Lajm.co

Djali i dëshmorit braktis Kosovën: Babë, nuk më lejuan të shërbej as në ushtri, as në polici e as si pastrues shkolle

Petrit Dervishi është një djal i ri nga Kopiliqi i Skenderajt. Babai i tij, Dauti, ra dëshmor për lirin e këtij vendi. I mbetur pa njërin prind, Petriti iu pervish punës qysh i vogël, duke u marrë me shumë punë, por asnjëra nuk arriti të siguroi standard të qëndrueshme për familjen e tij

Nisur nga kjo, ai mori një vendim të vështirë. Të marr rrugën e gurbetit. Para se të nisej ai shkoi tek varri i babit të tij. Ato që i ka thënë tek varri i babait, Petriti i ka publikuar edhe në Facebook.

Në vazhdim e gjeni të plotë këtë mesazhin emocionues pa nderhyrje të Petrit Dervishit:

Lamtumirë vendi im i dashur,

Babë, më fal që po të le ty, po e le vendin ku ti linde, vendin ku linda unë, po e le Kosovën për të cilën ti sakrifikove jetën tënde.

Më fal babë që më nuk do të vi të vizitoj tek varri ashtu sic bëja cdo mëngjes, më nuk do të mund të të sjell lule të freskta …

Babë, në Kosovë po e le edhe birin tim të vetëm i cili tashmë ka filluar të ec dhe ka mësuar rrugën për tek varri yt… në vendin tim do të viziton ai dhe do të sjell lule ashtu sic të sjellja unë.

Më fal babë, unë nuk doja të ndodhte kështu, por nuk më mbeti zgjidhje tjetër sepse vendi për të cilin ti luftove sot nuk ka një vend pune për mua e për shumë e shumë të rinj të tjerë që tashmë kanë marrur rrugët e mërgimit.

Më fal babë …

Unë isha i gatshëm t’i shërbej vendit në ushtri po nuk më dhan mundësinë, desha t’i shërbej vendit në polici po prap nuk më dhan mundësinë, desha të hy në minierë qindra metra thellë që të mbajë familjen por, prap ishte e kotë.
Së fundi, provoba të punësohem edhe si korir shkolle por as aty nuk mu dha mundësia.

Më fal babë, po kjo nuk është Kosova për mua. . .

Sot Kosova është vendi më i mirë për të jetuar të korruptuarit, dallavergjinjët, mashtruesit, gënjeshtarët, por jo të rinjtë të cilët enden rrugëve të qyteteve të pa shpresë duke kërkuar së koti një vend pune për të pasur të paktën një jetë mesatare, një kulm mbi kokë dhe ca bukë për të ngrën.

Babë, kur më se shumti pata nevojë nuk më hapën derën e as ata në parti për të cilën isha aktivist i rinisë vite me radhë, më kthyen shpinën, më lanë të prisja koridoreve e në takime nuk më priten kurrë.

Më shumë se cdoherë tjetër sot më kujtohen fjalët tua kur më thoje “Gjithmonë mbani rrugën e drejtë edhepse ajo rrugë do të jetë më e vështirë, por në fund do jeni krenar.”

Babë, sot unë po marr rrugën e mërgimit të cilën ti nuk e deshe fare dhe gjithmonë tregoje se sa e vështirë është …

Më fal nënë që po të lë më lot në sy pas gjithë asaj sakrifikice që bëre për ne duke na u bërë babë edhe nanë.

Më fal që nuk do të jem afër teje as atëherë kur do të vizitosh varrin e babait…

Më fal nënë por, edhe ti e di që nuk më mbeti rrugë tjetër.

Kudo që të jemi ti babë, nënë, axhë(babai im i dytë), djali im, gruaja ime, vëllezër, motra, nipa dhe mbesa do të jeni gjithmonë në mendjen dhe zemrën time.

Zvicra e shqiptarëve i bën ballë Brazilit të madh

Një ndeshje fantastike është zhvilluar në Rostov Arena ndërmjet Brazilit dhe Zvicrës që ka përfunduar me rezultat të barabartë (1-1)

Skuadra helvetike që përfaqësohej nga katër shqiptarë, e nisi shumë më mirë ndeshjen, mirëpo me kalimin e minutave, Selecao e mori lojën nën kontroll. Rezultati u zhbllokua në minutën e 20-të përmes një goditjeje të pandalshme të Philippe Coutinhos nga jashtë zonës.

