Lajm.co

Çifti publikuan fotot e tyre të viteve 2007 – 2017, sot duken më të ri sesa para 10 viteve (foto)

Wendy Joseph, 29-vjeçe, ka shokuar ndjekësit e saj në Instagram me një fotografi të postuar të dashurit të saj Dan Hennessey, 30-vjeç, duke bërë krahasimin e tij se si dukej në vitin 2007 dhe si duket tani

Transformimi mbresëlënës i çiftit që 10 vite më parë dukeshin plotësisht ndryshe, sot ata kanë arritur t’ua rrëmbejnë zemrat 60 mijë personave që pëlqyen fotografitë e tyre, transmeton Telegrafi.

“Dallimi 10-vjeçar. Shikoni në anën e majtë – 2007, dhe djathtas – 2017. Dikur mbuloja fytyrën me flokë, kurse Dan rruhej një herë në javë. Por, tani publikojmë fotografi me rroba banjo nga vende të ndryshme të botës”, ka shkruar Wendy.

Dallimi është drastik, kurse të gjithë po pajtohen që dyshja po duken shumë bukur. “Nga cila fontanë po pini ujë? A mos keni zbuluar ndonjë preparat për t’u rinuar?”, janë vetëm nga disa komentet e shumta në Instagram.

Dyshja madje janë bërë trajnerë të fitnesit në San Diego dhe çdo minutë bëjnë një jetë të shëndetshme.
Ata përveç se kanë arritur të transformojnë linjat e tyre trupore, çifti gjithashtu janë të shkolluar – Wendy ka masterin e përfunduar në Administratë Publike, derisa Dan ka diplomuar në fakultetin e kulturës fizike dhe ka licencë të nutricionistit.

Kliko foton dhe zbulo fatin tënd për 2018-n

Nuk është çudi që me anë të kësaj fotoja të mund të zbuloni se çfarë është planifikuar për ju këtë vit. Vështrojeni dhe thoni se çfarë iu panë sytë në fillim, më pas lexoni se çfarë thuhet për ju

Fytyrë

Nëse si fillim vërejtët një fytyrë, në jetën tuaj do të ndodhin ndryshime të mëdha. çlirohuni, sepse keni zgjedhur drejtimin e duhur për një jetë të lumtur.

Lule

Nëse së pari keni vërejtur lulen, shumë urime. Kjo do të thotë se në jetën tuaj do të paraqiten fitore të vogla (por edhe të mëdha). Ky mund të jetë suksesi në punë, rritja e pagës, shpërblim e ndoshta do të fitoni lotari.

Vajza lakuriq

Ajo në këtë test simbolizon lidhje të reja shoqërore. U presin njohje shumë të rëndësishme, prandaj nëse ju fton dikush që të takoheni, bëjeni këtë, sepse njohjet e reja do të jenë të rëndësishme për jua.

Insekt

Të parën keni vërejtur një insekt në këtë foto? Ai sjell fat. Problemet të cilat ishin barrë për ju, së shpejti do të zgjidhen. Ju pret fat në aspektin financiar, marrëveshje të mira, rezultate të mira të punës, thënë shkurt, sukses në karrierë.

Ahmeti për të dorëhequrit në VV: Po ikin ata që nuk kanë ide, por dëshira

Aktivisti i Vetëvendosjes, Valdrin Ahmeti, ka kritikuar anëtarët e partisë të cilët së fundi kanë dhënë dorëheqje, pasi përçarjet e brendshme kishin dalë në publik. Visar Ymeri, Dardan Sejdiu e Aida Dërguti kanë dhënë dorëheqje nga funksionet e tyre brenda partisë

Përmes Facebookut, Ahmeti, që përkrah Albin Kurtin, ka thënë që të larguarit nga VV kanë qëndruar në parti vetëm për shkak të pozitave. Sipas tij, ata që po largohen nuk kanë ide e as projekte politike, sepse siç thotë ai, “Po te kishin projekt te vetin do te dilnin si grup dhe do te krijonin partine e tyre e do te thonin kemi keto pika programore dhe kemi kete fryme organizative”.

