Mbi 800 biznese përfituese nga Fondi për Garantimin e Kredive

Mbi 800 biznese, shumica nga to nga sektori i tregtisë, kanë përfituar nga Fondi Kosovar për Garantimin e Kredive, fond ky që është themeluar në janar të vitit 2016

Fondi Kosovar për Garanci Kreditore është institucion i pavarur dhe i qëndrueshëm që u lëshon garanci institucioneve financiare për të mbuluar rrezikun për kreditë e ndërmarrjeve mikro, të vogla dhe të mesme.

Drejtori menaxhues në këtë Fond, Besnik Berisha, në një përgjigjeje për Radion Evropa e Lirë, ka thënë se që nga viti 2016 deri në fund të muajit janar të këtij viti, 833 është numri i bizneseve përfituese nga ky fond.

Vlera grumbulluese e portofolios së kredisë së garantuar nga Fondi, ka thënë ai, ka arritur në 32.3 milionë euro, kurse vlera e grumbulluese e garancioneve është 15.5 milionë euro.

Mbi 40 për qind që kanë përfituar nga ky fond janë biznese që merren me shitje me shumicë dhe pakicë, 26 për qind shërbime, 20 për qind nga sektori i prodhimit, pasuar nga bizneset shërbyese dhe bujqësia.

Për të arritur objektivat dhe synimet, Fondi bashkëpunon me institucionet financiare. Në njërën nga dhjetë bankat që operojnë në Kosovë, Raiffaisen Bank, thuhet se kohëve të fundit është intensifikuar kreditimi duke përdorur këtë Fond.

Iliriana Tahiraj, zëdhënëse në këtë institucion financiar, ka thënë për Radion Evropa e Lirë se “që nga tetori i vitit të kaluar e deri më tani nga ky Fond janë shpërndarë 4.5 milionë euro kredi për 176 klientë”

Përfaqësues të komunitetit të biznesit konsiderojnë se ky Fond do të zbusë problemet kryesore të bizneseve, një prej të cilave është qasja në financa dhe kamatat e larta të kredive. Porse, sipas tyre, ai nuk është i mjaftueshëm.

Agim Shahini, kryetar në Aleancën Kosovare të Biznesit, thotë për Radion Evropa e Lirë se vlera financiare e Fondit duhet të rritet por që edhe kërkesat e bizneseve duhet të shtohen. “Mendoj se ky fillim është i mirë, por që Fondi duhet të rritet, njëkohësisht edhe kërkesat e bizneseve, në mënyrë që në të ardhmen t’/iu lehtësohet puna në investimet e tyre”, shprehet Shahini.

Ai ka thënë se institucionet e Kosovës duhet të gjejnë edhe forma tjera që të ndihmojnë bizneset private. “Dua që të thërras institucionet vendore që të bëjnë më shumë për ekonominë, për biznesin, për prodhimin e vendit, në mënyrë që kjo fuqi të rritet. Kjo fuqi rritet nëse do të kenë mundësi që të tërheqin këso lloje fondesh, siç janë fondet e ndryshme të Bashkimit Evropian dhe vendeve të tjera në Ballkanin Perëndimor. Kurse ne mburremi me një Fond të Garancionit”, ka thënë Shahini.

Krijimi i këtij Fondi është thënë se do të krijojë ndërmarrje të reja dhe do gjenerojë vende të reja të punës, pasi që qëllim kryesor i tij është adresimi i problemeve që kanë bizneset në qasjen e financave.

Fondi, i cili filloi me rreth 18 milionë euro, llogaritet që në gjashtë vjetët e parë të rrisë mundësitë për kredi të reja në rreth 360 milionë euro, me të cilat mund të krijohen deri në 20 mijë vende të reja pune.

Por, që nga funksionimi i tij, Besnik Berisha, nga Fondi Kosovar për Garanci Kreditore, thotë se, sipas informatave nga klientët përfitues nga bankat, janë krijuar 1,300 vende të reja të punës. /Rel

BERZH: Ekonomitë e Ballkanit Perëndimor janë 200 vjet larg BE-së

Vendet e Ballkanit Perëndimor duhet të merren vet me produktivitetin e tyre të ulët dhe t’i përshpejtojnë reformat, përndryshe do t’u duhen 200 vjet për të mbërritur standardet e jetesës së shteteve të BE-së ku shpresojnë të anëtarësohen, ka thënë të hënën Banka Evropiane për Rindërtim dhe Zhvillim

Kosova, Shqipëria, Maqedonia, Mali i Zi, Bosnja dhe Serbia kanë ngecur si pasojë e institucioneve të dobëta, korrupsionit dhe dominimit qeveritar në disa industri, ka thënë më tej BERZH-i, raporton Reuters.

Mesatarja e GDP-së për kokë banori për të gjashtë vendet, që ende vuajnë pasojat e luftërave etnike të viteve të ’90-ta, është sa gjysma e 11 shteteve anëtare të BE-së nga Evropa Lindore, siç janë Polonia apo Hungaria, dhe vetëm sa çereku i shteteve tjera më të avancuara evropiane.

