Lajm.co

Kërkesa e vetme e Vuçiqit drejtuar Merkelit për Kosovën

Një ditë më parë presidenti serb, Aleksandar Vuçiq bisedoi përmes telefonit me kancelaren gjermane, Angela Merkel

Vuçiq i kushtoi vëmendje të veçantë zonës ekonomike rajonale dhe ndërtimit të autostradës Nish-Prishtinë. Po ashtu, ai kërkoi nga Merkel që të përshpejtojë realizimin e këtyre projekteve me autoritetin dhe reputacionin e saj, transmeton lajmi.net.

Sipas tij, krijimi i një zone ekonomike rajonale është me rëndësi vendimtare për Serbinë dhe vendet përreth pasi ajo do të tërheqë më shumë investime dhe do të përshpejtojë rrjedhën e njerzëve, mallrave, kapitalit dhe shërbimeve.

Gjatë bisedës temë e rëndësishme ishte edhe dialogu Beograd-Prishtinë. Analisti serb, Dejan Vuk Stankoviq mendon se kontaktet e shpeshta të Vuçiqit me Merkelin janë në favor të mundësive që projektet e mëdha të zbatohen.

“Shanset për zbatimin e këtyre projekteve do të rriten nëse përfshihet edhe Gjermania dhe bëhet presion nga ajo ndaj vendeve të rajonit. Pa mbështetjen e saj idetë e presidentit serb do të mbeteshin vetëm ide të mira evropiane”, është shprehur Stankoviq.

Ndërkohë, ministri i Jashtëm serb, Ivica Daçiq ka thënë se nëse nuk ka përparim në dialogun me Prishtinën nuk ka progres në negociatat me BE-në.

Në Londër vazhdon samiti BE-Ballkani Perëndimor

Në Londër po mbahet samiti BE-Ballkani Perëndimor në kuadër të Procesit të Berlinit, ku po merr pjesë edhe kryeministri Ramush Haradinaj

Ngjarjet qendrore të Samitit fillojnë sot me pritjen nga kryeministrja e Mbretërisë së Bashkuar të Britanisë, Theresa May për shefat e delegacioneve të vendeve anëtare të Procesit të Berlinit, dhe vendeve anëtare të BE-së të pranishëm në samit, si dhe për përfaqësuesit e Komisionit evropian.

Po ashtu, do të mbahet edhe sesioni plenar i kryesuar nga kryeministrja britanike, ku do të prezantohen planet për Samitin në Varshavë në vitin 2019. Në këtë sesion plenar, para të pranishmëve do të flasin kryeministri, polak Mateush Moravjecki, kancelarja e Gjermanisë, Angela Merkel dhe eurokomisari Johannes Hahn, të cilët do të flasin në temën “E ardhmja e Procesit të Berlinit”.

Programi zyrtar i samitit BE-Ballkani Perëndimor do të përfundojë me pritje për të gjitha delegacionet në pallatin Saint James, të cilën do ta organizojë princi Charles.

Dy vijat e kuqe të dialogut, që nuk guxojnë të shkelen

Krimet e luftës përbëjnë plagën më të rëndë, me të cilën ballafaqohen qytetarët e Republikës së Kosovës, që nga viti 1999 e këndej. Për familjet që kanë humbur më të dashurit e tyre, pavarësisht viteve që kalojnë, plaga e dhimbja vazhdon të mbetet e njëjtë, mu sikurse ditën e parë kur morën vesh lajmin e hidhur

Kohëve të fundit, plagëve të këtyre familjeve, po u “hedhin kripë”, disa lajme që po qarkullojnë në medie e që kanë të bëjnë drejtpërdrejt me dhimbjen, që ato i atakon çdo ditë.

Amnistia e krimeve të luftës, është përmendur si nja nga kompromiset në epilogun përfundimtar të dialogut me Serbinë. Madje, ky opsion është përmendur edhe nga burime të ndryshme diplomatike, ndonëse drejtuesit e shtetit të Kosovës e kanë mohuar një gjë të tillë.

Por, ajo që kanë bërë këta drejtues deri më sot, na bënë të dyshojmë dhe të shqetësohemi, se njëri nga kompromiset mund të jetë ky.