Postimi i plotë i Ahmetit në Facebook:

Keta s’kane projekt, keta kane veq deshire. Projekti eshte i tjeterkujt, deshira per pushtet alla PLDK eshte e tyre.

Po te kishin projekt te vetin do te dilnin si grup dhe do te krijonin partine e tyre e do te thonin kemi keto pika programore dhe kemi kete fryme organizative.

Projekti eshte te demtohet Levizja, tash kur rruga e Levizjes drejt pushtetit po duket e pandalshme. E pikerisht per kete arsye largimet jane graduale qe te duket se jane shume dhe te duket se ngadale po ikin te gjithe. Sigurisht qe secili qe largohet, nuk e ben kete per t’i ndihmuar Levizjes, perkundrazi per ta demtuar Levizjen.

Por kur po ndodhe kjo?

Kur keta po mbesin pa pushtet ne e mbi Levizjen. Pra keta qenkan veq aty ku keta jane ne pushtet e pozita. Pa pozita nuk rrijne! E sigurisht qe te tille nuk i duhen as Levizjes e as popullit.

Bile po shihet qe populli i urren te ‘perhershmit’ e te ‘pazevendesueshmit’.

Kurse deputetja e Lëvizjes Vetëvendosje, Albulena Haxhiu ka komentuar dorëheqjet e fundit të disa anëtarëve nga funksionet e larta në këtë parti.

Gjatë muajve të fundit nga funksionet udhëheqëse kanë dhënë dorëheqje, Dardan Molliqaj, Aida Dërguti, Visar Ymeri dhe të enjten Dardan Sejdiu.

Deputetja Haxhiu në një postim në Facebook, ka shkruar se dorëheqjet do t’i marrë seriozisht vetëm atëherë kur këta anëtarë të dorëhequr nga funksionet në parti, të japin dorëheqje edhe nga posti i deputetit.

“Vetëm kur ndonjëri jep dorëheqje nga pozita e deputetit, betohem se do të filloj ta marr seriozisht! Më falni por këto letrat copy paste nuk mundem as t’i lexoj! Janë fallse dhe me porosi e tendencë”, ka shkruar Haxhiu.

Ndërsa sot ka dhënë dorëheqje nga pozitat drejtuese edhe deputetja Shqipe Pantina.

Presidenca vodhi logon e pavarësisë nga një kompani gjermane e fluturimeve (Foto)

Presidenti i Kosovës, Hashim Thaçi qysh në ditën e parë të këtij viti bëri publike logon zyrtare të 10-vjetorit të shtetësisë

Thaçi, përmes një postimi në llogarinë e tij në Facebook, tha se Kosova po bën 10 vjet përpjekje për të zënë vendin në mesin e shteteve të lira të botës, raporton Periskopi.

Por kjo logo është komentuar shumë rreth simbolikës së saj. Disave u dukej si diell, të tjerëve si shqiponje, ndërsa disa të tjerëve nuk u dukej fare që kishte ndonjë simbolikë të rrugëtimit që e solli shtetin deri tek ky jubile, i cili sivjet organizohet nën patronatin e Presidentit të Kosovës.

Tani dyshohet se logoja është kopjuar nga një kompani ajrore gjermane e quajtur “Schauinsland reisen”.

Logoja e kompanisë ajrore gjermane “Schauinsland reisen” është identike me atë të propozuar së fundmi nga zyra presidenciale e Kosovës.

Periskopi ka kuptuar se destinacionet ajrore të kësaj kompanie gjermane lidhen me kontinentin e Afrikës, shtetit të Turqisë, Evropës, Azisë, SHBA’së e vendeve Karaibe.