Deri në fund të pjesës së parë, brazilianët luajtën më mirë, mirëpo nuk ia dolën ta thyenin sërish mbrojtjen zvicerane. Pesë minuta brenda gjysmës së dytë, rezultati u barazua. Një harkim fantastik nga Xherdan Shaqiri e priti në zonë Steven Zuber për të shënuar me kokë (50′).

Minutat në vazhdim ishin mjaft dinamike dhe ekipet zhvillonin lojë të hapur duke rrezikuar herë njëra e herë skuadra tjetër. Natyrisht se brazilianët ishin shumë më të rrezikshëm, por nuk ia dolën të shënonin.

Pas xhiros së parë, Selecao dhe Helvetikët kanë nga një pikë dhe ndodhen prapa Serbisë që e kryeson Grupin E me tri pikë, pas fitores ndaj Kosta Rikës. Ndeshja e ardhshme e Zvicrës është kundër Serbisë, ndërsa Brazili luan ndaj Kosta Rikës.

Gazeta austriake: Semaforët nuk janë jeshilë për “Edin e kuq”

Një grup me gazetarë austriake kanë zbarkuar në Shqipëri këto ditë. Ata janë pritur në kryeministri nga Edi Rama, mes spekulimeve se Austria i ka kërkuar Shqipërisë që të presë refugjatët e refuzuar nga Evropa

Gazeta e njohur austriake, Kurier shkruan se kryeministri Edi Rama do të hapë një ekspozitë në Austri.
Sipas gazetës, 53-vjeçari Rama është një artist i njohur ndërkombëtarisht. Në shkrim thuhet se Rama vizaton gjatë kohës kur i duhet të punojë, pasi kjo i shërben për përqendrim.

Pas vlerësimeve për artin, vjen edhe momenti për konstatimet mbi qeverisjen e Edi Ramës. “Kundërshtarët, përfshi edhe ata brenda partisë, e akuzojnë për aleanca të dyshimta. Për shembull, e akuzojnë se fle në një krevat me oligarkët, në mënyrë që të ketë para për të blerë vota. Sigurisht, me stil e humor, Rama i fshin të tilla akuza nga tavolina e tij”, shkruan gazeta.

Sipas gazetës austriake, Shqipëria pret në fund të qershorit vendimin nëse do hapen negociatat. “Takimi i qershorit do të vendosë nëse do të hapen negociatat, por duket se semaforët për Shqipërinë janë të kuq. Por “Edi i kuq” dëshiron të vazhdojë të luftojë, veçanërisht pasi thotë se nuk ka asnjë alternativë ndaj BE-së. “Për ne, dielli lind në perëndim,” thotë Rama”.

Qyteti i m*tit

Nga Namir Lapardhaja

Sa herë që bie shi, lavdinë historike të Beratit e mbulon muti. Gjatë gjithë kohës ti mburresh e krenohesh me veten dhe të tjerët se jeton nën bardhësinë historike të një qyteti të gurtë, kur ndërkohë të gjithë këtë përfytyrim për veten dhe qytetin ta shpërbën në pak minuta era e mutit që shpërhapet tejpërtej lavdisë muzeale të qytetit.

Dhe nuk është as mut simbolik, as mut filozofik, as mut artistik, e të tjerë të ngjashëm të kësisojtë. Do të ishte hera e parë, që një mut i tillë së bashku do të ishte gjysma e së keqes.

Jo, është mut në kuptimin e parë të fjalës, atë literal, atë që e përkufizon fjalori si “pjesa e padobishme e ushqimit, që njeriu e nxjerr jashtë nëpërmjet zorrës së trashë, nevoja e madhe, jashtëshqitjet, të pëgërat…” Me fjalë të tjera, është një mut prej vërteti.

