Lajm.co

Hi syve

Të gjithë politikanëve tanë po u intereson vetëm si do të duken pas miratimit të demarkacionit – si do të shkruhet historia e rrejshme për ta! Dhe, po – a kanë për të mbetur apo s’kanë për të mbetur në pushtet

Nga Dush GASHI

A mund ta shihni tash, situatën kristal të pastër në të cilën jemi? A nuk po vëreni se asnjëri prej udhëheqësve tanë s’ka asnjë pikë rëndësie se ku dreqin është duke u vënë ai kufi? As udhëtimi pa viza në Europë, as pse u bëmë horë duke u vënë kundër krejt botës? A po e shihni se kur mendojnë se do të jenë të detyruar ta miratojnë demarkacionin – për të shmangur sadopak përgjegjësinë të cilën duhet ta marrin mbi vete, janë në gjendje të na qesin hi syve në të gjitha mënyrat e mundshme – të arsyetojnë të pa arsyetueshmen, të organizojnë protesta të rrejshme, të kurdisin pamje para ambasadave…?

Ndërsa e kundërshtojnë fuqishëm demarkacionin kur ndjejnë se, në rast të miratimit, pozita e tyre do të luhatet pak. A nuk mund të thonë se demarkacioni është – më falni në shprehje – një mut? Dhe është një mut, të cilin duhet ta hamë, sepse nuk kemi parë përtej hundës sonë, nuk kemi parë përtej pushtetit, sepse nuk mund të heqim dorë nga pamja e vetvetes si njerëz «të mëdhenj»?

Të gjithëve po u intereson vetëm si do të duken pas miratimit të demarkacionit – si do të shkruhet historia e rrejshme për ta! Dhe, po – a kanë për të mbetur apo s’kanë për të mbetur në pushtet! Sepse, asnjë dokument shtesë, asnjë deklaratë, as kurrgjë tjetër nuk e ndryshon për asnjë milimetër vijën e kufirit nga atje ku është vënë! Vetëm mund ta ndryshojë mashtrueshëm perceptimin për «heronjtë» tanë! Sepse na udhëheqin narcisoidët.

«Personi narcisoid shpesh e arrin ndjenjën e sigurisë në bindjen krejtësisht subjektive mbi përsosmërinë e tij, në epërsinë e tij ndaj të tjerëve, mbi cilësitë e tij të jashtëzakonshme, e jo me anë të marrëdhënieve ndaj të tjerëve apo me anë të çfarëdo pune të tij apo të arriturave». A më lexuat mirë? Jo me anë të çfarëdo pune të tij apo të arriturave. Pos atyre, më së shpeshti të rrejshme në luftë! Apo me diploma e doktorata të rrejshme fakultetesh!

A e kuptoni tash, meqë ra fjala, pse na duhen dekoratat e pavlerë të Hashim Thaçit? A po e kuptoni pse zoti president ka paguar kushedi sa para për një biografi të rrejshme për të? E i cili, pos vetes, po mendon se, me ato dekorata mund t’ua krijojë biografitë njerëzve ashtu si do ai, madje krejt historinë, realitetin e tërë… Sepse në tërë kohën sillemi në zonën e muzgut të patologjisë politike!

Shtetet e Bashkuara hapin në maj Ambasadën në Jeruzalem

Shtetet e Bashkuara do ta hapin Ambasadën e tyre të re në Jeruzalem në muajin maj. Kështu njoftoi një zëdhënëse e Departamentit amerikan të Shtetit këtë të premte, duke dhënë shumë më herët nga sa pritej përmbushjen e angazhimit kontrovers të bërë nga presidenti amerikan, Donald Trump

“Në maj, Shtetet e Bashkuara planifikojnë të hapin Ambasadën e re në Jeruzalem”, deklaroi zëdhënësja Heather Nauert. “Hapja e Ambasadës së re do të koinçidojë me 70-vjetorin e Izraelit”.

Trump njoftoi në fund të vitit të kaluar njohjen e Jeruzalemit si kryeqytet të Izraelit, e rrjedhimisht nisjen e përgatitjeve për të zhvendosur selinë diplomatike amerikane nga Tel Avivi në Jeruzalem, pavarësisht kundërshtive të ashpra nga zyrtarët palestinezë.