Deri më sot, nuk dihet se cilat kompromise të dhimbshme do të jenë në tavolinën e dialogut. Madje, ato është thënë se nuk do të bëhen publike, derisa të arrihet marrëveshja finale.

E si të mos dyshohet se amnistia e krimeve të luftës do të jetë një nga opisionet, kur ende përveç heqjes së vijave të kuqe dhe termit “kompromise të dhimbshme” nuk kemi dëgjuar diçka tjetër.

Ka një kohë të gjatë që Presidenti i vendit Hashim Thaçi, ka paralajmëruar se do të ushtrojë padi ndaj Serbisë krimeve të luftës. Por, koha që po kalon nuk po sjellë asgjë të re rreth kësaj çështjeje.

Kryetari i Lëvizjes Vetëvendosje, Albin Kurti, përmes një postimi në facebook ka treguar se cilat do të jenë etapat përgatitore për dialogun me Serbinë

Sipas Kurtit, përpara çfarëdo dialogu të ri me Serbinë, katër etapa përgatitore janë të domosdoshme në Kosovë: 1) Shqyrtim dhe vlerësim i dialogut 2011-2017 dhe i rezultateve të tij; 2) Synimet e Kosovës dhe kërkesat tona ndaj Serbisë; 3) Parimet dhe kushtet e dialogut të ri; 4) Ekipi ynë negociator me strategji dhe udhëheqës. Dhe, tri lloj debatesh duhen bërë: 1) Në Kuvendin e Republikës së Kosovës; 2) Në shoqërinë kosovare me shoqatat e familjeve të të pagjeturve, pakicat, UP-në e AShAK-un, me ekspertët e ekonomisë etj.; 3) Me BE-në si ndërmjetësuese.

Vetëm atëherë kur Presidenti i vendit Hashim Thaçi, t`i përfillë këto kërkesa të Kurtit dhe të të gjithë opozitës, qytetarët do t`ia besojnë vazhdimin e dialogut dhe udhëheqjen e tij.

Por, Thaçi deri më sot, nuk ka dhënë ndonjë dëshmi se do t`u përmbahet këtyre kërkesave. Andaj, edhe po përballet me kundërshtime të ashpra nga opozita dhe shoqëria civile.

Kosova do të përballet me periudhën më të vështirë që nga paslufta, pasi do të vendoset mbi të ardhmen e saj.

Por, mbi të gjitha, çështja e krimeve të luftës dhe prekja e tërësisë territoriale, duhet të jenë pikat më të forta, ku Kosova për asnjë kusht nuk duhet të lëshojë pe.

Erdoğan shpalos kabinetin e ri presidencial

Presidenti i Turqisë, Recep Tayyip Erdoğan, shpalosi kabinetin e parë të sistemit presidencial të qeverisjes i cili përbëhet nga 16 ministra, raporton Anadolu Agency. Kabinetin presidencial të cilin Erdoğan e shpalosi me anë të një konference për shtyp në Rezidencën Presidenciale në Ankara e përbëjnë këta emra:


Zëvendëspresident: Fuat Oktay

Ministër i Drejtësisë: Abdulhamit Gül

Ministre e Punës, Shërbimeve Sociale dhe Familjes: Zehra Zümrüt Selçuk

Ministër i Mjedisit dhe Urbanizmit: Murat Kurum

Ministër i Jashtëm: Mevlüt Çavuşoğlu

Ministër i Energjisë dhe Resurseve Natyrore: Fatih Dönmez

Ministër i Rinisë dhe Sportit: Mehmet Kasapoğlu

Ministër i Thesarit dhe Financave: Berat Albayrak

Ministër i Brendshëm: Süleyman Soylu

Ministër i Kulturës dhe Turizmit: Mehmet Ersoy

Ministër i Arsimit: Ziya Selçuk

Ministër i Mbrojtjes: Hulusi Akar

Ministër i Shëndetësisë: Fahrettin Koca

Ministër i Industrisë dhe Teknologjisë: Mustafa Varank

Ministër i Bujqësisë dhe Pylltarisë: Bekir Pakdemirli

Ministre e Tregtisë: Ruhsar Pekcan

Ministër i Transportit dhe Infrastrukturës: Cahit Turan

Gjuha shqipe, është gjuhë e krijuar nga një mendje shumë e fuqishme

Gjuha shqipe, eshte gjuhe e krijuar nga nje “mendje” shume e fuqishme. Foljet e saj primitive, jane kode primitive qe krijuesi, i ka ndertuar paralel me natyren