Është një panoramë surreale që ndodh vetëm në ëndrra të llahtarshme, kur ti në vend që të shpresosh të ngrihesh në një gropë me mut, ngrihesh i gjithë i bërë qullë në djersë dhe fillon t’i marrësh era vetvetes, por, fatmirësisht, e vetmja erë që ndjen është ajo e djersës.

Por ndërkohë që t’i shpreson të të dalë gjumi dhe ëndrra të marrë trajtën e zhgjëndrës, mutësia që të ka përfshirë nuk zhbëhet për qamet.

Je i gjithë i rrethuar në mut. Mos guxo as të lahesh, as të lyhesh, as të na çash trapin me filozofi dhe parime të mëdha për demokracinë, qytetarinë, letërsinë, politikën, të mirën, të keqen, fenë, artin, kulturën etj., etj., sepse ti je thjesht një qenie që jeton i rrethuar nga avujt e mutit, të cilët dalin në sipërfaqe jo vetëm kur bie shi, por atëherë era bëhet më kundërmuese dhe ngjyra e ujit të rreshjeve të shiut seç merr një të zezë të mynxyrshme.

Dhe teksa hedh këto rreshta në kompjuter, fillon i merr erë edhe gishtërinjve ngase seç ndjen një aromë kundërmuese, e cila me siguri do të shpërhapet edhe në muret e tjerë të facebook-ëve të atyre që i lexojnë.

P:S

Ky tekst është shkruar vetëm për ata që jetojnë në Berat. Të tjerët të na falin për erën e mutit.

Qeveria paguan rreth një milionë euro dënime për kreditë e pashfrytëzuara

Qeveria e Republikës së Kosovës ka paguar 890 mijë euro, si formë ndëshkimi, për shkak të mostërheqjes së mjeteve financiare nga institucionet financiare ndërkombëtare

Qeveria e Kosovës kishte nënshkruar marrëveshje për kredi me institucionet financiare ndërkombëtare në vlerë rreth 300 milionë euro, për financim të 10 projekteve kapitale, por mjetet e zotuara nuk janë tërhequr për shkak se projektet nuk kanë qenë të gatshme për financim, thonë zyrtarë të Zyrës Kombëtare të Auditimit.

Në një raport të publikuar nga kjo zyre, thuhet se si rezultat i kësaj, për mjetet e zotuara dhe të pashfrytëzuara, Qeveria obligohet të paguaj pagesa shtesë (tarifa zotimi).

Qerkin Morina, ndihmës i auditorit të përgjithshëm, tregon për Radion Evropa e Lirë se si pasojë e mospërputhjes së dinamikës kohore në mes të alokimit të kredive dhe realizimit të projekteve, vetëm për vitin 2017 vlera e paguar e tarifave të zotimit për mjetet e kredive të patërhequra nga huamarrësit arrin vlerën prej 890 mijë euro.

“Sipas rezultateve të auditimit, Qeveria e Kosovës nuk ka qenë e gatshme që të tërheq borxhet e jashtme, në shumën prej 295 milionë euro. Dhe për çdo vonesë në tërheqjen e këtyre kredive, Qeveria paguan një tarifë zotimi, e cila për vitin 2017 arrin në 890 mijë euro. Do të thotë, edhe pse fondet kanë qenë në dispozicion, nga 295 milionë euro, vetëm pesë milion euro janë tërhequr, kurse më shumë se 97 për qind e fondeve janë të pashfrytëzuara”, tha Morina.

Pagesën e shumës prej 890 mijë euro e kanë konfirmuar edhe zyrtarë të Ministrisë së Financave. Në një përgjigjeje përmes postës elektronike, thuhet se “shuma 890,000 euro përfshinë shumat që janë paguar në emër të tarifës së zotimit për projektet që janë në realizim e sipër. Do të thotë se tarifa e zotimit shoqëron kreditë edhe kur ato implementohen sipas planit të disbursimit, deri në momentin kur disbursohet shuma e fundit e asaj kredie”, thuhet në përgjigjjen e Ministrisë së Financave për Radion Evropa e Lirë.

Ndryshe, sipas raportit të Zyrës Kombëtare të Auditimit, qeveria ka hyrë në borxhe kryesisht për financimin e projekteve rrugore, energjetike, rehabilitimin e linjave hekurudhore dhe përmirësim të sistemit të arsimit dhe shëndetësisë, projekte këto që kanë dështuar së realizuari.