“Problemi themelor që po pengon zhvillimin ekonomik të rajonit është produktiviteti i ulët”, ka thënë BERZH-i në raportin e saj, të publikuar në Samitin Investues të bankës për Ballkanin Perëndimor. “Kjo reflekton vite të tëra të nën-investimeve, institucioneve të dobëta dhe ambientit të vështirë biznesor”, transmeton Koha.net.

Derisa sektori privat ishte kontribuuesi kryesor i rezultateve ekonomike në gjashtë vendet, qeveritë shpesh kanë dominuar industritë kryesore, me programe domethënëse të privatizimit përpara.

Prodhimi i sektorit privat në mbarë Ballkanin Perëndimor është 60 për qind e nivelit të përgjithshëm të BE-së.

Në skenarin bazik të BERZH-it, që ka përdorur shkallët mesatare të rritjes vjetore për vitet 2001-2016 me 3.2 për qind për Ballkanin Perëndimor dhe 1.4 për qind në BE, raporti thotë se gjashtë vendet mund të arrijnë mesataren e GDP-së për kokë banori të BE-së në rreth 60 vjet.

Megjithatë, BERZH-i ka theksuar se shpejtësia e konvergjencës ishte ngadalësuar dukshëm në gjashtë vjetët e fundit. Rajoni arriti rritje mesatare vjetore prej vetëm 1.2 për qind në vitet e pas-krizës 2009-2016 në krahasim me 5.3 për qind në periudhën para-krizës 2001-2008.

Prandaj, duke përdorur një skenar më pesimist sipas shkallëve të rritjes në periudhën pas-krizës, Ballkani Perëndimor mund të arrijë të përafrohet me BE-në në mbi 200 vjet, thotë banka, ndërsa barazia mund të arrihet tek më 2220.

Një skenar optimist duke përdorur shkallët e rritjes para krizës do t’i mundësonte Ballkanit Perëndimor të mbërrinte BE-në në më pak se 40 vjet, deri më 2053.

“Shpejtësia e arritjes do të varet nga ritmi i adresimit të sfidave që pengojnë rajonin nga zhvillimi i potencialit të tij të plotë”, thotë raporti, transmeton Koha.net. “Bashkërendimi i plotë me BE-në do të kërkojë nga shtetet të zbatojnë një agjendë të vendosur dhe gjithëpërfshirëse të reformave drejt rritjes së produktivitetit dhe investimit”, thotë BERZH-i.

Haradinaj, shpalos projektet para investitorëve në konferencën e BERZH-it

Arsyetimi i kryeministrit para investitorëve në konferencën e BERZH-it
Ka nisur sot në Londër takimi i vendeve të Ballkanit Perëndimor në Samitin e organizuar nga Banka Evropiane për Rindërtim dhe Zhvillim (BERZH) ku kryeministri i vendit Ramush Haradinaj ka prezantuar dhjetëra projekte konkrete, me qëllim financimin për realizimin e tyre.

Kryeministri Haradinaj përmendi punën e Qeverisë së Kosovës në përmirësimin e fushës ligjore në favor të krijimit të ambientit më të mirë për investimet e huaja, për bizneset e vogla dhe korporatat, heqjen e taksave në disa sektorë për të stimuluar rritjen ekonomike, krijimin e një klime më të mirë investive në fushën e bujqësisë, në fushën e teknologjisë informative dhe prodhimit të energjisë alternative.

“Kosova ka popullatën më të re në Evropë. 65 për qind e saj janë nën moshën 35 vjeçare, fakt ky që e bënë tregun e punës tejet atraktiv. Të rinjtë tanë kanë përvetësuar në masë të madhe teknologjinë informative, duke u bërë një nga top vendet në botë në përdorimin e saj. Shumë prej tyre janë folës të disa gjuhëve të huaja”, ka thënë në fjalën e tij, kryeministri Haradinaj.

Takimi i sotëm i gjashtë kryeministrave të Ballkanit Perëndimor u hap nga Presidenti i Bankës Evropiane për Rindërtim dhe Zhvillim, Suma Chakrabarti, i cili u zotua për vazhdimin e bashkëpunimit të mirë mes vendeve të Ballkanit Perëndimor dhe EBRD-së, duke shprehur përkrahjen e tij në mbështetjen e projekteve regjionale të këtyre vendeve dhe në projektet për infrastrukturën rrugore, hekurudhore dhe të energjisë.

Fillimin e punimeve të samitit të Londrës me një fjalë hyrëse e përshëndeti përveç presidentit Chakrabarti, edhe kryeministri i Bullgarisë Boyko Borisov, i cili njëherësh kryeson presidencën e EU-së dhe Matt Hancock, përfaqësues i Qeverisë Britanike, i cili tha se Ballkani Perëndimor ka potenciale reale për investime, por duhet një bashkëpunim dhe për këtë arsye jemi këtu. “Britania e Madhe është e përkushtuar për stabilitet dhe prosperitet. Po punojmë ngushtë me secilin vend për përmirësimin e klimës ligjore dhe ekonomike”, tha z.Hancock.

Kryeministri Haradinaj ka falënderuar presidentin e EBRD-së dhe shprehu përkushtimin e qeverisë së vendit në zhvillimin e projekteve regjionale dhe bashkëpunimit mes vendeve të Ballkanit Perëndimor, duke përmendur projektet si , ndërtimi i linjës së re hekurudhore që lidhin Kosovën me Shqipërinë, një linjë tjetër që lidh vendin me Malin e Zi, përfundimi i autostradës Prishtinë – Shkup dhe interesimin që Kosova të ketë qasje në gaz-sjellësin Trans Adriatik.