Besir BAJRAMI

Une thjeshte, habitem me magjine e saj dhe kuptoj qe asgje nuk eshte e rastesishme. Ne gjuhen shqipe ka vene dore dikush shume me i ditur se gjithe murgjit qe krijuan greqishten, latinishten dhe sllavishten te marre se bashku. Gjuha shqipe, eshte nje art tingujsh dhe kombinimesh te tyre, i kryer me nje finese te jashtezakonshme.

Ne baze te kesaj skeme te thjeshte per afinitetin e tingujve: b—->bʰ—>pʰ—>ph—->φ ose f—->v shqiptar–>shqiptaro-latin—->latin standart——> latin vernakular—->shqiptar (kjo per arsyen sepse tingulli b ka nje evolucion te tille), une bashkova skajet e ketij vargu dhe vendosa elementet qe mungonin.

Skema qe e shihni ne foto, ne menyre te natyrshme me shpjegoji ate qe ne fakt ndodh vertete si dhe ate qe shqipja eshte para dhe ne baze te te gjithave gjuheve te tjera.

Ne mes tjerash, me ane te kesaj skeme: b—->bʰ—>pʰ—>ph—->φ ose f—->v …mund te kuptojme se perse fe dhe be mund te jene e njejta gje ne kapercime reciproke.

Mbretërit tanë të rrejshëm

Njerëz që prezantohen rrejshëm ka pasur gjithmonë, ndërsa një i tillë në të kaluarën madje është pranuar dhe ka sunduar si mbret. Por, në kohë të sodit, një ambasador i rrejshëm në fakt zbuloi se sa të rrejshëm janë “sundimtarët” tanë për nga kompetenca, të cilët në kohën e internetit, kur mjaftojnë vetëm disa klikime në ekranin e kompjuterit apo të telefonit të mençur për të zbuluar se a është dikush ambasador a jo, mashtrohen për turp të botës nga një shakaxhi i dynjasë!

Nga Dush Gashi

Nuk na ka ndodhur vetëm neve të mashtrohemi nga një ambasador i rrejshëm. Gjatë historisë gjithmonë ka pasur njerëz, të cilët për përfitime të ndryshme, kanë prezantuar rrejshëm prejardhjen apo pozitën e tyre shoqërore. Ka edhe mjaft personazhe të tilla fiktive, ndërsa shkrimtari Nikollaj Vasileviq Gogol, në romanin e tij të njohur “Shpritra të vdekur”, e ka paraqitur gjendjen e rusisë feudale e të burokratizuar të kohës së tij nëpërmjet personazhit kryesor, i cili prezantohet rrejshëm si fisnik. Por, një tjetër mashtrues ishte i vërtetë në oborrin e carit rus. Gregori Rasputini, një pelegrin mistik dhe gjoja shërues, ishte prezantuar si i shenjtë, prandaj u bë i besuar i Aleksandra Feodorovnës, gruas së Car Nikollës II, monarkut të fundit rus, i cili lejoi atë të ushtrojë një ndikim të madh në oborrin perandorak të Rusisë deri në vrasjen e tij në Shën Petersburg.