Statusi i Jeruzalemit mbetet ende pika kyçe në çështjen e negociatave të paqes mes izraelitëve dhe palestinezëve, me secilën palë që kërkon ta ketë qytetin e shenjtë si kryeqytet të zgjidhjes dyshtetërore të mundshme.

Muajin e kaluar, zv.presidenti Mike Pence tha përpara Parlamentit izraelit “Knesset”, se Ambasada e re do të hapej “përpara fundit të këtij viti”.

Lëvizja e planifikuar e ambasadës nxiti një sërë trazirash dhe protestash anembanë Lindjes së Mesme, me zyrtarë të Autoritetit Palestinez që fajësonin Trumpin se vuri një pengesë të madhe në negociata.

Gjatë një takimi dypalësh mes Trumpit dhe kryeministrit izraelit, Benjamin Netanyahu, muajin e kaluar në Forumin Ekonomik Botëror në Davos të Zvicrës, presidenti tha se çështja e ambasadës ishte “jashtë tryezës” për diskutime.

Ndërkohë, një diplomat palestinez, Saeb Erekat reagoi ndaj këtyre fjalëve.

“Jeruzalemi nuk është larguar nga tryeza e negociatave, përkundrazi janë Shtetet e Bashkuara që po dalin përtej konsensusit ndërkombëtar”, tha Erekat në deklaratën e tij, sipas medieve izraelite. “Ata që thonë se Jeruzalemi është jashtë tryeze, po thonë se paqja nuk mund të diskutohet. Qyteti i shenjtë është në zemrën e çdo palestinezi, arabi, të krishteri dhe myslimani, e nuk mund të ketë paqe pa Jeruzalemin Lindor, si kryeqytet sovran i shtetit të Palestinës”.

“Kiem Holijanda” me aktorë kosovarë shpërblehet në Berlinale

Në festivalin e filmit në Berlinale është prezantuar edhe filmi “Kiem Holijanda” ku luajnë Arbresha Grabovci Nixha, florist Bajgora dhe Andi Bajgora, nën regji të holandezes Sarah Veltmeyer

Filmi është shfaqur në kuadër të programit Generation 14plus në Berlinale – Festivalin e Filmit në Berlin.

Filmi është shpërblyer me Ariun e Kristaltë.

Me “Kiem Holijanda”, treshja nga Kosova u është bashkuar yjeve të filmit që kanë parakaluar në edicionin e 68-të të festivalit të filmit në Berlin, si Robert Pattinson, Bill Murray, Tilda Swinton e të tjerë, transmeton Koha.net.

Të dielën, në ditën e pestë të “Berlinales”, filmi u dha në kinemanë “CinemaxX”.

Një tjetër shfaqje do ta ketë të enjten në kinemanë “HKW” me kapacitet mbi një mijë vendesh e pastaj më 24 dhe 25 do të shfaqet në “Cubix” , që ka kapacitet mbi 700 vende.

Misteri 5000-vjeçar i tumave ilire të Pazhokut në Cërrik

Nga Fatos Salliu

Nëse merr rrugën në juglindje të qytetit të sotëm të Cërrikut, në fushat e Shtërmenit, do të hasësh në disa kodërvarre. Janë tumat ilire të Pazhokut, dokumenti historik i jetës së të parëve tanë në këto troje. Hetimet arkeologjike dhe hulumtimet shkencore provuan se tumat ilire të Pazhokut i përkasin periudhës së hershme të bronzit dhe më pas të hekurit në të cilat ky lloj varrimi hasej gjerësisht. Për studiuesit kanë shërbyer si pikë referimi në histori, pasi deri më tani nuk gjendet objekte më të vjetra se kaq.

Është vërtetuar shkencërisht se vendbanimet ilire të Elbasanit të sotëm i përkasin erës së bronzit të hershëm. Pra 3000 vjet para erës sonë (ose 5000) vjet më parë. Më vonë u shfaqën vendbanimet ilire në Lleshan, në Gradishtë të Belshit etj. Inventari i varreve është i përbërë nga qeramika dhe armët. Enët e gjetura janë të modeluara mirë çfarë nënkupton se arti i përpunimit të tyre në atë kohë ruan veçanti krahasuar me format e enëve të popujve të tjerë në Mesdhe. Format më karakteristike të enëve janë ato me dy vegja të ngritura mbi buzë dhe forma me një vegjë në formën e tehut të sëpatës.