“Përpjekjet e Kosovës për ta finalizuar infrastrukturën e saj bazike, autostradën, hekurudhën, furnizimin me ujë, atë me rrymë, janë parakushte për investitorë, në mënyrë që ata të jenë nga rajoni ynë ose më gjerë”, tha kryeministri Haradinaj, duke shtuar se për të bashkëpunuar me vende të tjera, është e nevojshme një klimë e mirë investive e vendit tonë.

Kosova në Samitin e Londrës është përfaqësuar nga kryeministri Ramush Haradinaj, i shoqëruar në delegacion nga zëvendëskryeministri Dalibor Jevtiq, ministri i Zhvillimit Ekonomik Valdrin Lluka, ministrja e Integrimit Evropian, Dhurata Hoxha, kryetari i Komunës së Prishtinës, Shpend Ahmeti dhe koordinatori për Ballkanin Perëndimor, Gazmend Abrashi.

Në samitin e sivjetmë, qeveria e vendit ka prezantuar 39 projekte konkrete, që kapin vlerën e 600 milionë eurove. Projektet vijnë nga sektori publik dhe ai privat dhe janë të dedikuara në infrastrukturën rrugore, trajtimin e ujërave të zeza, ujit të pijshëm, projekte nga prodhimi i energjisë alternative dhe projekte të prodhimit.

Ka më shumë se 5 muaj që Qeveria e Kosovës është përgatitur për Samitin e Londrës, duke zhvilluar takime të shumta në nivel lokal në Komunat e Kosovës dhe me përfaqësuesit e bizneseve nga vendi.

Haradinaj kërkoi nga presidenti i BERZH-it përkrahje më të madhe për projektet inovative

Kryeministri i Kosovës, Ramush Haradinaj, në kuadër të Samitit të Investimeve të Ballkanit Perëndimor, zhvilloi një takim me presidentin e Bankës Evropiane për Rindërtim dhe Zhvillim (BERZH), Suma Chakrabarti, ku u bisedua për bashkëpunimin e mëtejmë ndërmjet Kosovës dhe BERZH-it, si dhe për projektet konkrete që do të përkrahen nga ky institucion financiar ndërkombëtar

Siç njofton Zyra e Kryeministrit, Haradinaj e njoftoi presidentin Chakrabarti për të arriturat e Qeverisë, duke theksuar përkushtimin për zhvillim ekonomik, përmirësimin e ambientit të të bërit biznes dhe investimeve të huaja në Kosovë.

Me këtë rast, kryeministri Haradinaj vlerësoi kontributin e BERZH-it për Kosovën, në këto 5 vjetët që kur Kosova u bë pjesë e këtij institucioni, duke theksuar se është e nevojshme përkrahja për përmirësimin dhe ndërtimin e infrastrukturës hekurudhore, që do ta ndërlidhnin Kosovën me rajonin, përfundimin e Autostradës Prishtinë-Shkup, përkrahja për ndërtimin e impianteve për trajtimin e ujërave të zeza, por edhe interesimin që Kosova të ketë qasje në gaz-sjellësin Trans Adriatik, njofton Telegrafi.

Haradinaj kërkoi nga drejtuesit e BERZH-it që të përkrahin më shumë sektorin privat dhe projektet inovative të vendit.

Presidenti i BERZH-it, Suma Chakrabarti, vlerësoi përkushtimin dhe reformat e ndërmarra nga Qeveria e Kosovës në fushën e zhvillimit ekonomik. Me këtë rast, presidenti Chakrabarti, tha se BERZH-i e konsideron Kosovën partner afatgjatë, duke ofruar mbështetjen e institucionit që drejton në funksion të zhvillimit të projekteve konkrete në Kosovë.

Në takim me Presidentin e BERZH-it, kryeministri Haradinaj u shoqërua nga zëvendëskryeministri Dalibor Jevtiq, ministri i Zhvillimit Ekonomik, Valdrin Lluka, ministrja e Integrimit Evropian, Dhurata Hoxha dhe kryetari i Prishtinës, Shpend Ahmeti.

Haradinaj në Londër prezanton projekte zhvillimore të Kosovës

Ka nisur sot në Londër takimi i vendeve të Ballkanit Perëndimor në Samitin e organizuar nga Banka Evropiane për Rindërtim dhe Zhvillim (BERZH)

Kosova në këtë samit po përfaqësohet nga kryeministri i vendit Ramush Haradinaj, i cili ka prezantuar dhjetëra projekte konkrete, me qëllim financimin për realizimin e tyre, njofton kumtesa qeveritare, transmeton Koha.net.

Në fjalën e tij përpara qindra investitorëve potencial nga e gjithë bota, kryeministri Haradinaj përmendi punën e Qeverisë së Kosovës në përmirësimin e fushës ligjore në favor të krijimit të ambientit më të mirë për investimet e huaja, për bizneset e vogla dhe korporatat, heqjen e taksave në disa sektorë për të stimuluar rritjen ekonomike, krijimin e një klime më të mirë investive në fushën e bujqësisë, në fushën e teknologjisë informative dhe prodhimit të energjisë alternative.