Shçepani mbret

Malazezëve u ka ndodhur rasti më drastik – për disa vjet janë sunduar nga një mbret i rrejshëm! Edhe sot e kësaj dite nuk dihet me siguri se kush ishte njeriu, i cili në vitin 1776 u paraqit në Mal të Zi dhe u prezantua si Shçepani i Vogël (Šćepan Mali), por një rrethanë në Rusi e bën të besueshëm tregimin pse malazezët e morën për mbret. Sipas artikullit për të në Wikipedia, gjatë Krishtlindjes së atij viti ishin përhapur fjalë se cari rus Petri III, për të cilin mendohej se është vrarë nga dashnorët e bashkëshortes së tij Katerina II, e njohur gjithashtu si Katerina e Madhe, po fshehet në Mal të Zi dhe ai s’ishte askush tjetër pos Shçepani. Malazezët, nga dashuria që kishin për rusët, e pranuan të ardhurin si carin e tyre të ri (në vitin 1768) nën emrin Shçepani i Vogël. Vlladika Sava më kot ua kishtë përcjellë mesazhin rus se Shçepani s’ishte kush tjetër pos mashtrues, por populli e besoi të ishte ai mbret më parë se Sava. Pas kësaj, Shçepani i Vogël e burgos vlladikën Sava në një manastir dhe fillon të qeverisë së monark absolut. Pasi kishte dëbuar një sulm turk, një tjetër të Venedikut dhe i kishte shpëtuar një komploti rus, ai ka sunduar deri në vitin 1773, kur thuhet të jetë vrarë nga shërbëtori i tij grek, i paguar nga një bashkëkombas yni – veziri i Shkodrës, Mehmet Pashë Bushati.

Për çudi, ndonëse i rrejshëm si mbret dhe pa kurrëfarë përvoje në qeverisje, Shçepani i Vogël, gjatë sundimit të tij, jo vetëm që kishte bërë gjëra të mira në Mal të Zi, por edhe të pashembullta për atë kohë. Në një bashkësi primitive pa kurrëfarë rendi, çfarë ishte në atë kohë Mali i Zi, ai e kishte ndarë pushtetin shtetëror nga ai i kishës (!), ia ka dalë t’i shuajë grindjet ndërmjet fiseve malazeze, ka themeluar gjyqin e parë të përhershëm të përbërë nga 12 bajraktarë fisesh; ka formuar gardën trupore, si njësi të përhershme ushtarake; ka filluar ndërtimin e rrugëve dhe ka urdhëruar regjistrimin e popullsisë dhe të pasurisë!

Të mos harrojmë se jemi në shekullin në të cilin, ndonëse James Watti ka shpikur makinën me avull, do të duhet të kalojë edhe një shekull që hekurudha të bëhet mjet i përhapur transporti. Posta dhe shkresat mbretërore ende shpërndaheshin si në kohë të lashta, nga tatarët me kuaj dhe lajmet nga qendrat perandorake udhëtoni me ditë e me javë.

Ambasadori i rrejshëm

Por, një ambasador i rrejshëm në kohë të sodit, i pranuar hapekrah nga zyrtarë të lartë të shtetit të Kosovës, në fakt zbuloi se sa të rrejshëm janë “sundimtarët” tanë për nga kompetenca, të cilët në kohën e internetit, kur mjaftojnë vetëm disa klikime në ekranin e kompjuterit apo të telefonit të mençur për të zbuluar se a është dikush ambasador a jo, mashtrohen për turp të botës nga një shakaxhi i dynjasë. Dhe jo vetëm ata, por edhe një mori “oborrtarësh” të tyre, të cilët mbajnë tituj e grada.

Nuk ka qenë fare e vështirë që të shihet se Dr. Otto F. von Feigenblatt, i emëruar ambasador nderi i Kosovës nga presidenti Hashim Thaçi në mars të këtij viti, e i cili e “nderoi” Lutfi Hazirin, nënkryetarin e LDK-së dhe atë në emër as më pak as më shumë se të presidentit të ShBA-ve Donald Trump, është një anonim, të cilin thuaja se nuk e njeh fare bota virtuale. Kur e vë emrin e tij në kërkuesin e Google-it, të vetmet rezultate të cilat shfaqen janë kryesisht lajme mediesh, që kanë të bëjnë me të e më Kosovën. Në artikullin në enciklopedinë elektronike Wikipedia për ambasadorët e nderit të Kosovës, emri i tij, i cili shfaqet i fundit në listë, pas Franz Beckenbauerit, Xherdan Shaqirit, Valon Behramit, Granit Xhakës, Adnan Januzajt, Lorik Canës, Rita Orës dhe Majlinda Kelmendit, nuk është fare me hiperlink, siç janë të gjithë të tjerët, që do të thotë se kur të klikosh mbi emrin e tyre shfaqet një artikull tjetër në një faqe të re për të, me të dhëna më të plota rreth jetës dhe veprimtarisë. Vetëm emri i tij nuk ka hiperlink, që do të thotë se në Wikipedia nuk ka një artikull për të! Pastaj, deri sa të dhënat e të tjerëve ka edhe deri në 6 fusnota, të cilat paraqesin burimet e artikullit, për të ka vetëm një – nga presidenca e Kosovës! Vetëm nga këto do të mund ta konstatohej se diçka nuk është në rregull me ambasadorin Dr. Otto F. von Feigenblatt! Por, tashmë është më se e qartë se, sikur të mos ta bënte të njohur Kosova, Dr. Otto F. von Feigenblatti do të ende do te mbetej fare i panjohur për internetin!