Të ndërhyjë shteti

Armët e gjetura në tuma përfaqësohet nga thika, shpata, heshtat e bronzit, kamat etj. Llojet e armëve gjenden sipas statusit shoqëror që kishin të varrosurit dhe pozicionit ushtarak që ata mbanin. Por midis gjetjeve spikasin edhe disa objekte karakteristike të Kretës dhe Mikenës që mesa duket Ilirët e Pazhokut kishin marrëdhënie tregtare. Të imagjinosh që ilirët e shekullit të XVI para erës sonë kishin marrëdhënie me vendet e Egjeut, do të thotë se ky fakt ka rëndësi të jashtëzakonshme për historinë tonë.

Së pari ato janë dokumente reale arkeologjike që dëshmojnë jetën e lashtë të Ilirëve, në periudhën e bronxit dhe të hekurit, kanë rëndësi për nga mënyra e ndërtimit dhe ritet që përdoreshin. Fatkeqësisht gjatë viteve të fundit nuk janë mirëmbajtur dhe shpesh kanë rënë pre e atyre që kërkojnë antikuare. Tumat Ilire të Pazhokut në Cërrik po shkojnë drejt zhdukjes ndaj nevojitet ndërhyrja e menjëhershme e strukturave përgjegjëse të shtetit.

Si u zbuluan

Tumat ilire u zbuluan krejt rastësisht në kohën e diktaturës ndërsa kooperativistët e Shtërmenit po punonin për të hapur kanale kulluese me bel (qyrek), në Pazhok në 1 m-1,5 m thellësi. Ata ndeshën në formacione gurësh. Hulumtimet e mëtejshme provuan ekzistencën e vendbanimit të lashtë ilir të Pazhokut. U zbuluan varreza tumulare prej 25 tumash, gërmime të cilat janë bërë në vitet 1960 dhe 1973. 7 prej tyre u studiuan imtësisht.

Sipas të dhënave ata dallohen nga përdorimi i dheut enkas për mjeshtërinë e varrimeve ilire, të cilët e vendosnin mbi një varr qendror, siç ishte dhe në Pazhok. Tuma e parë ishte më e madhja e varrezës. Ajo ishte e lartë 5 m, me diametër 32 m e që dallohej jo vetëm për arkitekturën e ndërtimit, por edhe skenimin domethënës mbi varrin qendror me gropa nën taban e që rrethohej nga një unazë gurësh. Më domethënëse dhe mjaft interesante ishte fakti se varri përmbante dy skelete dhe një kokë kau të flijuar.

Kjo tregon më së miri atë çfarë kanë hulumtuar studiuesit për atë periudhë të parë të marrëdhënieve të njerëzve me veglat e tyre e kafshët për të fituar me anë të bujqësisë mbijetesën njerëzore. Më tej në zbulim vihet re një unazë më e madhe që kufizonte varret dytësore të tumës. Varret e tjera janë me gropa. Ato janë të rrethuara dhe të mbuluara me gurë, ose gjetkë me arka druri. Riti i varrimit është kryesisht me kufomën të vendosur gërmuq. Tumat janë të një periudhe që shkon nga fillimi i kohës së bronzit deri në fillim të kohës së hekurit. Por ato janë ripërdorur në mesjetën e hershme e atë të vonshme.

LDK-ja kërkon unitet për të falur 8000 hektarë tokë (NISMA e Jakupit e lë në baltë Ramushin)

Nga Xhevat Bislimi

LDK-ja, permes Avdulla Hotit, sot po ben thirrje qe partite shqiptare te jene unike per t’ia falur edhe 8 200 hektare toke Malit te Zi, territori i te cilit eshte mbi 60% territor shqiptar! Per LDK-ne dhe per pranine nderkombetare vetem Republika e Kosoves dhe populli i saj shqiptar lirine e levizjes (ikjes nga vendi i tyre!) mund ta marrin vetem duke dhene toke! Kjo eshte edhe nje fyerje e madhe e radhes qe po i behet shtetit sui generis te Kosoves dhe popullit te tij! Po duket qe Avdulla Hoti dhe LDK-ja nuk po gezojne rastesisht repsektin e Kryetarit te Serbise, Vuçiçit!