“Kosova ka popullatën më të re në Evropë. 65 për qind e saj janë nën moshën 35 vjeçare, fakt ky që e bënë tregun e punës tejet atraktiv. Të rinjtë tanë kanë përvetësuar në masë të madhe teknologjinë informative, duke u bërë një nga top vendet në botë në përdorimin e saj. Shumë prej tyre janë folës të disa gjuhëve të huaja”, ka thënë në fjalën e tij, kryeministri Haradinaj.

Takimi i sotëm i gjashtë kryeministrave të Ballkanit Perëndimor u hap nga Presidenti i Bankës Evropiane për Rindërtim dhe Zhvillim, Suma Chakrabarti, i cili u zotua për vazhdimin e bashkëpunimit të mirë mes vendeve të Ballkanit Perëndimor dhe EBRD-së, duke shprehur përkrahjen e tij në mbështetjen e projekteve regjionale të këtyre vendeve dhe në projektet për infrastrukturën rrugore, hekurudhore dhe të energjisë.

Fillimin e punimeve të samitit të Londrës me një fjalë hyrëse e përshëndeti përveç presidentit Chakrabarti, edhe kryeministri i Bullgarisë Boyko Borisov, i cili njëherësh kryeson presidencën e EU-së dhe Matt Hancock, përfaqësues i Qeverisë Britanike, i cili tha se Ballkani Perëndimor ka potenciale reale për investime, por duhet një bashkëpunim dhe për këtë arsye jemi këtu. “Britania e Madhe është e përkushtuar për stabilitet dhe prosperitet. Po punojmë ngushtë me secilin vend për përmirësimin e klimës ligjore dhe ekonomike”, tha Hancock.

Kryeministri Haradinaj ka falënderuar presidentin e EBRD-së dhe shprehu përkushtimin e qeverisë së vendit në zhvillimin e projekteve regjionale dhe bashkëpunimit mes vendeve të Ballkanit Perëndimor, duke përmendur projektet si , ndërtimi i linjës së re hekurudhore që lidhin Kosovën me Shqipërinë, një linjë tjetër që lidh vendin me Malin e Zi, përfundimi i autostradës Prishtinë – Shkup dhe interesimin që Kosova të ketë qasje në gaz-sjellësin Trans Adriatik.

“Përpjekjet e Kosovës për ta finalizuar infrastrukturën e saj bazike, autostradën, hekurudhën, furnizimin me ujë, atë me rrymë, janë parakushte për investitorë, në mënyrë që ata të jenë nga rajoni ynë ose më gjerë”, tha kryeministri Haradinaj, duke shtuar se për të bashkëpunuar me vende të tjera, është e nevojshme një klimë e mirë investive e vendit tonë.

Kosova në Samitin e Londrës është përfaqësuar nga kryeministri Ramush Haradinaj, i shoqëruar në delegacion nga zëvendëskryeministri Dalibor Jevtiq, ministri i Zhvillimit Ekonomik Valdrin Lluka, ministrja e Integrimit Evropian, Dhurata Hoxha, kryetari i Komunës së Prishtinës, Shpend Ahmeti dhe koordinatori për Ballkanin Perëndimor, Gazmend Abrashi.

Në samitin e sivjetmë, qeveria e vendit ka prezantuar 39 projekte konkrete, që kapin vlerën e 600 milionë eurove. Projektet vijnë nga sektori publik dhe ai privat dhe janë të dedikuara në infrastrukturën rrugore, trajtimin e ujërave të zeza, ujit të pijshëm, projekte nga prodhimi i energjisë alternative dhe projekte të prodhimit.

Ka më shumë se 5 muaj që Qeveria e Kosovës është përgatitur për Samitin e Londrës, duke zhvilluar takime të shumta në nivel lokal në Komunat e Kosovës dhe me përfaqësuesit e bizneseve nga vendi.

Mayer Rothschild, jetimi që pushtoi botën financiare

Kur ishte vetëm 11 vjeç, ai mbeti jetim. Por, Mayer Amschel Rothschild, falë gjenialitetit të tij, edhe pse me një edukim fetar, arriti të bëhej jo vetëm një nga personat më të pasur në Gjermani, por të themelonte një dinasti bankierësh që financuan luftëra, qeveri dhe krijuan një perandori financiare që kontrollon botën

Më 23 shkurt, u mbushën 274 vjet nga lindja e gjeniut hebre Mayer Rothschild, themeluesit të një prej familjeve më të mëdha bankare dhe më të fuqishme financiare në botë.

Historia e Mayer Amschel Rothschild, i lindur më 23 shkurt 1744 në Frankfurt të Gjermanisë, është ndoshta një nga më të pabesueshmet, sesi djali i një kambisti parash, i një familje me tetë fëmijë, u shndërrua në një prej mendjeve më të zgjuara në fushën e financave.

Mayer ishte i katërti nga tetë fëmijët. Babai i tij, Amschel Moses Rothschild (nëna quhej Schoenche Rothschild) merrej me këmbimin e parave dhe me tregtinë e veshjeve prej mëndafshi. Mbiemri familjes, Rothschild, vjen nga emri i shtëpisë së tij në Frankfurt dhe ai daton që nga viti 1585, nga gjeneratat më të hershme.