Kjo sigurisht është e pamundur për dikënd, i cili i thotë vetes ambasador, madje i ShBA-ve. Për shembull, për ambasadorin e posaemëruar të ShBA-ve në Kosovë, Philip S. Kosnett, kërkuesi i Google-it për 0.29 sekonda jep 38.200 rezultate! Sigurisht se të gjitha këto rezultate nuk kanë të bëjnë me ambasadorin Kosnett, sepse më vonë paraqiten edhe shumë artikujt të cilët përmbajnë vetëm emrin Philip, apo mbiemrin Kosnett. Por, meqë rezultati i parë, nga faqja e ambasadës së ShBA-ve në Turqi, është shenjë pothuajse e sigurt se Philip S. Kosnett është ambasador i ShBA-ve! Dilemat e vogla të fundit të hiqen shpejt, pasi që fotot e tij që shfaqen në ekran janë kryesisht me në sfond flamurin a stemën e ShBA-ve! Kjo nuk ndodh kur e klikon emrin e tash të famshmit Dr. Otto F. von Feigenblatt!

Mbretërit lakuriqë

Meqë ra fjala, për vetë Hashim Thaçin, Google jep 2.790.000 rezultate dhe atë për 0,53 sekonda! (Koha dhe numri i rezultateve nuk del gjithmonë konstant, por rezultatet e para dalin gjithnjë po ato!)

Sot është e pamundur që gjatë punës intelektuale të mos i kesh të hapura disa tabela të internetit njëkohësisht në kompjuter – ndonjë fjalor, enciklopedi a media të ndryshme. Edhe ky artikull nuk do të mund të shkruhej në këtë formë pa ndihmën e internetit, ngase për këto subjekte, ndonëse të njohura për shumë kënd, të dhënat e detajuara për ta më askush nuk i kërkon nëpër enciklopeditë e shtypura të pluhrosura.

Por, për fat të keq, tërë këto njohuri, të cilat është e tepërt edhe të shkruhen sepse i dinë madje edhe kalamajtë, janë të kota. Sado që përditë “mbretërit” tanë zbulohen të jenë lakuriq, ende ka mjaft njerëz, të cilët u besojnë dhe i ndjekin si idhuj. Ndoshta ngushëllim i vogël është se kjo nuk na ndodh vetëm ne. Ndër shumë format të të pavetëdijshmes shoqërore, Erich Fromm numëron edhe atë që njerëzit sot nuk ia lejojnë vetes “të shohin” se sa të pakompetencë janë udhëheqësit e tyre, nga frika se kështu nga kohezioni shoqëror nuk mbetet asgjë. Diferenca duhet të jetë vetëm në nivelin e kësaj (mos)kompetence. Në botën e sotme është zor të gjendet një vend, i cili do ta “kapërdijë” një ambasador të rrejshëm. Pos këtij tonit.

Vetëvendosje i bashkohet protestës kundër pretendimeve të kishës serbe në Shas

Lëvizja Vetëvendosje, përmes një reagimi publik e denoncon atë që e cilëson si përpjekje e klerikëve të kishës serbe, përkatësisht peshkopit Amfilohije Radoviq, për të përvetësuar trashëgiminë kulturore e historike shqiptare

“Amfilohije dhe klerikë të tjerë kanë planifikuar mbajtjen e liturgjisë në rrënojat e qytetit ilir e më vonë arbëror, Shasit, me pretendimin provokativ se shqiptarët janë myslimanë, e rrënojat e kishave në Shas i përkasin pra sipas tyre, kishës serbe. Ky esencializim i shqiptarëve është si provokativ ashtu edhe i papranueshëm. Pjesë e identitetit historik dhe aktual shqiptar janë edhe trashëgimitë materiale e shpirtërore të tre religjioneve që kanë patur dhe ende kanë shqiptarët, pra katolicizmit, ortodoksisë dhe myslimanizmit, përfshi këtu edhe vëllazëritë sufiste, si bektashinjtë etj”, thuhet në reagimin e Vetëvendosjes.