Vonesat e tilla, thotë Morina, janë rezultat i një studimi të dobët të fizibilitetit të projekteve, si dhe mangësitë në krijimin e parakushteve të nevojshme për eliminimin e të gjitha pengesave infrastrukturore dhe ligjore në realizimin e këtyre projekteve, për çka Qeveria duhet të ketë një mbikëqyrje të shtuar.

Ndryshe, vlera e përgjithshme e borxhit të Kosovës këtë vit ka arritur në mbi një miliard euro, që është për 9.1 për qind më i lartë krahasuar me periudhën e njëjtë të vitit ët kaluar.

Sipas raportit të Zyrës Kombëtare të Auditimit, borxhi ndërkombëtar dhe i brendshëm i Kosovës ka një trend të rritje. Në vitin 2009, borxhi i përgjithshëm ishte 6.12 për qind e Bruto Produktit Vendor, ndërsa në vitin 2017 ka arritur mbi 16 për qind.

Edhe ekspertë për çështje ekonomike konsiderojnë se Qeveria e Kosovës duhet të bëjë analiza dhe planifikime të hollësishme para se të fillojë procesi i marrjes se borxheve qoftë ndërkombëtar apo të brendshme.

Berat Rukiqi, nga Oda Ekonomike e Kosovës, thotë për Radion Evropa e Lirë, se në tri vitet e fundit hyrja në borxhe nuk i ka plotësuar kriteret e kërkuara. Fondet e huamarrjes, thotë ai duhet të shfrytëzohen me kohë dhe në mënyrë efikase që të gjenerojnë në zhvillimin e përgjithshëm ekonomik.

“Borxhi nuk ka kuptim nëse nuk investohet në projekte të cilat kanë një kthim ekonomik, ndikojnë në zhvillimin e përgjithshëm ekonomik dhe nuk rrezikojnë stabilitetin financiar”, thotë Rukiqi.

Edhe Burim Ramosaj, profesor në Universitetin e Prishtinës, thekson se agjencitë buxhetore fillimisht duhet të identifikojnë projektet dhe më pas të hyjnë në borxhe.

“Fillimi i procesit të realizimit të një projekti nis me pjesën ideore, se a është i arsyeshëm projekti në aspektin e realizimit, por edhe nga mundësia e financimit të projektit. Të shikohet edhe sasia e mjeteve monetare likudie që i ka në dispozicion qeveria, por pa dyshim edhe struktura e tyre. Sepse ka raste kur struktura e mjeteve nuk garanton financimin e projekteve të caktuara”, thotë Ramosaj.

Qeveria e Kosovës në Ligjin e Buxhetit në vazhdimësi sipas viteve planifikon projektet që ka për qëllim t’i realizojë përmes financimit nga huamarrja e jashtme.

“Auditori ka ardhur në pëfundim se analizat e projekteve që planifikohen të financohen përmes huamarrjes nuk janë të mjaftueshme. Një numër i projekteve kapitale për të cilat Qeveria ka hyrë në marrëveshje ndërkombëtare kredie, nuk janë realizuar fare”.

“Si rezultat, kanë filluar të paguhen shpenzime të tarifave tjera apo tarifa të zotimeve për mjete të pashfrytëzuara” ,thuhet në raport, ndërkaq programet qeveritare ende janë në nivelin të ulët realizimit.

Kampioni e nis me humbje botërorin, Gjermania mposhtet nga Meksika

Kombëtarja e Gjermanisë është mposhtur nga Meksika me rezultat minimal 1-0 në ndeshjen e parë në Kupën e Botës “Rusia 2018”

Pjesa e parë e ndeshjes ishte shumë aktive nga të dyja skuadrat, por me Meksikën për një nuancë më e mirë duke krijuar më shumë raste. Përkundër rasteve të shumta të krijuara vetëm një përfundoi në gol në minutën e 35-të të ndeshjes duke befasuar Gjermaninë.

Ishte sulmuesi i talentuar, Hirving Lozano, i cili shënoi një supergol për 0-1 pasi më parë u shërbye nga Chicharito dhe me epërsi qoi ekipin e tij në pushim.

