Ekonomi, Lajmi kryesor

Bizneset ende vazhdojnë t’i ikin tatimit

Në vend ende vazhdon të ketë pabarazi në treg. Shumë nga bizneset vazhdojnë t’i ikin tatimit të shtetit. Një e treta e bizneseve, sipas raportit të auditorit, del se nuk kanë arka fiskale, raporton KTV

Nga 66 mijë biznese afër 20 mijë nuk i posedojnë ato. Por, numri i tyre mendohet të jetë më i madh, pasi Administrata Tatimore e Kosovës nuk ka të dhëna të sakta.

Lidhur me këtë nuk janë deklaruar në ATK. Në bazë të një hulumtimi të Ministrisë së Financave, në vitin e kaluar pati dalë që rreth 30 për qind ekonomisë në vend është joformale.

Musa Limani, profesor i ekonomisë, tregon se ky veprim ka ndikim të madh në buxhet të shtetit, por edhe në pabarazinë e bizneseve. Për këtë ai thotë se duhet të ndërmerren masa më të mëdha nga inspektorati i ATK-së si dhe të ketë bashkëpunim mes institucioneve.

Lidhur me këtë, ka reaguar edhe Odën Ekonomike Amerikane. Pos mungesës së arkave fiskale, sfidë thonë se mbetet edhe mbikëqyrja e zbatimit të këtij procesi.

Arian Zeka, drejtor i Odës Ekonomike Amerikane, ka thënë se ajo që është më e rëndësishmja krahas përmbylljes së fiskalizimit është edhe mbikëqyrja e zbatimit të procesit nga ana e bizneseve, meqë shumë prej atyre kanë arkë fiskale, por nuk e përdorin fare.

Procesi i fiskalizimit është theksuar edhe në raportin e auditorit në vitin e kaluar. Në të, u pat kërkuar nga Drejtori i Përgjithshëm që të sigurojë kontroll dhe të ndërmarrë masa të nevojshme që t’i obligojë bizneset të pajisen me arka fiskale.

Previous ArticleNext Article

Leave a Reply

Your email address will not be published. Required fields are marked *