“Xhamitë, teqetë, kishat, tempujt, qofshin ato ende në përdorim, apo rrënoja të lashtësisë, janë ndërtuar nga shqiptarët e paraardhësit e tyre, dhe i kanë shërbyer po atyre. Andaj çdo pretendim për t’i paraqitur ato si pronë a trashëgimi e një kombi tjetër, është e papranueshme dhe anti-historike. Është veçse një tentativë për t’i paraqitur shqiptarët si ardhacakë, pa trashëgimi e kontribut historik vetjak”, thuhet më tej në reagim.

Vetëvendosje thotë se i bashkohet protestave të banorëve të Shasit, Anës së Malit dhe Komunës së Ulqinit.
“Kërkojmë që qeveria e Malit të Zi, por edhe ajo e Kosovës dhe e Shqipërisë të mos lejojnë provokime e përvetësime të tilla të trashëgimisë sonë kombëtare”, thuhet në fund të reagimit të VV-së.

Tension në Mal të Zi, shqiptarët përzënë nga Ulqini mitropolitin serb, reagon Kremlini

Janë rritur tensionet mes shqiptarëve dhe serbëve në Mal të Zi, pas një tentative të kreut të Kishës Ortodokse serbe, Mitropolitit Amfilohije në Ulqin për të mbajtur një meshë në Malin e Rumies. Por shqiptarët nuk e kanë lejuar diçka të tillë, ç’ka ka shkaktuar reagime të ashpra jo vetëm nga Kisha serbe por edhe nga zëri i Kremlinit në Balkan, portal Sputnik

“Zyrtarisht nisi persekutimi i serbëve në Mal të Zi”, – është titulli i Sputnik-ut. Amfilohije prej kohësh po tenton të mbajë mesha në zonat shqiptare sin ë Kalanë e Ulqinit, Krajë, por edhe në Rumie me pretendimin se ndodhen themelet e objekteve të kultit të tyre. Mitropoliti kishës serbe, i njohur me deklaratat antishqiptare pretendoi se aty ku ishte mbledhur për të mbajtur meshë ndodheshin themelet e kishës së Gjon Pagëzorit.

Por këshilltarët e Komunës së Ulqinit e kanë kundërshtuar, duke theksuar se për aktivitetin duhet leje nga organet përkatëse. Haxhi Sulejmani, këshilltar i Partisë Demokratike, anëtar i koalicionit qeverisës Ulqinit, i ka kërkuar Mitropolitit të largohet. Policia ka ndërhyrë për të qetësuar situatën dhe më pas mesha është zhviluar në një ambient të mbyllur.

Ndërkohë sot, Sputnik ka e cilësuar ngjarjen e djeshme një “provokacja”. Sipas portalit të Kremlinit, ka nisur zyrtarisht persekutimi i Kishës Serbe. Drejtuesi i Partisë Popullore Demokratike të Malit të Zi, Milun Zogoviç, një parti që përfaqëson serbët, e cilësoi ngjarjen si një “sulm i shovinistëve etnike dhe fanatikë”.

Sipas Zogoviçit, qeveria e Malit të Zi “sot dërgoi një mesazh që Ulqini tashmë është një qytet i Shqipërisë, siç kanë deklaruar Hashim Thaçi dhe Edi Rama. “Duke shpallur Thaçin dhe Ramën ‘Qytetarë Nderi’ të Ulqinit, ky qytet në thelb është bërë pjesë e Shqipërisë së Madhe”, shprehet ai.

Kreu i partisë së serbëve ka paralajmëruar nisjen e një stine konfliktesh etnike dhe fetare në Mal të Zi.
“Ne nuk kemi më nevojë që të ftojmë autoritetet kompetente për të hetuar sulmet mbi metropolitin, pasi është e qartë se ata janë prapa tyre.