Jashte Kuvendit, 10-15 matrapaze, qe ushqehen dhe mbahen ne jete nga fondet dhe parate e huaja, jane mbledhur te protestojne kunder deputeteve qe nuk po votojne per faljen e tokes Malit te Zi!! Grup njerezish tugites per çdo shqiptar dhe per çdo njeri te civilizuar ne bote! Fushate tugitese po bejne edhe disa media-portale e TV te krijuara dhe te mbajtura edhe sot me fonde te dyshimta te huaja dhe me fonde publike te vendit! Keto medie, disa krere te shtetit dhe disa parti po i bejne trysni popullit shqiptar qe te heq dore edhe nga nje pjese e territorit te tij! Jane keta matrapaze te kontrabanduar ne parti politike e ne pushtet qe kane kerkuar nga BE-ja qe per liberalizimin e vizave te vendoset kushti i faljes se 8 200 hektareve toke Malit te Zi!

Sot u pa qarte se edhe NISMA e Jakup Krasniqit (e themeluar si iniciative qytetare per t’u bashkuar me Levizjen, por qe perfundoi ne prehrin e PDK-se!!), e cila e kishte nxitur Ramushin qe te largoheje nga Opozita e Bashkuar, e paska lene ne balte Ramush Haradinajn! NISMA (tash socialdemokrate!) eshte bashkuar me LDK-ne dhe me PDK-ne per ta votuar marreveshjen e kufirit me Malin e Zi pa RAPORTIN e Komisionit shteteror te Bulliqit! Keshtu Ramushi po izolohet nga aleatet e tij te rrejshem! Por, per Ramushin dhe per AAK-ne do te ishte me e ndershme te largoheje nga qeveria se sa ta pranonte kete “kurth” te NISMA socialdemokrate dhe PDK-se…

Votimi i marreveshjes se kufirit me Malin e Zi, me e pa raportin e Bulliqit eshte i pafalshem per AAK-ne- Ramushin. Populli shqiptar i Kosoves kurre nuk ka kerkuar te fale toka per te fituar nje te drejte qe kane fituar te gjithe popujt tjere pa kushte te ketilla poshteruese. As sot populli yne nuk do te pranonte kurre qe te jepeje qofte edhe nje pellembe toke ne kembim te liberalizimit te vizave. Nese kete poshterim e kane kerkuar kreret e institucioneve te Kosoves, disa nga mediat e shkruara e te folura ne gjuhen shqipe, por qe u sherbejne interesave te huaja, dhe nje pjese e shoqerise civile “nderkombetare”, populli shqiptar dhe Levizja Vetevendosje nuk e kane pranuar dhe nuk po e pranojne as sot… Mire do te ishte te mos e pranonte as Ramushi, i cili po izolohet nga NISMA e Jakupit, e bashkuar me PDK-ne dhe LDK-ne per t’ia falur Malit te Zi edhe pak toke!!

Paralajmërimi i The Guardian: Ballkani para një krize të madhe

“Lufta e Dytë Botërore ka përfunduar, por Lufta e Parë Botërore ende jo.” Këto ishin fjalët e një zyrtari turk që e takova së fundi në Ankara. Ai po fliste për Lindjen e Mesme, por ishte ai lloj komenti që mund ta kisha dëgjuar në Moskë, në Kjev, ose në Ballkan, rreth gjendjes së gjërave në Kontinentin Evropian

Një vend ku s’mund të kisha dëgjuar diçka të tillë ishte Brukseli. Kjo sepse Bashkimi Evropian është ende i papërgatitur që të jetojë në një botë ku gjeopolitika është rikthyer – në të cilën qeveritë, ashtu si shumica e publikut, janë të obsesionuar me kufijtë dhe territoret, dhe priret të definojë suksesin më pak nga zhvillimi ekonomik sesa nga krenaria kombëtare.

Kjo është drama që po luhet aktualisht në Ballkanin perëndimor, ku kapacitetet e BE-së për të menduar dhe vepruar si një lojtar gjeopolitik po testohen seriozisht. Herët në këtë muaj, BE-ja ka prezentuar strategjinë e re për Ballkanin perëndimor. Qëllimi i deklaruar është që të inkurajojë reforma në Serbi, Mal të Zi, Bosnjë e Hercegovinë, Kosovë, Maqedoni dhe Shqipëri, nga ripërtritja e anëtarësimit. Ato institucione në Bruksel, të cilat e gjejnë veden mes një rritjeje të populizmit duke afektuar shumicën e vendeve të BE-së, tash duket se kanë kurajën të rithonë se premtimi për anëtarësimin nuk është një mrekulli e vogël.

