kur t’i bëjmë ne. Këtë le ta dinë të gjithë”, është shprehur kryeministri kosovar.

Akuzat e rënda të Gecit: Thaçi spiun i trefishtë

Halil Geci, njeri nga vëllezërit Geci, përmes një postimi në facebook, ka drejtuar akuza të rënda ndaj Presidentit të Kosovës, Hashim Thaçit. Geci, në faqen e tij në facebook, ka shkruar se përvec spiun i Frances dhe Serbisë, tash Thaci po del edhe spiun i Turqisë

Ky është postimi i plotë:

AMERIKË SHQIPTARËT JANË NË BESËN TËNDE SHPËTONA TË LUTEM

Kur pema piqet bie vet nga dega.Kur zullumi trashet këputet ma leht. Një thënje në zhagonin popullor thotë “shyqyr që ra kjo dekë e u pamë”

Po mos të ishin kokat e 6 musafirve turq të prerë në besë të Zotit nga Hashimi,ky popull nuk do te bindej kyrrë,se tradhetia qëndron në krye të shtetit.

Prandaj ka ardhur koha që Kadri Veseli,Ramush Haradinaj,Fatmir Limaj,nese nuk duan të mbeten në pozitat e tradhetis,duhet ta organizojn urgjentisht shkarkimin e tij, që e kan mbrojtur dhe ngritur një të dyshuar me premasa tradhetie të vendit,për më shumë se dy dekada në krye të UQK-s e ma vonë edhe në krye të shtetit.

Deshmia e fundit se këtu operojnë shumë sherbime të spiunazhit,por tri prej tyre sherbime shumë efikase njëra nga këto sherbime ka arritur ta ngris njeriun e vet në krye te shtetit ai është ,DGES-i Francez me agjentin Hashim.
Tashmë po del se ky “Kryetar” është spiun i trefisht
Turk,Francez,dhe Serb!??

Sherbimi Turk ka arritur të operoi në Kosovë pa asnjë vështërsi,dhe po del me i organizuari,duke filluar nga ngritjet e Xhamiave lagje me lagje nëpër Kosovë,deri te ministria e rezervuar për komunitetin Turk që e përbajn një autobus njerzish.
Derisa 5 milion shqiptar në Turqi as shqip nuk kan guxuar të flasin.

Vizitat e fshehta me presidentin Vuqiq tregojn vazhdimsin e Hashimit dhe vëlllajt të tij Gani Thaqit që dihet që nga para lufta si i regrutuar i UDB-s,i cili boterisht Naim Miftari antar i sherbimit të Shikut thot se ky kishte spiunua UQK-n dhe familjen Jashari.

Takimet e me hershme të Hashimit me popa,na jep te tregojm se tashmë karriera e tij urgjentisht duhet të reshikohet dhe të vehet në levizje prokuroria e shtetit,për tia ndalur turrin tradhetis dhe për ta shpetuar shtetin nga kthetrat e Turkut e të Shkaut.

Duhet të hetohen edhe akuzat e më hershme që ju kan bërë nga vet shoket e Hashimit,për vrasjen e Bejadin Hallaqit,Ali Ukes,Ilir Konoshecit e shumë të tjerë të arrestuar nga Hashimi dhe te vrarë në besë të ZOTIT si të pa ndegjusshmit e LPK-s.

Duke mos llogaritur një dyzinë njerzish të vrarë të LDK-s nga Intelektual me nam,ushtarak, deri te traktorista t’vrarë nga urdheri i tij dhe i njerzve të sherbimeve ti,që dyshohet të jenë vrarë vetem pse mendoni ndryshe nga ai.

Kjo që sot doli mbi siperfaqe jep me treguar se vrasjet e komandantve dhe atdhetarve te vrarë,kanë qenë të porositura nga sherbimet që ka udhehequr Hashimi dhe vëllai i tij Ganiu dhe individet rrethë tyre që boterishtë dihen se ishin,pjes e sherbimit te dikurshem Serb.

Këto sherbime me perkushtim kan futur nën sqetull edhe partit tjera,duke vrarë e shantazhuar inteluktualet dhe militant të përkushtuar që ti kenë nën mbikqyrje edhe partit tjera,siq ndodhi me LDK-n.

Me ardhjen e ISA MUSTAFES rezultoi te jetë i derguri special i sherbimit të përmendur me lartë.
LDK mbeti PATERIC e PDK-s, me ndihmen e ISES Hashimi e arriti qellimin dhe u bë i pari i SHTETIT.

Tradhetin që ja ka bërë LDK-ja elektoratit të vet,po më shumë Kosovës do mbahet në mend nëpër shekuj.