Në pjesën e dytë, Gjermani e mori lojën në dorë duke menaxhuar lojën dhe duke krijuar më shumë raste për gol. Skuadra e Joachim Low provoi me Joshua Kimmich, Thomas Muller dhe Timo Werner, por pa pasur fat të gjejnë rrugën e rrjetës.

Kështu, pas 90 minutave lojë Meksika befason Gjermaninë duke e mposhtur me rezultat minimal 1-0 në ndeshjen e vlefshme për Grupin F. Tani kë këtë grup, Meksika ka primatin me tri pikë, ndërsa nesër (e diel) zhvillohet ndeshja tjetër në mes të Suedisë dhe Koresë së Jugut.

Në ditën e vdekjes së babait, Ibrahim Kelmendi e sulmon keq Haradinajn

Ish- anëtari i Lëvizjes Popullore të Kosovës dhe i akuzuar për shumë vrasje në Kosovë nga dëshmitari Shkumbin Mehmetaj, Ibrahim Kelmendi, përmes një postimi në “Facebook”, ka kujtuar takimin me babain e kryeministrit Ramush Haradinaj, Hilmi Haradinaj, i cili ka ndërruar jetë sot

Por, edhe në këtë ditë të mërzisë së madhe për familjen Haradinaj, Kelmendi nuk ka hezituar që ta sulmojë Ramush Haradinajn. Ai kryeministrin aktual e ka quajtur harambash e plëngprishës.

Ky është postimi i plotë nga ish anëtari i LPK-së, Ibrahim Kelmendi:

NDJESË, BACA HILMI!

Baca Hilmi, krejt rastësisht, kur të patëm vizituar unë dhe Vëllai im, Qerimi, u bëmë shkaktarë për një mërzitje Tënde aksidentale. Duke qenë në Odën Tënde, kënaqësinë na e pat prish telefonata rastësore e harambashit Ramush. Kur Ti e njoftove se na kishe mysafirë neve, ai satrap nuk pat ngurruar të të urdhëron, që të mos hapësh në bisedë, duke të gënjyer krejt panevojshëm: “Ibrahimi është spiun i gjermanëve”. Sapo mbylle telefonin ofshane, duke rrëfyer sinqerisht për urdhrin që të pat dhënë plëngprishësi Ramush.
Fatmirësisht nuk hezitove të kritikoje për thash-e-thënat përçarëse mes nesh…

– Të kërkoj ndjesë për atë mërzi !

– Ngushëllime atyre që janë pikëlluar!

– I përjetshëm respekti që ke merituar, Baca Hilmi!

Plani sekret i Putinit dhe Erdoganit për Serbinë

Serbia duhet të jetë fuqia më e madhe në Ballkan. Ky është plani sekret i Putinit dhe Erdoganit, i cili përfshin rolin kyç të Serbisë në Ballkan, duke ngritur ushtrinë, dhe ekonominë e Serbisë

Presidentët e Rusisë dhe Turqisë Vladimir Putin dhe Rexhep Tajip Erdogan, në mënyrë të vendosur qëndrojnë prapa një plani të tillë, i cili, në bazë të asaj që ata kanë krijuar, mund të ndryshojë tërësisht hartën gjeostrategjike, politike dhe ekonomike të Ballkanit.

Sipas mediave serbe nga qarqet mirë-informuara diplomatike takimet e presidentit Vuçiq në Ankara dhe Moskë, tregojnë se ky plan tani është në veprim. Rusia dhe Turqia duke parë që Kroacia dhe Shqipëria janë rreshtuar përkrah Perëndimit, ata kanë gjetur Serbinë si vendin kyq kundër Perëndimit

Putin dhe Erdogan kanë elaboruar në detaje tre pikat e skenarit të fuqizimit serb. Sa i përket aspektit ushtarak, Rusia do të luajë një rol kyç, e cila do të vazhdojë të furnizojë me armë të fuqishme, sistemet e raketore, autoblinda dhe helikopterë për Ushtrinë e Serbisë.