Një shaka ballkanike më së miri e rrokë mentalitetin e njerëzve që ndihen se janë lënë në pritje për kohë shumë të gjatë: kur vjen te anëtarësimi në BE, ndryshimi mes pesimistëve dhe optimistëve është që optimistët besojnë se Turqia do të bëhet anëtare gjatë kohës sa presidencën e BE-së do ta ketë Shqipëria, ndërsa pesimistët besojnë që Shqipëria do të futet në BE kur presidencën do ta ketë Turqia. Nënkuptimi i kësaj: ato s’do të anëtarësohen kurrë.

Brukseli ka të drejtë ta qartësojë që status quo-ja është e paqëndrueshme. Por, pa ndonjë vazhdimësi, njoftimi rrezikon të prodhojë jostabilitet në rajon. Ajo prej së cilës BE-ja duhet të ketë frikë më së shumti është përsëritja e një skenari si ai i Ukrainës, në të cilin mbështetja qeveritare për aspiratat Evropjane shkaktoi përplasje nga oponentët e zgjeruar [për të cilët, lexo Rusia], në vend se t’i mblidhte qeveritë evropjane rreth atij projekti.

Shumë faktorë e kanë rikthyer Ballkanin në lajm qëndror – jo vetëm kriza e fundit e refugjatëve, që thellësisht po e trondit rajonin. Tashmë ka një momentim në rritje për një integrim të zgjeruar, pas një periudhe në të cilën BE-ja u bë e njohur si një organizatë që iu dha pak para.

Një zhvillim inkurajues, edhe pse pak e vërejtur, ka qenë relacioni i fundit i traktit të miqësisë mes Bullgarisë dhe Maqedonisë, dy vende relacionet e të cilave për kohë të gjatë kanë qenë të tensionuara, kryesisht për çështjet minoritare. Arritja e kësaj gjëje të jashtëzakonshme, ka dhënë sinjalin nga të dyja vendet që ka ardhur koha që të bëhen zgjidhjet për disa prej plagëve të rajonit.

Por që BE-ja të ketë sukses në ambicjet e tij për të transformuar rajonin, duhej të ishte e ndërgjegjshme për ndryshimet momentale gjeopolitike që po zënë vend. Në vitin 2003, kur BE-ja fillimisht premtoi anëtarësimin, kishte pak dyshime se e ardhmja e rajonit do të ishte e ardhme evropjane. Rusia po këqyrte në Ballkan së pari si një zonë tranziti për të eksportuar energjinë e saj në tregjet e Evropës perëndimore. Ambicjet e Moskës më pas ishte që të ruante shkallën e influencës më shumë sesa të garonte me Brukselin.

Pesëmbëdhjet vjet më parë, Turqia ishte entuziaste për shansat e hyrjes në BE. Si rezultat i kësaj, kjo i formësoi politikat e Ballkanit për aq sa të demonstronte vlerat strategjike të vlerave të Evropës. Atëherë, askush nuk fliste për Kinën në Ballkan.

Sot, gara gjeopolitike është e gjithandejme. Kina është e vendosur të bëhet investitori më i madh i huaj në Serbi sivjet. Planet për të ndërtuar një autostradë mes portit grek të Pireut dhe Budapestit, përmes Beogradit, janë të një vlere të madhe për Kinën siç e përshkruan rrugën tregtare si “një rrip, një rrugë” mes Azisë dhe Evropës. Shpresat kineze që Ballkani perëndimor do të integrohet në një treg të vetëm evropjan, megjithëse Kina nuk është për ngut për projektet e saj infrastrukturore që t’i përmbahet rregullave të BE-së.

Kjo ngre shumë pyetje. A duhet BE-ja të fillojë t’i shtyej vendet e Ballkanit që të adoptojnë rregullat e prokurorimit tash, apo më vonë? Dhe a është gati BE-ja që të ofrojë kompenzim nëse këto shtete i humbin investimet kineze si konsekuencë e integrimit në BE? Përpjekja e Rusisë ka ndërruar poashtu. Brukselit nuk i duhet të ketë ndonjë spiun në Kremlin që të dijë se Rusia do të bëj gjithçka që mundet që të ndalojë Maqedoninë nga futja në Nato – jo shkaku i domethënjes strategijke për të, por shkaku i vlerës simbolike.