Hebrenjtë e Frankfurtit iu ishte kërkuar të jetonin veçmas nga të krishterët në një rrugicë të vetme të ngushtë, të quajtur Judengasse, ose “Rrugica e Hebrenjve”. Rruga ishte e errët, e ndyrë, e keqe dhe e mbipopulluar. 3000 banorë hebrenj jetonin në këtë geto të dielave, festave të krishtera dhe gjatë natës.

Hebrenjtë e Frankfurtit nuk mund të hynin në një kopsht publik, në një kafe, ose të ecin më shumë se dy veta krah për krah në rrugë. Megjithëse qytete të tjera gjermane të shekullit të tetëmbëdhjetë vendosën kufizime mbi hebrenjtë, asnjë nuk ishte aq i ashpër sa ai i Frankfurtit.

Frankfurti ishte një qendër e madhe e tregtisë, me shumë bankierë dhe tregtarë të shitjeve me shumicë. Qyteti shtrihej në udhëkryqin e pesë itinerareve tokësore ndërkombëtare dhe i shtrirë mbi brigjet e lumit Main, afër vendit ku ai lidhej me Rinit. Kështu, Frankfurti lidhte vende të largëta si Anglia, Rusia dhe Italia.

Rothschild mori pjesë në një shkollë hebreje të quajtur “heder”, duke filluar në moshën tre ose katër vjeçare. Atje ai studioi librat e shenjtë hebre, Torahun dhe Talmudin. Deri në moshën shtatë ose tetë, Mayer Rothschild dhe shokët e tij të klasës do të kishin lexuar pesë librat e Moisiut në hebraisht dhe Judendeutsch, një përzierje e hebraishtes dhe dialektit të Frankfurtit. (Hebrenjtë e Frankfurtit nuk flisnin gjuhën Jidish). Instruktimi nuk përfshinte asnjë lëndë laike ose gjermanisht. Në shtëpi, Rothschild ndihmoi me biznesin e familjes, duke kryer porosi për dhënien borxh të parave të tjerë dhe duke renditur monedha të ndryshme që babai i tij kishte shkëmbyer për para vendase.

Në vitin 1755, në moshën njëmbëdhjetë vjeç, Rothschild la “hederin” dhe shkoi për të studiuar në një seminar hebre, ose yeshiva, pranë Nurembergut. Disa muaj më vonë, një epidemi e lisë goditi Judengasse. Babai i Rothschlldit vdiq më 6 tetor 1755; nëna e tij vdiq më 29 qershor 1756. Jetim, në moshën 12 vjeçare, u kthye në shtëpi për të jetuar me të afërmit.

MËSIMI I BIZNESIT TË BANKAVE

Në moshën 13-vjeçare, Rothschild shkoi në Hanover për të shërbyer si stazhier në bankën e Wolf Jakob Oppenheim. Oppenheim ishin bankierë hebrenj që përdorën lidhjet e tyre familjare në të gjithë Evropën për të siguruar kredi për mbretërit. Duke punuar për ta, Rothschild mësoi se si të zhvillonte tregtinë e jashtme dhe si të lëshonte ose të paguante letra me vlerë, ekuivalentin e një çeku modern. Në Hanover, ai mësoi gjithashtu për monedha dhe medalje të rralla dhe antike, të cilat mbledhësit shpesh i blinin si një investim. Deri në moshën 18-vjeçare, ai ishte një ekspert në këtë fushë dhe filloi të blinte monedha të ralla për koleksionin e gjeneralit von Estorff.

Në fund të Luftës Shtatëvjeçare (Seven Years’ War), në vitin 1763, Rothschild u kthye në shtëpi në Frankfurt. Atje ai u bashkua me biznesin e këmbimit të parave të vëllait të tij, Calmann, duke shtuar specialitetin e tij, tregtinë në monedha të rralla, medalje, kuriozitete, bizhuteritë, gdhendjet dhe antikat. Përmes këtij biznesi, Rothschild u njoh me Princin e Kurorës, Wilhelm, Prini i ardhshëm i Hesse, trashëgimtar i një pasuri të madhe.

Në 1769, Rothschild kërkoi nga Wilhelm titullin e agjentit të oborit, që do të thotë se ai kishte bërë biznes me mbretër. Titulli i nderit i lejoi Rothschild të varte një mburojë të zbukuruar me krahët e Hesse dhe Hanaut në derën e shtëpisë së tij. Titulli nuk i lejonte atij privilegje të veçanta. Rothschild ende nuk mund të linte “Judengasse” (Rrugicnë e hebrenjve) gjatë natës ose të dielave. U deshën 14 vite të tjera për të arritur këtë nder.

Më 29 gusht 1770, Rothschild u martua me Guttle Schnapper, vajzën 17-vjeçare të brokeri faturash, këmbimit të parave dhe agjentit të oborit në një principatë të vogël. Vitin e ardhshëm, ajo lindi Schonche, e para e dhjetë fëmijëve të tyre. Në vitin 1792, familja ishte rritur duke përfshirë Amschel, Salomon, Nathan, Belche, Breinliche, Calmann, Julie, Henriette dhe Jacob.