Nga Presidenca nuk kanë dashur të komentojnë për domethënien e kësaj logoje. Këshilltari i Thaçit, Adil Behramaj ka thënë se Këshilli Organizativ kanë përgjegjësi organizative dhe do të mundohen të qëndrojnë sa më larg komenteve politike./Periskopi/

Amy, seksi në të zeza (foto)

Ajo tha se ka qenë e tmerruar për shkak të fotografive nudo që janë publikuar, ku ajo është pa vetëbesim për trupin e saj

Por të premten Amy Childs tregoi format seksi trupore në Cape Verde, ku u pa duke shijuar qëndrimin në një pishinë, përcjell Bota sot.

Ish ylli 27 vjeçar i TOWIE kishte vendosur që të argëtohej dhe të mos mendonte për asgjë tjetër.

Ajo dukej shumë seksi në bikini njëpjesësh të zi, por që gjoksi shpërthyes merrte gjithë vëmendjen.

Pushimet e kushtueshme të Haradinajt, zemërojnë qytetarët

Media sociale në Kosovë po zien me zemërim pas raportimeve se kryeministri Haradinaj pushoi në një resort luksoz në Zvicër, ditë pasi dyfishoi rrogën

Nga Die Morina, BIRN

Kryeministri i Kosovës Ramush Haradinaj po kritikohet pasi u zbulua se pushoi në resortin e skive në St Moritz në Zvicër – vendi i preferuar i mbretërve dhe yjeve të filmave.

“Ky i ashtuquajtur kryeministër… ishte dje bari, dhe sot është në hotelin më të shtrenjtë në Zvicër. Kjo është arsyeja pse ai e rriti pagën e tij,” shkroi një qytetar i zemëruar në Facebook.

Sipas portalit investigues Insajderi, hoteli në të cilin Haradinaj qëndroi në pushimet e tij dimërore me gruan, fëmijët dhe nipin kushton mbi 80,000 franga zvicerane, ose rreth 68,000 euro.

“Votoni sërish njerëz dhe mos harroni Ramushin, që dyfishoi pagën për të paguar 80.000 franga zvicerane për pushime”, komentoi një tjetër.

Megjithatë, gjatë një vizite të enjten në qytetin perëndimor të Gjakovës, mediat cituan kryeministrin të thoshte se ai kishte paguar për pushimet zvicerane me paratë e veta dhe se kushtonte 7,000 euro në total, jo sa raportoi media.

Lajmi i pushimeve zvicerane ka shkaktuar zemërim, pasi erdhi brenda një kohe të shkurtër kur Haradinaj dyfishoi rrogën e tij dhe të zyrtarëve të tjerë të lartë, duke thënë se të ardhurat mujore të mëparshme prej 1,300 eurosh nuk ishin të mjaftueshme për të mbuluar as shpenzimet e tij për veshje. Paga mesatare në Kosovë është rreth 350 euro.

Pas njoftimit të rritjes së pagave, Haradinaj i tha televizionit publik të Kosovës: “Duhet të blej një kollarë, duhet të blej një këmishë… Duhet të mbaj një lloj përgjegjësie”, një deklaratë e cila u bë virale dhe qytetarët me tallje dhuruan kollare, këmisha, lapsa, çorapë dhe madje edhe qindarka për kryeministrin.

Më 26 dhjetor, një grup qytetarësh lidhën rreth 300 kollare me gardhin e ndërtesës qeveritare në Prishtinë si shenjë proteste.

Erdogan akuzon SHBA-në dhe Izraelin për ndërhyrje në Iran dhe Pakistan

Presidenti turk, Recep Tayyip Erdogan ka akuzuar Shtetet e Bashkuara të Amerikës dhe Izraelin për ndërhyrje në Iran, shtet në të cilin qe dy javë po organizohen protesta anti-qeveritare

Të paktën 21 persona deri tash kanë vdekur dhe qindra të tjerë janë arrestuar në protestat në Iran.