Dhe politikbërësit evropjanë duhet të jenë të ndërgjegjshëm që nëse përplasja e gjatë mes Greqisë dhe Maqedonisë [shkaku i emrit] nuk zgjidhet para samitit të ardhshëm të BE-së në Ballkanin perëndimor në maj, atëherë duhet që kjo të përbëj një mbrojtje të dyfishtë: Ambicjet e Maqedonisë do të lidheshin dhe përpjekjet e Brukselit duhet të merren seriozisht në rajon do të bien përtokë.

Rajoni i Ballkanit është vendi ku Rusia mund të punojë që të destabilizojë BE-në me shumë pak kosto politike për veten, edhe më terme ekonomike dhe në rrezikun e konfrontimit me ShBA-në. Diplomacia evropjane duhet ta bindë Moskën që tensionet e përshkallëzuara nuk do të jenë në interesin e saj më të mirë. A është BE-ja gati për këtë?

Por, ja ku është Turqia, një vend relacionet e të cilës me BE-në qëndrojnë në pikën më të ulët historike. Është ende e paqartë sesi presidenti i saj, Recep Tayyip Erdogan, do t’i luaj letrat e saj në Ballkanin perëndimor. Ndërsa Ankaraja po provon të ndërtojë influencën e saj mes komuniteteve myslimane në Ballkan. Moska po e përdorë avantazhin e saj në të krishterët ortodoksë. A mundet Rusia dhe Turqia të koordinojnë politikat e tyre, ashtu siç provuan ta bëjnë në Siri?

Nëse BE-ja është e ngadalshme që të zgjohet nga këto realitete gjeopolitike, strategjia e saj për Ballkanin perëndimor do të përfundojë në humbje.

“New York Times”: Pse Shqipëria është mundësi e shkëlqyer për investitorët

Mëngjesin e sotëm, kreu i qeverisë Edi Rama për të bërë përshëndetjen e zakonshme, ka zgjedhur ta shoqërojë më një tjetër artikull të huaj që flet për vendin tonë

Në një shkrim të “New York Times”, tregohen mundësitë që kanë investitorët e huaj në Shqipëri.

“Mirëmëngjes dhe me këtë artikull të New York Times për mundësitë e shkëlqyera që u ofron sot Shqipëria investitorëve të huaj përmes taksave më të ulëta dhe burokracive të reduktuara ndjeshëm, ju uroj një ditë të mbarë,” shkruan Rama.

Në artikullin që e gjeni këtu, promovohen lehtësitë dhe mundësitë me të cilat përballen investitorët e huaj, mes tyre taksat e ulëta.

Në artikull shkruhet se Italia është investitori dhe partneri më i mirë në Shqipëri, duke investuar 3.5 bilionë euro.

Juncker, Mogherini dhe Hahn më 28 shkurt në Kosovë

Presidenti i Komisionit Evropian, Jean-Claude Juncker, shefja për Politikë të Jashtme dhe Siguri e BE-së, Federica Mogherini dhe Komisioneri për Zgjerim, Johannes Hahn, do të vizitojnë vendet e Ballkanit, përfshirë edhe Kosovën

Vizita në Kosovë e zyrtarëve evropianë, e paraparë më 28 shkurt, bëhet në kuadër të një turneu të tyre në Ballkan. Ata do të vizitojnë fillimisht Maqedoninë, pastaj Shqipërinë, Serbinë, Malin e Zi, Bosnje dhe Hercegovinën dhe ndalesa e fundit e tyre do të jetë në Bullgari.

28 shkurt, në orën 10:00 është paraparë të mbahet seanca e Kuvendit të Kosovë me qëllimin për t’u ratifikuar Marrëveshja Demarkacionit me Malin e Zi.

Ky turne, që nisë nga 25 shkurti dhe përfundon më 1 mars, bëhet për të prezantuar strategjinë e BE-së për rajonin e Ballkanit Perëndimor.

Javë më parë, Komisioni Evropian, prezantoi Strategjinë e re të Zgjerimit, ku afate të qarta kohore për anëtarësim në BE, ju dhanë vetëm Malit të Zi dhe Serbisë.

Kjo vizitë e diplomatëve evropianë vjen në kohën kur Kuvendi i Kosovës po bën përpjekje që të ratifikojë Marrëveshjen e demarkacionit të kufirit me Malin e Zi, e cila ishte nënshkruar në Vjenë në vitin 2015.