PËRMIRËSIMI I BIZNESIT

Deri në vitin 1784, në moshën dyzet vjeçare, Rothschild ishte mjaft mirë. Kur një shtëpi më e madhe u bë e disponueshme në Judengasse, ai e bleu atë. Shtëpia në mburojën e gjelbër përmbante një pompë uji, që konsiderohej si një luks i madh në atë kohë. Pas shtëpisë ishte shtëpia e numërimit të parave të Rothschild me sirtare të fshehta në mure.

Në 1785, Princi i Kurorës Wilhelm u bë Wilhelm IX, “Landgrave” i ri dhe njeriu më i pasur në Evropë. Rothschild i shiti atij bizhuteritë dhe kultivoi një marrëdhënie me Carl Buderus, oficerin kryesor të të ardhurave të Ëilhelm. Buderus bëri investime private përmes Rothschild që i ktheu një fitim të bukur. Buderus foli mirë për të tek Ëilhelm, i cili filloi të bënte një biznes pak më shumë me Rothschild. Marrëdhëniet e tjera të biznesit ishin të suksesshme. Me ndihmën e djemve, Salomon dhe Amschel, familja u bë një tregtare e madhe shumice e leshit, pëlhurave të pambukut dhe miellit.

Në 1792, trupat e revolucionit francez pushtuan Frankfurtit për një kohë. Ëilhelm nuk mundi të vendosë nëse ai duhet të mbetet neutral në luftën midis Francës dhe koalicionit të madh të Anglisë, Prusisë dhe Austrisë, ose nëse ai duhet të bashkohet me koalicionin. Një subvencion prej 100,000 paund nga Anglia e bindi atë të bashkohej me koalicionin. Rothschild bëri një fitim duke bërë një zbritje të parave e marra nga Anglia. Biznesi i tij përfshinte gjithashtu një agjenci transporti dhe përcjelljeje. Rothschild u kontraktua me ushtrinë austriake për ta furnizuar me grurë, uniforma, kuaj dhe pajisje. Si një kontraktues ushtarak, ai ishte në gjendje të grumbullonte kapitalin e tij të parë të madh. Rothschild ishte i njohur për modestinë, natyrën e tij të mirë dhe bujarinë. Ai u bëri bamirësi të gjithëve, jo vetëm hebrenjve.

Në mesin e viteve 1790, Rothschild u bë një importues kryesor i pëlhurës së pambukut nga Anglia. Në këtë kohë ai punësoi një grua të re për t’u marrë me korrespondencën e tij gjermane dhe angleze dhe bijat e tij ndihmuan në shtëpinë e numërimit. Në 1796, trupat e Napoleonit sulmuan Frankfurtin, duke e vendosur aksidentalisht Judengasse në zjarr dhe duke shkatërruar gjysmën e saj, duke lënë 2,000 banorë të pastrehë. Hebrenjtë e zhvendosur u lejuan të jetonin në pjesën e krishterë të qytetit për gjashtë muaj. Megjithëse Shtëpia e “Mburojës së Gjelbër” nuk ishte dëmtuar, Rothschild mori avantazhin e ligjeve të qeta të qytetit për të marrë me qira hapësirë për të gjitha mallrat e tij jashtë geto, duke i lejuar familjes së tij përdorimin e plotë të shtëpisë. Në të njëjtin vit, ai i bëri tre djemtë e tij të mëdhenj partnerë në biznes.

ZGJERIMI I BIZNESIT TË FAMILJES

Nathan Rothschild ishte më i talentuari i djemve të Mayerit. Ai ishte kreativ, punëtor i palodhur dhe i pavarur. Nathan ishte përgjegjës për importimin e mallrave nga Anglia. Në vitin 1798, pas një takimi me një tregtar të pakëndshëm anglez, Nathan vendosi të blinte mallra direkt nga Anglia, në vend që të përdorte ndërmjetës. Në të vërtetë, Mayer Rothschild kishte marrë vendimin për të dërguar Nathan në Angli. Arkëtari kryesor i familjes e shoqëroi atë, duke qenë në gjendje të fliste anglisht. Kështu Rothschild themeloi degën e tij të parë jashtë vendit.

Në vitin 1800, perandori Franz II i emëroi Rothschild dhe Amschel agjentët e tij perandorak, që u dhanë atyre të drejtën për të mbajtur armë. Në 1802, Rothschild ndryshoi drejtshkrimin e emrit të tij të parë nga “Meyer” në “Mayer”, ndoshta për ta bërë atë të duket më shumë gjerman. Një vit më vonë, Ëilhelm emëroi Rothschild si shefin agjenteve të oborrit, titulli më i lartë i oborit për një hebre.

Rothschild ndihmoi në gjetjen e një shkolle moderne për fëmijët e Judengasse në 1803. Përveç marrjes së një edukimi fetar, nxënësit studionin gjermanisht, frëngjisht, gjeografi, histori natyrore dhe filozofi moderne. Megjithëse rabinët ortodoksë të geto-s e përgënjeshtruan, Mayer Rothschild dhe më vonë i biri i tij Amschel mbështetën shkollën.