Në aspektin kkonomik, Moska dhe Ankaraja do të angazhohemi në një tubacion shumë të rëndësishme të projektit “Turkish Stream”, e cila do të bën Serbinë një fuqi rajonale të energjisë, ndërsa Turqia intensivisht do të investojë në Serbi, shkruan Fmimages.net.

Dhe në fund, dy presidentët do qëndrojnë politikisht pas Serbisë, duke insistuar në mënyrë të vendosur se asnjë vendim më i rëndësishëm në rajon nuk mund të bëhet pa Serbinë. Për Rusinë dhe Turqinë, Serbia u ka dëshmuar atyre aleatin më të besueshëm në Ballkan

Marrëveshja Maqedoni-Greqi, një faqe e re bashkëpunimi në Ballkan

Marrëveshja e arritur mes Maqedonisë dhe Greqinë, për ndryshimin e emrit në “Republika e Maqedonisë së Veriut”, paraqet një bazament shumë të shëndoshë për t’i dhënë fund kontestit dy dekadësh, mes dy vendeve fqinje, thonë njohësit e marrëdhënieve ndërkombëtare duke shtuar se kjo marrëveshje përpos që hap perspektiva për të ardhmen e shtetit me rëndësi të veçantë është se nuk preket identiteti i maqedonasve

Lëshimi që ka bërë pala maqedonase rreth kërkesës greke për të ndryshuar Kushtetutën e shtetit, ekspertët e shohin si zgjidhje më optimale që mund të arrihej, sepse ky lëshim i mundëson Maqedonisë të integrohet në NATO dhe BE.

Ministri i parë i Punëve të Jashtme i Maqedonisë, Denko Malevski, pas pavarësimit të shtetit, në një intervistë për Radion Evropa e Lirë, thotë se pasi ka shqyrtuar me kujdes marrëveshjen në fjalë, konstaton se çështja e identitetit të maqedonasve mbetet e garantuar.

Malevski thotë se si diplomat ka mësuar një çështje të rëndësishme, atë se shteti duhet shfrytëzuar valët e interesit duke notuar me sukses në to.

“Duhet të shfrytëzohet me shumë mençuri vëmendja ndërkombëtare e cila është e përqendruar drejt Maqedonisë dhe përfundimisht si shtet të bëhemi pjesë e institucioneve ndërkombëtare, pjesë familjes evropiane, botës moderne”.

“Mendoj se me këtë marrëveshje përpos që i hapet rrugë integrimit të vendit në strukturat euroatlantike hapet dhe një faqe e re e miqësisë dhe bashkëpunimit këtu në Ballkan, që është me një rëndësi të veçantë për perspektivën e të gjitha vendeve të rajonit”, thotë Denko Malevski.

Malevski, duke komentuar qëndrimin e Presidentit të Maqedonisë, Gjorgje Ivanov që të mos e ratifikojë marrëveshjen, thotë se këtë vendim të tij e kupton “ si refuzim që të anulohet një politikë e gabuar e qeverisë së kaluar e drejtuar nga VMRO DPMNE nga ku vjen dhe vetë presidenti, politikë kjo e cila është promovuar dekadën e fundit mes dy vendeve fqinje dhe jo si vendim në funksion të mbrojtjes së interesave shtetërore”.

Ekspertët shqiptarë thonë se me rëndësi të veçantë për shqiptarët është se me këtë marrëveshje përpos që vendit i hapen më shumë perspektiva në planin e integrimeve, me riemërtimin e shtetit si “Maqedonia e Veriut” bëhet një ndarje e qartë e shtetit nga kombësia maqedonase.

Arsim Sinani nga Qendra për Marrëdhënie Ndërkombëtare dhe Studime Ballkanike, për Radion Evropa e Lirë thotë se kërkesa e kahmotshme e shqiptarëve për riemërtimin e institucioneve ose heqjen e prefiksit maqedonas duke definuar ekskluzivitetin e përkatësisë vetëm për maqedonasit, tani bëhet realitet jo si rrjedhojë e vullnetit të autoriteteve maqedonase, por si rrjedhojë e insistimit të palës greke që ata të riemërtohen siç theksohet qartë në marrëveshje.