Prandaj, ne kërkojmë që besimtarët e Malit të Zi të jenë vetëorganizues në të ardhmen dhe të mbrojnë të drejtat dhe liritë tona fetare në çdo qytet dhe me çdo kusht. Kushdo që sillet brutal me Kishën Ortodokse Serbe, do të thotë se ka mbështetjen Partinë Demokratike të Socialistëve dhe partnerëve të saj të koalicionit”, deklaroi Zogoviç.

Në malin e Rumisë ka nisur ndërtimi i xhamisë siç ka qenë, por Kisha serbe e kundërshton dhe deputeti serb në parlamentin e Podgoricës akuzon qeverinë malazeze se po ndihmon muslimanët.

“Që kur qeveria jonë po dërgon ushtarë në misionin e KFOR-it në Kosovë, po shihet qartë strategjia e saj antiserbe. Ndaj ne i bëjmë thirrje besimtarëve të vetëorganizohen”, thekson Sputnikduke cituar deputetin serbo-malazez.

Trump sërish kritikon aleatët e NATO-s

Presidenti i Shteteve të Bashkuara, Donald Trump, i përsëriti kritikat ndaj aleatëve të NATO-s, rreth shpenzimeve të tyre në mbrojtje. “Shtetet e Bashkuara shpenzojnë në NATO shumë më shumë se çdo vend tjetër. Kjo nuk është e drejtë e as e pranueshme”, tha Trump në Twitter

“Vendet i kanë rritur kontributet prejse unë kam marrë detyrën, por ato duhet të bëjnë më shumë”, tha ai.
Presidenti amerikan i bëri këto komente në prag të samitit të NATO-s që mbahet të martën dhe të mërkurën në Bruksel.

Vendet anëtare të NATO-s janë angazhuar për shpenzimin e 2% të bruto prodhimit vendor në mbrojtje deri në vitin 2024, por vetëm pak prej tyre e kanë arritur këtë cak ose i janë afruar atij.

Marrë parasysh edhe mosmarrëveshjet tregtare midis Uashingtonit dhe disa partnerëve të tij në Amerikën e Veriut dhe në Evropë, komentet e fundit të Trumpit sugjeronë se takimi në Bruksel mund të jetë i tensionuar.

Jaën e ardhshme, Trump do të takojë presidentin rus, Vladimir Putin, në Helsinki. Ky takim po ashtu i ka shqetësuar aleatët amerikanë.

Ministria e Infrastrukturës e mban sekret kontratën me Bechtel & Enkan

Ministria e Infrastrukturës po vazhdon ta fshehë kontratën e nënshkruar me “Bechtel Enkan”, për autostradën “Arbën Xhaferi”. Më 11 qershor “KohaVisioni” ka bërë kërkesë për të parë kontratën me këtë kompani, bazuar në Ligjin për Qasje në Dokumente Publike

Por, ministria ka kaluar tw gjitha afatet ligjore, duke mos dhënë asnjë përgjigje. Gati në të njëjtën mënyrë kanë vepruar edhe me Institutin Demokratik të Kosovës. Diana Metushi- Krasniqi bën të ditur se brenda kontratës ekziston një klauzolë, e cila pamundëson publikimin e kontratës pa aprovimin e kompanisë.

Ajo tregon se u është ofruar qasje pjesërisht në dokumente, duke pamundësuar nxjerrjen e një konstatimi për ndarjen e 53 milionëve nga Qeveria për këtë kompani. Në Lëvizjen FOL thonë se vendimet e Qeverive të kaluara, po shfrytëzohen nga ato pasardhëse për arritjen e marrëveshjeve të reja.

Për këtë Jeton Zulaj thotë se shkelësit e ligjit duhet të ndiqen penalisht. Pos kontratës për autostradën “Arbën Xhaferi”, Ministria e Infrastrukturës prej tetë vjetësh nuk po e bën publike as atë për autostradën “Morinë- Merdar”. Për këtë të fundit, madje, ka edhe një vendim të Gjykatës Themelore të Prishtinës të marrë më 2 shkurt të këtij viti.