Në dy seanca plenare, Kuvendi ka dështuar që të arrijë konsensus për të kaluar këtë marrëveshje, e cila është njëra nga kushtet e vëna nga BE-ja për liberalizimin e vizave, krahas kushtit për luftimin e krimit të organizuar dhe korrupsionit.

Abrashi: Disa deputetë të VV-së do ta votojnë Demarkacionin

Deputeti i Lidhjes Demokratike të Kosovës Arban Abrashi mendon se demarkacioni me Malin ne Zi do të ratifikohet ditën e mërkurë

Abrashi në emisionin InfoBox të RTV Dukagjinit, ka thënë se kjo mund të bëhet edhe pa votat e Listës Serbe pasi pret që votë pro të kenë edhe disa deputetë nga Lëvizja Vetëvendosje.

“Unë kam bisedu me disa prej tyre që janë shumë konstruktiv dhe ndoshta edhe do të votojnë. Nuk kisha me përmend emra por ka njerëz që mendojnë se ky proces duhet të ecë përpara sepse e ngulfat Kosovën dhe tërë shoqëria po merret me demarkacion tani e tre-katër vjet’, tha Abrashi.i.

Krahu i Dardan Molliqajt në Kuvend, mund të ketë deputetë që do të votojnë shënjimin e kufirit me vendin fqinjë.

“Nga grupi i të pa kënaqurve”, tha Abrashi. “2-3 se nuk na duhen më shumë të cilët janë konstruktiv që ja dojnë të mirën vendit dhe mendojnë përtej partisë së tyre”, tha Abrashi.

Kush ishte Rexhë Meta, për të cilin u interesua personalisht Presidenti amerikan Truman

Nëse lexuesi shfleton faqet e para të librit “Pran of Albania” të shkrimtares amerikane Elizabeth Cleveland Miller, aty e gjan nji kushtim: “Kushtue: Palokë Shkjezit, Rexh Metes, – (“Dedicated to Paloke Shkiezi, Rexhe Mete”)…”

Nga Ilir Seci

Dedikimi në këtë liber perban nji tjeter rast ku shfaqet emni i Rexhe Metes, në libra të shkruem nga autore amerikane. Ma se pari emni i tij permendet në vepren “Majat e Shalës”, (The Peaks of Shala), të shkrimtares amerikane Rose Wilder Lane…, mbasandej del në kushtimin e librit të shkrimtares Elizabeth Cleveland Miller…

Kush ishte Rexhë Meta

Se kush ishte Rexhë Meta, ma kjartë na sqaron studiuesi amerikan, William Holtz, profesor në Universitetin e Miçiganit, SHBA, i cili shkruen per Rexhë Metën në biografine e shkrimtares Rose Wilder Lane, “Fantazma në Shpinë e Vogël: Nji Jetë e Rose Wilder Lane”, – Seria e Biografive në Misuri, – (William Holtz, “The Ghost in the Little House: A Life of Rose Wilder Lane”, – Missouri Biography Series.)…

Rexhë Meta ka lindun në Vuthaj në vitin 1906, ka kenë nji djale i fisit Ulaj, i mbetun jetim mbasi familjen ia kishin masakrue shovinistët serbo-malazezë. Mbasi prinderit i kishin vdekun, Rexha i vogel ishte vendose në Shkoder bashke me dy motrat. Femije shume i zgjuet, kishte mesue vetë anglisht qysh 12 vjeç, dhe shoqnonte amerikanet qe punonin për Kryqin e Kuq Amerikan që ndihmonte refugjatet e Luftes në Shkoder gjate dhe mbas Luftes së Pare Botnore.

Permes Kryqit te Kuq Amerikan, Rexha njihet me shkrimtaren amerikane Rose Wilder Lane, shkrimtaren që ka shkrue “Majat e Shales”, (The Peaks of Shala)… Aty njihet edhe me Elisabeth Cleveland Miller, autoren qe i ban kushtimin Rexhes ne vepren “Pran of Albania”.