“Mendoj se më tepër është insistimi i palës greke që ”erga omnes” të vlejë për të gjitha çështjet përfshi këtu dhe riemërimin e institucioneve të shtetit dhe atyre publike.

Mendoj se faktori politik shqiptarë është në përbërjen e sipërme në mesin e tyre nuk mendoj se ka njerëz të mençur që kanë vizion për të realizuar kërkesat e shqiptarëve” thotë Sinani.

Ndryshe, Qeveria e Maqedonisë në ueb faqen e saj zyrtare të enjten në mbrëmje e ka publikuar marrëveshjen e përbërë prej preambulës, 3 pjesë dhe dispozita ekzekutive, me gjithsej 20 nene, e bart titullin “Marrëveshja Përfundimtare për Zgjidhjen e Dallimeve të Përshkruara në Rezolutën 817 (1993) dhe 845 (1993) në Këshillin për Siguri të Kombeve të Bashkuara, për Ndalimin e Vlefshmërisë së Marrëveshjes së Përkohshme nga Viti 1995 si dhe Vendosjen e Partneritetit Strategjik mes Palëve”.

Pas arritjes së marrëveshjes Maqedoni-Greqi, gjatë javës që po e lëmë pas autoritetet e qeverisë së Maqedonisë kanë theksuar se shpresojnë që në fund të qershorit Maqedonia të marrë rekomandim pozitiv nga Brukseli për fillimin e bisedimeve për anëtarësim e vendit në BE.

Podgorica, nga një qytezë me plisa në një kryeqytet me 1 për qind shqiptarë

Çka dimë më shumë për Podgoricën përveç faktit që është kryeqyteti i shtetit fqinj? Të vjetrit e dinë se në kohë të Jugosllavisë, kryeqyteti i sotëm i Malit të Zi quhej ‘Qyteti i Titos’ (serbokroatisht Titograd), emërtim që e mbajti deri në vitin 1992

Për specialistët e historisë së vjetër hapësira e Podgoricës ishte trualli i qyteteve ilire Birziminium dhe Doklea (prej nga mori emrin edhe fisi i dokleatëve). Në motet më të reja, Podgorica në vitin 1864 ishte një kaza e Vilajetit të Shkodrës, kurse me vendim të Kongresit të Berlinit në kundërshtim me vullnetin e banorëve të qytezës u bë pjesë e Mbretërisë së Malit të Zi. Për një udhëtar që vinte nga Cetinja, Podgorica ishte qyteti i parë që zbardhonte me veshjet tipike shqiptare.

“Nga Cetina ne shkuam në Podgoricë ku për herë të parë pashë shqiptarët. Podgorica buiste prej tyre, të gjithë në petkat e tyre kombëtare, meqenëse Mali i Zi ende nuk kishte filluar shtypjen e kësaj”, shkruan udhëtarja e pasionuar britanike Mary Edith Durham. Lidhja Shqiptare e Prizrenit në memorandumet që i telegrafonte Fuqive të Mëdha përmendte shpesh edhe padrejtësinë e cedimit të Podgoricës.

Në vitin 1880, banorët e kësaj qyteze përmes një memorandumi zëronin kundërshtimin e tyre për të pranuar zgjedhën e Cetinës. Është befasuese se malazezët në këtë kohë mund të numëroheshin me gishta. “Banorët e Ulqinit kundërshtuan rreptë cedimin, siç bënë edhe ata të Podgoricës, e cila në vitin 1880 kishte vetëm tridhjetë banorë malazezë”, tregon Miranda Vickers, një njohëse e denjë e historisë shqiptare të shekullit të nëntëmbëdhjetë. 137 vite më vonë, raporti demografik në Podgoricë ka ndryshuar kryekreje.

Në qytetin që dikur zbardhonte prej larg nga plisat e shqiptarëve, shqipja sot është thuajse pranë shuarjes së plotë. Sipas shënimeve të regjistrimit të vitit 2011, nga 150 mijë 977 banorë sa jetojnë brenda në qytet (pa numëruar komunat periferike të Tuzit dhe Golubovcit), vetëm 1404 janë deklaruar shqiptarë ose rreth 1 % e popullatës së përgjithshme