“Ne nuk mund të pranojmë që disa shtete- kryesisht SHBA-ja dhe Izraeli- të ndërhyjnë në punët e brendshme të Iranit dhe Pakistanit”, u ka thënë gazetarëve presidenti turk, përpara se të nisej në vizitën e tij zyrtare në Francë.

“Është e turpshme ajo që kemi parë në shumë shtete… Këtë gjë e kemi parë edhe në Irak”, ka thënë Erdogan.

Megjithatë, Erdogan nuk ka shpjeguar më tej natyrën e ndërhyrjes në Pakistan, por të enjten, SHBA ka njoftuar se do të ndërpresë ndihmën për afro një miliard dollarë për Pakistanin.

Lindsay: BE nuk do ta anëtarësojë Serbinë pa u zgjidhur marrëdhëniet me Kosovën

Është e qartë se Kosova bën aspektin kryesor të procesit të anëtarësimit të Serbisë në Bashkimin Europian dhe kjo çështje do të duhej të zgjidhej para se Serbia të bëhet anëtare e BE-së

Kështu mendon James Ker Lindsay, profesor në Shkollën Ekonomike të Londrës dhe ekspert për marrëdhëniet ballkanike, transmeton Koha.net.

Ai ka thënë se përvoja me shembujt e Qipros, Kroacisë e Sllovenisë ka treguar se problemet mund të krijohen kur vendet anëtarësohen në BE pa e zgjidhur ndonjë çështje të hapur dhe se në BE tash askush nuk dëshiron ta përsërisë këtë.

– Mendoj se sivjet do të ketë depërtim të thellë në normalizimin e marrëdhënieve sepse realiteti është i atillë sa që kjo çështje duhet të zgjidhet para se Serbia të bëhet anëtare e Bashkimit Europian”, ka theksuar ai.

“BE nuk do ta lejojë Serbinë të anëtarësohet dhe ta ‘importojë’ kontestin e madh”, citon “blic” të ketë thënë Lindsay. “Sepse, po u anëtarësua Serbia, ajo do të jetë pozitë që ta bllokojë Kosovën. BE dëshiron të sigurohet se kjo nuk do të ndodhë”, ka përfunduar ai

Kufizimi i importit të veturave ndikon në të hyrat buxhetore

Nga data 1 janar i këtij viti të gjitha veturat e kategorisë më të vjetra se 10 vite dhe ato që nuk kanë motor të standardit “Euro 4” nuk mund të zhdoganohen brenda territorit të Kosovës, pra fillohet me zbatimin praktik të Ligjit për Automjete

Sipas një njoftimi të Doganës së Kosovës, përcaktimi i vjetërsisë merret për bazë viti i parë i regjistrimit i cili duhet të jetë brenda periudhës 01 janar-31 dhjetor të vitit 2008.

“Me rastin e përcaktimit të vjetërsisë të merret për bazë viti i parë i regjistrimit i cili duhet të jetë brenda periudhës 01 janar-31 dhjetor të vitit 2008. Kjo nënkupton se të gjitha automjetet të cilat janë regjistruar për herë të parë në këtë periudhë të vitit 2008 dhe i plotësojnë kushtet për lirimin e gazrave sipas standardi të përcaktuar me “Euro 4” mund të importohen në Kosovë”, thuhej në njoftimin për media të Doganës.

Mirëpo, Dogana thotë se kjo ndalesë nuk zbatohet në importin e mjeteve motorike për transport të mallrave, automjeteve të importuara në procedurë Importit të Përkohshëm (IM5), automjeteve për shfrytëzim nga misionet diplomatike dhe automjetet me vlerë muzeore (Old Timer).

Zëdhënësi i Doganës së Kosovës, Adriatik Stavileci, për Telegrafi ka thënë se sa herë ka pasur aplikim të ndalesave për vetura të vjetra ka pasur rritje të importit të automjeteve.