Shkrimtaren Rose Wilder Lane e ban per veti zgjuarsia e Rexhës, kurajua e tij, Rexha tue kenë femije per veti kishte mbledhe disa jetime të tjere nga Plava e Gucia dhe kujdesej per ta si ma i madh qe ishte, si me qenê vllaznit e motrat e tij, njisoj si per dy motrat e veta. Studiesi William Holtz ne biografine e Rose Wilder Lane, sjell shenimet e saj, se si Roses i kishte ba shume pershtypje kurajua e atij femije 12 vjeçar… Rose vendos me e adaptue Rexhen, e birëson dhe e çon në shkolle per me u edukue. Fillimisht Rexha mbaron shkollen teknike te Harri Fullcit në Tirane dhe mbasandej me mbeshtetjen financiare të Rose Wilder Lane, i kryen studimet e larta per Finance ne Universitetin e Kembrixhit në Angli. Studimet i kryen si student i shkelqyer, (“Honor Student”), dhe emni i tij gjindet ne librin e artë te atij universiteti…, me sa dihet asht i pari shqiptar qe ka krye ate universitet me fame botnore.

Në vitin 1938, Rexha kthehet me kontribue në Shqipni, punon si keshilltar i kryeministrit të kohes. Mbas prillit 1939, me pushtimin fashist të vendit, Rexhë Meta internohet ne Itali. Fashistet e konsiderojne kundershtar per shkak te edukimit te marrun ne Kembrixh Angli si dhe per lidhjet me shkrimtaret amerikane. E mbajne ne internim deri ne shtatorin e vitit 1943 kur kapitullon Italia fashiste. Ne vitin 1943 kthehet ne Shqipni dhe kontriboun ne te miren e çeshtjes kombetare ne kushtet kur trojet shqiptare ishin bashkue. Merr pjese ne komisionin organizator te Lidhjes se Dyte Shqiptare te Prizrenit. Me mbarimin e Luftes se Dyte Botnore, Enver Hoxha e burgos Rexhe Meten sepse “kishte shoqnue shkrimtare amerikane si Rose Wilder Lane dhe Elisabeth Cleveland Miller, si dhe kishte krye studimet në Kembrixh, Angli”, per keto arsye ai konsiderohej se “ishte agjent anglo-amerikan”…

Denohet me burg, dhe Rexhë Meta e pëson ma keq, sepse siç shkruan profesor William Holtz, “kur Rose Wilder Lane, (e ama qe e kishte birësue), mori vesh per arrestimin e Rexhes bani çmos me e lirue, duke perdore ndikimin e saj sepse Rose ka kenë gazetare e famshme ne Amerike”…
E shkreta Rose, meqe kishte mik presidentin Truman i kerkon atij me nderhy per me lirue Rexhen…, per shkak te asaj nderhymje, Rexhën e denojne me vdekje ne Shqiperine komuniste sepse “kaq agjent i rrezikshem ishte saqe ka nderhyre Presidenti Truman”…
Siç shkruan profesor William Holtz, sipas deshmive te vete Rose Wilder Lane, mbas perpjekjesh Enver Hoxha i ofron gazetares Rose Wilder Lane nji kusht per me ia fale jeten Rexhe Metes, kushtin qe ajo mos me shkrue kurre kunder regjimit komunist te tij. Rose Wilder Lane, ato vite ishte gazetarja ma e pagueme ne bote, me shume famë dhe njihte shume mire Shqipnine, por Enveri i bante shantazh me jeten e birit te saj te adaptuem. Rose, si nji antikomuniste e thekun qe ishte, shkruen ne kujtimet e veta se sa te veshtire e ka pase ate kompromis, vetem e vetem per me ia kursye jeten Rexhe Metes.

Mbasi vuejti tanë ato vite ne burgun e Burrelit, Rexha i shkretë, doli dikur nga burgu dhe i ka pase dy femije, vajzën Bora-Rose, (të cilës ia kishte ngjite emnin e Rose Wilder Lane), dhe djalin Fitimin…
Rexhë Meta vdiq në vitin 1985.

Mbas daljes nga burgu Rexhe Meta ka punue roje te porta e nje ndermarrje ne Shkoder…

Ne vitet ‘80 te kjo ndermarrje vijne disa te deleguem nga Ministria dhe pyesin drejtorin e ndermarrjes:
“Si i keni punet me kualifikimin e punonjesve?”.
Drejtori si shkodran me shpirt humori ua kthen :
“Na, si i kena punet me kualifikimin e punonjesve?! Si na nuk asht kurrkush mor zot, merreni me mend na rojen te porta e kena me diplome Kembrixhit!”…