Shpetimin Kosova e sheh vetem nga Amerika Anglia dhe Gjermania.
ZOT shpetoje popullin timë nga kjo sort Turkosllave amin.

Me rastin e dhimshem që u prenë në besë miqet e Amerikes,Kosova ndau në dysh politikanet,në pro Turkosllav,dhe pro Amerikano Përendim.
ZOT shpetoje popullin tim nga kjo sort Turkosllave amin.

Kujt iu drejtua Mogherini në Beograd kur tha “kjo nuk guxon të përsëritet”?

Goran Bogdanoviq, deputet në parlamentin serb, ish-ministër për Kosovë në Qeverinë serbe përgjigjet në disa pyetje të gazetës serbe Blic në lidhje me ngjarjet e fundit në Kosovë

Goran Bogdanoviq, duke folur për ngjarjet që ndodhën në veri me arrestimin e Gjuriqit, ka thënë se nuk u beson teorive konspirative.

“Ekzistojnë spekulime të ndryshme dhe teori konspirative, por unë nuk i besoj këtyre tregimeve dhe dua të besoj se nuk ishte në pyetje qëllimi i keq, para se gjithash i Beogradit, dhe në një mënyrë edhe i Prishtinës. Mund të thuhet se çështja ka qenë më tepër në nivelin personal. Dua ta përkujtoj deklaratën e Vuçiqit i cili të dielën në Bruksel ka thënë se kishte dashur të sheh se kush guxon ta ndalë Gjuriqin dhe Selakoviqin të shkojnë në Mitrovicë dhe në çfarë mënyre. Duke e ditur mentalitetin e shqiptarëve, se si mendojnë ata dhe për çfarë janë të gatshëm, një reagim i tillë ishte i pritur. Mua më brengos diçka tjetër. Para se gjithash pasiviteti i serbëve në Kosovë dhe pasiviteti i bashkësisë ndërkombëtare. Kjo nuk është hera e parë e hyrjes së njësitit ROSU në veri, por është hera e parë të hyjë në një vendbanim dhe të veprojë në mënyrë kaq brutale. Kjo është “fyerje” për popullin serb”.

Para disa ditësh Frederica Mogherini në mënyrë urgjente erdhi në Beograd dhe porositi se “kjo më nuk guxon të ndodh”. Kujt i ishte drejtuar ajo me këtë rast?

“Këtë pyetje askush nuk e ka bërë. Pas vizitës së saj nuk kishte konferencë për shtyp por vetëm është dhënë një kumtesë me këtë fjali dhe ne nuk e dimë se çfarë do të thotë kjo por vetëm mund të supozojmë. Përse Mogherini nuk shkoi në Prishtinë nëse nuk pajtohej me atë se çfarë ndodhi në veri të Kosovës? Çfarë bëri ajo në Beograd, shprehu ngushëllime? Përse nuk shkoi te Thaçi dhe Haradinaj që atyre t’iu thotë se kjo më nuk guxon të përsëritet, e jo të vjen në Beograd dhe këtë fjali ta thotë këtu. Është e qartë se me çfarë qëllimi ajo kishte ardhur në Beograd edhe pse tentohet nga ana e pushtetit dhe medieve të afërta me të, të krijohet bindja se, ja, ajo ishte korrekte dhe kishte mirëkuptim. Për çfarë kishte mirëkuptim? Për atë se ROSU, përkundër pajtimit të serbëve, me leje të KFOR-it dhe EULEX-it, të hyjë në veri? Për atë se në sallën për mbledhje janë rrahur njerëzit, ndërsa zyrtari i lartë e shtetit serb u arrestua, u tërhoq zvarrë nëpër Prishtinë dhe në fund u dëbua?

AKS do të jetë diçka sikur organizatë joqeveritare?

“Thaçi, Haradinaj dhe Veseli kanë marrë vendim të fillohet me krijimin e AKS, por unë nuk iu besoj atyre dhe frikohem se nuk ka asgjë prej kësaj. Edhe nëse AKS krijohet, do të jetë një asociacion i komunave pa kurrfarë kompetencash, një lloj organizate joqeveritare. As me marrëveshje të Brukselit nuk është diçka më mirë. Nëse e lexoni me kujdes Marrëveshjen e Brukselit, do të shihni se “Bashkësia” e komunave serbe nuk ka asnjë juridiksion e as kompetenca ekzekutive, përveç që ka mbikëqyrje të arsimit, shëndetësisë, zhvillimit rural, planifikimit hapësinor, gjë që në esencë nuk do të thotë asgjë. Për këtë në vitin 2013 nuk desha ta votojë Marrëveshjen e Brukselit edhe pse partia ime e votoi./Insajderi.com.