Nga 1807, Rothschild po bënte pothuajse të gjitha transaksionet bankare ndërkombëtare për Landgrave në sajë të Buderus. Strategjia që ai e rriti volumin e biznesit të tij ishte pranimi i fitimeve më të ulëta. Kapitali i tij u akumulua shpejt, dhe banka e tij u bë një nga më të mëdhatë në Frankfurt. Përveç bankave, Rothschild gjithashtu tregtonte në tekstile, mallra të ardhura nga kolonitë, monedha, antikitete dhe verë. Ai u pasurua duke shitur mallrat që Nathani kishte dërguar nga Anglia që përfshinte tekstile, lesh, çaj, fruta të thata, sheqer dhe kafe. Ndërsa pasuria e tij u rrit, Rothschild filloi të negociojë hua shtetërore për Princin (Landgrave), i cili donte të jepte para në mënyrë anonime.

LUFTA PËR TË DREJTAT E HEBRENJVE

Në 1806, Karl von Dalberg u bë sundimtar i Frankfurtit. Rothschild i dha atij kredi, të cilat bankat e tjera nuk do të kishin. Në këmbim, ai kërkoi nga Dalberg të shtrijë të drejtat e shtetësisë së plotë për të gjithë hebrenjtë. Dalberg u ofroi t’i japë këto të drejta menjëherë për Rothschildët, por kishte nevojë për më shumë kohë për të vendosur për pjesën tjetër të komunitetit. Rothschild e refuzoi këtë ofertë, sepse ai nuk e konsideronte veten më të denjë sesa bashkëfetarët e tij dhe nuk pranoi t’i jepej përparësi. Deri në vitin 1811, Rothschild nuk arriti të negocionte të drejta të barabarta për hebrenjtë e geto të Frankfurtit. Në shkëmbim, atyre iu kërkua të paguajnë një shumë të madhe për Dalbergun.

Në fund të 1806, Napoleoni urdhëroi një embargo të mallrave angleze, duke ndaluar të gjitha tregtinë me Anglinë. Tregtarët si Rothschildët u bënë të aftë për të kontrabanduar mallrat e ndaluara dhe bënë shumë para për të shitur kontrabandë me çmim të lartë.

I gjendur në luftë midis Prusisë dhe Francës, Ëilhelm iku nga kështjella e tij për të jetuar në mërgim. Buderus vazhdoi të shërbente si ndërmjetës për Landgrave dhe Rothschild. Kur Ëilhelm u rebelua kundër mbretërisë së Vestfalisë, e cila u qeveris nga Jerome, vëllai i Napoleonit, Buderus u arrestua. Rothschild dhe bijtë e tij, Salomoni dhe Jakobi, u vunë nën arrest shtëpiak dhe u kontrolluan shtëpitë e tyre. Ata kishin marrë paralajmërimin paraprak të kërkimit dhe kishin hequr ose fshehur ndonjë gjë që ishte inkriminuese. Rothschild dhe familja e tij u morën në pyetje gati një javë. Hetimi përfundoi kur shefi i policisë kërkoi dhe mori një ryshfet. Rothschild mësoi një mësim të rëndësishëm nga ky episod. Ai zgjidhi të mos i kufizonte më shërbimet e tij tek një sundimtar.

Rothschild dhe Buderus u bënë partnerë të heshtur. Menjëherë pas, Ëilhelm lejoi Nathan Rothschild të menaxhonte llogaritë e tij angleze. Nathan bleu aksione angleze në emër të tij për Wilhelm, duke rritur në masë të madhe gjendjen e tij të kreditit. Duke përdorur paratë e Ëilhelm, Nathan spekuloi dhe bëri fitime të mëdha.

Më 1810, Rothschildi riorganizoi biznesin e tij, duke i bërë djemtë e tij të rritur, partnerë të plotë, por duke mbajtur vetë votën vendimtare. Tani në shëndet të keq, ai lejoi djemtë e tij për të drejtuar biznesin, ndërsa ai relaksohej dhe studionte gjuhën angleze.

Në mars të vitit 1811, Jacob Rothschild u vendos në Paris ku themeloi degën franceze të biznesit familjar bankar. Nën hundët e francezëve, Jakobi arriti me mjeshtëri të lëvizte paratë angleze tek Duka i Wellingtonit, i cili po luftonte Napoleonin në kontinent.

Megjithëse në shëndet të dobët, Mayer Rothschild u emërua në një vend në kolegjin zgjedhor të Frankfurtit, pavarësisht kundërshtimeve ndaj emrit të një hebreu në këtë trup. Më 19 shtator 1812, Rothschild vdiq në Frankfurt, 68 vjeç, duke lënë një perandori të madhe biznesi tek pesë djemtë e tij.

Në 1817, bijtë e Rothschild u bënë fisnikë nga perandori austriak. Amschel, Jacob dhe Calmann ndryshuan emrat e tyre në Anselm, James dhe Carl. Anselm drejtoi degën e Frankfurtit të kompanisë. Nathan qëndroi në Londër, duke u bërë më i suksesshmi i djemve të Rothschild. Salomoni u vendos në Vjenë dhe drejtoi degën austriake të firmës. Carl shkoi në Napoli, dhe u bë bankier i oborrit në mbretërinë Bourbon. Jakovi bëri shumë mirë në Paris.