“Gjithmonë kur ka pasur aplikim të ndalesave si ajo 8 vjeçare apo ajo 13 vjeçare ka pasur rritje të importit të automjeteve derisa në vitin në vijim gjithashtu ka pasur ndikim pasi kemi vërejtur një ulej të importit të veturave”, ka thënë ai.

Nga të dhënat e Doganës, me mesatarja e importit të veturave gjatë pesë viteve të fundit ishte rreth 24 mijë vetura brenda një viti derisa gjatë vitit 2017 ka pasur një rritje të importit prej 35 për qind apo me një total prej 38 mijë automjetesh.

Zëdhënësi i Ministrisë së Financave, Muharrem Shahini, ka thënë për Telegrafin se kufizimi i vjetërsisë së importit të veturave do të ketë reflektime edhe në të hyra buxhetore.

“Pritjet e Ministrisë së Financave janë se do të ketë numër më të vogël të importit të veturave këtë vit, sidomos kur merret për bazë numri shumë i madh i veturave të importuara tremujorin e fund vitit 2017. Dhe kjo pa dyshim se do të ketë edhe reflektim edhe në të hyra”, ka thënë Shahini.
Më 24 mars 2015, Qeveria e Kosovës largoi në tërësi kufizimet rreth vjetërsisë së veturave të importuara që mund të regjistrohen në Kosovë gjë që ka ndikuar në rritjen e importit të veturave të vjetra.

Sipas një analize të Institutit GAP, numri i veturave të importuara në vitin 2014 ishte 16,675, një vit më vonë u rrit në 17,988, ndërsa në fund të vitit 2016 në Kosovë u importuan 24,322 vetura.

Brenda dy viteve nga hyrja e vendimit në fuqi, Qeveria e Kosovës ka mbledhur rreth 21.8 milionë euro më shumë të hyra doganore nga veturat e përdorura, ndërsa rreth 3.2 milionë euro më shumë në vit nga veturat e reja.

Në vitin 2016, sipas statistikave të Agjencisë së Statistikave të Kosovës (ASK) në Kosovë janë të regjistruara 319,615 mjete motorike dhe jomotorike apo më pas se 10 për qind se në vitin paraprak. Më e vjetra ishte prodhim i vitit 1942. Në përgjithësi mesatarja e vjetërsisë se veturave që qarkullojnë në Kosovë është 18 vjet, apo 10 vjet më shumë sesa mesatarja e veturave që qarkullojnë brenda BE-së. /Telegrafi/

Ulja e vlerës së bursës universitare, studentët paralajmërojnë protesta

Përfaqësues të organizatës studentore “Reforma”, kanë kundërshtuar vendimin e Këshillit Drejtues të Universitetit të Prishtinës për uljen e vlerës së bursës që ndahet për studentët e dalluar nga 900 euro në 500 euro, duke paralajmëruar se në rast të mosrishikimit, do të organizojnë edhe protesta

Kryetari i organizatës “Reforma”, Shkumbin Bytyçi tha se këtë vendim e shohim tejet të dëmshëm për studentët por edhe për të ardhmen e universitetit.

“Ajo çka i bënë studentët e indinjuar me këtë vendim është fakti se bordi i UP-së gëzojnë benifite nga buxheti i universitetit, si për pagat, mëditjet, drekat, shpenzimet e derivateve, shërbimet telefonike, vizitat e shpeshta jashtë vendit e shumë shpenzime të cilat asnjëherë nuk u arsyetuan me zhvillimin akademik të universitetit”, tha ai.

Ndër të tjerash ai shtroi edhe kërkesën që kursimet e buxhetit të universitetit të fillojnë nga vet Këshilli Drejtues, e jo nga bursat e studentëve.

Ky është reagimi i parë nga kjo organizatë, por në rast se nuk e rishqyrtojnë këtë vendim, ata kanë paralajmëruar aktivitete tjera, si dhe protesta për ta kërkuar shkarkimin e anëtarëve të Këshillit Drejtues.