Sot, pasardhësit drejtojnë një perandori financiare që mbulon botën, me degë në Evropë, Australi, Shtetet e Bashkuara, Kanada, Meksikë, Rio de Zhaneiro, Tokio, Hong Kong dhe Singapor. /Përgatiti Izraelisot.com

Nuk ka gaz për Shqipërinë, TAP nuk mund të shfrytëzohet për mungesë rrjeti

Me kalimin e gazsjellësit TAP në vendin tonë, Shqipëria bëhet pjesë e rrjetit europian të gazit natyror, por kjo nuk do të thotë se ky burim energjie mund të përdoret menjëherë për nevojat e vendit, rasti më i mirë është periudha afat mesme, por edhe ky objektiv është i largët

Në planin e qeverisë për zhvillimin e sektorit të gazit natyror në Shqipëri dhe identifikimin e projekteve prioritare, nënvizohet fakti se shpërndarja e gazit natyror brenda vendit nuk mund të pritet të ndodhë përpara vitit 2020.

Ky madje është një afat optimist, pasi në të vërtetë as fondet dhe as mënyra e ngritjes së rrjetit të gazit në Shqipëri nuk janë siguruar.

Qeveria ka parashikuar ndërtimin e tre linjave kryesore të transmetimit. Koha për të ndërtuar është e shkurtër, deri në tre vjet, dhe shuma që kërkohet është 185 milionë Euro.

Ndërsa për shpërndarjen duhen 110 milionë Euro të tjera. Për momentin është ngritur si njësi vetëm kompania publike që do merret me administrimin e rrjetit të gazit.

Në letër përfituesit e parë duhet të jenë sektorët e industrisë, më konkretisht TEC i Vlorës, por edhe ky kërkon një investim serioz për përshtatjen e teknologjisë nga përdorimi i naftës tek gazi natyror.

Sasitë e para te gazi do të kalojnë përmes tubacionit të TAP nga Azerbaxhani drejt Evropës në 2020-ën, por Shqipëria nuk pritet të jetë nga përfitueset e para./Top Channel

Haradinaj në Samitin e Londrës prezanton mbi 30 projekte

Kryeministri i Kosovës, Ramush Haradinaj, ka udhëtuar sot për në Britani të Madhe, ku do të marrë pjesë në Samitin e Londrës, i organizuar nga Banka Evropiane për Rindërtim dhe Zhvillim (BERZH)

Sipas Zyrës së Kryeministrit, Haradinaj në këtë Samit do të prezantojë mbi 30 projekte nga komuna të ndryshme të Kosovës, por edhe projekte rajonale në vlerë rreth 600 milionë euro, njofton Telegrafi.

Përveç kësaj, në margjinat e samitit, kryeministri Haradinaj do të zhvillojë takime bilaterale me përfaqësues të lartë britanikë.

Ndryshe, mediat serbe të Beogradit, sot kanë raportuar se në Samitin e Londrës, në vend të kryeministrit Haradinaj, kishte udhëtuar zv/kryeministri Dalibor Jevtiq.

Kosova do të bëhet me urën më të gjatë në rajon

Ministri i Infrastrukturës, Pal Lekaj ka njoftuar se Kosova do të ketë urën më të gjatë në rajon

Përmes një postimi në llogarinë e tij në Facebook, Lekaj ka shkruar se urma më e gjatë në rajon prej 7 kilometrave tashmë ka filluar të marrë formën e saj.

Kjo urë është duke u ndërtuar nga kompania amerikano-turke, “Bechtel&Enka”. “Dinamika e punëve po na bënë me besu që Autostrada “Arbën Xhaferi” do të përfundojë me shpejtë se sa është planifikuar”, ka shkruar Lekaj, ndër tjera.

OBT: Gjendemi në prag të luftërave tregtare

Organizata Botërore e Tregtisë paralajmëron se po shtohet rreziku i luftërave botërore nga tarifat e reja të vendosura nga SHBA, si dhe nga zemërimi i vendeve si Kina

“Luftërat komerciale mund të shpërthejnë në çdo kohë dhe në mënyra që nuk presim”-tha drejtori i përgjithshëm i OBT-së, Hobert Azevedu, duke folur për Agjencinë Gjermane në Gjenevë.

“Ajo që nuk duhet është që një anëtar të miratojë masa që një anëtar tjetër mund t’i konsiderojë të njëanshme, dhe kështu të reagojë në mënyrë të paarsyeshme, duke nisur hakmarrjen”– shtoi Azevedo.

Në janar, Uashingtoni njoftoi se po imponon tarifa të larta për lavatriçe të mëdha të importuara si dhe panele diellore, për mbrojtjen e vendeve të punës në SHBA.

Kina, Koreja e Jugut, Bashkimi Evropian dhe të tjerët kanë reaguar ndaj tarifave të vendosura nga Uashingtoni, duke kërkuar kështu konsultime me OBT-në.

Uashingtoni mund të përballet me masa ndëshkuese, nëse mosmarrëveshjet nuk zgjidhen. Megjithatë, Drejtori i Përgjithshëm i Organizatës ka siguruar se ai nuk e sheh mundësinë që SHBA të largohet nga OBT.